Thaum uas peb ntsib tej kev nyuaj siab hauv lub neej, peb hnov zoo ib yam li lub nkoj tab tom ua yuj yees nyob nruab nrab hiav txwv, tsuas nyob tos ncua ntsawj tog lawm xwb. Tej lub sijhawm ntawd, peb ntshaw muaj ib qho chaw cia siab, ib yam dab tsi uas ruaj khov txaus kom tuav tau peb lub siab tiaj tus. Hnub no, peb yuav los xav txog ib yam uas zoo li yooj yim, tabsis muaj hwj chim hloov tau tag nrho lub neej: kev cia siab. Kev cia siab ntawd tsis yog ib qho kev xav uas tsis muaj tseeb, tiam sis yog kev ntseeg ruaj khov kho tau cog tseg ntawm Tus Tswv Ncaj Ncees.

Hnub no, yog hnub 31/03/2026, peb kev thov Vaj Tswv Txhua Hnub caw koj los kawm Vaj Tswv Txoj Lus ntawm Jessica Teed lub ntsia KEV CIA SIAB

“Peb tsis txhob ua li lawv, peb yuav tsum muaj txojkev hlub thiab hais lus tseeb, peb thiaj yuav ua tau lub neej zoo rau txhua fab li Yexus Khetos uas yog lub taubhau.” (Efexus 4:15)

Koj xav txog yam dab tsi thaum uas koj hnov txwm ntawv “kev cia siab”

Nyob ntawm kuv tus kheej, kev cia siab yog ib qhov kev coj uas muaj zog heev, yeej tseem ceeb cuag li mov noj dej haus txhua hnub. Tshwj xeeb, kev cia siab los ntawm Vajtswv los thiab los ntawm kev paub Vaj Tswv muaj peev xwm hloov tau tag nrho lub neej. Vaj Tswv Txoj Lus hauv Henplais 6:19 tau sau tias: kev cia siab uas Vajtswv pub rau peb zoo li tug tshais hlau tuav lub nkoj rau peb tus ntsuj plig, uas ruaj khov thiab tseem muaj zog heev. Qhov no txhais hais tias, kev cia siab ntawd muaj zog txaus los tuav kom peb sawv ruaj, txawm yog thaum tej nthwv loj ntawm kev nyuaj siab thiab kev txom nyem los raug peb. Koj puas tau hnov lossis tau txais hom kev cia siab ntawd hauv koj lub neej dua?

Kev nyuaj siab yog ib yam uas txhua tus tib neeg yuav tsum tau ntsib. Qhov ntawd tsis yog ib yam phem, nws los ntawm Tus Tswv uas tsim peb los. Thiab hais tseeb tiag, kuv kuj tau ntsib txog tej kev nyuaj siab lawm. Ib pliag ntshis xwb kuv tus txiv tau tso kuv tseg lawm, tsis ntev xwb kuv tus phooj ywg zoo los tau tso kuv tseg lawm thiab, kuv hnov tej nthwv quaj ntsuag tsawj los rau kuv tsis tu, tsuas tos ntsoov txeeb kuv txoj kev thaj yeeb hauv kuv lub siab mus. Txawm tias kuv nyob hauv cov sijhawm li ntawd los, kuv tseem muaj kev cia siab.

Paub txog tus Tswv Cawm Seej Yexus yog muaj ib txoj kev cia siab uas tsis muaj dab tsi yuav ua rau kom ua yuj yees – yam li tus ntshais hlau ruaj khov rau thaum lub nkoj ua yuj yees. Raws li tau sau hauv 1 Thexalaunikes 4:13-14 hais tias: “Cov kwvtij, peb xav kom nej paub tseeb hais tias cov neeg uas tuag lawm, lawv mus rau qhov twg lawm, nej thiaj yuav tsis quaj ntsuag ib yam li cov neeg uas tsis muaj chaw cia siab. Peb paub tseeb hais tias Yexus twb tuag thiab sawv hauv qhov tuag rov qab los lawm; yog li ntawd, peb thiaj ntseeg hais tias Vajtswv yuav coj cov ntseeg uas tuag lawm nrog Yexus sawv rov qab los thiab.”

Kev tu siab tsis yog ib yam phem hlo li. Ntawd yog ib qho pov thawj qhia hais tias peb tau sib hlub heev. Tabsis, yog peb pheej yus tus kheej poob mus tob zuj zus rau hauv tej kev tu siab ntawd, cia tej kev nyuaj siab ntawd los hloov koj lub paj hlwb ces yog ib qhov txaus ntshai heev. Yog peb tsis coj tej kev nyuaj siab ntawd los rau ntawm Vajtswv, ces peb yuav tau txais ntau yam kev tsis zoo los raug rau peb. Qhov ntawd yog vim li cas Phau Vajlugkub thiaj qhuab ntuas kom peb txhob nyuaj siab zoo li cov uas tsis muaj kev cia siab.

Yog li ntawd, kev nyuaj siab “li tus uas muaj kev cia siab” yog li cas?

Qhov ntawd tsis yog khiav tej kev nyuaj siab, tsis yog txwv tej kua muag, tiam sis yog cia tej kev ntawd tshwm sim, thiab ua lub siab tiaj tus thaum ntsib. Thaum tej nthwv nyuaj siab los txog, tus uas muaj kev cia siab yuav paub tias Vajtswv yeej nyob nrog nraim thiab lawv nrhiav Vaj Tswv kom tau kev nplij siab.

Qhov ntawd yog tuav ruaj khov kho rau tus Cawm Seej thiab Nws tej lus cog tseg. Yog cia yus tus kheej tau tuav ruaj rau qhov tseeb, thaum uas cov yus hlub tau tso yus tseg lawmn txawm yuav nyuaj siab npaum li cas los, Vaj Tswv tseem tab tom tuav rawv koj txhais tes tsis tso. Ntawd yog kev cia siab tias kev tuag tsis yog qhov kawg rau cov uas ntseeg Nws. Lawv tsis yog ib feem yav tag los xwb, tiam sis tseem yog ib feem rau yav tom ntej nyob mus ib txhis thiab.

Vaj Tswv Txoj Lus cog lus tias: tiamsis cov neeg uas cia siab ntsoov rau tus TSWV yuav muaj zog, lawv yuav nthuav tis ya ib yam li tus dav. Thaum lawv khiav lawv yuav tsis qaug zog, thaum lawv mus kev lawv yuav tsis tsaug leeg. (Yaxayas 40:31).
Lub sijhawm thaum muaj ke nyuaj siab, thov kom koj tsa muag saib mus rau Tus Tswv uas tab tom puag koj rau hauv Nws txhais tes, Tus Tswv uas hlub koj tshaj dua txhua yam uas koj xav tau.

Kuv thov kom koj muaj zog txaus kom tsis txhob cia tej kev nyuaj siab los kav koj. Cia Vajtswv nplij koj lub siab thiab ntxiv dag zog rau koj.Thov koj tsis txhob tu siab zoo li lub ntiaj teb tu, tiam sis yog xaiv ntsib tej kev nyuaj siab ntawd zoo li tus uas muaj kev cia siab hauv tus Tswv Yexus. Thov kom Tus Tswv ua lub teeb ci thiab kev cia siab uas Nws muab pub rau koj yuav ci hauv lub ntiaj teb uas tsaus ntuj nti no, coj kev rau cov uas tab tom nrhiav kev rov qab los tsev, rov los rau hauv Tus Tswv ob txhais npab uas sov so.

Thov caw nrog kuv peb thov Vajtswv ua ke: Leej Txiv Tus ua nyob Saum Ntuj Ceeb Tsheej, hnub no kuv los cuag Koj lub zwm txwv nrog txhua yam uas tawg tas thiab tej kev xav rau hauv kuv lub siab. Nyuam yaus ua Koj tsaug vim Koj yog Tus Tswv uas nkag siab txog kuv lub kua muag thiab txhua txoj kev nyuaj siab uas kuv tab tom hla. Thov txhob cia txoj kev nyuaj siab no ua rau nyuam yaus ntog, thiab pub kom nyuam yaus muaj kev ntseeg txaus kom saib pom qhov kaj ntawm kev cia siab nyob hauv Leej Txiv – uas yog tus ntshais hlau tuav ruaj khov kho kom nyuam yaus tus ntsuj plig. Thov tus Tswv nplij nyuam yaus lub siab, txhawb nyuam yaus lub zog kom nyuam yaus yuav sawv sawv ruaj ntawm tej cua daj cua dub hauv lub neej. Thov kom Koj lub teeb ci tuaj rau ntawm nyuam yaus, kom dhau tej kev nyuaj siab, nyuam yaus yuav muaj peev xwm to taub thiab coj kev rau lwm tus uas tseem tab tom yuam kev kom lawv nrhiav tau txoj kev thaj yeeb. Nyuan yaus koom siab taij thov txhua yam los ntawm Tus Tswv Yexus Khetos lub npe, Amen.

Tus phooj ywg, tsis txhob liam koj tus kheej thaum koj hnov koj lub siab mob vim tej kev nco. Vim txhua lub kua muag ntawd yog ib qho pov thawj zoo nkauj tshaj plaws rau ib lub siab uas muaj kev hlub tseeb tiag. Tabsis Vajtswv tsis xav kom peb pheej nyob mus li hauv qhov tsaus ntuj ntawm kev tag kev cia siab. Thaum peb muaj siab tawv coj peb tej kev lwj siab los tso rau ntawm Vajtswv lub xwb ntiag, ces ntawd yog lub sijhawm uas Tus Tswv txoj kev cia siab pib ci hauv peb lub siab. Kev tuag tsis yog qhov kawg, thiab kev nyuaj siab tam sim no kuj tsis yog lo lus kawg. Cia li nco ntsoov tias, koj tab tom tau nyob hauv Tus Tswv ob txhais tes uas hlub koj tshaj plaws, thiab Tus Tswv tau cog lus tias Nws yuav pub lub zog tshiab kom koj ya siab li tus dav.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected].