Kơp nă bol he cau lơi kung neh kơnô bơta yăl wơl bơh bơta ơn phan mơna Yang in tơm hìu jum dô bă dờng ơnàng, mơ să tờm he kung kơp kờn lik gơs be hơ̆. Mơya, gơs tŭ lơi oh mi neh ơm tơm bơta guh dir ò rgơi tŭ neh hơ ơn rau, mơya gơs oă bơta lik gơs, lơh he in ò rgơi nàng ơn Yang in jat be jơnau he neh hơ? Hala bơh sơn rơp, kơp kờn niam nus Yang gen bol he kờn ơn Yang in, gen tàng lik gơs lơh he in gơ duh tơm “kai gơrmơ̆” bơh să tờm he mơ lik gơs tŭ he kờn lơh jat be cau ndai tơm bơta duh broă. Tŭ hơ̆, bơta ơn phan ò lik gơs bơh nus git ưn ngai hala bơh Yang neh sôr bơtrut, mơ la bơh nus jòng să đah hwêng geh pùn dơp tơm dơlam.

Ngai do, ngai 22/11/2025, Bơta Hòi Dan Kòp Ngai dan jà ală ồng mò oh mi kơlôi sơnưng bal Jơnau Yàng kơnòm dê bơta dong kơl GARY E. ROBERT bơh tơnggume: NÀNG BƠTA ƠN PHAN Ò LIK GƠS ÀÑ KƠNJƠ̆

“Kòp nă ơn tĕ jat nùs he neh lơh nền lài; bañ yoam hala bơh rồn bơklơn, bơh Yàng Tom Trồ kòñ gơboh cau chò nùs pà phan.”(II Kôrintô 9:7)

Gơs tŭ lơi oh mi gơ lơh àñ kơnjơ̆, roh lơngai tơm nus tŭ he ò lơh jat bơta he neh lơh nền ơn phan Yang in sơl ơ? Bol he kơp kờn lik gơs cau git ơn phan dô bă chơ hợp (II KôrinTô 9:7), ơn phan tian gơs kong li bơta, mơya bơta tơnggơs gơ tơn tus dô bă nisơna be Gôliat la dô nă cau dờng să, lơh nus he di păl sền dơng màng. Ngăn la, bơta hơ̆ neh gơ tơn tus mơ añ lồi di bơta añ neh lơh nền ơn Yang in dô khà jen pria dờng nàng bơta bơtào hìu jum. Mơya jèn pria nàng rcăng bơta kòp ji bau ur añ di ò rgơi gơs sră bảo hiểm, kop ji kon ur di, tus bơta tờm bau kon ur ndai tai, gen tàng ală khà jen pria nàng dong kơl dô nă cau mi ur koet kơlte mơ khà jen dong kơl mè añ di tai sơl, ală bơta hơ stian gơs nus añ di lik gơs dơrcul mơ moat jrum. Mơ bơta màng rlau jơh, mơ kung la bơta drô dơp, hớ la nus pơnhự să dah hwêng tŭ he kờn lik gơs cau geh tiang pơn rơ tờm hiu jum.

Tŭ bol he bơtơl nàng geh pha cau ndai tơm bơta dòn nàng geh gơs tiang pơn rơ niam, bol he găm kis mơ đào bơta pơnhự să di, mơ dilah bơta lik tus gơ tờm gơl, gen bol he kung rơp chớt bơh đào bơta jòng să hơ̆. Jơnau Pơnđik 16:18 neh cih:”Bơta pơnhừ să lòt lài bơta rung rài jat tơnơ̆;Mơ bơta tơngguh is să lòt lài mơ bơta gơtup pừ.”

Nchi bơtài añ neh ơm tơm bơta bol glar do, añ neh hok git bơta lơi bơh bơta tis añ di. Jơh ală broă geh sơn tờm bơh bơta hìu jum goh neh cri pơyê bơta bơt bơtào, la tiah mơ ală cau at bộ neh jơnum băl mơ đơs loh la bol he pal la cau lơh krơh git phi să he tơm bơta ơn phan jat Sră Goh gơwet mơ jơh cau don Yang in, jơnau hòi ja do lik gơs di ngan, ring băl jat mơnàng Sră Goh, băl mơ jơnau tơngkah lơh nền la păl joi jat nus kờn Yang di bơh bơta hoi dăn, ơt sa, mơ đok Sră Goh, bal mơ cri pơyê mơ hìu nhă kung be rơp joi bơta bơto cau jak chài tơm pơnah jen pria. Ală Digơna Yang kung đơs loh la bơta ơn phan do “bơh nus kờn gơboh”ò di bơh rồn bơklơn, mơ bol he kung rgơi tờm gơl dilah gơs bơta gơtơn tus. An dòn la an neh lơh tơl ală pơnah hớ rau. Mơya, bar pe kơnhai kời, tu an chơ hợp mơ cih mat tơm sră lơh nền, dô bơta klăm jơngo rơp lik gơs sơn tờm srăp bluh bơta lơngai an neh gơs tú ală bơta kơlôi crăng bơh jen pria mơ an neh đơs rơp tus.

Tŭ àñ kơnjơ̆ sơlơ ngai sơlơ dơng rlau, añ gơlơh moat rlau mơ git la ală bơta neh dơng rlau mơ pran añ di. Digơlăn Yang tơm gơl ơhò Titanic àñ di, dilah ò àñ rơp tơm bluh mpàng lŭ mơ gơ kram. Ală bơta kơlôi rcăng kư pơn jat tus, mơ añ mơr gơpừ bơh bơta àñ kơnjơ̆ tis glai, bassil bơh ò lơh jat jơnau neh hơ mơ Hìu Jum. Tŭ añ neh hòi ờm mơ Yang, dô jơnau lơbơn niam đơs mơ añ:” Sền song di bơta lơh kon in neh lơh nền tơm khà jen hớ bơh tŭ sơn rợp la nchi?

He sền swì wơl bơta lik gơs neh sôr bơtrut bơta lêr wơl plai nus bulah ji mơ gơs kwơ. Añ dơp git la khà jen hơ̆ ò tus bơh bơta tề lam Yang di, mơ tus bơh bơta kơp kờn lik gơs dô nă cau kwơ màng tơm mat cau ndai. Bơta hớ neh phà tơrlah “ dah bơh dih sang goh” añ di mơ dong añ git pơn dệt să, añ ai jơh nus khin cha nàng tơm gơl wơl bơta añ neh lơh nền II Kôrintô 8:12 “Bơh dilah cau lơi gơs nùs kòñ ơn, gen phan ơn geh Yàng Tom Trồ dòp jat bơta he gơs, ò di jat bơta he ò gơs.”. Do la dô bơta kwơ màng ngăn añ neh hok git nàng lik gơs dô nă cau ơn phan dô bă chờ nus mơ lơh gơklo àng sơn đăn Yang

Dan jà bol he dô nùs bal tòm bơta hòi dan: Khoai Yang, oă dơ̆ kon neh ơn phan la tai bơh kờn cau ndai sền kon là kwơ bơta hơ̆ dơng rlau mơ kơp kờn niam nus Yang. Mơ kung gơs dơ̆, kon siau bơta gơn kơnòm tŭ kon neh ơn phan Yang in mơ tŭ hơ̆ să tơm kon găm ơm tơm bơta ò bơtoah tơm khà jèn pria. Hala să tờm kon gơs nus moat jrum bơh kon ò lơh sir jơnau neh hơ nền, bơta hơ̆ ò tus bơh nus git gơjran snag glai, mơ lik gơs bơh nus pơnhừ să dah hwêng! Dăn toh glai kon in, dăn ai kon in git gơn kơnòm tơm bơta tề lam Yang di, nàng ală phan kon ơn lơh Yang in niam nus mơ lơh àng gơklo sơn đăn Yang. kon jơh nus hoi dăn tơm sơn đăn Yang Jesu Krist, A-men.

Ơ ală ồng mò oh mi kờn gơboh, Yang Tơm Trồ la Bơtau “sền sơwì tòm dơngoh,Lòng tòm nùs”. Yang git nus bol he neh ơn Yang in bơh nus ưn ngài mơ lơh gơklo àng sơn đăn Yang hala la tài bơh kờn cau ndai sền go bơta he neh lơh! Oh mi geh chờ nus nàng ơn Yang in jơh ală bơta he neh gơs, băl mơ nus dòn la bulah phan ơn dệt rhền mơya ơn jơh nus, tŭ ơn tơm tê Yang gen Yang rơp ngùi tơm broă dơng rlau sơl ơ?

Bañ kơlôi tus di ală bơta cau ndai đơs bơh he, mơya pal git kah kơlôi tus Bơtau rơp sền swì tơm pơnah ơn mơ nus nhờm ơn phan he di! Kah te la, bơta ơn phan la lơh nền ơn jơh ală bơta mơ Yang neh ai he in!

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.