Bol he òs kơlồi tùs bơta khat gơboh be la dô bơta lơi hơ̆ gơlk gơs tòm dà lơgăr, mơya Sră Goh ai git lah khat gơboh ngăn bơta bơh tòm dơlăm, bơh tòm dơlăm hwềng sòan kòp nă cau di. Khat gơ boh la tòm tŭ kòn mơnùs geh dong twoai lik bơh tồi glài, lik bơh bơta rngòt rngơt, lik bơh di rài kis yau cềt oñ, nàng rgơi kis kờñ gơboh, toh glài mơ tòm pà bal mơgơp. Bơh tòm Hiu Jum Goh sơnrờp, bơta khat gơboh hơ̆ neh deh dô mpôl càu dô bă băl, dờng ơnàng mờ bềng bơta nđàc ai pà băl mơ gơp. Mơ ngai do, tòm tŭ bol he kirsơnrè dô bơta dờng màng tòm pah rài jơi kòn mơnùs, bòl he sờlơ kah lah: mìng kơnòm bơta nđàc Yàng Dŏng Klàs Jesu, kòm mơnùs ngăn geh bơta khat gơboh.

Ngai do, ngai 19/06/2025, tơnggu hoi dăn kòp ngai dăn ja ồng mò oh mi dô nùs bal kơlồi sơnờng jơnau Yàng kơnòm bơta dong kờl Jonathan Macnab dê bơh tơnggu mê KIRSƠNRE NGAI KHAT GƠBOH.

Sră Goh: “Mơ tai, Yàng la Yàng Hwềng; Yàng Hwềng Yàng dê ơm tiah lơi, gèn bơta khat gơboh kùng ơm tềng hơ̆ sơl” (2Kôrintô 3:17)

Tơnơ̆ mơ tŭ Bơtau Krist guh ri hơ trồ, Yàng Hwềng Goh mù hơđăng làng bol Yàng Tom Trồ dê. Bơh tòm tŭ hơ̆, Hiu Jum Goh, kùng là să Să Jăn Bơtau Krist dê hơđăng ù, sơntòm tă nhờm sơnròp bơta kis pà tòm pợum Prăm Jơt.

Bơh tŭ hơ̆, alak tơmàn hwềng sòan dòn dờp Yàng, cơnđòa bơt bơta chờt tùs hơ bơta kís. Jơnau Niam geh bơtô yăl, mhăr pờ ơnàng làm Jêrusalêm be ồs sa rhê, mơ gởề tùs làm jơh Lơgăr Rôma.

Ală càu neh kòl tồi glài mơ gơnăp gơnoảr bơta klăm jơngo krơ̆ jàm oă sơnăm neh geh dŏng klàs. Chè srêng tòm nùs bol khai dê kòl sơntă bơh gơnă gơnoăr Yàng Tom Trồ dê. Mơ bơta sơnrờp bol khai lơh hơ̆ là jòng rờ, mơ dùh khoai Yàng mơ kờngơboh băl mơgơp.

“Tŭ hơ̆, mpồl cau dòn gơs dô nùs nhờm dô bơta kơlồi sơnơng. Ò gơs cau lơi kờp phan he la phăn is, mơya tòmpà ală phăn he gơs cau ndai in.” (Broă 4: 32)

Jơh ală bơta gơlik gơs la dô bă bal di đăp sơbàn bơta nđàc, kòp kờñ dòp geh Tòm Ryàs Bơta Kis. bol khai ròp tòmpà tơl jơh ală phan mơna he gơs, bơh bol khai git lah he la dùl tờm Bơtau Krist.

“Mơ tai,Yàng la Yàng Hwềng; Yàng Hwềng Yàng dê ơm tiah lơi, gèn bơta khat gơboh kùng ơm tềng hơ̆ sơl” (2Kôrintô 3:17)

Jơnau hơ tòm Sră Goh ai gŏ lah Yàng Tom Trồ nngăn sền kwờ mang bơta khat gơboh, mơ Kơnràñ neh ràng tơlik bơta hơ̆ loh lang tŭ tuh Yàng Hwềng Kơnràñ dê mù dunnia. Bơh hơ̆, kòn mơnùs ò di ming geh dong tă lik bơh di tồi glài, mơ kùng geh khat gơboh bơh să tòm rài kis yau cềt oñ he dê nàng kis kờñ gơboh cau ndai, ala bơh kis mìng să tòm he in.

Să tòm Yàng Hwềng Kơnràñ dê neh chồl bơtrồt, ponđàng wơl ală bơta bơh sơnrờp tòm Anh mơ Mỹ nàng jùt jơh bơta lơh dĭ gơna, sơntòm mơ bơta tòmgơl pa bơh tòm dơlăm nùs, lài mơtŭ gơlăm tùs di bơta tòm gơl hơbơdih dà logăr mơ bơta boh lăm.

Nùs nhờm khat gơboh hơ̆ tơnơ̆ do geh cih wơl mơ dô ngai yăl yau gơs sơnđăn la Juneteenth (ngai 19 kơnhai 6), geh sền be la dô nơm tìl sơñio bơta pơndùt gơlik gơs ngăn gùng ăt bồ cau dĭ gơna tòm Hoa Kỳ.

