Puas muaj zaum twg koj pom tias yus tsis loj hlob hauv txoj kev paub Vajtswv, thiab pheej yuam kev rau tej yam uas tsis tsimnyog yuam kev? Vajtswv txojlus hnub no tau piv zoo li “Cov mov uas cawm txojsia” tu peb cov ntseeg Vajtswv lub neej sab ntsujplig. Tiamsis yuav zoo li cas yog ib tug ntseeg tsis noj cov mov ntawd txhua hnub? Yuav ua li cas tus ntawd thiaj yuav loj hlob yog pheej ua tug tsis pom Vajtswv ua tus coj kev nyob hauv Vajluskub?

Hnub no, yog hnub 13/12/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Kathryn Graves dhau ntawm Zaj kawm KAWM PAUB VAJTSWV LUB SIAB NYIAM.

“Cov kwvtij, kuv xav qhia rau nej paub hais tias, txojmoo zoo uas kuv niaj hnub qhia yeej tsis yog neeg txoj.  Kuv tsis tau kawm zaj no ntawm leejtwg thiab yeej tsis muaj neeg qhia rau kuv, tiamsis tus uas qhia txojmoo zoo ntawd rau kuv, nws yog Yexus Khetos” (Kalatias 1:11-12).

Ncaj rau hmo ua ntej ua koob tsheej Tswv Yexus yug, wb o,b niam txiv ua mus ua los dhos lub tsheb tuam taw rau wb ob tug tub. Ntawm no yog qhov khoom plig wb ib niam txiv muab pub rau nkawd. Kuv tus txiv khaws ib lub pob teeb hauv pem teb los thiab sim dhos rau tus pas tuav, tiamsis tsis paub tias xyov nws ua puas yog. Kuv pib kub, saib teev txoob thiab pom tias twb tau ib sij dhau mus lawm wb yeej tseem ua tsis tau tiav ib nrab haujlwm.

Kuv tus txiv ua pa ntev ntev, muab lub pob teeb tso rau hauv qhov qub thiab hais tias wb mam ua kom tiav ua ntej yuav mus pw, vim ob tug tub nkawd sawv ntxov heev rau hnub ua koob tsheej. Wb yuav tsum ua kom tiav cov menyuam qhov khoom plig xwb.

Kuv mus tshawb hauv cov pob teeb thiab nrhiav tau daim ntawv taw qhia. Kuv hais tias: “tej zaum wb kuj tsis paub yuav dhos lub tsheb no, yog li sim nyeem qhov no saib!” Ke hais, kuv ke muab daim ntawv nthuav.

Vim yog ua raws li daim ntawv qhia, peb caug feeb xwb, wb dhos tau lub tsheb tuam taw liab thiab muab tso rau ntawm tsob ntoo ua koob tsheej. Txawm yog nkees los, kuv hnov txaus siab. Tseem tshuav ib lub yuav tau dhos thiab, tomqab ua tiav, wb thiaj tau so ob peb sij ua ntej uas cov menyuam lawv yuav zoo siab heev ua ntej uas ntuj yuav pom kev.

Thaum nco txog ob tug tub lub suab luag zoo siab rau kaj ntug xyoo ntawd, kuv pom tias qhov uas tsis nyeem daim ntawv qhia ua rau peb poob ob peb teev tsis tau pw thiab tiv qhov kev nkees uas tsis tsimnyog muaj. Qhov no ua rau kuv xav txog kuv tus kheej, tias muaj ntau zaug kuv kuj cia li hla dhau Vajtswv txoj kev taw qhia nyob hauv Vajtswv tej lus. Thiab qhov nyuaj siab yog muaj ntau tus ntseeg Vajtswv tsis nyeem Vajtswv tej lus.

Cov neeg Yixalayees poob rau ntu no ib yam. Lawv paub kaum nqe kevcai, tiamsis lawv ua raws li lawv siab nyiam. Muaj ntau zaug Vajtswv nqua hu kom lawv tig rov qab los cuag Vajtswv. Thiab txawm yog lawv lees txim tig rov qab los, qhov ntawd tsis txhais tias lawv yuav tsis raug ris lub nra rau qhov uas lawv tsis mloog lus.

Nyob hauv I Xwm Txheej tshooj 13, peb nyeem txog qhov uas Daviv txiav txim coj lub fijxab los rau hauv Yeluxalees, Vajluskub sau: “Ces Daviv thiab cov Yixalayees thiaj mus rau hauv lub nroog Npa-alas, mus rau ntawm lub nroog Kili-as Ye-alees hauv xeev Yudas thiab kwv Vajtswv lub Phijxab uas muaj tus Tswv lub npe nyob ntawm lub zwmtxwv hauv qab ob tug qhelunpees ob sab qab tis los. Lawv thiaj tsaws lub Phijxab uas ntim Vajtswv tej lus cog tseg hauv Anpinadas lub tsev los tso rau hauv ib lub tsheb nyuj tshiab, ces Uxahas thiab Ahi-aus nkawd ua ob tug tsav lub tsheb ntawd. Daviv thiab cov pejxeem dhia zoo siab kawg lawv lub zog qhuas Vajtswv. Lawv thiaj li hu nkauj, tshuab raj, ntaus nkauj nogncas, npuaj nruas thiab tshuab xyu ua Vajtswv tsaug taug kev los.” (nqe 6-8).

Tiamsis, thaum cov pej xeem tab tom zoo siab, dhia hu nkauj qhuas Vajtswv, ces tus nyuj cia li ntxeev taw, thiab yawg Uxahas thiaj cev tes pab lub fijxab, thiab Vajtswv hais tias “Tus Tswv chim thiab npautaws rau Uxahas thiab muab nws tua tuag, vim qhov uas” (nqe 10). Tomqab uas Uxahas tuag, vajntxwv Daviv nyuaj siab thiab ntshai vim yawg paub yus tau tsis ua raws li tej uas Vajtswv qhia.

Vajtswv qhia meej meej tias tsuas yog cov neeg Levis xwb thiaj tau kwv lub Phij xab ntim tej lus cog tshiab, thiab tsis muaj neeg tau cai chwv txog, yog chwv yuav tuag (Teev Npe 4:15). Tiamsis, vajntxwv Daviv ho muab lub phij xab tso rau saum tus nyuj cia nyuj cab thiab txib lwm tus ua pauv qhov uas kom cov neeg Levis kwv. Tej zaug vajntxwv Daviv saib tsis taus thiab nws paub tsis zoo txog Vajtswv txoj kev dawbhuv.

Tiamsis, tomqab qhov xwm txheej nyuaj siab no, vajntxwv Daviv pom nws qhov yuam kev thiab yawg txiav txim siab ua yog raws li tej uas Vajtswv qhia. Thaum Daviv ua nws lub loog tiav, nws npaj ib qhov chaw rau lub phij xab. Zaum no, Daviv hu cov neeg Levis kwv lub phijxab vim yawg paub tias “Tsuas yog cov Levis xwb thiaj kwv tau lub Phijxab uas ntim Vajtswv tej lus cog tseg, rau qhov tus Tswv yeej xaiv lawv los kwv lub phijxab ntawd” (I Xwm Txheej 15:2).

Dhau ntawd vajntxwv Daviv tseem sam hwm kom cov pov thawj hlob thiab cov neeg Levis yuav tau ntxuav yus tus kheej ua ntej yuav kwv lub phij xab, thiab yawg samhwm kom cov neeg Levis txawj nkauj hu nkauj qhuas Vajtswv. Thaum lub phijxab tau kwv nce, tag nrho cov pej xeem sawv daws qw nrov nrov nrog suab raj, suab taub, ua rau txoj kev pehawm dhau los ci ntsa iab.

Nyob hauv Vajluskub Tshiab, feem ntau txhua Pawg Ntseeg uas Paulus sau ntawv puav leej ntsib teeb meem vim lawv tsis ua raws li tej uas Vajtswv qhia. Yog li, nyob hauv txhua tsab ntawv, yawg puav leej taw kev cob lawv kom ua raws li Vajtswv tej lus. Yawg cov lus qhia ntawd kuj tseg rau peb niaj hnub no. Yawg sau hauv Kalatias 1:11-12 tias: “Cov kwvtij, kuv xav qhia rau nej paub hais tias, txojmoo zoo uas kuv niaj hnub qhia yeej tsis yog neeg txoj. Kuv tsis tau kawm zaj no ntawm leejtwg thiab yeej tsis muaj neeg qhia rau kuv, tiamsis tus uas qhia txojmoo zoo ntawd rau kuv, nws yog Yexus Khetos”

Zoo kawg nkaus li thaum uas peb muaj tag nrho Vajtswv tej kev taw qhia nyob hauv Vajluskub! Tiamsis nyob hauv lub neej, ntau zaug peb ho tsis xav nyeem Vajtswv tej lus, kuj zoo li kuv thiab kuv tus txiv tsis xav nyeem daim ntawv taw kev uas muaj nyob ntawm tes. Peb xav tias yus tsis khoom los nyeem Vajluskub, yog tias peb siv sijhawm los nyeem peb yuav zam dhau ntau yam yuam kev uas tsis tsimnyog muaj. Kuj muaj tej lub sijhawm, yooj yim yog peb tub nkeeg, xaiv pw pauv qhov uas kawm Vajtswv tej lus. Tiamsis, vim tsis kam nyeem Vajtswv tej lus, peb ho pw tsaug zog vim txhawj thiab khuv xim, tsuas yog vim peb tsis ua raws li Vajtswv taw kev.

Thaum wb dhos tsis tau tsheb, wb thiaj kam qhib daim ntawv taw qhia los nyeem. Nyob ntawm lub tsheb, qhov teeb meem yog tsis tau pw ib hmos. Tiamsis nyob hauv lub neej, qhov uas tsis nyeem Vajluskub tej lus tej zaug ua rau peb yuav tau them ib tug nqi kim dua. Yog li, dhau ntawd kuv thiaj txiav txim tseg tej feeb hauv thawj hnub thaum sawv ntxov los nyeem Vajtswv tej lus thiab nrhiav Vajtswv lub siab nyiam dhau ntawm txhua nplooj hauv Vajluskub.

Thov caw nrog kuv peb thov Vajtswv ua ke: Leej Txiv uas hlub kuv! Kuv ua Koj tsaug vim Koj tau pub tej kev taw kev rau kuv dhau ntawm Vajluskub. Thov pab kom kuv kub siab lug nrhiav Koj tej lus thiab txiav txim siab ua neej raws li tej lus ntawd txhua hnub. Kuv cia siab tias lub neej yuav loj hlob hauv txoj kev ntseeg thiab saj tau tej koob hmoov nplua mias thaum uas mus hauv txoj kev mloog koj lus. Kuv thov hauv Tswv Yexus Khetos lub npe, Amees.

Cov kwv tij txhua tus, paub tias yus yuav ua lub neej tsis tau yog tsis muaj Vajtswv tej lus, koj puas txaus siab siv sijhawm los nyeem thiab ua raws li Vajtswv lub siab nyiam?

Yog koj tsis tau muaj sijhawm nyeem Vajluskub txhua hnub, yuav tau rov qab tshuaj saib yam dabtsi tab tom tav koj mus rau hauv Vajtswv tej lus. Yog tias koj nyeem Vajtswv tejlus txhua zaug, yuav tau cim civ nug saib koj puas saij tau tej lus qab zib thiab lub hwjchim nyob hauv tej lus ntawd txog qhov uas tshoov kom peb “ke xav ua raws “li Vajtswv lub siab nyiam?”

Txawm yog koj tab tom nyob rau lub sijhawm twg los, vam khom Vajtswv lub zog kawm kom paub Vajtswv lub siab nyiam, kom koj yim hlub Vajtswv, ua lub neej muaj nqis pub rau Nws thaum koj tab tom nyob hauv ntiajteb no. Hnub no, cia li ua lub neej pub rau tus Tswv Yexus los yug, thiab ua lub neej nyob hauv Vajtswv tej lus kom hloov dua tshiab txhua hnub.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.