Tus pa tsw qab nws coj lus ntsiab lus ntsiag to nrog nws, tiamsis nws ho chwv tau txog tib neeg txoj kev hnov ntxhiab, xa xov ncaj qha mus rau ntawm qhov chaw daws tib neeg tej kev xav thiab tib neeg lub hlwb, tus pa tsw qab ntawd mus ncaj qha rau ntawm tib neeg lub hlwb tsis mus dhau ntawm lwm txoj kev, nws cia li ua rau neeg muaj zog thiab muaj kev xav. Raws li txoj kev ntsia pom li ntawd, cov ntseeg Vajtswv kuj tau caw kom dhau los nthuav tawm Vajtswv tus ntxhiab tsw qab mus rau txhua qhov, txuas kiag ua ke ua rau kom sawv daws paub Vajtswv.

Hnub no, yog hnub 01/04/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke dhau ntawm Zaj kawm TUS PA TSW QAB NTAWM TXOJ KEV LEES PAUB YEXUS KHETOS

“Peb cia li ua Vajtswv tsaug, rau qhov Vajtswv niaj hnub coj peb txoj haukev, rau qhov Yexus Khetos twb ua rau peb muaj yeej lawm. Vajtswv txib peb mus qhia Yexus Khetos zaj rau txhua qhov ib yam li tej pa tshuaj tsw qab uas tsw thoob plaws txhua qhov txhia chaw. Rau qhov peb zoo li tej pa tshuaj tsw qab uas Yexus Khetos muab fij rau Vajtswv, tej pa ntawd tsw qab ntxiag mus rau cov neeg uas tabtom yuav dim thiab cov neeg uas tabtom yuav raug kev puastsuaj” (2 Kauleethaus 2:14-15).

“Koj tsis tau mus tom tuam tsev ntxiv lawm, nyob tod yog qhov chaw pe mlom, koj yog menyuam yaus, mus rau tod ua dabtsi?” Niam lub suab nrov nrov. Kuv cia li quaj twj ywm, tsis muaj lus dabtsi yuav hais rau niam thiab txiv, rau tsev neeg. Kuv tsis muaj lus hais, tsis muaj lub suab los txhawb. Tiamsis kuv paub tias Vajtswv paub kuv tab tom ntseeg thiab pehawm Nws. Nws yog tus muaj hwjchim, yog tus tawm tswv yim, yog Vajtswv muaj hwjchim, yog Leej Txiv ib txhis, yog tus Tswv ntawm txoj kev kaj siab. Leej txiv lub npe dhau los swm rau peb, ciaj sia rau hauv peb txhua tus lub siab, thaum ntawd kuv nyuam qhuav yog ib tug menyuam ntxhais 11 xyoos.

Kuj zoo ib yam li Malis lub siab nyob rau lub zos Npethanis thaum ntawd, thaum sawv daws npaj tos Tswv Yexus thiab Nws cov thwjtim. Nyob rau lub chaw puv npo kev luag, Malis ua twjywm ntsiag to. Twb muaj ntau zaug txais Tswv Yexus, tiamsis hnub no nws hnov cuag li txais tau ib yam dabtsi twg ua rau nws yuav txav tsis tau ntawm Tswv Yexus. Tswv Yexus zaum ntawd, hauv lub tsev muaj peb tug kwv tij, thiab Tswv Yexus tab tom nrog lawv sib tham. Tswv Yexus tab tom hais txog tej uas Nws tau xaiv thiab tej uas yuav tshwmsim los.

Ntawm no yog qhov nto ntsis ntawm Tswv Yexus tes haujlwm hauv peb lub xyoo, cov pej xeem tab tom kub siab lug rau Nws lub npe. Thiab ntawd kuj yog lub ntsis ntawm txoj kev ntshai, kev khib ntawm cov pov thawj hlob, lawv tab tom nrhiav kev ntes Tswv Yexus thiab muab Nws tua pov tseg.