Bulah jơnau Yal Dong Twoai neh geh ai rlau mơ bàr năm lai mơ hơ̆, găm gơs oă tiah pơndăng sền ò kwơ ală bơta boh lăm pà. Texas la dùl tòm ală tiah tòm dră tùs lồi dùt, jơl tùs di tŭ mpôl lìng dơng bơklơn bol khai păl dòp rò gơnoăr khat gơboh cau Mỹ gốc Phi tòm ngai 19/06/1865.

Tòm ngai hơ̆, tŭ ală cau dĭ gơna ơm tòm Texas kơno, bol khai nggà driau tòm bơta chò hòp ò lồi. Bol khai hòi dăn, jòng rơ Yàng Tòm Trồ, lơh gơs bơta pơjum mơ tòmya sa chò hòp. Oă cau tòm ală bol khai dòn nền lah: să tòm Yàng neh dong tă bol khai- ndrờm be Kơnràñ neh kơno jơnau ñìm ràc ròc làng bol Israêl dê hơđơm yồ dĭ gơna cau Êjíptơ dê, mơ tùs nàng dong tă bol khai lik bơh yô chè srềng.

Mơ bơh di tŭ hơ̆, dunnia be cơnđoà dô cơnđoà rềp mơ mpôl cau kờñ goboh mơ rìng bal, jat gùng mơ Hiu Jum Goh sơnrờp neh kis tòm sră Broă Ală Cau Bơtô.
Ngai do, ngai 16 kơnhai 09, gơlik gơs la ngai pơjum kah ngai chò hòp dong tă hơ̆. Mơya gơwèt mơ ală cau kis tòm Lơgăr Bơtau Jesu dê, bol he dô bă bal kirsơnre dô bơta khat gơboh jrô rlau: hơ̆ la tŭ Bơtau Krist phi bơta kis să tòm Kơnràñ ala jơh kòp nă bol he.

Kơnràñ neh kis wơl, mơ kơnòm bơh bơta kis wơl hơ̆, kòp nă cau geh dong tă: ò di mìng khat goboh lik bơh bơta chờt, mơ kùng gă lik bơh dĭ gơna tồi glài dê mơ rài kis cềt òñ găm sòr tơrlah bơta gơtòm klĕ tòm rài kis is mơ mpôl cơnùm.

Bơh tồi glài la tòm ryàs bơta gơtòm cah is, mơ mìng Yàng Dong Jesu rgơi tơl gơnăp gơnoăr nàng tòm gơl nùs cau. Kơnòm gơnăp gơnoăr Yàng Hwềng, kòp nă cau kùng rgơi geh tòm gơl pa, bơh dơlăm tùs bơdih.

Hơ̆ la bơta gơn kơnòm bol he dê. Mơ hơ̆ kùng la bơta gơn kơnòm mơ dunnia ngai do găm jê gloh tơhìr rlau jơh.

Dan jà bol he dô nùs bal tòm bơta hòi dan:
Khoai Yàng kờñ gơboh, kòn ưngai Kơnràñ bơh bơta khat goboh mơ Kơnràñ neh ai kòn in tòm Yàng Dong Jesu Krist. Ưn ngai Kơnràñ bơh neh dong tă kòn lik bơh bơta chờt, lik bơh tồi glài mơ kòp nơm chè srềng ò gờs rùp găm kơt bơklơn kòn kờp ngai. Dăn Kơnràñ pơnjat tòm gơl kòn bơh tòm dơlăm, nàng kòn git kis kờñ gơboh, tòmpà mơ pơnđàng rùp kờñ gơboh Kơnràñ dê tòm ală broă kòn lơh. Kòn jơh nùs hòi dăn tòm sơnđăn Yàng Jesu Krist, Amen.

Ơ ală ồng mò oh mi kờñ gơboh, bơta khat gơboh ngăn là dô nơm phăn pà tùs bơh Yàng, Bơtau neh phi să boh bol he. Hơ̆ ò di mìng la bơta dong tă lik bơh bơta kùp bơklơn đah bơdih, mơ găm la bơta khat gơboh bơh tòm bơta jrồ ndơp tòm hwềng nùs- lik bơh tồi glài, lik bơh cềt òñ, lik bơh rài kis mìng git să tòm he. Behơ̆ tàng, ngai do dòn song tĕ lùp is: di gơlăn gơs bơta gơtòm klĕ, nùs iơh, bơta rngòt rngơt, hala bơta òs mòng kis lơi kùp bơklơn nùs he, lơh añ ĭn ò hềt ngăn kis khat goboh tòm Kơnràñ? Tùs rềp tĕ mơ Yàng Jesu. Kơnràñ neh chờt nàng bol he ĭn geh kis. Mơ Kơnràñ neh kis wơl nàng ai bol he in geh khat gơboh. Hơ̆ la bơta khat gơboh mơ dunnia ò tŭ lơi rgơi ai, mơ kùng ò tŭ lơi rgơi pìt.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.