Kòp nam, tus ngai wer Tạ ơn, oă ba tiah đơs chò jong rơ ală bơta lơngai Yàng ai pà. Mơya nền ngan, ò dê tu lơi bơta ưn ngài Yàng kung buơn soh, lài ngan gơ wèt mơ ală cau kong gơ lòng bol glar. Di gul bơta klam, digul thong bơta chơt, lơh be lơi nàng bol he rgơi ưn ngài Yàng taih? Lơh be lơi nàng bol he rgơi kis gơs nus nhơm git ưn ngài tòm bơta kis os mòng he dê?

Ngai do, ngai 27/11/2025, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê bơh tơnggume: KIS GƠS NÙS NHƠM GIT ƯN NGÀI

‘Bơh Yàng Jehôwa la niam; bơta kòñ gơboh kơ̆ dơn Kơnràñ dê gam gơs sùm sùm, Mơ bơta dòn song Kơnràñ dê gam jơl jơh ală rài.’ (Đơs Crih 100:5)

Tòm dô dơ lòt bơto yal kỳ trại ntào tơngguh đah hwềng mpồl mò dê, an gơlơh rngoh rngac tu sền go oă cau bơh ală hiu jum goh, oă cau pa is mpồl dô nus bal duh khoai Yàng, bơtê jơnau Yàng, tơrgùm bal mơ hòi dan ala. Tòm tu rlô, dô nă cau kơ nòm să neh tus tìp an mơ lùp an dô bă jơh nus: “Lơh be lơi an rgơi ưn ngài Yàng tu Yàng tă tơlik ală bơta an jê taih?”

Gơs tu lơi ồng mò oh mi ơm tòm bơta dròm be hơ sơl? Bol he kong oă bơta gơ lòng bol glar tian gơs he ò rgơi đơs jơnau ưn ngài. Bươn ngan nàng jòng rơ Yàng tu geh bơtoah bơtoài, ring lơngai mơya digùl bơta kalke, bơta cah lề, kơjơ kơn jut bơh jên priă, kòp jê, bol he rgơi ưn ngài Yàng bơh bơta lơi mơ lơh be lơi?

Bol he os bơtê kòn dềt pal koar tê mơ đơs; “ưn ngài” tu kòn geh cau pà ai phăn lơi bulah mìng la dô nơn kẹo dềt. Mơya bol he bươn ngan gơ hui ală bơta lơngai Yàng ai pà hơđang rài kis he mơ sền ală bơta nđàc hơ be la os mòng.

Bồ sơ nam, an pal bic hiu sơ nơm tài bơh ò pràn tai. An ò tơl pràn nàng lòt rê is dô nă, bơta at dô nơm ly dà nàng nô gơlơh kalke ngan. Tu hơ, an đal git lah an neh sền ò sơp ală bơta lơngai Yàng ai pà tòm rài kis an. An geh tơngkah pal sền dờng màng, git ưn ngài bơh ală bơta gơlơh be dềt rhền: bơta pràn kơldang kòp ngai, mat an rgơi sền go, tôr rgơi iat kơno, jơng nàng rgơi lòt, dô nơm hiu nàng rê mơ dô nơm hiu nhă nàng kòn gơboh. Mơya, dilah rài kis do bềng tơl bơta kalke, bơta kòp jê gơlơh bol he in ì rgơi lòt rê, bol he rgơi ưn ngài Yàng bơh bơta lơi tiah?

Đơs rih 100 ai bol he in sèng ho. Jơnau Yàng hòi jà làng bol cau dòn Yàng pal ưn ngài, jong rơ sơnđan Yàng tài bơh nus ưn ngài bol he dê ò kơ nòm dê bơta gơlik gùt dar mya kơ nòm dê ală dờng ơnàng rlau. Ală bơta ò lơng gơr.

Đơs Crih 100 tơnkah bol he ưn ngai Yàng tài bơh bol he geh Yàng crơng gơs, bol he gơre mơ Yàng, bol he la làng bol Kơnràñ dê, la mpồl belàt ơm tòm ƀlàng ñhơt Kơnràñ dê. “Bol he gơrê mơ Yàng.” An kòn ồng mò sền dờng jơnau mơ kơ lôi sơ nơng. Cih te sơn đan mat he tòm sèng Sră Goh do, tơnơ mơ “kon” mơ dờng jơnau : “Kòn,……….., gơrê mơ Yàng .”

Gơrê mơ Yàng la dô bơta nđàc dơng ơ nàng niam ngan. Yàng Tòm Trồ Gơ nap gơ noar kòn gơboh, sền gar, jơm gòm ơm bal mơ gơr wàng, ha lin làng bol Yàng dê mơ mpồl be làt Yàng dê, ală cau lơi gơ rê mơ Yàng. Digul bơta kalke, bol he git la Yàng ơm bal, bơtơl pràn bol he in.

Bol he ưn ngài Yàng tài bơh Yàng la niam, bơta nđàc Yàng dê găm sum sum mơ bơta dòn song Yàng dê gam sum sum. Tòm bơta ring niam mơ bơta nđàc Yàng ai pà bol he in bơta kis. Yàng ai pà oxy nàng nhơm, bơta àng nàng geh ram, miu nàng tiah geh niam nàng bol he gơs chi che kòp ngai. Bol he ưn ngài Yàng tài bơh bơta dòn song Yàng ai pà bol he in ò tu lơi tòm gơl bulah gơs oă dơ bol he lơh Yàng in moat jrung, tòm dră mơ Yàng tòm bơta kơ lôi sơ nơng, jơnau đơs hala tòm broă lơh he dê. Kơn ràn gam kòn gơboh, toh glài bol he in.