Malis hnov qab txhua yam ib ncig, hnov qab txoj kev pab ua haujlwm rau rooj noj rooj haus uas nws yuav tau npaj. Nws ua twjywm ntsiag to ua tib zoo mloog, tsau tsawv hauv txhua lo lus uas Vajtswv nthuav tawm, ntawd yog: Vajtswv lub homphiaj cawmdim, twb tau cev lus ua ntej, thiab tab tom muaj tiav li ntawd, tiamsis tsis yog raws li tej uas tib neeg tab tom tos. Ntau tus neeg tsis nkag siab, ntau tus ua xyem xyav, ntau tus chim tsis txais yuav, tiamsis Malis, nws kam ntseeg, nws lub siab txais tau tej yam phomsij uas yuav tshwmsim raws li tej uas Tswv Yexus nthuav qhia ua ntej ob peb hnub uas ua kevcai hla dhau zaum kawg hauv ntiajteb.

Malis hais tsis tau lus, nws kuj tsis nug, nws kuj tsis nrhiav lo lus txhais. Lub siab ntawm ib tug pojniam uas Vajtswv tsim los kam txais yuav ntseeg tej uas Tswv Yexus hais ua ntej txog Nws txoj kev txomnyem thiab Nws txoj kev tuag…

Thiab tas, los ntawm kev txiav txim siab, Malis puag hwj roj uas nws khaws tseg ntau xyoo, ua twjywm hla dhau cov txiv neej, muaj lub siab tawv tiv dhau tej kev coj noj coj ua thiab xyaum mus nyob ze Tswv Yexus. Malis muab nws lub hwjchim roj tsw qab uas muaj nqis tsoo tawg, yog hwj roj uas nws nyiam, nws ua tib zoo hliv rau saum Tswv Yexus tau hau, saib taus zoo li ib tug vajntxwv hauv yus lub neej. Tas maj mam txhos caug, hliv roj rau Tswv Yexus ko taw, muab Nws lub siab fij tiag tiag rau Vajtswv. Malis cov plaub ntev cov xyaw tej roj ntawm Tswv Yexus txhais kotaw ua rau coob tug xav tsis thoob. Nyob rau ib feeb ntawd tej kev coj noj coj ua tau zam kev rau Malis txoj kev lees paub tus Mexiyas thiab pehawm Nws.

Nyob rau lub sijhawm uas tej pa tshuaj tsw qab ntxiag ntawd, sawv daws xav tsis thoob, nrog rau tej lus yws, cem, Malis yeej ua twjywm ntsiag to tig mus rau ntawm Tswv Yexus. Tej zaug nws lub qhov muag twb los kua muag hnov Tswv Yexus lub siab tiv thaiv pog:

“Tiamsis Yexus hais tias, “Cia nws ua nws! Nws npaj tej no tseg rau hnub uas faus kuv” (Yauhas 12:7).

Yog, ib yam li tej uas Malis nkag siab txog Tswv Yexus nws thiaj siv lub sijhawm no los hwm txog Vajtswv tus tub rau lub sijhawm nuaj nqis no nyob ntawm Nws ib sab, ces kuv tuj kheej kuj nkag siab thiab saj tau tej yam muaj nqis uas Vajtswv tab tom nthuav tawm. Vajtswv tej lus thiab Leej Txiv kev tshwm ntsej muag tau coj kuv hla dhau lub tiaj nrag tsaus ntuj nti txaus ntshai, nyob rau lub sijhawm uas txaus ntshai thaum tseem yog menyuam hluas.

Lub ntiajteb hloov pauv, tej kab lig kevcai ntawm tsev neeg txwv tsis tau Vaj Ntsujplig tej paj txiv loj zuj zus hauv kuv. Nws yeej ua twjywm ntsiag to, mloog raws li Vajtswv tej lus coj kuv, kuv ua tau zoo txhua tes haujlwm kawm ntawv hauv tsev kawm ntawv, ua tiav lub luag haujlwm hauv tsev. Ib yam li Vajtswv tej lus tau hais “tseeb tiag yeej tsis muaj leej twg cia siab rau kuv es yuav txaj muag” (Ntawv Nkauj 25:3). Kuv maj mam ntsia pom lub qhov muag hlub, ntseeg siab ntawm kuv niam kuv txiv tso cai rau kuv mus koom txoj kev pehawm Vajtswv ntuj.

