Zaj xwm txheej uas hais txog Exethaws tsis yog tsuas tas ntawm qhov uas muaj lub siab tawv kam sawv los tiv thaiv nws haiv neeg xwb. Thaum mus tob dua, peb tseem pom Vajtswv lub homphiaj zoo thaum siv ib tug neeg tsis muaj zog los rhuav tshem yeebncuab lub tswv yim phem. Nyob ntawm ib ntsus kev tsov rog cuag li nws loj tshaj yus lub zog, Exethaws xaiv vam khom Vajtswv, muab Nws txojsia fij pub rau Nws. Nyob rau hauv txoj kev mloog lus ntawd, Vajtswv nthuav tawm Vajtswv lub homphiaj-ib lub homphiaj uas yeebncuab faj tsis txog, ib lub homphiaj ua rau Vajtswv haiv neeg txais tau txoj kev muaj yeej.

Hnub no, yog hnub 22/10/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Vernell Windsor dhau ntawm Zaj kawm KOV YEEJ LOS NTAWM LUB SIAB MLOOG LUS

“Mus hais tagnrho cov Yudais uas nyob hauv lub nroog Susas tuaj sib sau ua ke, thiab ua kevcai yoo mos thov Vajtswv pab kuv. Tsis txhob noj tsis txhob haus ib yam dabtsi peb hnub peb hmos. Kuv thiab kuv cov nkauj qhe los yuav yoo mov ib yam nkaus li nej thiab. Ces tom qab ntawd, kuv yuav mus cuag vajntxwv. Yog hais tias, kuv ua txhaum kevcai, kuv tuag los xijpeem, kuv yeej yuav zoo siab tuag” (Exethaws 4:16)

Tus tub sib ntaus taw tes Muhammad Ali tau hais tias: “Yoj yees li npauj npaum, plev mob li ntseeb. Tib neeg txhais tes yeej ntaus tsis tau tej uas qhov muag ntsia tsis pom.”

Tej zaug koj yuav khuab xeeb: niam vajntxwv Exethaws nws ho cuam tshuam li cas txog tus tub ntaus taw tes Muhammad Ali? Tiamsis thaum nyeem phau ntawv Exethaws txij li tshooj 3 txog tshooj 5, kuv rov qab nco txog lo lus hais nto npe no. Ali muaj ib lub peev xwm uas nws ib txwm muaj uas ntau tus neeg tsuas xav npau suav xwb. Ntawd yog qhov khoom plig ntawm tus Vajtswv muaj hwjchim pub rau yawg! Ib yam li ntawd, niam vajntxwv Exethaws kuj muaj ib qhov “khoom plig” uas yeebncuab tsis ceev faj txog!

Yeebncuab txhais tes ces muaj ntau lub tswv yim phem. Nws twb nkaus hauv lub vaj ntawd thaum pib los lawm. kuv yeej tseem nco thawj zaug nws tawm tsam kuv txoj kev sib raug zoo nrog lwm tus. Zoo yam li dab ntxwgnyoog npaj ib lub “rooj sib ntsib” tsis zoo tsuas yog xav ua kom kuv swb. Tiamsis, Vajtswv hais tias: “Yeej tsis muaj ib zaug li!”

Exethaws kuj ntsib ib txoj kev tuag uas Hamas npaj tseg. Phau ntawv Exethaws 3:8 sau tseg tias:

“Hamas hais rau Vajntxwv Xawxes hais tias:Muaj ib haivneeg nyob xyaw peb cov pejxeem thoob plaws txhua qhov hauv koj lub tebchaws no. Lawv tej kevcai txawv tsis zoo li lwm haivneeg tej. Thiab lawv tsis ua raws li koj tej kevcai. Yog li ntawd, qhov uas koj cia lawv ua neej nyob tsis muaj nqis dabtsi rau koj li.”

Hamas txoj kev ua pauj tau tsim muaj txoj kev phom sij heev rau cov neeg Yudais! Txawm yog kuv lub sijhawm nws tsis phomsij npaum li vajntxwv Exethaws, tiamsis txoj kev tawm tsam ntawm sab ntsujplig uas kuv ntsib kuj ntau heev! Niam vajntxwv pib ua kev cai yoo mov thov Vajtswv thiab nqua hu sawv daws koom ua ib yam li ntawd. Vajtswv twb npaj ib lub homphiaj zoo uas Hamas yeej xav tsis txog li!

Txhua zaug uas ua kevcai yoo mov thov Vajtswv tau coj ntau yam muaj nqis los rau kuv lub neej. Tomqab yoo mov, kuv pom meej dua, hnov meej dua, thiab xav kuj ntse dua. Niam vajntxwv Exethaws yeej ib txwm ua neej nrog txoj kev ua kevcai yoo mov thov Vajtswv. Pog xa xov rau Maudekhais:

“Mus hais tagnrho cov Yudais uas nyob hauv lub nroog Susas tuaj sib sau ua ke, thiab ua kevcai yoo mos thov Vajtswv pab kuv. Tsis txhob noj tsis txhob haus ib yam dabtsi peb hnub peb hmos. Kuv thiab kuv cov nkauj qhe los yuav yoo mov ib yam nkaus li nej thiab. Ces tom qab ntawd, kuv yuav mus cuag vajntxwv. Yog hais tias, kuv ua txhaum kevcai, kuv tuag los xijpeem, kuv yeej yuav zoo siab tuag” (Exethaws 4:16).

Niam vajntxwv Exethaws dhau los ua ib tug neeg muaj koob npe hauv kuv lub siab! Vajtswv tsis yog tsuas pab pog lub neej xwb tiamsis tseem cawm tag nrho kuv haiv neeg thiab. Zaj xwm no ntuas kuv tias muaj Ib leej txiv muaj kev hlub, tus uas cawm kuv dim ntawm yeebncuab tej tswv yim phem. Nws muaj tej homphiaj pub txoj kev muaj yeej rau nws haiv neeg. Yeebncuab yeej tsis nyob tau txhua qhov thiab kuj tsis muaj hwjchim ntau – tiamsis Vajtswv muaj!

Vajtswv tab tom qhia peb paub “yoj yees zoo li npauj npaim, tiamsis plev mob ib yam li ntseeb”. Nws yeej tab tom ua pov thawj tias “yeebncuab (txhais tes_ yeej yuav kov tsis yeej tej uas qhov uas ntsia tsis pom” Vajtswv tab tom ua rau yeebncuab txhua lub tswv yim dhau los tsis muaj qab hau!

Thov caw nrog kuv peb thov Vajtswv ua ke: Leej Txiv tus muaj kev hlub, thov qhib kuv lub siab kom kuv txais yuav txhua txoj koob hmoov thiab tau Vajtswv ua tus coj kev. Thaum kuv ntsib yeebncuab tej kev tsim txom, thov pab kom kuv sawv khov kho thiab tuav ruaj txoj kev ntseeg rau nws dhau ntawm ua kevcai yoo mov thiab thov Vajtswv. Thov pub kom kuv muaj lub siab tawv ib yam li niam vajntxwv Exethaws, kam mloog raws li Vajtswv lub siab nyiam txawm yog yuav ntsib kev phomsij. Thov kom kuv ua lub neej rau hauv txoj kev muaj yeej uas tus Cawm Seej tau pub. Kuv thov hauv Tswv Yexus Khetos lub npe. Amees.

Cov phooj ywg, Vajtswv muaj txoj kev tso Vajtswv haiv neeg thiab pub kom Nws haiv neeg dim, txawm yog thaum uas yeebncuab xav tias nws txais kev muaj yeej ntawm tes. Niaj hnub nim no, Vajtswv yeej tseem tab tom ua haujlwm ua rau kom yeebncuab lub tswv yim dhau los tsis muaj nqis. Qhov teeb meem yog peb puas kam zoo siab muab lub neej tso plhuav rau Vajtswv ib yam li Exethaws tau ua? Ib tug pojniam tiamsis kam ntseeg Vajtswv, tas coj txoj kev cawmdim pub rau haiv neeg ntuas peb tias: thaum tso plhuav rau ntawm Vajtswv, peb yuav ntsia pom Vajtswv pub kev txawj ntse, lub siab tawv thiab kev muaj yeej, tsis yog rau koj thiab kuv xwb tiamsis pub rau tag nrho peb tej neeg txheeb ze thiab.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.