Ală bơta gơlòng tơm rài kis mơ ală bơta gơlik tus nisơna rgơi lơh he in gơ pự, gơ lưoh dơr cul, mìng dô nă he lơm tơm dunnia do. Dớ dớ, oh mi rgơi lụp is la: “Ăn la ncau? Rài kis do gơs gơtha lơi? Nchi bơ tài ăn găm gơs?”. Mơya oh mi git sơl? Oh mi la phan kwơ màng rlau jơh Yang neh crơng gơs. Yang kờn oh mi dơng rlau mơ ală bơta oh mi kơlôi.

Ngai do, ngai 15/09/2025, Bơta Hòi Dan Kòp Ngai dan jà ală ồng mò oh mi kơlôi sơnưng bal Jơnau Yàng kơnòm dê bơta dong kơl Diane Virginia dê bơh tơnggume: GUT DAR KỜN GƠBOH.

“ Yàng Tom Trồ la bơta kòñ gơboh” (I Jang 4:16)

Jenna cun gơltăng di gah cơnòng, nim rac moat jrum. Mò rơ pa ras tê bơh ras tê may mơ ras tê cho, bơta siau sơmbiết tờm bau sơ lơ rlau bơta roh rùi. Sơmbiết la phan mò sùm dò di ras tê gơtha bơh bơta lơngai. Mơya ngan la, Brian ò gơ lơh be hớ. Ồng neh sang lời mò nàng joi “ bơta kờn gơboh pa”.

Jenna găm ơm wơl, kơlôi sơ nơng nàng joi bơta hơ wơl. Digơlăn mò rgơi lơh bơta lơi nàng ồng rê wơl mơ mò? Ò di be hớ, bơta sền gó ồng di neh tis bơh tú sơn rợp. Mò git bơta hớ, mơya mò kơlôi la mò rgơi tơm gơl ồng, lơh ồng in k ờn gơgboh mò dô dớ tai. Jơ do, mò ò rgơi git mò la ncau.

“ Yang Jesu ơi,” Jenna đơs bơh bơr sơndôi prơm, “Kon la ncau gơwet mơ Yang?”.
Mò kap bơr, kơp kờn Yang sền mò dơng màng, mơya mò sền ò sơp is să tơm he. Ală bơta pìn win wơl gơ ơm tơm bộ tơngoh khai di. Mò git la să tờm he ò kớ nus tơm bơta tơm klac mơ Yang, gen tàng be lơh nàng Yang rgơi sền mò la dô nă cau niam tú hìu nhă mò di găm cah is? Jenna gơ lơh moat jrum ngan. Mò nhă ntao, moat jrum. Mò ai sră cih mẹ mò di neh cih mò in. Dợ nam neh rlau, Jenna neh dok wi đok wơl ală păng cih hớ, joi bàn bơta lơngai tơm kơp bơta kơlôi sơ nơng, mơ găm gơs ală bơta kalke mơ mè mò di cih lời wơl. Mò neh pợ mơ đok ală sèng neh kah prap:

“Jenna kờn gơboh mè di, Ngai do mè neh hòi dăn kon in. Ngai do la ngai sơn rơp kon lot hok mẫu jao. Mè neh koat soh kon in bơh bài jòng pơrhe. Kon neh sù khoh gơtau băl mơ sơnprồm. Kon la rup gơtha bơta niam!

Mè kơp kờn găm gơs kon sùm be do, mơya ò rgơi be hớ. Rài gơs tơl jơh bơta gơlong mơ bơta chơ hơp. Gơs dô ngai ne, rài kis lik gơs bol glar tian gơs kon pìn wil wơl bơh bơta kờn gơboh Yang Tơm Trồ di. Đơs Crih 139 lơh nền mơ kon la Yang neh crơng gơs kon tú kon găm ơm tơm klung mè. Bơta hớ gơtha la Yang neh kờn kon lài mơ tú geh nhờm kis sơn rơp. Kon găm sùm tơm bơta kơlôi sơ nơng Yang di. Ală bơta niam rlau jơh mơ Yang neh ai kon in dờng rlau mơ ală bras tơm dà lêng.

Gơs dô ngai ne, mè ò di la ncau neh ai kon in sơnprồm ren mơ koat nơ kon in tai. Mơya jơl jơh di tú hớ, kon găm gơrê mơ Yang – Bơtau gơs bơta kờn gơboh sùm sùm. Sră Goh cih:” “ Yàng Tom Trồ la bơta kòñ gơboh” (I Jang 4:16) Yang Tơm Trồ la Bơtau kờn gơboh mơ bơta kờn gơboh Ynag di ò rgơi kợp jơh.

Ngai do, kon găm pìn wil wơl bơh Yang sơl? Digơlăn bơh dô nơm bơta tơm klac neh cah is? Yang Tơm Trồ găm ơm mơ kon. Bơta tơm klac kon di mơ Yang rgơi cah is tú kon lơh nền dô săng bơh Yang mơ jơh di tú hớ, Yang găm ting jat kon, hoai kon rê wơl. Đơs Crih 139 ai kon in git:

“Ntềng đah añ rgơi lòt ngài bơh di Hwềng Yàng dê taih?Hala tiah lơi añ rgơi dô pồn bơh di mat Yàng dê taih? Dilah añ guh hơ trồ, Yàng ơm tềng hơ̆!Dilah añ bic tòm lơgar Làng ƀồc,Yàng kung gơs tềng hơ̆ sơl!Dilah añ gơs pơnđar àng drim dê Tus ơm di tiah lồi nhàr dàlềng dê” (Đơs Crih 139: 6-9)

Tú kon rgơi dơng, kon neh hok git at kớ tơm Yang Jesu be Yang neh at kớ kon. Tơm tú jơ klăm jơngo rlau jơh, tú Yang phi bơta kis Ynag di hơ đăng chi pơng di tiah GôGôTha, kon mơnus neh sang Yang. Ală cau bơtê Yang di dô sang. Dô nă cau kơtông kơnhau mơr chớt sền ò sơp Yang. Mơya Yang kư sak bơta phi să he mơ kis wơl bơh bơta kờn gơboh be hớ: bơta kờn gơboh sùm pạ ai. Ncau geh gơnoar nàng cah is kon dô bơh bơta kờn gơboh be hớ? Digơlăn bơta moat jrum lơh kon in sang Bơtau Dong klas, Bơtau neh chờ nus tơm jơh ală bơta tis glai kon di sơl? Ò di, kon kờn gơboh. Ò tú lơi be hớ.

Kon la ncau? Kon la bơta kờn gơboh Yang Jesu di. Joi wơl să tơm kon tơm Yang”
Jenna kơl wơl sră cih mơ ai sră Goh. Mò khồm jơh kơm buh hơ đăng păng sră, gùi di cơnơng mơ rơn lè đok kơp seng, kơp jơnau tơm sră Đơs Crih 139, “ Yang Jesu ơi, kon gơrê mơ Yang” mò đơs ờm, “mơ kon jao jơh rai kis kon di Yang in”

Bulah sơm biêt ò găm tai tơm ras tê, mơya mò dơp git gơs bơta kờn gơboh ơm gut dar mò. Jenna bic rơhă, ơm lơngai tơm mpang tê Bơtau dong Klas di. Yang rơp ò dơrkă gai proh neh pă pơnie rau,ò tơnchơt ồs mòr chơt di brài đèng.(Esai 42:3)

Dan jà bol he dô nùs bal tòm bơta hòi dan: Khoai Yang, gơs tú kon húi Yang găm kờn gơboh di kon oă ngan. Digul bơta gơlong, ală bơta moat jrum tơm rài kis, kon neh dơr cul, gơplơ nus mơ lời bơta kơlôi sơ nơng kon di sang lời bơta tơlik mat Yang di. Kon neh húi Yang găm ơm băl mơ drơm gòm kon bơh bơta kờn gơboh. Dăn tơngkah kon la : bơta kờn gơboh kon mơnus di ò tơl gơnoar, mơya bơta kờn gơboh Yang di geh gơnoar dờng rlau jơh. Mơ dilah kon kư ơm tơm Yang, gen bơta kờn gơboh hớ la bơta àng tề lam kon bulah kon găm ơm tơm bơta lơngai hala moat jrum, kon găm lot tus tơm bơta lơngai. Kon jơh nus hoi dăn tơm sơn đăn Yang Jesu Krist, A-men.

Ơ ală ồng mò oh mi kờn gơboh, kon mơnus rgơi gơlơh roh bơta kơp gơn tú bơta kờn gơgoh he di neh roh, tú bơta kờn gơboh he di ò găm sền dờng màng be lài or. Hala gơs cau lơi neh hơ kờn oh mi jơh rài, mơya neh sang lời oh mi gen jơnau hơ pơgòn hớ roh rùi. Tơm tú jơ hớ, oh mi găm kơp kờn dô bơta kờn gơboh sùm sùm ò tú lơi roh rùi, dô bơta kờn gơboh ò tơm gơl, ò càng bơta lik gơs?

Bơta kờn gơboh Yang di la be hớ. Yang ò di ming lot jat mơ oh mi tơm jơh ală bơta lik gơs tơm rai kis, mơ kung ràng tơlik bơta kờn gơboh dô bă wil tơl tú Yang chớt hơ đăng chi pơng, nàng oh mi geh bơta geh bơta dong klas dilah oh mi ơn nus dòn tơm Yang.

Dilah gơs tú lơi oh mi húi bơta kơng gơboh hớ, hoi dăn té mơ Yang dong oh mi joi bàn bơta tờm gơl pa tơm bơta kờn gơboh Yang di, nàng oh mì ò di ming kis tơm bơta kờn gơboh Yang di, mơ kung rgơi đơs bơh Yang cau ndai in.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.