Sơnăm bơtê pa sùm cèng băl oă bơta gơlik gơs tòm nùs, hòn chò ndăng mơ ai lơh krơi ndăng. Bulah la cau bơtê dềt, hala cau bơtê dơng, cau pơgru hala mê bàp, jơh tơl nă bol he găm ntao diđap ală bơta sơntơm pa mơ oă bơta ò hềt loh lang găm ơm gơn: dô ơdŭ pa, dô ơnih pa, hala dô gơnoăr broă pa. Mơya să tơm tòm ală cơnđòa lòt dềt rhền hơ̆, Yàng găm hôi jà oh mi cơnđòa lòt băl mơ Kơnràñ, mơ nùs dòn kơnòm mơ bơta dòn bơr. Bol he ò càng pal jôi dô bơta sơntơm wil tơl, mơya dòn lah Yàng rơp chò hop tòm tŭ kơp nă cau lơi khin sơntơm kơp cơnđòa dềt tòm bơta tề lăm Kơnràñ dê.

Ngai do, ngai 05/09/2025, Bơta Hoi Dan Kơp Ngai dăn jà ală ồng mò oh mi bơtê bal Jơnau Yàng kơnơm dê bơta dong kơl Lori Wilkerson Stewart dê bơh tơnggumê SƠNTƠM DỀT RHỀN.

“Ñcau sền òsơp di ngai ală bơta dềt rhền taih? Cau rơp chò hòp sền gŏ che rnoas bơt hìu tòm tê Jerubabel. Poh nơm ồs đèng la gar mat Yàng Jehôwa sền sơwì làm jơh plai ù.” (Sacari 4:10)

Añ ai lơh git ưnngai bơh Yàng sùm chờ hòp kơp tŭ añ sơntơm dô nơm gùng lòt pa. Kơnràñ git lah broă cơnđòa lòt tòm bơta dòn ò tŭ lơi buôn soh, bơh cơnđòa jat Kơnràñ sùm lòt bal mơ bơta păl phi să.

Rềp dô, añ sơntơm dô gùng lòt pa tòm rài kis. Bulah añ neh mor poan jơt, Yàng găm hôi sac añ lik bơh bòn tơm nàng lòt tus dô nơm bòn ndai, riwơl hơ tiah bơtê mơ pơnjat bơtê. La dô nă bau ur, cau mê pe nă kòn dềt, oh mi rgơi kơlôi gùng “sơnđoh lòt” tòm bơta dòn dô kălkê mbe lơi gơwet mơ jơh hiu nhă añ jê. Mơya gen, añ dơp git lah Sră Goh kung gơs oă yăl yau behơ̆.

Tòm tŭ ală cau kol pơrdu bơh Babylon riwơl hơ Jerusalem, bol khai păl tip jơh bơta gơlong do tus bơta gơlong nê. Lai ngăn, bol khai ò găm tiah nàng duh khoai tai bơh hiu duh khoai mơ Salômôn mòn gơs neh kol sol tơrlah. Sôrôbabêl là cau at bồ mơ Jesua lau cau gơnoăr ơn phăn duh khoai geh jao gơnoăr broă bơt mòn wơl hiu duh khoai. Mơya lai mơ tŭ lơh broă bơt mòn, bol khai neh bơtao gơs dô nơm cơnơng duh khoai nàng ơn phăn ơn chu pơrguc.

“Bol khai ơn cơnòng duh khoai hơđang mơnàng gơ dê, tài bơh bol khai rngòt di ală làng bol ơm gùt dar, mơ ơn ală phan ơn duh khoai chu pơrguc hơđang hơ̆ Yàng Jehôwa in, tòm àng drim mơ tòm mho.” (Ejara 3:3)

Ồng mò oh mi neh gơs tŭ lơi gơlơh rngòt tòm tŭ sơntơm lơh broă lơi Yàng in hala ò? Đơs ngăn, Yàng ơs hoi jà bol he lơh ală bơta gơlơh he in rngòt rlau jơh. Mơya rngòt la bơta tơmdră wơl mơ bơta dòn. Gơs dơ̆, Yàng càng tă săng bơta rngòt tòm nùs bol he lai, nàng bol he bơtê dòn kơnơm wil tơl tòm sătòm Kơnràñ mơ jơnau hơ Kơnràñ dê. Bơh sătòm bơta dòn là bơta lơh nùs Kơnràñ kòñ.

