Tòm rài kis, gơs ală bơta pal cang ò rgơi lơh be ò git – be la bơta tơrhir. Tu tơhir sa jan he gơ chôl bơtrut ngan pal joi dà nàng nô. Gơ kr ơi ngan, rài kis đah pơnah hw ềnh soan he kung be hơ. Jr ô tòm dơ lắm- k ồ nă gơs đòi bơta tơhir- bol he ji gloh tơrhir dà bơta kis ngan, ring niam mơ tuh sum ò gu lơi soat.

Ngai do, ngai 12/06/2025, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl ồng Bill Gaultiere bơh tơnggume: ỒNG MÒ OH MI TƠHIR BE LƠI TIAH?

Sră Goh: Dilah cau lơi tơhìr, tus tĕ hơ Añ mơ hùc. Cau lơi dòn Añ, gen ‘ală hiòng dà bơta kis rơp hòr lìu bơh tòm nùs khai dê,’ be Sră Goh neh đơs.” (Jang 7: 37)

Ồng mò oh mi neh tơhir dà tus dê tu bơr ro ran, dà dieu ro ngan be bông gòn sơl? Tu gam dềt, kòp tu kơnhơl choh plai bơdih duh tơr al, an sùm gơlơh be hơ, ò gơs cau lơi cèng dà dê gah be tu do. Bơr ro ran gen gơlơh gơ jran ngan mơya ò cau lơi sền bơta hơ la dờng màng. Ală cau bơtê tu hơ sùm đơs lah: “Ò gơlơh nchi lơi ò, he kong dô êt la os mòng!”

Mơya bơta tơhir tian gơs he bòl glar, jơng tê mprơm, lơnggah, mìng kòn gơ cùn pừ gen be lơi tiah?

An neh lòt gan bơta hơ neh bar dơ rau, tu lòt guh mơ n ơm mơ kòn klau an jê. Dơ sơn ròp tu kòn 16b sơ nam, bol he lòt kơnhơl oă ngai. Ngai hơ, mpồl pal lòt jơng rlau mơ 20km, lòt gan rlau rbô met jòng jơnhoa, gen lơh sal hơ đang jơng dô nơm mơ nơm dờng.

Mìng dô êt thước tai gen bol he ropw tus dê mơ nơm, mơ an kòn ngan rơp tus tơnggu mơ nơm dê. Bulah neh mơr mho rau, moya ò gơs cau lơi lòt bal, an lơh nền lòt dô nă. An tuh bềng dà tòm kơl dung, mhar ơn ban mơ sơn tòm guh, an kơ lôi rơp rê lài mơ tu măng.

Mơya ală bơta ò be an neh kơ lôi. Gùng lòt kal ke rlau, trồ mharjơ ngo, mơ an lòt tis nrah tai. Hơđang mơ nơm moat ngan, mìng gơs dô nơm đèng dềt , mơ an jơh pràn mơ sơ wơng bồ tài bơh siơu ôxy. An ro jơh ngko, mơ jơng ò gam dô êt pràn tai. Tu an rê wơl tòm sal la tu 8h mang rau, lài mơ tu ală cau rdap lòt jòi – broă sơn tòm la nô jơh dà.

Gen tàng kmơ lôi sơ nơng te: dilah bol he kung ji gloh tơhir Yàng be hơ gen be lơi tiah? Bơtau Dabit neh hòi dan tòm Đơs Crih 63:1:

‘Ơ Yàng Tom Trồ, Kơnràñ la Yàng Tom Trồ añ jê, añ jòi jat Yàng, Hwềng soàn añ tơhìr bơh Kơnràñ; poac să añ kơp kòñ Kơnràñ, Be ơm tòm ù tiah rañ rsơh, bòl glar, mơ ò gơs dà. ‘

Tus rài do, jơnau hòi dan hơ gam bư tus nus he de. Tài bơh dà lơgar do kung gơlơh be ù tiah rañ rsơh, siơu bơta kis ngan. Dơ dơ an tơng kah nus nhơm he gan dê jơnau hòi dan hơ, lah să tòm an pal càng ngan gơs Yàng. Tian gơs an cih wơl Đơs Crih 63 gơlik gơs jơnau hòi dan is he dê, mơ sơđan lah: “Jigloh tơhir Yàng Jesu Christ”

Mơ kung ban gơ hui jơnau hòi jà ring niam mơ Yàng Jesu ài pà jơh ală cau lơi tơhir: Dilah cau lơi tơhìr, tus tĕ hơ Añ mơ hùc. Cau lơi dòn Añ, gen ‘ală hiòng dà bơta kis rơp hòr lìu bơh tòm nùs khai dê,’ be Sră Goh neh đơs. ‘Kơnràñ đơs bơta hơ̆ la sơnio bơh Yàng Hwềng mơ ală cau dòn Kơnràñ rơp dòp geh; bơh Yàng Hwềng òhềt mù, tài bơh Yàng Jesu òhềt geh gơklŏ. ‘(Jang 7: 37-39)

Ring niam ò git nđò! Tu pò nus dòp rò Yàng Jesu, bol he ò dê mìng nô dô êt dà lơm – mơya Yàng hwềng Goh lơh nus nhơm he tuh bơta kis sum sum, tơnggkah tơngkan mơ ò tu lơi soat!

Dan jà bol he dô nùs bal tòm bơta hòi dan:
Kòn ưn ngài Yàng tài bơh Yàng git loh bơta ji gloh tơhir jrô tòm nus kòn. Kòn git lah ò gơs bơta lơi tòm dunnia do rgơi lơh hưh hơh hwềng soan kòn bdìh bơta tơlik mat Yàng dê. Dan Yàng Hwềng Goh tuh dà kis hơđang rài kis kòn, lơh pa wơl ală bă tiah ran rsơh, ro ran. Dan bơto kòn git ji gloh tơhir Yàng rlau mơ ală bơta, tài bơh Yàng la bơta kis, bơta pràn đah hwềng gơnap gơ noar yò đo kòn cơn đòa kòp ngai. Kòn ai sơnđan Yàng Jesu Krist, hòi dan mơ Yàng Bèp. Amen.

Ơ ală ồng mò oh mi kòñ gơboh,digùl dunnia ro ran mơ bol glar do, yàng gam hòi jà bol he: “Dilah cau lơi tơhìr, tus tĕ hơ Añ mơ hùc.” yàng ò dê mìng lơh jơh bơta tơhir jơ do , mơ tuh dà bơta kis bêngf liu lơh suh hwềng soan ro ran bol he dê. Pò te nus nàng cat dà kis Yàng dê lơh hưh hơh hwềng soan ồng mò oh mi dê, tề ồng mò oh mi cơnđòa mut tòm dô rài kis pa- ring niam, tơngkah tơngkan lmơ bêngf liu Yàng Hwêng Goh

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.