Puas tau muaj zaum twg koj hnov yus nyob ib leeg kho siab heev lawm tau? Nyob rau lub ntiajteb uas tej kev xa xov xwm nws huam vam mus txog qib uas zoo tshaj plaws, kev nkag saum fuab cua tuav rawv ntawm tes, peb tib neeg hnov cuag li yus tsis paub ua cas. Vim li cas peb ho hnov zoo li ntawd? Thiab peb cheem tsum vam khom Vajtswv li cas nyob rau lub sijhawm uas peb nyob ib leeg kho siab ntawd?

Hnub no, yog hnub 24/03/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Gene Markland dhau ntawm Zaj kawm TAWM TSAM KEV KHO SIAB

“Cov thwjtim txawm khiav tas tso Tswv Yexus tseg” (Malakaus 14:50).

Tej zaum hauv peb txhua tus kuj ntsib dhau zoo li ntawd. Mus hauv ib txoj kev tib neeg coob coob, hauv lub siab cuag li zoo li nyob tom moj sab qhua. Muaj tej tus neeg lawv zaum hauv tuam tsev, ib ncig yog tej ntsej muag luag ntxhi, koom pe hawm Vajtswv thiab koom ua haujlwm rau ib tug Vajtswv, tiamsis nyob hauv lub siab yeej tseem hnov cuag li yus tab tom kuav mus zoo li lub nkoj tom hiav txwv dav dav ntawd. Yeej tsis yog kiag li. Muaj tej lub sijhawm, koj tsuas xav qw nrov nrov hauv lub siab: “Ua cas! Kuv ho tab tom nyob ntawm no!”

Dabtsi tab tom tshwm sim tuaj? Vim li cas Vajtswv ho tso cai rau peb saj qhov no?
Tsis paub koj puas tau muaj zaum twg xav tias, tej zaug Vajtswv xav txhawm peb txoj kev kho siab nyob ib leeg ntawd hauv koj lub siab?

Vajtswv twb pub rau Adas ib tug pojniam ua phooj ywg sib pab ua ke, vim yawg nyob ib leeg tsis zoo. Tiamsis thaum muaj Evas nyob ntawm ib sab, hauv Adas yeej muaj ib qhov khoob lug uas pog txhawm tsis puv. Thiab hauv peb los kuj ib yam li ntawd. Muaj ib qhov khoob lug nyob hauv siab, tsuas txhawm tau los ntawm Vajtswv txoj kev tshwm ntsej muag xwb.

Thaum peb saj Vajtswv txoj kev tshwm ntsej muag lawm, ces yeej tsis muaj dua lwm yam txawv yuav ua rau txaus peb txoj kev ntshaw npaum li uas peb tus ntsujplig muab pub rau Vajtswv.

Nyob rau tej hnub uas tseem muaj sia ua neej nyob hauv ntiajtteb no, Tswv Yexus xyaum tej no txhua hnub: “Nws nraim lawv mus rau tej qhov chaw ntsiag to thov Vajtswv.” (Lukas 5:16).

Vajtswv tus tub xaiv ib qhov chaw ntsiag to nrog Leej Txiv nyob ua ke.
Thiab nyob rau lub sijhawm uas txomnyem tshaj hauv lub neej, cov neeg uas nyob ze nws tshaj kuj tso nws tseg.

“Cov thwjtim txawm khiav tas tso Tswv Yexus tseg” (Malakaus 14:50).

Sim xam tias qhov no ua rau Tswv Yexus mob npaum cas! Tsuas hais txog qhov uas nyob hauv ntiajteb no hnav cev nqaij daim tawv zoo li tib neeg, tiv tib neeg txoj kev muaj nrim, twb yog ib yam uas xam tsis tau nyob rau ntawm Tswv Yexus. Peb yuav tsis muaj hnub nkag siab tas Tswv Yexus txoj kev nyob ib leeg kho siab ntawd. Vajluskub qhia paub tias Tswv Yexus yog tib neeg ib puas feem pua thiab kuj saj txhua yam kev iab siab ib yam li tib neeg tsuas tshwj kev txhaum xwb.

Nco tsev los? Yeej nco xwb. Tswv Yexus nco txog lub tshwjchim ci ntsa iab, nco txoj kev sib raug zoo uas Nws muaj nrog Vaj Leej Txiv thiab Vaj Ntsujplig nyob saum ntuj ceebtsheej. Tiamsis, vim kev hlub ntiajteb, vim ua kom tiav Vaj Leej Txiv lub homphiaj cawm dim, Nws tso ntuj ceebtsheej tseg, hnav tib neeg cev nqaij daim tawv, ntsib dhau tib neeg txoj kev kho siab uas tob tshaj plaws.

