Oh mi don sơl lah ming dô jơnau “ưnngai” bă liă kung tơl lơh cau ndai in chờ hơp, mơ nhức la lơh niam nùs Yàng? Mơ ya digul oă broă lơh kơp ngai, bol he hŭi đơs bơta gơlơh be dềt rhền hơ̆. Yàng neh tuh tơlik bol he in oă bơta lơngai, mơ ya ò ết dơ̆ bol he ming dơp ai gen cơnđòa lọt, mơ od bơdơh wơl dô ết nang đơs: “Kòn ưnngai Kơnràñ.” Bơta lơh lòt bol he dê diđap ală bơta lơngai hơ̆ rơp lơh nền jơh ală bơta, mơ nùs git ưnngai rgơi pờ ală mpông bơta nđàc crih crai bơh Yàng.

Ngai do, ngai 29/11/2025, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng mơ cau cih bơta bơtê bơh tơnggumê BROĂ GƠ ƠM TÒM BƠTA LƠH LÒT.

“Gơs dô nă cau tòm mpồl bol khai gŏ he neh geh bòi, gen rê wơl, ai jơnau driau dờng jòng ro Yàng Tom Trồ, tơmbic să di jơng Yàng Jesu mơ ưnngài Kơnràñ. Cau hơ̆ la cau Samari.” (Luka 17:15-16)

Gơs ală cau gơlơh kălkê ngăn nàng đơs “jơnau ưnngai”. Dô mhô nê, gơs dô nă cau lơh sươn nggui đah bơdih hiu bal mơ bau ur. Tơnơ̆ mơ poan jơt năm kis bal, ông pa dơp git lah bau ur ông de dơng mang ngăn ò git nđờ. Lot găn nđờ jơt sơnăm, khai tòmpà bal bơta chò hơp, àñ băl ală bơta bol glăr kălkê tòm rai kis ur klau. Mò lơh broă ò git sơ ỏi, mơ kòñ ồng dô bă ò càng bơta lơi. Nggui bal ngai hơ̆, ồng đơs: “ mò ơi, oh là dô nă cua ur crih crai…oă dơ̆ bi pal pơnđơl bơklơn ngăn nàng ò đơs jơnau hơ̆ mơ oh.”

Broă bol he dê là be do: Yàng ai lơnagi bol he in oă ir, tian gơs bol he buôn sền òsơp. Cau cih Ralph Waldo Emerson neh đơs, dilah ală sơmañ ming tơlik măt dô dơ̆ gợi, digơlăn cau lơi kung guh măng nàng sền lăng. Mơya tai bơh măng lơi kung gơs, gen tàng ò cau lơi găm tơnggơr sền tai sơmañ. Bol he kung buôn ngăn gơlik gơs ndrơm behơ̆: dơp lèng lơngai oă ir, gen siơ̆u roh nùs git ưnngai.

Dilah gơs cau lơi kơlôi lah jơnau ưnngai ming la bơta sac rwah – gơs hala ò gen kung di, gen yăl yau Jơnau Niam dô ai tơnggit jơnau ưnngai dơng mang ò git nđờ:

“Tòm gùng lòt hơ Jerusalem, Yàng Jesu lòt gan nhàr Samari mơ Galile. Dơ̆ Kơnràñ neh mut tòm ƀòn ne, gơs jơt nă cau dun lòt kơp rò Kơnràñ. Bol khai ntào ngài ngài, ai jơnau đơs lah: “Ơ Jesu, Cau Bơto, dan nđàc sơngit di bol hi.” Dơ̆ Kơnràñ gŏ bol khai gen đơs lah: “Lòt tĕ, sơnio să bol mê mơ ală cau gơnoar ơn phan duh khoai.” Tòm tŭ bol khai gam lòt gùng gen bol khai gơs goh. Gơs dô nă cau tòm mpồl bol khai gŏ he neh geh bòi, gen rê wơl, ai jơnau driau dờng jòng ro Yàng Tom Trồ, tơmbic să di jơng Yàng Jesu mơ ưnngài Kơnràñ. Cau hơ̆ la cau Samari. Yàng Jesu đơs lah: “Ò di jơt nă cau neh gơs goh ơ? Ntềng đah sin nă tai taih? Rlau mơ cau làng bơdìh do, gen ò gơs cau ndai tai rê wơl nàng jòng ro Yàng Tom Trồ ơ?” Gen Kơnràñ đơs mơ khai lah: “Ntào tĕ mơ lòt, bơta dòn mê dê neh sơmbòi mê.” (Luka 11:17-19)

Găn dê yăl yau dô, Luka kòñ tơngkah bol he lah: pal git ưnngai Yàng bơh nùs nđàc sơngit Kơnràñ dê. Ală cau kop dun ngai hơ̆ neh kol bòn lơgar sền be neh chơt, cau lơi kung pleh ngai. Bol khai pal kol ntao bơh ngai mơ hôi driau, bơh boh lăm ò ai gơnoăr bol khai tus rềp cau ndai. Jơh mpôl dơng rngòt rgơt, ò khin tus rèp mơ bol khai.