Tòm jơh bơta nđàc Yàng ai pà hơđang rài kis he, an kơ lôi sơnơng bơta nđàc dơng ơ nàng rlau jơh Yàng ai pà kòn mơ nus in lah bơta Dong klas. Tòm bơta kofn gowboh of git nđò Yàng dê, Yàng Tòm Trồ neh ai pà Yàng Jesu tus dunnia nàng kong chơt ala bơh tồi glài bol he, nàng bol he kơ nòm Kòn hơ nàng geh dong tă, mơya ngai do bol he geh gơlik gơs kòn Yàng Tòm Trồ, mìng bơh bơta nđàc Yàng.

Tài bơh bol he gơ rê mơ Yàng, tài bơh bơta nđàc mơ bơta dòn song Yàng dê, tài bơh bơta dong klas Yàng dê ai bol he in gan dê Yàng Jesu Christ, tài bơh bơta kòn gơboh sum sum Yàng dê, bol he rgơi ưn ngài Yàng bulah tòm ală bơta gơlik gơs gùt dar be lơi.

Rê wơl mơ ală cau kơ nòm să tòm kỳ trại bồi linh, lồi bơta tòm bơh bơr bol khai đal git bơta klke neh lơh ndơp, lơh bol khai in ò đal git bơta nđàc ndai Yàng ai pà rài kis he in. Bol he crap wơl bơta tòm bơh bơr gơ wèt mơ nus git ưn ngài tòm trồ moat ngềt kơnhai prang dê.

Ưn ngai ò dê mìng tòm ngai wer dô dơ dô năm, mơ la nus nhơm kis. Ơ ală cau geh dong klas, kis mơ nus git ưn ngài ală bơta Yàng neh ai pà bol he in.

Bol he kung ò gơ hui tơngkah bal: Nus nhơm git ưn ngài ò dê dơh wơl tòm bơta đal git mơ pal ràng tpưlik tòm broă lơh. Gơs dô nơm sèng yal bơh dô nă cau lơh gơ noar sơ nơm oă sơ năm tòm Ấn Độ, tòm dô bă tiah gơs oă cau tu deh mơ bơta sền go os mòng, mơya gơs dô bơta lơi lơh bol khai in tu dờng sền ò loh . Cau gơ noar sơ nơm do đơs lah neh gơs dô nơm phương pháp nàng sơm bòi ha la kơryan kòp dô. Oă cau lòt jòi ồng mơ mat bol khai geh sơm bòi. Ồng yal lah bol khai ò hềt đơs ưn ngài. Mơ bol khai đơs bol khai rơp yal sơn đan mat ồng dê. Lòt tus bă tiah lơi, bol khai kung tơngkah tus sơnđan mat ồng dê be dô bơta nàng kah mơ yal ală bơta ring niam mơ bol khai geh dòp rò.

Yàng tom Trồ neh dong tă bol he lik bơh bơta tồi glài mơ bơta chơt, Kơn ràn ai pà oă bơta lơ ngai tòm rài kis. Bol he niam nus nàng yal sơn đan Yàng, bơto yal sơn đan Yàng mơ bơta dong klas Yàng dê ală cau gùt dar he dê hala ò? Bol heniam nus jỏngơ, ưn ngài Yàng kòp tu tòm ală bơta gơlik gơs gùt dar be lơi sơl?

Dan jà bol he dô nùs bal tòm bơta hòi dan: Khoai Bèp kòn gơboh, kòn ưn ngài Yàng tài bơh ală bơta nđàc Yàng ai pà bol kòn in: bơta kis, bơta pràn kơldang, hiu nhă mơ ală phan hàng mơ ne mơ Yàng neh crơng gơs. Kòn ưn ngài Yàng tài bơh nus kòn nđàc, bơta dòn song mơ bơta dong klas mơ bơta kòn gơboh sum sum Yàng dê ai pà kòn in. Ưn ngài Yàng tòm digùl oă cau hơđang plai ù do, kòn geh sac rwah lơh gơs kòn sau Yàng, kòn geh gơ rê mơ yàng. Dan Yàng dong kòn kis gơs nus git ưn mgài mơ khin cha bơto yal sơn đan Yàng ală cau gùt dar war we. Kòn ai sơnđan Yàng Jesu Krist, hòi dan mơ Yàng Bèp. Amen.

Ơ ală ồng mò oh mi kòñ gơboh, digùl bơta gi ga rài kis dê, bol he buon ngan gơ hui ală bơta nđàc Yàng neh ai pà he in. Kơp kòn bol he rơp bơtê să tòm in mơ hiu nhă in dô bơta os mòng sum kah mơ ưn ngì Yàng bơh ală bơta nđàc Yàng ai pà, bơh ală bơta dềt rhền tus dơng ơ nàng, mơ ràng tơlik nus nhơm git ưn ngài gan dê bơta kis os mòng, yal wơl ală bơta nđàc Yàng dê ală cau gùt dar war we bol he in. Dan bol he ò dê mìng kis tòm bơta nđàc mơya kung gơlik la ală cau lơh cơng bơh bơta kòn gơboh mơ bơta dòn song Yàng Tòm Trồ dê.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.