Hauv lub neej, muaj ntau zaug nyob rau ib lub sijhawm twg, peb yuav pom ib yam dabtsi twg nws yuav tseem ceeb heev, tiamsis lub sijhawm dhau mus, thaum peb ua tib zoo tig rov qab, tej uas peb suav tias tseem ceeb ho tsis tseem ceeb lawm. Leej twg nyob hauv peb los yeej muaj ib lub sijhawm twg ntsia pom tib neeg txojsia luv luv, ntawm lub ntiajteb ib ncig. Txhua yam tab tom muaj nyob, tab tom tshwmsim ntawm qhov muag tib pliag cia li ploj ntais, yaj tshis, tsis tshuav dabtsi lawm. Yog li yam dabtsi thiaj tseem ceeb tiag tiag hauv lub neej uas peb cheem tsum nrhiav thiab txhim kho kom thiaj nyob ruaj khov thiab nyob ntev?

Hnub no, yog hnub 11/09/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Missey Butler dhau ntawm Zaj kawm YAM UAS TSEEM CEEB TIAG TIAG.

“Rau qhov peb tsis muab siab npuab tej uas peb qhovmuag porn, tiamsis peb muab siab npuab tej uas peb qhovmuag tsis porn. Tej uas peb qhovmuag porn tsuas nyob ib ntus xwb, tiamsis tej uas peb qhovmuag tsis porn yuav nyob mus ibtxhis li” (2 Kauleethaus 4:18).

Txhua zaug uas kuv xav txog cov ntsujplig muaj nqis uas tau poob lawm rau hnub 11/9. Kuv tig rov los saib tus kheej thiab nug tias: “Lub neej yuav zoo li cas, yog tias taig kis twb pib ib hnub tshiab tiamsis tsis muaj yus lawm?”

Muaj ib hnub twg, qhov no yuav tshwmsim los tiag tiag. Yuav tsis pom txhua taig kis sawv ntxov. Tej hnub, hli, xyoo yuav nres cia. Lub sijhawm uas peb hnov yuav tsis tshuav lawm. Txhua yam hauv ntiajteb uas peb suav tias muaj nqis, muaj ib hnub twg yuav ploj mus. Zoo li ib tug ua yeeb yaj duab thaum uas nws qhib txhua seem ntawm lub thawv, cia rau cov pejxeem sawv daws saib dhau yeej tsis muaj dabtsi.

Txawm yog tej khoom ntiajteb, koob npe lossis hwjchim uas peb muaj hauv lub neej no yuav tsis muaj nqis ntxiv lawm. Tag nrho yuav dhau los tsis muaj nqis.
Vajtswv txojlus hais dhau ntawm Yaxayas yuav tshwmsim los li no:

“Tus Tswv hais tias: Nej yuav tsis nco txog tej uas twb muaj tas los lawm.” (Yaxayas 65:17).

Koj puas xav txog qhov uas ib hnub koj yuav tsis nco txog ib yam dabtsi hauv lub neej thaum uas koj nyob rau hauv lub ntiajteb no? Tseeb tiag, ntawd yog yam uas Vajluskub hais txog. Tej yam qub yuav tsis nco txog lossis yuav tej uas tau tshwm hauv lub hlwb yuav tsis muaj lawm.

Txhua zaug uas kuv nyeem Vajluskub, cuag li lub neej dhau los tsis muaj tiag. Kuv pib pom tias yus nyuam qhuav nyob ntawm no tiamsis tib txhij yus ho tsis nyob ntawm no. Kuv muab “txhua yam tua cia”, tseg rau kuv txoj kev xav nws hla dhau kuv lub cev, thiab tomqab tej kev xav li ntawd kuv txais tau yeej tsis yog dabtsi!
Kuv yeej tsis muaj siab xav muab txo kom sib lossis ua rau ib tug twg qaug zog thaum hais txog qhov teeb meem no. Yooj yim yog kuv tsuas xav qhia txog tej kev xav no zoo li ib lo lus ntuas txog txhua yam uas nyob ib vuag hauv lub neej no!

