Tòm rài kis, gơs oă dơ̆ bŏl he sơwì is: Ñchi bơh tài ală cau kis iơh bơsak gen gơlơh gơs rài kis gơlik cồng nha mơ ntào tơngguh rlau mơ he, la ală cau dòn mơ koñ gơboh Yang? Gơs tŭ lơi gơlơh he kis dô rài kis sŏng rĭng là bơta ò gơs kwơ sơl? Dilah he găm gơs tòm hwing nùs ală bơta kơlôi sơnơng hơ̆, gen he ò di ơm is dô nă. Lài or, ồng Asap kŭng neh lùp Yang bơh bơta do. Mơya bơh bơta jòi jat sŏng ngăn, ồng geh Yang ràng tơlik Jơnau sŏng mơ jòi bàn jơnau ho wơl tòm tọh dipăl hwing soan he.

Ngai do, ngai 17/06/2025 bơta Hòi Dăn Kòp Ngai dăn jà ală ồng mò oh mi bơtê bal Jơnau Yàng dê kơnờm dê bơta dong kòl Mark Burnett dê bơh Tơnggume: ÑCHI BƠH TÀI CAU IƠH BƠSAK GEH TƠNGUH WƠL?

Sră Goh: “Jơl tus di tŭ añ mut tòm tiah sàng goh Yàng Tom Trồ dê; Gen sồng añ git wă bơh bơta lồi dut bol khai dê.” (Đơs Crih 73:17)

“ Hơ̆ la bơta lơh lòt ală cau iơh bơsak dê; Bol khai ơm lơngai sùm, phan mơna bol khai dê gơbơtơl oă. Añ neh kơrmap gàr nùs añ sàng goh, Mơ tê añ ò lơh tìs, mơya ală bơta hơ̆ la ò kwơ añ in.” (Đơs Crih 73:12-13)

Dô nơm tom ală sèng lùp dờng oă cau jat Yang òs kơlôi sơnơng la: Ñchi bơh tai cau niăm gơs dơ̆ kŏng bŏl glăr wơl, tom tŭ cau iơh bơsak geh ntào tơngguh wơl? Do ò di la dô nơm sèng lùp pa. Ală sèng Sră Goh ngai do geh tơlik Sră Đơs Crih bơh dô nă cau sơnđăn la A sap cih. Ồng la dô nă cau tom ală cau chài rgơi cih chò Dabit di mơ ồng neh cih sră Đơs Crih do tơnơ̆ neh tòmpơt mơ sèng lùp hơ̆!
Tŭ sền ală sèng hơđap hơ̆ tòm Đơs Crih do, bŏl he gŏ A sáp đơs lah ồng gơlơh tòm ƀoah gơjrañ băl băl mơ bơta bơtào tơngguh ală cau ồng họi sơnđăn la “cau iơh bơsak” tŭ sền gŏ ală bơta ò sŏng rĭng lọh lang behơ̆, ồng gơlik gơs gơplơ̆ nùs tòm broă kis dô rài kis sŏng rĭng :

“[3] Tài bơh tòm tŭ añ gŏ cau iơh bơsak geh pas gơs, Gen añ ƀoah di cau pơnhừ să. [4] Bơh bol khai ò gơs bơta jê; Să jan bol khai dê pràn kơldang mơ niam, [5] Bol khai ò kong bòl glar be cau ndai, Bol khai kung ò tìp rung rài be cau ndai sơl. [6] Tài bơh hơ̆ bơta pơnhừ să lơh gơs be ñòng wan di ngko bol khai; Bơta rhung rhang lơh gơs be ồi ào soh bol khai dê.” (Đơs Crih 73:3-6)

Ồng crap wơlla ală cau pơnhừ să gơwèt mơ Yang Tom Trồ la ală cau gơs “ bềng lìu bơta kơlôi sơnơng blac pơrlồm.” (s7). Ò di mìng behơ̆ lơm ò,bŏl he geh bơta rĭng lơngai ngăn, phăn mơna gen kư̆ bơtơl (sèng 12). Gen behơ̆, ồng neh kơlôi sơnơng lah: Ò kwơ ngăn tŭ kis dô rài kis sŏng rĭng.

