Kơlôi tús broă bol he neh ơm “hơđăng cơ” tòm gùng dà lòt jat Yàng. Bol he găm duh Kơnràñ dồ bă niam ngăn, gơ klŏ, geh jơh tơl nă cau jòng rơ. Mơya, ni sơ na, jơh bơta roh thit. Tŭ sân khấu roh bơta àng, bơta tàp tê ò gŏ tai…gen bol he găm gớs chi lơi taih? Bol he mờng òs kơlôi lah mìng gớs kwơ Yàng in tŭ găm pràn kơldăng, tơl pràn, geh cồng nha. Mơya, là tòm tŭ he gớs bơta lơbơn lơñio rlau jơh, Yàng lơh gớs pràn kơldăng mờ crih crài rlau jơh tòm rài kís bol he dê. Bơh ala pơnah bơcah sền là ờ kwơ gớs cau sang sơ bì, Lơgăr Kơnràñ rơp geh lơh gớs kơ̆ nền.

Ngai do, ngai 23/6/2025, Bơta Hòi Dan Kòp Ngai dan jà ồng mò oh mi bơtê bal Jơnau Yàng bơh kơnòm dê bơta dong kòl Bill Gaultiere bơh tơnggume KIS YÀNG IN DI GÙL ALĂ BƠTA DÊT RHỀN

Sră Goh: “Bơh lơgar Yàng Tom Trồ dê ò di bơh bơta ñô sa, mơya bơh bơta song ring, lơngap lơngai, mơ hòn chò tòm Yàng Hwềng Goh.” ‭‭(Rôma‬ ‭14‬:‭17‬ )

Dieter Zander neh là dồ nă cau gơnoăr bơto geh oă cau git tòm lơgăr Mỹ. Tòm ala năm 1980 ồng là cau sơn rờp lơ gớs Hìu Jùm Goh lời ís cau kơnòm să GenX-là dồ bơta ngăn tòm tŭ hơ. Tơ nơ̆ wơl ồng tề lăm gơnoăr broă “Axis” dê Hìu Jum Goh Willowcreek tòm Illinois, duh broă cau kơnòm să, tòm hơ̆ gớs bàr nă oh klau añ dê.

Añ găm kah tòm dô dơ̆ rê còp hìu, añ neh tus còp Hìu Jum Goh Willowcreek mờ sền gŏ Dieter găm teh kơñi mờ găm bơto dê đap rhiăng nă cau kơnòm să. Mut tòm tiah hơ̆, añ bềng bơta hừh hơh. Bơh sền gŏ bơta chò nùs jòng rơ. Jơnau đớs chò ntas dờng, bơta bơtê ồng dê lơh kòp nă geh chồl tơng guh. Ngăn, ồng là dồ nă chài rgơi-là dồ nă cau cih ala khà chờ, mờ kung là cau cih sră geh tơl nă cau koñ gơboh.

Oă cồng nha ồng neh gớs. Dieter tús dê San Francisco nàng dong kòl ala cau gơnoăr ndai sền sơwì wơl bơta lơh gớs Hìu Jum Goh, dờng màng rlau jơh là ala cau kơnòm să. Kơlôi lah ala mpồng rơp pờnàng hơđap.

Mơya, tòm ngai 4/2/2008, ni sơ na Dieter gơ plơ̆ mờ ờ kah tai. Prau ngai tơ nơ̆, ồng kah wơl, mơya jơh bơta neh gơ tòm gơl rau. Tê ma ồng neh gơ te-ồng ờ rgơi teh kơñi tai. Sap đớs ồng dê ò gớs tai-tŭ do mìng là jơnau đớs ờ loh làng, mờ kal ke nàng wă. Ồng ò rgơi đớs chò, ò rgơi bơto. Tơl bơta neh gơ til jơh. Ò gớs bơta tàp tê. Kòp tŭ nàng duh broă, broă lơh, mờ bơta cơng pơn rơ ồng dê neh roh thit. Jơh tơl bơta neh roh bè là mhwăl nhŭ.

Mơya, dồ bơta crih crài là bồ tơng ngoh Dieter găm ngăc ngăr ngăn. Ồng găm là dồ nă cau jak chài, chò hòp mờ git wă bè lài, mìng là ồng ò rgơi ràng tơlik. Sơ lơ ngai cau gut dăr bol glăr tŭ mờ pơl đơl nàng wă ồng, mờ kòp nă cau dô pleh dê ồng. Ồng kís ís dồ nă, neh geh jàm bơh dê tòm bồ tơng ngoh să tòm bơh roh jơnau đớs. Mơya, bơh dê tòm tŭ kis ís dồ nă hơ̆ , dồ jơnau đớs niam lơhơn neh geh đớs tòm hwềng nùs ồng dê:

“Ơm tĕ mŏ mŏ mơ git lah Añ la Yàng Tom Trồ. ” (Đơs Crih‬ ‭46‬:‭10)

Oă năm tơ nơ̆, ồng cih: “Jơh bơta kơlôi sơnơng, rngòt, jơnau nhơl ño tòm bồ añ ò rgơi đớs-Yàng kơno jơh. Añ geh bơta pơn dờm pơniang, ring lơngai, mờ añ kơno Kơnràñ ñio sơl”