Yog li, thaum uas peb ntsib dhau ib txoj kev mob siab twg ntawd, kuj suav tias nws yog lub sijhawm peb nrog Yexus Khetos sib txuas ua ke thaum uas Tswv Yexus nyob hauv ntiajteb no. tiv kev txomnyem, nrog txoj kev nyob ib leeg yog ib feem ntawm peb lub neej nyob hauv ntiajteb no. qhov no kuj ntuas kom peb nco ntsoov tias ntiajteb no tsis tau muaj ib zaum twg yog qhov chaw nyob mus ib txhis rau peb. Yuav muaj ib hnub, peb yuav muab lub nra nyhav hauv lub neej no tso tseg zoo yam li tus npauj npaim ya tawm hauv lub lws mus.

Txoj kev nyob ib leeg kho siab heev ntawd muaj tiag, tiamsis yog ib tug ntseeg Vajtswv, peb yuav tsum nkag siab tias peb tsis nyob ib leeg. Peb muaj Vaj Ntsujplig, muaj tus txhawb peb zog thaum peb txomnyem.

Hnov nyob ib leeg nyob hauv lub ntiajteb tib neeg puv npo no hnov ntseeg tsis tau, tiamsis ntawm no yog yam uas ntau tus tab tom ntsib dhau, cov ntseeg Vajtswv tib si.

Kawm txoj kev saj txoj kev nyob ib leeg zoo li ib qhov cuab yeej uas Vajtswv siv los cab peb kom mus nyob ze Vajtswv. Nco ntsoov tias Vajtswv paub zoo txhua feem nyob hauv peb tib neeg – sab ntsuj, sab plig thiab peb lub cev.

Txoj kev nyob ib leeg hauv ntiajteb no yeej piv tsis tau rau lub hwjchim thaum uas nrog Vaj Ntsujplig mus ua ke, thiab txuas nrog Vajtswv Vaj Peb Leeg.

Thiab kuj txhob hnov qab Vajluskub ntuas peb nyob hauv Pajlug 18:24: “Muaj ibtxhia phoojywg kav tsis ntev, tiamsis muaj qee leej phoojywg tseem sib raug zoo dua tej kwvtij txheeb”

Thaum peb nrog Yexus Khetos ua ke hauv Vaj Ntsujplig, peb yuav tsis muaj hnub nyob ib leeg ntxiv lawm.

Thov caw nrog kuv peb thov Vajtswv ua ke: Leej Txiv tus muaj kev hlub, muaj tej lub sijhawm kuv hnov kuv nyob ib leeg hauv lub ntiajteb nrov nroo ntws no. kuv tsis paub vim li cas, tiamsis kuv paub tias kuv cheem tsum koj. Thov koj nyob ze kuv hauv lub sijhawm no txhawm kom puv nkaus tej qhov khoob lug nyob hauv kuv lub siab los ntawm koj txoj kev hlub. Thov ntuas kom kuv nco ntsoov tias kuv tsis mus ib leeeg, tiamsis koj nrog nraim kuv ua ke hauv txoj kev no. Kuv thov hauv Tswv Yexus Khetos lub npe, Amees.

Cov kwv tij, txoj kev nyob ib leeg kho siab heev ntawd tsis yog thaum twg twb yog lub cim uas tsis muaj kev hlub. Ntau zaug, nws yog ib lo lus caw kom peb nkag los rau hauv txoj kev sib txuas kom zoo dua nrog Vajtswv. Thaum tag nrho tej suab nrov nroo ntws ib ncig peb ntsiag to, thaum uas tsis muaj leej twg pheeb rau, peb thiaj pom tias yus cheem tsum Vajtswv ntau npaum cas. Yog tias hnub no koj hnov tias koj nyob ib leeg, paub tias Vajtswv tab tom nyob ze koj. Vajtswv paub koj tej kev xav, Vajtswv nkag siab tag nrho tej kev ntshaw nyob hauv koj lub siab. Txawm yog thaum uas koj hnov nyob ib leeg hauv lub ntiajteb puv npo no, koj yeej nrhiav tau txoj kev tau so tiag rau tus ntsujplig nyob hauv Yexus Khetos.
Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.