Gơs ală rài kis ò gơ crà gơ klŏ, mơya ờm ờm ràng tơlik bơta hàng mơnĕ bơta don dê. Bol khai ò ntoat jat bơta pas gơs rài do dê, mơya sac rwah cơnđòa lòt jat bơta hòi sac, ơn jơh rài kis he nàng duh broă Yàng mơ kòñ gơboh cau tồi glài. Bulah rgơi dòp rò ală jơnau ho pơgon Yàng dê tòm rài do, bol khai kư̆ pơnjat kơ̆ cê tòm bơta don. – tài bơh bol khai sền ngài rlau bơh dô nơm ƀòn tờm niam rlau, bơh dô jơnau ho pơgon sum sum bơh Bơtau òs kòñ gơboh bol khai.

Ngai do, ngai 28/06/2025, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl ồng Rich Miller bơh tơnggume: KƠ̆ CÊ TÒM BƠTA DON

Sră Goh:‘‘Behơ̆ gen, bơh bol he neh gơs oă cau lơh cơng gơrwàng gùt dar be dô puk mhwal dờng ngan, bol he kung pal sơrbì sang jơh ală bơta be phan àñ kơnjơ̆ bal mơ tồi glài gơđềt di he, pal kơ̆ cê ntoat jat bơta ntoat pơrlòng neh ràng tơlik di đap bol he’’ (Hebro 12:1)

Mè bèp añ pa lơh kir sơnre prăm jơt sơ nam ngai tòm bau. Hơ̆ la tŭ jơ bềng tơl bơta gơtha tòm rài kis tòm bau hiu nha dê. Mơya bơta lơh bơta tòm bau bol khai dê krơi is rlau hơ̆ la ală ngai sơ nam cơn đòa lòt bal tòm gơ noar broă, la dô rài kis dô nus bal lơh cơng bơh bơta dòn ò tŭ lơi tòm gơl Yàng Tòm Trồ.

Bơh găm dềt, añ neh bàn bơta nđàc Yàng ai pà dô bă krơi is hiu nhă he in, gan dê să jan Bơtau Krist – hơ la oh mi tòm Hiu Jum Goh bol he dê. Gơ wèt mơ nùs nhơm git ưn ngài, añ kòñ dờng jơnau bal mơ bơtau Đabit lah: ‘Lài añ gam kơnòm, tŭ do neh kra, Mơya añ ò gŏ cau song ring gơkòl sang lòi ò, Hala kòn sau khai dê lòt kanadàn. ‘ (Đơs Crih 37:25)

Bañ wờng tìs yơ, mè bèp añ neh sac rwah rài kis lơ bơn niam, sang lòi oă bơta pas gơs nàng rgơi ơn să duh broă cau ndai. Bol khai sùm gơs mat tòm ală cau gơs nus dờng ơnàng rlau jơh mơ añ neh git. Tŭ gam dềt, añ gơlơh krơi is ngan tŭ hiu nha he ò gơs truyền hình cáp, tian gơs ò gơs đầu máy phát băng đĩa. Tus dê nam dơ̆ 11, hiu añ mơ gơs dô nơm TV điều khiển từ xa. Sền wơl, hơ̆ la ală bơta gơlơh be la dềt rhền. Mơya , tŭ gam la kơnòm dềt, hơ̆ la bơta dờng ngan gơ wèt mơ añ.

Tŭ do, añ git ưn ngài ngan tài bơh ală bơta mơ mè bèp añ lơh lài ngan tòm rài kis: bol khai sac rwah dô rài kis ơn bơta hòi jà Yàng dê hơđang lài.

Kung la nam añ mut klờng dơ̆ 11, mè bèp añ rwat hiu sơn ròp. Lài mơ hơ̆, bol he kis tòm hiu Hiu Jum Goh ai pà. Mơya añ ò tŭ lơi siơ̆u bơta kòñ gơboh hala roh bơta ring niam tòm hiu nhă. Mè bèp añ sum lòi Yàng Jesu Christ ơm tòm di gùl, mơ bơta tòm bau bol khai dê ò hềt gơs bơta lơi. Bơh tu tơ ngai bèp an la ồng gơnoar bơto sền gar pe nơm Hiu Jum mơ mè gơs oă gơ noar broă pa is , tus dê 25 nam bèp an lơh gơ noar broă bơto yal jơnau niam mơ mè an botê tòm klờng , gơnoar broă bol khai dê hơđang rài kis cau ndai la ò git nđò.

Jơh ală bơta tài bơh dô tơnggu nàng kòp nă đal git bota kòn gơboh yàng jesu dê.

Mè bèp an lơh an in kah tus ală jơnau ràng tơlik tòm sră hebro 11: 13-16: “Jơh ală cau hơ̆ neh chơt tòm bơta dòn, òhềt dòp geh bơta neh ho pơgon, mìng đal sền mơ gơs nùs chò hòp wă rò ală bơta hơ̆ bơh tiah ngài, bol khai kòp să he la cau nac crih mơ la cau ơm ing tòm plai ù. Bơh ală cau đơs behơ̆ yal tơlik loh lah bol khai gam jòi dô nơm lơgar tòm. Ngan, dilah bol khai neh kah kơlôi bơh lơgar mơ bol khai neh lik hơ̆, gen bol khai gơs tŭ lơmpah nàng rê wơl sơl. Mơya tŭ do bol khai jơh nùs kơp kòñ dô nơm lơgar niam rlau, hơ̆ la lơgar hơđang trồ; gen tàng Yàng Tom Trồ ò ƀàssìl geh sơnđan la Yàng Tom Trồ bol khai dê, bơh Kơnràñ neh rcang sir bol khai in dô nơm ƀòn dờng.”

Jơnau ho pơ gon dờng rlau jơh mơ bol he kơp gơn hơ la bơta rê wơl yàng jesu dê, mơ mè bèp an os tơngkah bơh bơta do. Dunnia do ò dê la bon tòm he dê. Yàng Jesu neh lòt lài nàng rcang dô bă tiah niam bol he dê. Mơ tòm tu kơp gơn jơnau ho pơ gon lồi dut hơ geh gơlik ngan, ală jơnau ho pơ gon Yàng Tòm Trồ dê ơm tòm Bơtau Krist sum sum “gơs”, mơ jơh tơl nă bol he đơs “Amen” (II Kôrinhtô 1:20)

Kơp kòn ngai do la să tòm oh mi geh chôl bơtrut, tu git Yàng la Bơtau Sơn ròp mơ lơh sir bơta dòn ồng mò oh mi dê. (Philippines 1:6) Bơta dòn pal càng bơta ko cê dường, mơya ban ko lôi sơ nơng tài bơh bol he ò ơm is. Bol he geh mhwal lơh cơng dờng gùt dar, bol khai chôl bơtrut, yo đo mơ tơngkah he lah: joh ala bơta pơn đơl gơlik gơs di pal tòm ngai bol he geh tìp Yàng

Dan jà bol he dô nùs bal tòm bơta hòi dan:
Khoai Yàng, kòn ưn ngai Yàng tài bơh ala krơh dòn song, ală cau kis jơh rài kis he dê nàng duh broă Yàng, duh broă ală cau. Dan Yàng bơto kòn git kis rài kis lơ bơn niam đah bơh dih mơya tơngkah tơngkan tòm hwêng soan, dong kòl kòn git ơn bơta kơp gơn he dê tòm rài sum sum ò dê tòm dunnia ơm ìng do. Bulah kòn ò đal loh bơta lơi hơ đap, dan yàng dong kòn kư pơn jat dòn kơ nơm Yàng, cơn đòa lòt, mơ dòn song mơ Yàng kòp ngai. Dan rài kis kòn gơlik dô jơnau lơh cơng ring niam bơh bơta dòn song dờng ơ nàng Yàng dê. Kòn ai sơnđan Yàng Jesu Krist, hòi dan mơ Yàng Bèp. Amen.

Ơ ală ồng mò oh mi kòñ gơboh, gơs ala cau ò kis sa tòm in mơ kis nàng lơh gơ noar broa Yàng dê jao. Bol khai ò càng cau tòm rài kis đal bàn, mơya ku lòi wol tềl ò rgơi roh gan dê bơta ko cê, pơn dềt să, mơ bơta kon gơboh Yàng Tòm Trồ mơ cau tis glai. Kop kon ho la jonau tơng kah lơ bơn niam kop nă bol he ngai do: ò tu lơi la prong preh tu bol he lơh gơlik cồng nha rài tơ nơ dê. Ala bơta ring niam rlau joh, gơ klo rlau joh kop gơn ala cau lơi gơs dô nus dòn song mơ Yàng.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.