Zoo li cov roj tsw qab tau tsw txhua qhov rau lub sijhawm ntawd, Malis txoj haujlwm ua los ntawm txoj kev ntseeg tau caum kuv thaum kuv Txojmoo Zoo tau qhia tuaj txog kuv thaum kuv tseem yau. Vajtswv txoj kev ncaj ncees dhau los ua tus tshim coj kuv lub neej kom kuv ncaj ncees ua twjywm nthuav tawm tus pa tsw qab txog qhov uas paub Yexus Khetos, nyob ntawm tej kwv tij koom kev ntseeg thiab ntawm tej neeg txheeb ze thiab tej phooj ywg uas tsis tau txais yuav Tswv Yexus:

“Peb cia li ua Vajtswv tsaug, rau qhov Vajtswv niaj hnub coj peb txoj haukev, rau qhov Yexus Khetos twb ua rau peb muaj yeej lawm. Vajtswv txib peb mus qhia Yexus Khetos zaj rau txhua qhov ib yam li tej pa tshuaj tsw qab uas tsw thoob plaws txhua qhov txhia chaw. Rau qhov peb zoo li tej pa tshuaj tsw qab uas Yexus Khetos muab fij rau Vajtswv, tej pa ntawd tsw qab ntxiag mus rau cov neeg uas tabtom yuav dim thiab cov neeg uas tabtom yuav raug kev puastsuaj” (2 Kauleethaus 2:14-15).

Los txog rau tamsim no, Vajtswv yeej tseem ncaj ncees tiv thaiv kuv hauv txhua lub nra, thaum ua ib tug nyab, ua ib tug niam tsev, thiab ua ib leej niam hauv tsev neeg, yog ib tug ntseeg Vajtswv nthuav tawm tus pa tsw qab txog txoj kev lees paub Yexus Khetos rau sawv daws.

Thov caw nrog kuv peb thov Vajtswv ua ke: Tus Tswv uas muaj kev hlub, muaj tej lub sijhawm tsis muaj leej twg nkag siab txog tej uas kuv ntsib dhau nrog kuv tus Vajtswv. Muaj tej lus hais yuav txhais tsis tau txoj kev nqaim uas kuv xaiv nrog kuv tus Vajtswv mus. thiab muaj tej ntsus kev tsov rog kuv yuav tau vam khom raws li Vajtswv tej lus qhia, tsis muaj neeg paub, tiamsis ua Vajtswv tsaug, koj tiv thaiv kuv zoo. Thov siv kuv los nthuav koj tus pa tsw qab rau txhua qhov. Kuv thov hauv Tswv Yexus Khetos lub npe, Amees.

Cov kwv tij, lub txiv uas ntiajteb no kos cia, thiab qhuas txog niaj hnub no. Vajluskub yeej ruaj siab rau daim duab uas ib tug neeg nthuav tawm tus pa tsw qab yog paub Yexus Khetos thiab nyob hauv txoj kev sib raug zoo nrog Vajtswv, nrog rau kev sib txuas ntawm neeg thiab neeg ua ke. Ntawm no yog tus pa tsw qab ntawm lub siab ntsiag to rau txoj kev paub Vajtswv, nthuav tawm dhau ntawm tej haujlwm tsis ua kom nrov nroo ntws tiamsis puv npo los ntawm txoj kev ntseeg nyob hauv Tswv Yexus. Vajtswv yog tus tau hlub peb thiab muab nws tus kheej fij rau Vajtswv ua qhov khoom fij, zoo li ib tug pa tsw qab.

Vajtswv niaj hnub caw kom koj los rau hauv txoj kev sib raug zoo ua ke nrog Vajtswv. Vajtswv tus muaj kev hlub zoo siab hlo nthuav tawm Nws lub homphiaj zoo rau koj. Tswv Yexus twb hais tias: “Yog nej ua raws li kuv hais, nej thiaj yog kuv cov phoojywg. Nimno kuv tsis hu nej ua tubtxib lawm, rau qhov tus tubtxib tsis paub xyov nws tus tswv ua dabtsi. Tiamsis kuv hu nej ua phoojywg, rau qhov kuv twb qhia txhua yam uas kuv Txiv qhia rau kuv rau nej lawm” (Yauhas 14:14-15) Hnub no Vajtswv txojlus caw kom peb los cuag nws hauv lub siab ntsiag to, mloog thiab ua raws li Vajtswv ua tus coj kev, koj lub neej yuav nthuav tawm tus pa tsw qab nyob hauv tus uas hlub koj txhais tes, nkag siab koj thiab tu koj.
Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.