Mơya, bulah ò git oă bơh bơta bơtê jrô dơp, jơt nă cau hơ̆ kung git bơta dơng mang rlau jơh: Yàng Jêsus la Bơtau Dong Klas. Bơta do neh geh cau gơnrơh đơs nền bơh di tŭ Kơnràñ lik ling:

“Khai rơp deh dô nă kòn klau, mê tơmoh sơnđan tĕ Kơnràñ la JESU, bơh Kơnràñ rơp dong làng bol Kơnràñ dê klàs bơh tồi glài.” (Mathiơ 1:21)

Sơnđăn “Jêsus” gơs gơtha la “Yàng Jehowa dong kơl”

Bol khai kung dơp git lah Yàng Jêsus gơs gơnoăr. Bol khai hôi Kơnràñ la “Rabi”, gơtha la Bơtau gơs gơnoăr hơđăng bol khai. Bol khai ơn bơta dòn dê Bơtau gơs gơnap gơnoăr sơmbơi, boh bol khai dòn Kơnràñ kòñ gơboh kòn mơnus ò càng bơta lơi, tian gơs ală cau kop dun kol cau săng lơi. Bơta dòn bol khai dê ò di ò kwơ: “Tòm tŭ bol khai gam lòt gùng gen bol khai gơs goh.”

Mơya yăl yau ò bơdơh ting hơ̆. Tòm jơt nă cau dun geh goh, ming gơs dô nă cau rê wơl năng ưnngai Yàng. “Rê wơl” gơlơh be ò di la sac rwah mpôl dơng dê – sin nă cau ndai kư pơnjat lòt.

Tòm tŭ bol he git ưnngai ngăn bơh ală bơta lơngai Yàng neh ai, nùs bol he rơp geh pờ nàng dơp rò ryas lơngai dơng rlau tai – bơta toh glài mơ bơta dong klàs sùm sùm. Hơ̆ la phăn bàn Yàng ai ală cau lơi in rcăng sir tơmbic să di jơng Kơnràñ mơ đơs lah: “Ưnngai Yàn.”

Dan jà bol he dô nùs bal tòm bơta hòi dan: Khoai Yàng Dong Jêsus, kòn ò kòñ he la dùl tòm sin nă cau dô lik lòt, dơp lềng lơngai gen mhăr hŭi Kơnràñ. Ngai do, kòn rê wơl, cun gơltăng di jơng Kơnràñ mơ ơn di Kơnràñ jơnau ưnngai. Ưnngai Kơnràñ bơh kơp nhơm tă, kơp àng drim, kơp bơta chờ hòp dềt rhền tòm rài kis kơp ngai, bal mơ ală bơta gơlong hwoai kòn tus rêp Kơnràñ rlau. Dăn bơto kòn prăp wil tơl bơta lơh lòt kòñ gơboh mơ nùs nhơm git ưnngai Kơnràñ, nàng tòm ală bơta gơlik gơs, kòn găm kah lah Kơnràñ la jơh ală bơta kòn dê. Kòn jơh nùs hôi dăn tòm sơnđăn Yàng Jêsus Krist, Amen.

Ơ ală ồng mò oh mi kòñ gơboh, Yàng neh ai bol he in liu làc rlau mơ ală bơta dipal geh dơp lêng. Mơ ya dilah ming bơdơh tơm bơta dơp ai, mơ ò rê wơl nàng ràng tơlik nùs git ưnngai, gen bol he rơp ò săng lơi ală bơta lơngai jrô ndơp rlau tai. Dô nơm nùs nhơm git ưnngai rơp pờ dô nơm rai tơnơ̆ bềng bơta nđàc, rê wơl tĕ di jơng Yàng Dong Jêsus, tơmbic să he mơ đơs mơ Kơnràñ lah: “Ưnngai Yàng.” jơnau ưnngai bulah dềt rhền gợi, mơ ya rơp cèng tus bơta tơmgơl dơng rai kis oh mi in.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.