Tơnơ̆ bơta kòp jê, Dieter sơn tờm dồ gùng dà pa. Ò là dồ nă cau gơnoăr bơto geh oă cau git, ồng lơh dồ nă cau sền gùng, mờ broă là dong ala kơnòm dềt lòt găn gùng. Tơnơ̆ tai, ồng lơh tòm tiah tac phan. Mờ di ala tiah mờ cau ờ sền rmê hơ̆, Yàng neh bơtê ông dồ bơta bơ srăm kwơ màng: Kơñ gơboh dê cau gut dăr-ò di bơh bơta àng sân khấu, ò di bơh cau tàp tê, mìng là bơh Yàng neh koñ ồng. Ồng hòi rài kís tŭ do ồng dê lah “kís Yàng in di gùl ală broă dêt rhền”. Hơ̆ là tiah mờ kờp broă dêt rhền rlau jơh kung gơlik gớs bơta duh khoai ơn pơndơng Yàng in.

Ngăn bol he kung gớs bơta kơlôi bè añ sơl: Jơnau đớs ồng Dieter gơlik gớs pràn kơl dăng rlau jơh! Ồng neh ai bol he in gŏ dồ jơnau song dờng màng: duh khoai Yàng ò di là broă mờ bol he lơh hơ đăng sân khấu, mờ lah bơta bol he kís koñ gơboh kờp ngai, tŭ mờ gớs cau sền gŏ, tŭ mìng gớs he mờ Yàng lơm. Duh khoai ò càng teh kơñi dờng gơprong, lìu làc hala oă cau tàp tê, mờ là bơta bol he tús mờ Yàng bơh să tòm bol he là dồ nă cau ò wil tơl, băl mơ hwềng nùs mơ jơnau song. (Jăng 4:24)

Lòt găn bơta yăl ồng Dieter dê, bol he neh sền gŏ dồ nơm rùp loh ngăn bơh chi pơng Yàng Je-su dê-neh geh ràng tơlik tòm rài kis kờp ngai kòp nă kòn mơnus.
Yàng ò tŭ lơi sền ò sơp ală bơta neh tơpă tòm bol he. Kơnràñ rơp lơh broă mờng ờs, bơta kơryăn, bơta siơŭ, ala broă sền là ờ kwơ, lơh gớs dồ pơnah tòm Lơgăr gơklŏ Kơnràñ dê, nàng bơta kơp koñ Kơnràñ gơlik gớs tòm rài kís bol he. Mờ bơta hơ̆ ngăn là dồ bơta nđàc dờng!

Bè Jơnau Kơnràñ neh tơng kah bol he tòm Rôma 14:17:
“Bơh lơgar Yàng Tom Trồ dê ò di bơh bơta ñô sa, mơya bơh bơta song ring, lơngap lơngai, mơ hòn chò tòm Yàng Hwềng Goh.”

Ngai do, Dieter găm sùm duh broă Yàng, bơh dồ broă lơh ís. Bulah ò rgơi đớs dồ bă gơlòt, ồng neh ngui bơta kup rùp nàng yăl wơl ala broă Yàng neh bơtê ồng. Sră cih A Stroke of Grace (tạm dịch: “Cơn Đột Quỵ Của Ân Điển”) là dô bơta yăl lơyah bơh gùng dà crih crài ồng dề băl mờ Yàng, bơh jơh hwêng nùs song ring mờ pìn pơndềt să.

Dan jà bol he dô nùs bal tòm bơta hòi dan:
Khoai Bèp koñ gơboh kòn dê, gớs oă tŭ kòn sền să tòm he là ò kwơ màng, ò tơl pràn, sền gŏ rài kís kòn là pơcah, mờ ya Kơnràñ găm sền gŏ kòn. Kòn jơh nùs ưn ngài Yàng! Dăn Yàng bơtê kòn git duh khoai Kơnràñ, ò di bơh bơ dìh àng gơklŏ hala bơh broă lơh nàng cau ndai sền gŏ. Mơya dăn ai kòn in duh khoai Kơnràñ bơh să tòm ngăn kòn dê, băl mờ bơta lơ bơn lơñio, ò rgơi mờ dồ hwềng nùs bơ cah. Dăn dong kòn kís Kơnràñ in di gùl ala broă dêt rhền tòm rài kís do. Kòn jơnùs hòi dăn -tòm sơnđăn Yàng Jê-su Kríst-A-men.

Ơ ồng mọ oh mi koñ gơboh, bơta duh khoai Yàng, duh broă Yàng, kís Yàng in ò di pơndrờm bơh sân khấu dờng màng hala bơta tàp tê gơprong. Bơta duh khoai ngăn ơm tềng: gen ngăn jơh hwêng nùs bol he geh gơwèt dê Kơnràñ hala ò? Bulah ò gớs cau sền gŏ, bulah rài kís bol he mìng là ala pơnah bơcah rơ kwet rkwe. Dilah ngai do bol he sền gŏ să tòm he găm ơm dê dồ bă tiah dêt rhền, ring ngit, sền gŏ bol he ò gớs kwơ nàng ơn pơdơng Yàng in… gen kah té lah dê tiah jrô hơ̆, Kơnràñ găm kơp gơn he. Kơnràñ găm ơm ngềt nàng pơndờm mờ tòm gơl hwềng soàn bol he. Kơnràñ rơp ngui bol he dồ bă pa, pràn kơldăng rlau, song tơpa ngăn, mờ cèng wơl bơta gơklŏ Kơnràñ in rlau jơh.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.