Puas muaj zaum twg koj tos ib yam dabtsi twg ntawd ntev heev, nrog tag nrho txoj kev cia siab, tiamsis lwm tus ho yog tus ntsia pom tej paj txiv? Peb yooj yim tsuag siab, tiamsis kuj yog vim li ntawd thiaj nkag siab tau qhov muaj nqis ntawm txoj kev ua siab ntev thiab txoj kev ntseeg hauv Vajtswv. Vajluskub hais tias muaj tej tus vajntxwv, tej lus cevlus tos ntsoov kom pom tus Mexiyas tiamsis txog rau ntau tiam tom qab thiab lawv thiaj ntsia pom tim ntsej tim muag. Thiab thaum Tswv Yexus los, Nws tsis los nrog lub hwjchim ci ntsa iab li hauv ntiajteb, tiamsis nws xaiv los zoo li tus menyuam mos nthuav tawm Vajtswv lub tebchaws.

Hnub no, yog hnub 28/10/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Paul J. Palma dhau ntawm Zaj kawm KEV NTSEEG ZOO LI TUS MENYUAM YAUS

“Kuv ua koj tsaug, rau qhov koj twb muab tej no zais cia tsis qhia rau cov neeg muaj tswvyim thiab txawj ntse paub, tiamsis koj qhia tej ntawd rau cov neeg uas tsis txawj tsis ntse paub xwb. Txiv, koj yeej porn zoo ua li ntawd” (Lukas 10:21).

“Yexus txawm tig mus hais twjywm rau cov thwjtim hais tias, “Tej uas nej porn no, yog nej muaj hmoo kawg nej thiaj porn! Kuv qhia rau nej hais tias, cov uas cev Vajtswv lus thiab cov vajntxwv ntau leej xav porn tej uas nej porn, tiamsis lawv tsis tau porn, lawv xav hnov tej uas nej hnov, tiamsis lawv tsis tau hnov.” (Lukas 10:23-24).

Tus mom pojniam ywj pheej lawv ua poob 20 xyoo thiaj ua tau. Xyoo 1865, tus tub txawg neeg Pháp Édouard de Laboulaye tawm tswv yim: Pháp muab ib daim duab pub rau tebchaws Mekas txog txoj kev ywj pheej ib txwj raug caij tsuj nyob rau tiam Napoléon III. Tus mlom no puab rau tebchaws Pháp, muab thau thiab thauj tuaj mus rau tebchaws New York mam ua qhov chaw txawb. Hnub 28 hli 10 xyoo 1886, tus nom Grover Cleverland qhib tshiab rau tus mlom no.

Hauv tus mlom txhais taw lawv ntaus ib co lus paj huam rau:

“Cia li muab cov neeg uas tas zog, txomnyem, cov neeg uas ntshaw kom tau ua pa ywj pheej, tej kev txomnyem ntws ntawm tej qhov chaw sib txiv qees. Xa rau lawv cov uas tsis muaj tsev nyob, cua daj cua dub muab peb npog cia.
Kuv tsa lub teeb ntawm qhov rooj kub!”

Txawm yog Laboulaye twb tuag ua ntej uas nws ntsia pom tus mlom nws puab tau ua tiav los, tus mlom ntawd yeej tseem nyob zoo li yog ib lub cim tiv thaiv cov neeg txomnyem thiab raug quab yuam, nrhiav mus rau tebchaws Mekas kom nrhiav tau kev ywj pheej. Yawg twb tos ntau xyoo kom tau pom nws lub tswv yim tau ua tiav, tiamsis nyob rau lub sijhawm uas tab tom ua yuav tau ntawd nws ho tseg rau lwm tus pom.

Ntau tiam dhau, haiv neeg Yixalayees kuj tos ntsoov tus Mexiyas, tus vajntxwv uas muaj hwjchim yuav tso lawv dim ntawm yeebncuab txhais tes thiab pub kom lawv muaj kev kaj siab ntev nyob hauv tebchaws cog lus tseg. Tas tiam no txog lwm tiam, cov cev lus tas, cov thawj tswj txog tej vajntxwv puav leej tuag tas tsis tau pom Yexus Khetos. Tiamsis thaum Nws los, Nws tsis yug los ntawm ib caj ces nplua nuj, tiamsis yug ntawm lub dab zaub pub nyuj. Nws tsuas yog ib tug kws ua ntoo thiab pib ua nws txoj haujlwm nrog cov neeg ntaus ntses tsis muaj koob npe.

Kuj zoo li tus mlom Ywj Pheej, Tswv Yexus yog tus Mexiyas kuj tau nthuav tawm rau cov neeg txomnyem. Laboulaye tsis muaj ib zaum twg tau ntsia pom lawv ua tiav tus mlom. Tiamsis tus mlom ntawd yeej tseem yog txoj kev cia siab txog qhov kev ywj pheej. Nyob hauv Lukas tshooj 10, cov thwjtim lawv kub siab lug tham txog tej txujci nyob Vajtswv lub tebchaws. Thaum ntsia pom lub ntsej muag luag ntxhi ntawm lawv lub ntsej muag, Tswv Yexus tau thov Vajtswv tias:

“”Kuv Txiv, koj yog tus Tswv uas kav lub ntuj thiab lub ntiajteb no! Kuv ua koj tsaug, rau qhov koj twb muab tej no zais cia tsis qhia rau cov neeg muaj tswvyim thiab txawj ntse paub, tiamsis koj qhia tej ntawd rau cov neeg uas tsis txawj tsis ntse paub xwb. Txiv, koj yeej porn zoo ua li ntawd” (Lukas 10:21).

Tus Mexiyas uas tau cog lus tseg twb los lawm! tiamsis Vajtswv lub tebchaws tsis xub muab nthuav qhia rau cov neeg kawm siab ua ntej tiamsis yog qhia rau cov neeg uas muaj lub siab zoo li menyuam mos. Tswv Yexus tsis los zoo li txoj kev uas cov neeg Yudais tos – ib tug nom kav tebchaws nto npe caij nees mus rau hauv Yeluxalees. Txawm yog thaum uas tej xov xwm ncha txog tej txujci Tswv Yexus ua yim hnub yim deb, kom nthuav tawm Nws lub npe, los Tswv Yexus yeej xaiv caij tus nees luav mus rau hauv Yeluxalees xwb. Tseem ua rau xav tsis thoob thiab yog – nyob saum ib tug menyuam nees luav! (Mathais 21:5).

Vajtswv nyiam nthuav tawm Vajtswv lub tebchaws ncaj rau Vajtswv lub sijhawm, tsis yog nyob rau hauv lub koob npe ci ntsa iab tseg rau cov neeg muaj hwjchim, tiamsis los ntawm lub siab mos muag tseg rau cov neeg txo hwjchim. Vajtswv lub tebchaws tsis tau ntsuas los ntawm tej chaw nyob, tub rog lossis ciam teb ciam av, tiamsis yog los ntawm txoj kev ntseeg mos muag ntawm cov neeg uas ntseeg Nws – kev ntseeg txuas ua ke nrog tus cwjpwm txo hwjchim: yog Ntoo Khaub Lig.
Tiamsis zaj xwm txheej tsis nres qhov no- vim peb tus Cawm Seej twb sawv los lawm! Vajtswv tus menyuam yaj tuag theej peb nws tsis nyob twj ywm hauv tub tuag teb. Dhau ntawm Tswv Yexus txoj kev txo hwjchim, Vaj Leej Txiv twb ua ib qhov txujci loj tshaj yog: ua rau Nws tus tub sawv hauv qhov tuag rov qab los.
Hnub no, Vajtswv caw tag nrho peb los rau ntawm Ntoo Khaub Lig los ntawm txoj kev ntseeg, txawm yog peb yuav muaj “cov cev lus lossis cov vajntxwv”. Txawm yog peb lub meej mom ntiajteb yuav zoo li cas, los thaum sawv ntawm Ntoo Khaub Lig, peb puav leej muaj lub siab tos ntsoov. Vim tus uas peb niaj hnub tos ntsoov kom “tau pom” thiab “tau hnov” twb sawv rov qab los lawm tiag, thiab Nws tab tom cev tes los caw, pub cov lus cog tseg txog kev ywj pheej thiab kev muaj yeej rau txhua tus.

Thov caw nrog kuv peb thov Vajtswv ua ke: Tus Tswv uas muaj kev hlub! Kuv ua koj tsaug vim koj nthuav tawm Vajtswv lub tebchaws thiab Vajtswv lub tshwjchim ci ntsa iab rau cov neeg uas muaj lub siab zoo li tus menyuam mos. Tus Tswv! Thov rub kom kuv los rau ntawm Ntoo Khaub Lig los ntawm txoj kev ntseeg txo hwjchim, tsis vam khom tus kheej lub zog, tsis vam khom tus kheej kev txawj ntse, lossis tej meej mom hauv ntiajteb, tiamsis vam khom Tswv Yexus txoj kev hlub. Thov Vaj Ntsujplig pab kom kuv ua lub neej txhua hnub nyob hauv txoj kev ywj pheej thiab kev kov yeej uas Vajtswv muab pub dhau ntawm Tswv Yexus txoj kev sawv hauv qhov tuag rov qab los. Kuv thov hauv Tswv Yexus Khetos lub npe. Amees.

Cov kwv tij, peb tsis tas yuav yog vajntxwv lossis yog cov neeg muaj meej mom siab thiaj tau ntsib Vajtswv. Yam Vajtswv nrhiav ntawm peb txhua tus yog lub siab mos muag, ntseeg siab thiab ntshaw Vajtswv. Ntoo Khaub Lig tsis yog xaus, tiamsis yog lub qhov rooj qhib rau txoj sia sawv rov qab los. Tswv Yexus twb sawv los lawm, kom koj thiab kuv yuav txais tau txoj kev cia siab, kev ywj pheej thiab kev kov yeej mus ib txhis. Yog li, hnub no, peb txhua tus yuav tau txiav txim siab uas cuag Nws, thiab muab peb lub siab tso rau ntawm Nws los ntawm peb txoj kev ntseeg zoo li tus menyuam mos!

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.