Tug phoojywg, hov ntev lawm koj tsis tau muaj lub siab luag tiag tiag – yog kev zoo siab tsis txhob txhawj rau tagkig? Peb pheej maj nroos tu peb lub neej, npaj kho txhua yam kom zoo tag tag mus txog qib uas peb cia li hnov qab kev zoo siab tiag yog dabtsi. Hnub no, peb thov kom peb nres mentsis, tsa tes puab peb lub hauv saib, thiab ua tib zoo mloog zaj xwm txheej uas mus nrhiav kev ywj pheej tiag nyob hauv tej kev quaj ntsuag uas tsaus ntuj nti. Rau qhov nyob hauv Tswv Yexus, ib hnub tshiab yeej yog ib lub sijhawm zoo rau peb mus nrhiav tau kev zoo siab tiag…

Hnub no, yog hnub 20/3/2026, Kev thov Vajtswv txhua hnub, thov caw sawv daws nrog kawm Vajtswv txoj lus ua ke nrog tug sau Karren Tyner txog lub ntsiab lus: TXAWM KUA MUAG POOB YUAV TSUM LUAG NTXHI

“Vajtswv teem kom muaj sijhawm ntxhov siab thiab muaj sijhawm zoo siab, muaj sijhawm quaj ntsuag thiab muaj sijhawm seevcev lomzem.” (Tej lus qhia 3:4)

Peb nkag mus hauv lub chav uas tsaus ntuj nti. Niam ces nws txhais tes uas ntxhee nyho los tuav kuv txhais tes uas ntub hws nyho. Niam ua lub qhov muag yuav quaj tig mus saib tej rooj tog uas nyob hauv. Tej lub taig rau ntawv poob txhua qhov zoo li ib daim duab uas nyuaj siab tshaj.

Thaum kuv thiab niam zaum ntawd, sib tuav tes, wb ob leeg puav leej ntshaw tias lam kheev wb tabtom nyob rau lwm qhov. Tiamsis qhov kev sib ntsib no nws tseem ceeb: wb xav hnov lwm tug tham txog seb lawm tawm tsam qhov kev mob ung thư no li cas.

“Zoo siab txais tos sawv daws tuaj koom lub rooj sib pab cov neeg raug mob ung thư” – Tug thawj coj tawm suab tshaj tawm. Txhua tug teb ua ntsej muag lam luag ntxhi xwb.

Ib tug poj niam raug mob ntawm lub tsib. Ib tug tub hluas 25 xyoo raug mob ung thư ntawm lub plab mos.. Nyob ntawm kuv niam ces twb mob ung thư ntu plaub lawm. Nyob ntawm lwm tus mob, lawv hais ntawm lub npe xwb tiamsis tsis tham dabtsi ntxiv li.

Nyob rau lub rooj sib tham ntawd, tag nrho peb sawv daws puav leej pom tias tug mob ung thư tau txeeb ntau tug lub neej ywj pheej mus ua rau lawv thiab lawv tsev neeg puav leej tsis muaj kev zoo siab. Tsev neeg hluas ntawd xav mus ncig ua si tiamsis ho rau nqa txawv lub máy kho mob. Kuv thiab niam xav mus ncig xyuas tej viv ncaus kwvtij tiamsis ho txhawj tsam mus deb tug kws tshuaj uas tabtom kho niam lawm. Peb cuag li raug khi, mus tsis tau qhov twg, kuj ua tsis tau dabtsi.

Tiamsis tug thawjcoj nws tsis xav li ntawd. Nws nug txog txhua tug mob li kev ntshaw, thiab ua siab mog muag hais tias: Ua neej nyob yog ib ntu neej yuav mus dhau ntawm lub chav kho mob. Tom qab lub sijhawm sib ntsib, nws npaj ib rooj kuaj kom txhua tug mob tau ntsib kws tshuaj kiag ntawm lub chaw ua si, kom txhua tug tau mus ncig zoo siab. Ib tug kws tshuaj ntawm zos kuj txais kuv niam cov ntawv mob kom peb thiaj tsis txhawj thaum mus saib tej neeg txheeb ze.

Nyob hauv cov uas raug mob, tug tub hluas 25 xyoo yog tug uas coj siab tug dua. Tug mob ung thư yeej coj ntau yam tsis zoo los rau nws tsev neeg, nws tug mob rov qab huam tuaj tom qab ntau lub hli tsis mob lawm, thiab nws niam kuj tau tag sim neej tsis ntev no vim tug mob ung thư. Txawm li ntawd los tug tub hluas no kuj tseem hluas ntxhi, nws coj lub siab li vajntxwv Xa-lau-moos tau hais:

“Vajtswv teem kom muaj sijhawm ntxhov siab thiab muaj sijhawm zoo siab, muaj sijhawm quaj ntsuag thiab muaj sijhawm seevcev lomzem (Tej lus qhia 3:4)

Mob ung thư yog ib txoj kev sim siab loj kawg nkaus rau tsev neeg thiab tug raug mob. Tiamsis tug hluas ntawd tseem nqua hu txhua tug yuav tsum luag ntxhi txhua hnub, thiab ua lub neej tsaus siab rau hnub no, tsis txhob txhawj rau tagkig.
Hmo ntawd, Vajtswv tau qhib kuv lub qhov muag. Kuv pom tias thaum uas tug mob no tabtom txeeb niam lub zog thiab tej plaub hau huv si, ces kuv thiaj yog tug txeeb niam lub ntsej muag luag ntxhi thiab niam lub neej ywj pheej vim saib xyuas thiab tu niam los ntawm ib txoj kev cai tawv xwb, kuv tseem txhawj txog lub neej tagkig thiab. Kuv tsuas xav kom niam pw hauv tsev ntau li ntau xeeb. Saib kev zoo siab yog yam tsis tsimnyog muaj.