Jŏ ngăn bơh lai, Yàng hôi sac añ bơtê jat pơnah Yăl tơnggit mơ rcăng tơlik mắt hơđăng mpàn sơñio. Bơta gơlik gơs sơnrơp añ jê la rngòt. Añ kơlôi is: “Kòn rngòt ngăn pal đơs diđap mpôl oă cau! Mơ kòn ò git dô ết lơi bơh broă yal dô!”

Digơlăn tŭ hơ̆ Yàng neh ñŏ. Añ kòñ ngăn sèng đơs dô nă cau cih là Cau dòn Krist be do: Dilah Yàng hòi sac ồng mò oh mi lơh ală broă lơh oh mi in rngòt, gen “kư rngòt … mơya kư lơh!”

Ồng mò oh mi neh gơs sơntơm broă duh broă Yàng mơ ò hềt cau lơi wèt tus hala dơng kơl sơl? Jêsua mơ Sôrôbabêl dòn lah Yàng Tòm Trồ kòñ bol khai bơt mòn hiu duh khoai, mơya bơta gơlik gơs tŭ hơ̆ pha is mơ ngai do. Bol khai ò gơs bơta pơjum sơntơm bơt mòn hang mơnĕ, ò gơs pơnah jên tơrgom bơt mòn oă. Tian gơs, bol khai kung ò gơs jên nàng tơm công nha ală cau bơt mòn in. Sră Goh yal lah ală cau kol pơrdu geh tơm công nha mơ phăn sa, tơrnơm ñọ mơ mơñà ôliu.
Tòm tŭ hiu nhă bol he mù tus bòn dơng pa, jơh bar nă ur klau bol he ò hềt gơs broă lơh. Kung ò gơs cau lơi lòt wă rò hala hòn chò rò bol he, tai bơh ngăn là… Ò cau lơi git bol he la ñcau! Mơya gơs dô bơta bol he git nền: dilah Yàng Tòm Trồ neh ai bơntơl oă cau dòn song in tòm Sră Goh mơ tòm lam ală rài, gen Kơnràñ kung rơp ò hŭi bol he.

Oh mi neh gơs tŭ lơi kòñ sơntơm dô cơnđòa lòt pa, mơya gut dar ming la ală jơnau tơñŏ tonhial, pin wil wơl? Sôrôbabêl mơ Jesua kung kol să tòm ồng pang lòt lai bol khai dê lơh dơrcul nùs. Ejra 3:12-13 cih lah tòm tŭ mơnang hiu duh khoai pa geh ơn, pơnah oă lang bol hòn chò driau dơng, mơya bal mơ ală jơnau driau hơ̆ là … jơnau ñim nggà! Ală cau gơnoăr ơn phăn duh khoai jong sơnăm nggà ñim bơh bol khai kah wơl bơta gơklŏ ryŭ ryơm hiu duh khoai mơ bơtau Salômôn neh bơt năm yau, mơ bol khai git bơta bơt mòn dô ò rgơi pơndrơm bal.
Tòm tŭ Yàng Tòm Trồ hôi sac oh mi sơntơm lơh broă Kơnràñ in, rcăng sir tĕ: ală cơnđoà sơnrơp rơp dềt rhền, ală bơta sơrbơng roh rơp dùm gơs măt, bal mơ ală bơta siơ̆u siar jền phía, bơta rngòt rngơt mơ bơta dơrcul nùs, tian gơs gơlik bơh cau dòn Yàng.

Kơno gen ò ai lơh niam dô ết lơi, ngăn sơl? Mơya tai bơh hơ̆ mơ Yàng chò hòp tòm tŭ gŏ bol he khin sơntơm lơh broă Kơnràñ dê. Bơh bơta dòn mơ bơta dòn bơr rơp sum bơ tus Kơnràñ, mơ hwoai pơnjat bơta nđàc bal mơ gơnap gơnoăr hơ đăng jong bơh Lơgar Trồ.