“Nej twb tsis paub hais tias xyov tagkis nej txojsia yuav zoo li cas. Nej txojsia zoo li tej huab uas nyob ib pliag xwb ces twb yaj tas lawm” (Yakaunpaus 4:14).

Tseeb tiag, peb los rau hauv lub ntiajteb no tsis muaj dabtsi, thiab peb kuj yuav rov qab mus ib yam li ntawd. Yog li yam dabtsi thiaj lis tseem ceeb tiag?

Muaj ib lo lus nto npe lug tau hais txog ntau xyoo dhau los li no:

“Lub neej uas peb paub no tsis ntev thiab yuav dhau mus. Tsuas yog tej yam uas ua kom muaj nqis rau Tswv Yexus thiaj tseem tshuav xwb!”

Yog li ntawd tiag! Tej zaug, thaum peb paub tias, txhua yam uas peb pom thaum no los ntawm peb lub qhov muag ib hnub twg yuav dhau mus. thaum ntawd, peb yuav tau rov qab pib txhua yam hauv peb lub neej tsom kom yog chaw raws li yam uas nyob mus ib txhis. Peb yuav tau cia Yexus Khetos zoo kawg nkaus hauv peb kom txhua yam uas tseem nyob tsuas yog Vajtswv lub tshwjchim xwb! Rau qhov thaum kawg, ntawd thiaj yog yam uas tseem ceeb tiag tiag.

“Rau qhov peb tsis muab siab npuab tej uas peb qhovmuag porn, tiamsis peb muab siab npuab tej uas peb qhovmuag tsis porn. Tej uas peb qhovmuag porn tsuas nyob ib ntus xwb, tiamsis tej uas peb qhovmuag tsis porn yuav nyob mus ibtxhis li” (2 Kauleethaus 4:18).

Thov caw nrog kuv peb thov Vajtswv ua ke: Tus Tswv, thaum kuv xav txog lub neej uas muaj nrim ntawm tus kheej, kuv tsis muaj kev ruaj siab. Tiamsis thaum kuv xav txog lub neej uas muaj nqis tau muab pub nyob hauv Vajtswv txhais tes, kuv lub siab puv npo kev zoo siab thiab kev cia siab. Ua Vajtswv tsaug, vim Vajtswv yog tus tsis muaj nrim tau chwv txog kuv lub neej uas muaj nrim no, kom kuv tau ua lub neej nyob hauv Vajtswv txoj kev sib raug zoo hauv lub neej no thiab tom ntej tib si. Thov Vajtswv pab kom kuv ua ib lub neej raws li tej uas qhov muag ntsia tsis pom. Ntawd yog txhua zaug uas kuv xaiv, lossis txiav txim siab, kuv yuav cia kom Yexus Khetos tshwmsim nyob hauv kuv lub neej, kom Vajtswv zoo siab rau lub neej uas tau nthuav tawm Nws – yog yam uas tseem tshuav mus ib txhis. Kuv thov hauv Tswv Yexus Khetos lub npe. Amees.

Cov kwv tij txhua tus, peb tau tsim los pub rau lub neej ib txhis tsis yog tsuas pub rau lub neej tamsim no xwb. Tiamsis txoj kev uas peb ua neej rau tamsim no yuav txiav txim siab rau peb lub neej ib txhis. Yog li, yog tias tsuas cia yam muaj nqis, kev cia siab, kev tso siab raws li hauv lub ntiajteb no txiav txim, peb yuav tag kev cia siab, muaj kev txhawj, nrog lub siab khoob lug tsis muaj dabtsi yuav txhawm kom puv, vim txhua yam yuav dhau mus. Pauv rau qhov ntawd, yuav tau saib hla dhau tamsim no, thiab tsom ntsoov mus rau lub neej ib txhis. Ntawd yog txoj kev sib txuas ua ke nrog Yexus Khetos- tus uas los cawm peb dim hauv lub neej nrog tej kev sib tawm tsam tsis muaj nqis ntawm lub neej. Peb tau hloov dua tshiab kom muaj lub siab dawbhuv, thiab siv tej yam uas Vajtswv muab pub rau peb. Ntawm no yog ib lub neej tsimnyog ua neej thaum peb nthuav tawm tus duab ci dawbhuv.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.