Gen A sáp neh lơh broă lơi tồ lơh wơl pa hwing nùs he taih? Ồng neh ruc wơl mơ sền tom rùp dờng rlau. Ồng neh tus hiu duh khoai, la tiah sàng gọh Yang Tom Trồ dê. Ồng A sáp cih lah: “Jơl tus di tŭ añ mut tòm tiah sàng goh Yàng Tom Trồ dê; Gen sồng añ git wă bơh bơta lồi dut bol khai dê.” (Đơs Crih 73:17)

Tom tiah hơ̆, ồng neh tơngkah dô jơnau sŏng gen gơs tŭ jơi kọn mơnùs bŏl he òs sum hŭi, hơ̆ lah: Yang Tom Trồ sum ơm băl mơ bŏl he. Kơnrẵn tề lăm mơ ai pà gơnoăr pràn bŏl he ĭn. Tŭ rài kis bŏl he pơndut, Yang Tom Trồ cèng bŏl he mut ơm băl mơ Kơnrẵn. Kơnòm bơh bơta tòmgơl bơta wet sền mat he di, A sap rơp đơs mơ Yang: “Hơđang trồ, añ gơs ñcau rlau mơ Kơnràñ taih? Ai tòm ù añ ò kòñ bơta lơi ndai rlau mơ Kơnràñ.” (Đơs Crih 73:25)

Pơnđơl pràn kis niăm nùs koñ Yang Tom Trồ ò tŭ lơi la ò kwơ ò. Dilah bŏl he gŏ cau iơh gơlơh be bơtào tơngguh, gen kah tĕ lah mat sền gŏ bŏl he găm ò wil tơl. Kŭng be A sap, bŏl he càng ơn he dô bă tiah rơp dŏng bŏl he gơs mat sền di păl. Tài bơh mìng di tiah hơ̆, bơta ƀoah gơjrañ gơlik gơs hòn chò mơ bŏl he rơp sơmbat nền cê bơta pha rlau gơri hơ he tŭ đal git he la dô nă cau gơri hơ Kơnrẵn.

Dan jà bol he dô nùs bal tòm bơta hòi dan:
Khoai Yang, gơs ală tŭ tom rài kis, kon gơlơh he kòl cau dơñŏ tơnhial tài bơh sac rwah kis dô rài kis sŏng rĭng mơ dòn bơr Kơnrẵn. Mơya ưnngai Yang, bơh Jơnau Yang, kon geh tơngkah lah bơta hơ̆ ò di bơh Kơnrẵn ò di sŏng rĭng ò, mơya tài bơh Kơnrẵn găm lòng tiar kon gơlik be rùp să Kơnrẵn di rlau tai. Kơp koñ Yang dŏng gar mat kon wet sền bơta dờng jơnhoa mơ bơta sang gọh Kơnrẵn di, nàng kọn ò kòl pơrwài jat ală bơta ơm ĭng hơđơm ù, mơya kơ̆ wền cồng nha lồi dut bềng lơngai lơngọ Kơnrẵn neh rcang lài kọn ĭn. Kọn jơh nùs họi dăn, kọn ai sơnđăn Yang Jesu Krist, Amen

Ơ ală ồng mọ ọh mi koñ gơboh, la kọn mơnùs, bŏl he ò tŭ lơi dô pleh ală tŭ păl driau dờng la: “Ñchi bơh tai”, ngăn tòm tŭ sền lọh lang ală bơta ò sŏng rĭng tòm rài kis: Cau kis niăm gen tìp wơl bơta gơlòng bŏl glăr, gen cau iơh bơsak gen gơlơh be rĭng lơngai mơ ntào tơngguh.

Ơ cau koñ gơboh, ngai do Yang họi jà he lòi tĕ mat he wet sền di să tom Kơnrẵn, mơ sùm kơ̆ nùs dòn Kơnrẵn la Bơtau sŏng rĭng, kŭng la Bèp gơs nùs bềng koñ nđàc. Mơ gơs tŭ gar mat bơta dòn kon di wet sền wil tơl di Yang, he rơp gơs ràng tơlik bơta dòn kơnòm he di be ồng A sáp lah: “Hơđang trồ, añ gơs ñcau rlau mơ Kơnràñ taih? Ai tòm ù añ ò kòñ bơta lơi ndai rlau mơ Kơnràñ.” ơn tĕ nùs he tom bơta gơn kơnòm kơ̆ cê ò tòmgơl lah: phăn bàn cau sŏng rĭng ò di ơm tom ù do, mơya ơm tòm Yang. Tài bơh hơ̆, b ăñ lòi ală bơta kalke ơm ĭng do hala bơta ò sŏng rĭng tom dunnia do lơh lơnggơr bơta dòn he di, mơya sum kah la Yang là pơnah sre bri sum sum bŏl he di.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.