Gơs tũ lơi oh mi tip dô nơm rùp sơnĩo niam tian gơs oh mi ò rgơi hũi hala ò? dô nơm grôi gom gơrwang mơ bềng mhwal, dô nơm gah dà lềng sang niam, dô nơm mơnơm ryũ ryơm, hala băliă lúi la dô ngai mattơngai mut hang niam. tòm tũ tip rup niam, bol he ơs kỡn chụp wơl, prăp wơl, jôi wơng, mơ ò kỡn lik lòt. Jơh ală bơta niam mơ măt bol he rgơi sền gõ ming la alaư til ràng tơlik wơl bơta hang mơnẽ dơng rlau Bơtau Crơng Gơs dê. Dilah ală phăn crơng gơs nê neh niam behỡ rau, gen Bơtau neh crơng gơs jơh ală bơta hỡ hang mơnẽ tus mbe lơi taih?

Ngai do, ngai 15/10/2026, Bơta Hôi Dăn Kơp Ngai dăn jà ală ồng mò oh mi bơtê bal Jơnau Yang kơnơm di bơta dong kơl Dina Sleiman bơh tơnggumê SỀN GÕ BƠTA HÀNG MƠNẼ YÀNG DÊ.

“Añ neh dan mơ Yàng Jehôwa dô bơta, mơ rơp jòi jat bơta hơ̆; Hơ̆ la añ kòñ jơl jơh rài kis añ jê geh ơm tòm hìu Yàng Jehôwa, Nàng sền gŏ bơta hàng mơnĕ Yàng Jehôwa dê, Mơ jòi lùp tòm hìu duh khoai Kơnràñ dê.” (Đơs Crih 27:4)

Dô nă cauNga jak cih sră, Fyodor Dostoevsky, neh đơs: “Bơta hang mơnẽ dong klas dunnia”. Sèng đơs hỡ lơh ăn kơlôi sơnưng: Bơta hỡ gơs ngăn sơl? mơ dilah tòm toh, gen bơta hỡ gơs gơtha lơi gơwet mơ cau dòn Yang taih?

Là dô nă cau cih sră bơta bơtê, jơnau đơs chờ, cau lăm tơmya mơ tơmya,ăn lơi pơnah dơng rai kis he dê nàng tò jrô tòm bơta Chai rgơi mơ bơta niam. Bơta Chai Rgơi là dul tòm ală gùng nang yờ tơngguh hwềng nus ẵn rềp rlau mơ Yang.

Sền wơl Bơtau Dabit, ông là dô nă cau gơlơh be ò siỡu ală bơta lơi tòm rai kis. Ông gơs muh mat niam, bơta chai chai lin rlau, gơnoăr pran rlau jơh mơ oă công nha pha lin tòm bơta tòm lơh. Ông digơlăn neh lòt găn ală bơta niam rlau jơh tòm dunnia. Mơya, tòm Đơs crih 27, digul ală bơta gơlik gơs kalke, kol cau sò tơm gơrwang gut dar, bơta ming dul ồng dăn mơ jôi jat la bơta hang mơnẽ să tòm Yang dê. Ồng đơs lah: “Añ neh dan mơ Yàng Jehôwa dô bơta, mơ rơp jòi jat bơta hơ̆; Hơ̆ la añ kòñ jơl jơh rài kis añ jê geh ơm tòm hìu Yàng Jehôwa, Nàng sền gŏ bơta hàng mơnĕ Yàng Jehôwa dê, Mơ jòi lùp tòm hìu duh khoai Kơnràñ dê.” (Đơs Crih 27:4)

Behỡ, Dabit neh sền gõ bơta hang mơnẽ lơi bơh Yang Tom Trồ taih? digơlăn hỡ ò di la bơta hang mơnẽ bơh đah bơdih hala bơta her niam, mơ la bơta sang goh, niam, gơnap gơnoăr, bơta kỡn gơboh mơ bơta nđàc Yang dê mơ să tòm rai kis ông neh git lam.

Ăn dòn lah oă cau tòm dunnia ngai dô găm jôi jat dô nơm bơta dòn song ngăn, niam mơ gơs pran tơm gơl rai kis, ò di ming la dô nơm bơta dòn iat gen gơlơh be ní tòm toh mơya ò dipal dòn kơnơm. Tơnggu bơta dòn Cau Dòn Krist dê ò di la tòmpit bơta gơring hala gơnoăr pran, mơ la rang tơlik bơta kõn gơboh mơ bơta hang mơ nẽ Bơtau Krist dê dunnia in. Tòm pơnah do, jơnau đơs Dostoevsky dê “Bơta niam dong klas dunnia” geh wơng mơ dô nơm gùng dà pa. Bơta niam ò rgơi dong klas cau. Bơta Chai Rgơi hala dô rai kis niam kung behỡ. Ming dô nă Yang Tom Trồ, găn dê Yang Dong Klas Jesus, rgơi dong klas bol he. să tòm Yang Jesus la bơta hang mơnẽ ai dunnia găm mor iơh mơ srau gợi bơh tồi glài. Mơ Kơnrãn găm ai bol he in gơnoăr brooă nang ràng tơlik bơta hang mơnẽ hỡ.

Pơgap dô rbô sơnăm neh sơlet rlau, con cau bơtau Nga Vladimir neh jôi dô nơm gùng duh khoai pa lang bol khai in. Ông neh sôr ală cau kong sôr lot jôi wơng ală gùng duh khoai pha is. Tơnỡ mơ ală cau kong sôr ri wơl, bol khai yal lah: “Bol he neh tus bòn Constantinople, mơ gơs cau lăm bol he tus dô nơm bơta duh khoai Yang Tom Trồ. Bol he ò git he găm ơm hơđăng trồ hala tòm ù, tai bơh dunnia ò gơs rup hala bơta niam lơi behỡ. bol he ò git pal rang tơlik mbe lơi la wil tơl, ming git lah Yang Tom Trồ găm gơs mat digul kòn mơnus. Hỡ la bơta hang mơ nẽ ò tũ lơi rgơi hũi.”

Bơta git lam jrô ndơp hỡ neh chôl kòn cau bơtau Vladimir cèng lơgar Nga tus mơ bơta dòn Krist. Hỡ la dul tòm ală pơnyơu ai tơnggõ bơta duh khoai song ngăn mơ bơta hang mơ nẽ tòm să jan Bơtau Krist dê gơs lơh cau in gơboh gơbai ò git nđờ.

Nang jong rơ Yang, bol he cih chờ, pac rup, lơh hàc, cih ală bơta tơmya mơ jơnau pơnđik. Mơya ală bơta hỡ ming la ală gùng nàng lơh cơng bơh bơta hang mơnẽ Yang Tom Trồ mơ dong cau ndai wet tus hơ Bơtau Hang Mơnẽ Wil Tơl.

Dơng mang rlau jơh, la ală cau dòn Yang, rai kis bol he rơp rang tơlik bơh bơta hang mơnẽ Kơnrãn dê mbe lơi digul rai kis kơp ngai?

Hỡ a tòm tũ bol he sac kis kỡn gơboh, toh glai, dòn song, song ring, kỡn nđàc cau kis tòm tồi glai mơ cơnđòa lòt dô bă pơndềt să mơ Yang Tòm Trồ. Bơta hang mơ nẽ mơ Yang kỡn sền gõ tòm cau dòn Kơnrãn ò ơm đah bơdih lơh niam, mơ la tòm nùs nhơm neh geh tơmgơl mơ rang tơlik nùs nhơm Bèp hơđăng trồ dê.

Bol he ò rgơi rang tơlik bơta mơ he ò gơs, ò rgơi kỡn Kơnrãn dilah mat găm jơngo bơh bơta hang mơnẽ Kơnrãn dê, mơ sơlơ ò rgơi tề lăm cau ndai tus mơ Bơtau mơ bol he ò jigloh tơhir. Kỡn rang tơlik bơta niam Yang dê, lai ngăn bol he pal sac ơm tòm bơta gơs mat Kơnrãn dê tơl jõ nàng wơng git bơta niam hỡ.

Bơta niam í khai dê ò rgơi dong klas dunnia, mơya bơta niam rang tơlik bơh Yang Jesus gơs pran nang hwoai kon mơnus tus mơ bơta dong klas mơ bơta kis ngăn. Bơta niam hỡ rang tơlik găn dê Bơta Chai Rgơi, găn dê bơta duh khoai, mơ ngăn rlau jơh la găn dê rai kis kỡn gơboh oh mi mơ ẵn jê kơp ngai. Rềp do, bơta hang mơnẽ lơi Yang dê neh bơ tus nùs nhơm oh mi dê? mơ oh mi rgơi gơlik gơs cau rang tơlik bơta hang mơnẽ Yang dê mbe lơi?

Dan jà bol he dô nùs bal tòm bơta hòi dan: Khoai Yang, să tòm bơta hang mơnẽ Kơnràn dê neh lơh kòn in gơboh mơ hwoai kòn tus hơ Kơnrãn. Dăn dong kon kơp ngai jigloh tơhir geh ơm tòm bơta gơs mat Kơnrãn dê mơ sền gõ ală bơta hang mơnẽ Kơnràn dê. Dăn bơta hang mơnẽ bơh tòm Kơnràn tơm gơl alaư tiah ò niam, tồi glai tòm bồ dơngoh mơ nùs nhơm kòn dê, nàng bơh hỡ kòn rgơi ràng tơlik Kơnràn găn dê rai kis kỡn gơboh, sang goh mơ pơndèt să. Kòn jơh nùs hôi dăn tòm sơnđăn Yang Jêsus Krist, Amen.

Ơ ală ồng mò oh mi kòñ gơboh,, oh mi gơs găm ji gloh tơhir jơh rai kis he geh ơm tòm Yang nàng sền gõ bơta hang mơnẽ Kơnràn dê hala ò? Dilah hỡ ngăn la bơta kơp kỡn oh mi dê, sơntơm tẽ ngai do mơ broă ơn tũ jơ tòm Jơnau Yang, nàng dơp git ală nùs nhơm niam, nùs nhơm mơ bơta niam Kơnràn dê. Mơ kung sac kis rang tơlik bơta hang mơnẽ Kơnràn dê găn dê broă lơh kỡn gơboh, chôl bơtrôt hala dong broă cau gut dar oh mi. mơ ngui tẽ dô bơta nđàc Yang neh ai oh mi in, bulah la ntas chò, bơta chai rgơi, jơnau đơs, hala ală bơta chai rgơi lơi nàng lăm cau ndai tus mơ Kơnràn.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.