Tòm tŭ oh mi khin cơnđòa lòt tòm bơta dòn bơr. Yang Tòm Trồ rơp ai bơta nđàc găn di ală cau mơ oh mi ò kơlôi tus. Bơtau Siri ai gơnoăr ală cau kol ceng pơrdu riwơl mơ bơt mon wơl hiu duh khoai. Ală cau bơtau Ba Tư tơnơ̆ be la Đa-ri-út mơ Ạt-ta-xét-xe kung pơnjat chôl bơtrôt broă do. Digơlăn lang bol tòm bọn tòmdră, mơ ya lang bol Juda dơp bơta dong kơl bơh cau at bồ gơnap gơnoăr rlau jơh tŭ do.

Tŭ oh mi cơn đòa lòt tòm bơta dòn, Yang ò di ming ai bơntơl ală bơta pal cang, mơ kung ai lơngai bềng liu oh mi in sơl. Jat tŭ tơngai, ală cau bơt mon hiu jum sơn tơm ai jen mơ mpôl dong kơl. Yang Tom Trồ neh ai bơntơl dô mpôl cau kong ceng pơrdu ri wơl, tŭ do hơ đơm bơta tề lăm Ejra dê. Bơtau Ạt-ta-xét-xe neh ai Ejra in oă mah prìa mơ ală phăn kas mang (Ejra 7), tian gơs kung ai gơnoăr sôr ală cau prăp jen in: “Ală bơta lơi Ejra ……..cang gen bol mê pal ai tơl.”

Oh mi kơloi broa rơp pơndut mbe lơi? Hiu duh khoai neh bơt sir, mơ să tòm bơta hơ̆ neh chôl Nêhemi ri wol nang bơt dơrñăng Jerusalem. Oh mi sền gŏ ò? Bulah ming sơntom ala broa dềt rhen, dô nơm nus nhơm dòn duh Yang rơp gơlik ryas chôl bơtrot nang cau ndai khin sơn tơm – mơ bơta lơngai hơ̆ kư pơnjat tai.
Tòm toh ngan jat jonau Yang đơs: “Ñcau sền òsơp di ngai ală bơta dềt rhền taih? Cau rơp chò hòp sền gŏ che rnoas bơt hìu tòm tê Jerubabel. Poh nơm ồs đèng la gar mat Yàng Jehôwa sền sơwì làm jơh plai ù.” (Sacari 4:10)

Yal yau añ je kung gam ơm tòm gùng “sơntom dềt rhên”. Mơ ay añ rgoiw đơs nền cê dô bơta: Yang Tom Trồ nah ai bơntol bau klau añ in dô nơm broa lơh crih crai, mơ añ kung neh sir bơta bơte dơ̆ dùl tòm bơta bơte jrô tai. Kơp kòñ Yang chò hop bơh oh mi, tòm tŭ oh mi dòn song sơntom bơh ala cơn đòa dềt rhen bơh sơn đăn Kơnràñ.

Dan jà bol he dô nùs bal tòm bơta hòi dan: Khoai Yang, kòn ưnngai Yang bơh ala sơntom pa mơ Kơnrañ neh ơn tòm rai kis kòn. Bulah kòn ò hềt git loh gùng lòt hơ đăp, mơ ya kòn dòn lah Kơnrañ neh lòt lai mơ găm tề lă kơp cơn đòa kòn lòt. Dan ai kòn in bơta dòn nàng kòn ò dơrcul nus didap ala bơta kơryan kalke. Dan dong kòn khin cha lòt găn bơta rngòt rngơt, mơ sum dòn song cơn đòa lòt kơp ngai tòm nus kòñ sang goh Kơnrañ dê. Kòn joh nus hoi dan tòm sơndan Yang Jesus Krist, Amen.

Ơ ală ồng mò oh mi kòñ gơboh, digolan ngai do oh mi gơloh sơntom he dê dềt lúi, mơ ya dan bañ sền nggòc bơta hơ̆. Bơh kơp cơn đòa dòn song mơ oh mi cơn đòa lòt ngai do rơp pờ gùng ală bơta dơng in tơnơ̆ do, ò di ming oh mi in lơm, mơ ya kung lơh bơta gơ chôl cau gut dar in sơl. Kơp kòñ Yang chò hòp bơh sơntơm dềt oh mi dê tòm ngai sơn tơm bơtê do. Dan Kơnrañ ai bơn tơl oh mi in pran pa, bal mơ tề lăm mơ bơta gơn kơ nơm tòm kơp gùng lòt hơ đăp.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.