Nyob rau lub caij Tswv Yexus raug txomnyem – thiab sawv rov qab los, peb txhua tus tau ntuas txog Nws txoj kev tuag thiab sawv rov qab los. Nws them tus nqi los ntawm nws txojsia cawm peb. Tiamsis ntau zaug, puas yog peb tsuas hnov tas cia dhau mus yeej tsis muaj ib qhov kev hloov pauv twg nyob rau hauv lub neej? Txhua zaug uas peb tsa muag saib ntoo khaub lig, peb lub siab puas tau tshoov kom rov qab tshuaj txog peb lub neej thiab tso yus tus kheej tseg nrog tus Tswv mus?

Hnub no, yog hnub 28/03/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Brooke Alsop Boland dhau ntawm Zaj kawm TSO YUS TUG KHEEJ THIAB LAWV TUS TSWV QAB

“Yog leejtwg xav nrog kuv mus, tus ntawd yuav tsum tswj nws lub siab thiab niaj hnub kwv nws tus ntoo khaublig nrog kuv mus”. (Lukas 9:23)

Hla rau lub caij uas Tswv Yexus sawv, peb zoo siab vim txojsia tshiab uas Tswv Yexus pub rau peb dhau ntawm Nws txoj kev sawv hauv qhov tuag rov qab los. Tiamsis, txoj kev zoo siab ntawd tsis ua rau peb hnov qab tus nqi kim uas Tswv Yexus tau them. Tswv Yexus raug muab ntsia saum ntoo khaublig, taub hau ntoo kauj hmab pos, tes taw raug muab ntsia saum ntoo khaublig. Tag nrho tej kev mob uas Tswv Yexus tiv yog txhiv peb tej kev txhaum, ua rau kom peb rov qab sib raug zoo nrog Vajtswv, thiab pub txojsia ib txhis rau peb. Nws muab Nws txojsia fij pub rau peb, ris tib neeg ntiajteb tej kev txhaum, kov yeej lub hwjchim ntawm txoj kev txhaum thiab dab ntxwsnyoog, rov qab muaj kev ncaj ncees; thaum ua tiav tes haujlwm cawmdim, nws rov qab mus nrog Leej Txiv nyob.

Hnub uas Tswv Yexus raug ntsia saum ntoo khaublig yog hnub uas Vajtswv txoj kev hlub loj tau nthuav qhia rau tib neeg ntiajteb. Kom rov qab ua rau txoj kev sib raug zoo ntawm Vajtswv thiab tib neeg rov qab txuas ua ke dua, yeej tsis muaj dua lwm txoj kev dhau ntawm Vajtswv tus tub cov ntshav ntws los, vim “ntshav tsis nrog ces yuav tsis muaj kev zam txim” (Henplais 9:22). Tus nqi uas Tswv Yexus them loj heev, tiamsis yog tib txoj kev uas tib neeg tau txais kev cawmdim thiab rov qab nrog Vajtswv sib raug zoo.

Dhau ntawm ntoo khaublig, Tswv Yexus qhib txoj kev cawmdim rau tus uas ntseeg nws, kom lawv tau ua Vajtswv menyuam, thiab tau hu dhau los ua Tswv Yexus thwjtim. Ua ntej uas raug ntsia saum ntoo khaublig, Tswv Yexus paub tias tes haujlwm qhia txog Vajtswv lub tebchaws yuav tau txuas ua ke dhau ntawm cov thwjtim. Lawv yuav ua ntxiv tes haujlwm uas Tswv Yexus cob rau lawv, ntawd yog qhia Txojmoo Zoo, qhia txog Vajtswv thiab ua tim khawv txog Vajtswv lub hwjchim. Kom muaj lub neej dawbhuv, mloog lus thiab nthuav tawm Yexus Khetos tus duab, lawv yuav tau ua lub neej nyob hauv Yexus Khetos lub hwjchim.

Niaj hnub no, yog tus nrog Tswv Yexus mus, peb cheem tsum lub hwjchim ua Tswv Yexus thwjtim, txawm yog yuav ntsib txoj kev nkag siab yuam kev, raug thuam lossis ua saib tsis taus los. Nyob hauv Lukas 9:23, Tswv Yexus hais meej txog yam uas Nws yuam yuav tau muaj ntawm tus neeg uas nrog Tswv Yexus mus: “Yog leejtwg xav nrog kuv mus, tus ntawd yuav tsum tswj nws lub siab thiab niaj hnub kwv nws tus ntoo khaublig nrog kuv mus”.

“Tso yus tus kheej tseg” tsis tau txhais tias cim civ tsim txom yus tus kheej, tiamsis yog muab Vajtswv lub homphiaj thiab Vajtswv lub siab nyiam tso ua ntej, “txhua hnub kwv ntoo khaublig” yog zoo siab hlo tso tej kev xav qia dub ntawm tus kheej tseg, tsis ua raws li tus cwjpwm qub kev ntshaw tiamsis mloog Vajtswv lus. “Nrog Kuv mus” yog mus nyob ze Tswv Yexus, mloog lus thiab ua raws li Nws lub suab hu, kom ua lub neej zoo li Nws txhua hnub.

Muaj ntau tus xav tias tso yus tus kheej tseg nrog tus Tswv mus yog ib yam uas yus poob ntau yam, tiamsis Tswv Yexus ho hais txawv. Nws hais tias yog leej twg vim Tswv Yexus thiab Txojmoo Zoo ces yuav txais tau ntau tshaj ntau npaug, nyob rau tiam no thiab tiam tom qab:

“Yexus hais rau lawv hais tias, “Yog tiag, tiamsis kuv qhia tseeb rau nej hais tias tus uas tso vajtse, tso kwvtij , tso nkauj muam, tso niam, tso txiv, tso menyuam thiab tso liaj teb tseg vim nws nrog kuv mus thiab qhia Txojmoo Zoo, tiam no nws yuav tau ib puas npaug ntxiv, xwsli: vajtse, kwvtij, nkauj muam, niam thiab txiv, menyuam, liaj teb thiab nws yuav raug kev tsimtxom; tiam tom ntej nws yuav tau txojsia ntev dhawv mus ibtxhis” (Malakaus 10:29-30).

Yam uas Tswv Yexus cog lus tsis muaj lub ntsiab tias tus uas nrog Nws mus thaum twg yuav muaj lub neej nplua mias txog sab nqaij tawv. Tiamsis ntau tus nrog tus Tswv mus tej zaug lawv yuav poob vaj tsev, tej kev sib raug zoo, nrog lwm yam. “txais tau ntau npaug tshaj.” Ua ntej yog txais txojsia ib txhis thiab tau koom rau hauv Vajtswv tsev neeg. Hauv tsev neeg ntawd, peb muaj kev sib raug zoo ntawm sab ntsujplig nrog “tej kwv tij, nus muag” hauv Yexus Khetos ua ke.

Qhov khoom plig loj tshaj ntawm tus neeg nrog Vajtswv mus tsis yog lub neej zoo muaj txaus nyob rau tamsim no, tiamsis yog yam muaj nqis mus ib txhis thiab lub tshwjchim saum ntuj ceebtsheej. Tej kev txomnyem raug tsimtxom hauv tiam no yuav piv tsis tau rau lub hwjchim yuav los tom ntej. Lub neej ntiajteb yuav dhau los muaj nqis thaum peb qhia Txojmoo Zoo rau lwm tus thiab ntsia pom Vajtswv lub hwjchim ua haujlwm dhau ntawm yus.

Thov caw nrog kuv peb thov Vajtswv ua ke: Tswv Yexus ua Koj tsaug, vim dhau ntawm Koj tus ntoo khaublig koj tau ris vim kuv. Thov qhia kom kuv paub tso kuv tus kheej tseg, txhua hnub kws ntoo khaublig nrog koj mus. thov qhia rau kuv paub kom kuv tsis yoj yees ntawm tej kev sim siab lossis raug tsimtxom tamsim, tiamsis txiav txim ua lub neej nthuav tawm koj rau tej neeg ib ncig. Kuv thov hauv Tswv Yexus Khetos lub npe, Amees.

Cov kwv tij txhua tus, Tswv Yexus tau tuag thiab sawv rov qab los pub ib lub neej tshiab rau peb nyob hauv Nws. Hnub no, peb txhua tus tau caw nkag los rau hauv lub neej ntawd dhau los ntawm muab tus kheej tus cwjpwm qub ntsia rau saum ntoo khaublig kom nrog tus Tswv mus raws txoj kev uas zoo tshaj. Puas muaj qhov kev txhaum twg uas koj tsis kam lees txim? Tseem tshuav yam twg uas tav koj nrog tus Tswv mus? Hnub no, tseg sijhawm saib saum ntoo khaublig thiab Tswv Yexus txoj kev sawv rov qab los, fij lub neej rau Vajtswv, thiab cog lus ua lub neej tshiab hauv Nws hnub no.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.