Tiamsis kuv niam muaj lwm txoj kev npaj. Dhau hnub sib ntsib ntawd, niam ua txiav txim siab ua lawv li Tswv Yexus tej lus qhia:

“Yog li ntawd, nej tsis txhob txhawj rau tagkis, rau qhov tagkis yeej muaj kev txhawj txaus rau tagkis lawm. Kev nyuaj siab hnub twg yeej muaj txaus rau hnub ntawd, tsis tas yuav mus nrhiav kev nyuaj siab los ntxiv.” Mathais 6:34

Niam muaj ob tug phoojywg siab zoo hauv pawg ntseeg. Lawv sib haus cafe ua ke, noj su thiab sib tham ua ke. Niam pib tsis txhawj txog lub neej tom hauv ntej thiab ua neej kaj siab txhua hnub. Niam muab niam lub nra nyhav cob rau Vajtswv.

Lub hli tom qab, thaum rov qab mus ntsib cov neeg pab cov uas raug mob, niam lub ntsej muag zaum no luag ntxhi. Tug uas raug mob tsib twb tau nrog tsev neeg mus ncig ua si. Kuv thiab niam kuj tau mus ncig tej kwvtij txheeb ze, peb luag ntxhi sib tham pem ua ke. Thaum taug kev rov qab los tsev, peb ua rau cov tsav tsheb xav tsis thoob, thaum niam pheej muab niam lub taubhau uas tsis muaj plaub hau cev mus rau sab nraum lub tsheb hliv cua. Peb lub suab luag thaum ntawd tseem hnov zoo dua li lub suab nkauj uas nto npe tshaj hauv qab ntuj no.
Vajtswv xav kom peb txais ib tse neeg zoo thiab ib lub neej zoo tagnrho thaum peb tseem ua neej nyob hauv ntiajteb no. Vajtswv tau siv tug tub hluas 25 xyoo ntawd pab rau kuv pom meej txog “lub neej zoo” lawv li qhov zoo thiab tseeb uas Vajtswv qhia.

Lub neej kaj siab tiag tsis yog tias tsis muaj quaj ntsuag, kuj tsis yog tos kom cua daj cua dub ploj mus mam tawm tuaj. Lub neej kaj siab tiag yog tej lub sijhawm peb xaiv luag ntxhi rau tej ntu neej uas muaj kev txomnyem, vim paub tias peb tsis nyob ib leeg. Lub neej kaj siab tiag tiag yog thaum uas peb paub muab txhua yam kev txhawj txog rau tagkig tso tseg thiab saib txhua lub sijhawm hnub no nrog yus tsev neeg yog tseem ceeb, thiab muab txhua lub nra nyhav cob rau Vajtswv.

Tej zaum kiag lub sijhawm no, koj kuv tabtom tuav daim ntawv kuaj mob uas tsis zoo li koj siab xav, lossis koj tabtom mob taubhau txog kev nyiaj txiag, mob hlwb rau tsev neeg tej teeb meem. Yeej nyuaj heev thaum txhawb koj yuav tsum tau tsis txhob txhawj thaum koj lub neej tab tom yoj yeeg. Tiamsis kuv thov Vajtswv tias: thov kom koj sim ib zaug seb, sim tso tseg tagnrho txhua yam thiab muab fij rau Tswv Yexus, vim tus Tswv lub nra yeej sib heev, thiab Nws yeej xyab tes dav los puag txhua tug uas tabtom qaug zog.

Thov caw nrog kuv peb thov Vajtswv ua ke: Leejtxiv uas muaj kev hlub, kuv ua Koj tsaug rau hnub no uas kuv tseem muaj sia ua neej nyob. Thov zam txim rau kuv vim muaj ntau zaug kuv tau cia tej kev txhawj txog tagkig npog Koj txoj kev hlub uas muab pub rau kuv txhua hnub. Thov ntuas kuv kom paub ntseeg siab rau tus Tswv Koj, kom kuv yuav luag ntxhi thaum ntsib kev sim siab, tsa suab qhuas Koj thaum ntsib teebmeem. Thov muab tagnrho kuv tej nra nyhav thiab kuv lub neej tom hauv ntej, tsis hais kuv tsev neeg fij rau hauv Vajtswv Koj txhais tes. Thov nchuav Koj kev kaj siab, kev zoo siab los rau kuv. Kuv taij thov txhua yam los ntawm Tswv Yexus Khetos lub npe, Amees.

Ib tsoom phoojywg, lub neej nrog tus Tswv mus tsis yog hais tias koj yuav tsis raug kev mob lossis kev quaj ntsuag. Yeej yuav muaj cua daj cua dub, thiab peb lub nkoj tej zaug yuav yoj yeeg. Tiamsis thov ruaj siab vim Vajtswv yog tug tabtob tsav koj lub nkoj thiab nws yeej tsis tsaug zog li. Hnub Ntiajteb zoo siabb xyoo no, koj tsis txhob mus nrhiav tej kev zoo siab qhov twg deb deb tiamssis cia li nrhiav ntawm tug ntoo nkaublig – yog thaj chaw peb tau hlub, tau luag ntxhi thiab tau ua neej muaj nqis tseem ceeb uas Leejtxiv muab pub rau peb.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected].