Digul kơnha lồi nam oă pơnah kơlôi rcăng, Kơnhai kơp gơn tus be dô bơta niam lơnhơn nàng tơng kah bol he kah tus Bơta Àng ngan. Hớ la Bơtau neh tus tơm dunnia rlau mơ bar rbô nam, la Bơtau Dong klas Jesu bol he di. Tú dunnia găm ơm tơm bơta klăm jơngo tồi glai mơ roh bơta kơp gơn di, Yang Tơm Trồ neh ai Kon Kơnran di tus nàng pơn đăng sol gùng dong klas dunnia in. kơnhai kơp gơn ò di ming la kợp tu jơ nàng kơp gơn Ngai Yang Lik Ling, mơ kung la jơnau hoi ja bol he pợ nus he di, nàng bơta àng Yang di pơn đăng sol tơm pơnah găm ngệt ngài, nàng dô dớ tai pơn đăng sol bơta àng lơngai mơ kơp gơn dong kơl hwêng soàn.

Ngai do, ngai 30/11/2025, Bơta Hòi Dan Kòp Ngai dan jà ală ồng mò oh mi kơlôi sơnưng bal Jơnau Yàng kơnòm dê bơta dong kơl Lisa Robertson bơh tơnggume: DÔ NUS BĂL WĂ RÒ KƠNHAI KƠPGƠN

“ Làng bol lòt tòm tiah klam jơngoneh gŏ bơta àng dờng; mơ bơta àng neh sòl hơđangală cau tòm lơgar hơđơm mƀur bơta chơt dê.” (Esai 9:2)

“Ơ hìu Jakôp, tus tĕ,bol he cơnđòa lòt tĕ tòm bơta àng Yàng Jehôwa dê.” (Esai 2:5)
C.S. Lewis neh đơs: “ Bơta lik ling Bơtau Krist di la bơta kwơ màng tơm dunnia, la bơta nền cê tơm bơta yăl wơl mơ jơh jơi kon mơnus wet sền”

Ngan la, Kơnhai kơp gơn geh kơp la sơn tơm nam pa di tơm jơnum Hiu Jum Goh di bơh rài yau. Bơh rài dớ 7 SCN, jơh ală cau don Yang neh lời tu jơ do nàng rcăng nus nhờm gơrê mơ Kirsơnre Yang Lik Ling, ò di kah kirsơnre ngai Yang Jesu lik ling, mơ kung tơn kah kis tơm bơta git rcăng nàng kơp gơn ngai Yang rơp rê wơl tơm bơta gơklo.

Kơnhai kơp gơn sơn tờm bơh poan poh rlô lài mơtú Kirsơnre Yang Lik Ling, băl mơ bar tơnggu: dớ dul, dong kơp nă bol he git rcăng nus nhờm nàng wă rò ngai Yang lik ling: dớ bar, tơng kah bol he kah la Yang rơp rê wơl.

Jơnau “ Kơnhai Kơpgơn” sơn tơm bơh jơnau Latin advenio, gơtha la “ tus” do la tú jơ lời bol he wet sền di Bơtau Krist. Làng bol Israel tơm rài yal yau rơp gơn Bơtau Mêsia gơwet mơ jơi bơtian. Geh gơs rlau 400 jơnau gơnoar huơr đơs bơh bơta lik ling, rài kis, bơta chớt, bơta kis wơl, mơ bơta rê wơl Yang di. Yang Tơm Trồ geh gơs bơta rơn dap dong klas lang bol Ynag di, mơ Yang neh đơs bơh ală cau gơnoar huơr. Ală bơta hớ găm lơh nền tus di ngai do.

Tơnggume “ Was Té gùng Yang in” hớ la tơnggume tờm Kơnhai Kơp gơn di. Tú bol he rcăng ngai kirsơnre Yang lik Ling in, kung ban húi was nus he nàng wă rò Yang Jesu – Bơtau neh tus be :” Bơta Àng dunnia di”. Bơta àng hớ neh pơn đăng sol tơm tiah klăm jơngo, nàng cau lơi kung ban Bơtau Mesia mơ kơp gơn bơh rài tơnớ sùm sùm.

Ngai do, bol he kung pal rcăng nàng kơp gơn bơta rê wơl Yang di. Tú he git loh ală bơta mơ Sră goh neh yăl tơnggit bơh bơta rê wơl Yang di, bol he rơp dơp git gơtha đah hwêng bơh ală bơta tơm gơl dunnia di.

Drơng kơp mơ rcăng té, bơh bơta àng dunnia di neh tus, bơh Yang lơh nền rơp rê wơl.

Nàng sơn tờm konhai kơp gơn, bol he tus mơ dô jơnau gơnoar huơr krơi is tơm Sră goh đơs bơh bơta lik ling Bơtau Krist di. Jơnau yăl lài hơs dong làng bol kon sau Yang git rcăng, bơto, kơrhiar mơ sôr bơtrut bơh Yang Tơm Trồ, bơh gùng dạ mơ bơta rơn dap Yang di.

Bơh rlau mơ 2.700 nam lai or, Yang Tơm Trồ neh rang tơlik làng bol in bơta rơn dap hớ bơh di cau gơn oar huơr. Rlau mơ 2000 nam lai or, Yang neh lơh sir jơnau Yang neh hơ tú ai Kon Yang di – Bơtau Jessu – tus tơm dunnia nàng cèng bơta àng mơ bơta kis dunnia in. Mơ ngai do, tu bol he neh sền wơl jơnau neh yal lai bơh lai or, nus bol he sơlơ kớ nền mơ kơp gơn ngai Yang rơp rê wơl dô bă gơklo. Nàng lơh sir ală jơnau Yang neh hơ.

Cau gơnoar ESai cih wơl la Yang Tơm Trồ rơp rcăng nàng ai bơta àng krơi is Yang dituss mơ dunnia găm ơm tơm bơta klăm jơngo. Tơm Sră Goh “ bơta klăm jơngo” pơnyô bơh bơta tôi glai, sò dră mơ Ynag Tơm Trồ. Mơ bơta “àng” pơnyô bơh bơta tơlik mat, jơnau song mơ bơta dong klas Yang di.

Esai hoi ja lang bol Israel : “Yàng Jesu đơs tai mơ bol khai lah: “Añ la bơta àng dunnia dê; cau lơi jat Añ rơp ò lòt tòm bơta klam jơngo, mơya gơs bơta àng bơta kis dê.”(Jang 8:12)

Jơnau hoi ja hớ găm tus di ngai do. La cau don Yang, bol he geh hoi ja nàng lot tus bơta ang yang di, nàng pơn đăng sol nus kờn gơboh mơ jơnau song Yang di digul dunnia klăm jơngo do.

Dan jà bol he dô nùs bal tòm bơta hòi dan: Khoai Yang kờn gơboh, tơm kơnhai kơp gơn do, kon dăn ơn nus kah kơlôi bơh gơtha bơta àng Yang di pơn đăng sol digul bơta klăm dunnia di. Dăn bơta àng gơklo Bơtau Dong Klas Yang Jesu di pơn đăng sol tơm rài kis kon, tồ sơnđăn Yang di geh jong rơ. Dăn bơto kon in git lot jat tơm bơta àng Yang di kơp ngai, mơ dưp git jơnau song Yang di tơm Jơnau Yang. Dăn ai nus kờn gơboh Yang di pơn đăng sol nus kon in, tồ kon kung lik gơs dô bơta àng dệt rhền ràng tơlik bơta àng gơcra Yang di ai ală cau ơm gut dar kon in. Kon jơh nus hoi dăn tơm Sơn Đăn Yang Jesu Krist, A-men.

Ơ ală ồng mò oh mi kờn gơboh, Konhai kơp gơn la tu nàng bol he ơm ngêt ngơt, wet nus di bơta àng Bơtau Krist di, Bơtau neh tus mơ rơp rê wơl mưo bol he. Tú he pơn đăng àng tơm Kơnhai Kơp Gơn, bol he ò di ming kah tus di bơta àng sơn rơp sol tơm wang kơnrồ lai or, mơ kung sôr bơtrut bơta kơp gơn bơta àng gơcra ơm gut dar plai ù di tu Yang Jesu rê wơl. Dăn Kơnhai KơpGơn nam do la tú oh mi mơ an lời bơta àng Yang di sol ang tơm tiah klăm jơngo nus nhờm he di, tồ Yang tơm gơl, tề lam mơ ngùi bol he be bơta àng dệt rhền sol digul dunnia klăm jơngo
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.