Rùp phim, sră pơàr hala mạng xã hội pờ tơlik dô pah gời ƀuôn ngan nàng bol he pleh ing bơh bơta gơlik kơñjơ̆ kơñjùt. Bol he jak chài ngăn tòm tŭ bol he pơrlồm is să he lah să tòm mìng joi dô êt tŭ lơh pơrwài ò tis nàng bồr bơta wah-wơng tòm nùs. Mơya, bơh tòm ală bơta dềt rhền hơ̆ mơ bol he ròng gơ mò ò git gơlik gơs tih dờng, mơ ngềt ngơt tờmpit ơnih taih òs gơri mơ Yàng bơh tŭ lơi he ò git. Bơta pràn bơta ờm is dê rngòt rngơt ngăn: gơ ƀuôn rgơi lơh bơta chò hòp dô ing lơm goqlik gơs rùp ràk pôn ndơp, lơh bol he in hŭi lah hwềng nus do òs geh crơng gơs nàng lơh wil tơl gơri mơ dô Bơtau mìng lơm.

Ngai do, ngai 23/10/2026, tơnggu Hoi Dan Kòp Ngai dan ja ông mò oh mi kơlôi sơnưng bal Jơnau Yàng kơnòm bơta dong kòl Kellin Gibson bơh tơnggu me BƠKAH LƠNGỒT RLAU MƠ ALĂ PĂNG SRĂ GÙNG BƠRCEH

“Mơya Yàng Jehôwa niam nus dê ală cau duh rngòt dê Kơnràñ, mơ niam nus dê cau gơn kơnòm di bơta kờn gơboh kơ̆ dơn Kơnràñ dê.” (Đơs Crih 147: 11)

Sră neh la tiah añ joi tus nàng pleh ală bơta gơs ngăn. Bulah behơ̆, añ ò tŭ lơi kơlôi lah ală sră gùng bơrceh lơh niam mơ añ gơboh rgơi gơring jrô ngan tus hơ bơta gơtơm klĕ digùl añ mơ Yàng Tơm Trồ. Gơs cau ò dô nus bal mơ ală bơta tòm dơlăm behơ̆, digah hơ̆ cau ndai gèn sền gŏ gơ la hờp. Ai añ, añ mìng kơlôi he la dô nă cau chai lơh niam mơ sùm cèng tòm nus oă bơta gơn kơnòm. Bơta ơlik gơs sơntom bơh dô sèng yal kờñ gơboh mơ kờp kờñ geh git làm dô bơta kờñ gơboh be hơ̆ tòm rài kis să tòm he di. Añ kờñ git nus nhờm geh dô nă cau lơi hơ̆ kờp kờñ la mbe lơi.

Tòm dô mhô ne, añ pùt să he di dô nơm cơnơng mơ sền sră gùng bơrceh yal bơh dô nă cau klau tus bơh kơnhwal hơđăng grôi. Añ gam sền dô bă gơjồp ngan nisơna gơlik gơs dô nơm broă wănrơt. Dơ̆ do, añ nggà ñìm bơh dờp git he neh lơh Yàng Hwềng Goh in moat jrùng ò git nđò. Kơnràñ neh ai añ in dô bơta kờñ goboh dơng ơnang rlau mơ jơh ală bơta lơi añ neh joi bàn tòm ală pang sră ògơs ngăn bơh dô nơm dunnia ò gơs ngan.

Añ kung neh dòp git lah he ò rgơi pơnjat sền tai sră gùng bơceh hơ̆ tai, bulah oă tŭ tơngai neh lòt găn añ găm joi gơ nàng sền tồ nàng geh pơndòm pơniang. Mơya tŭ do añ pal lơh ñchi lơi taih? Hơđang ƀòng ơn sră añ găm gơs dô rhiang sră gùng bơrceh lơto lơƀơñ, mơ añ git he ò rgơi pơnjat prăp gơ wơl. Bơta gơchôl pơrhơng tòm nus añ chồl bơtrồt añ pal sang lơi bơh bơta dòn.

Tơnơ̆ mơ tŭ añ neh sang jơh ală sră mơ añ gơđềt lòt găn oă sơnăm, añ dờp geh dô bơta ring lơngai tơngkah tơngkàñ, gơlơh be nus he geh wàs goh jơh ală bơta jơ̆ tơngai lai he neh prăp lời. Tŭ do, añ rgơi khat goboh ja Yàng Jesu mùt ăt bồ tòm nus he. Moya, tai bơh kờp kờñ ală broă phi-gàt mơ ală bơta pa lơm, añ gơlik gơs ò dinus mơ jơh ală bơta lơngai he găm gơs gùt dàr he. Yàng Tom Trồ neh ai añ in dô nơm hiu hàng niam, dô nơm rơndeh rgơi cèng añ lòt tiah lơi, mơ tơl ui ao nàng kòp ngai añ soh pha is. Kơnràñ ai añ in ală cau kờñ gơboh mơ añ rgơi khat gơboh tơmpà jơh ală bơta tòm nus añ. Kơnràñ kùng neh rcang ai añ in dô nơm broă ring lơngai, lơh àng sơnđăn Kơnràñ. Añ găm kờñ ñchi rlau tai sơl?
Lòt găn jơh sră Đơs Cih, bơtau Dabit jòng rơ Yàng Tơm Trồ bơh sơnđăn jòng mang Kơnràñ dê, mơ bơh jơh ală bơta Kơnràñ neh lơh bol he in:

“Yàng Jehôwa pò tơngguh ală cau kŭn tơnliah…. Kơnràñ sơmbòi cau gơs nùs jê sồt moat jrùng, mơ pồt tiah sồt bol khai dê…. Đơs chò tĕ ưn ngai Yàng Jehôwa; pĕ kơñì mơ jòng rò Yàng Tom Trồ bol he dê, Kơnràñ jơm ală tap trồ mơ mhwăl, rcăng dà miu ù in, mơ lơh ñhơt in hòn hơđăng dòr…. Mơya Yàng Jehôwa niam nus di ală cau duh rngòt di Kơnràñ, mơ di ală cau gơn kơnòm di bơta kơn gơboh kơ̆ dờn Kơnràñ dê.” (Đơs Crih 146:8; 147:3-11)

Yàng Tom Trồ ai bol he in gơoăr chài bơrceh ală sèng yal yau nàng lơh pơrwai, mơya ală bơta hơ̆ ò tŭ lơi geh gơnoăr nàng pìt ơnih Kơnràñ dê tòm nus bol he dê. Yàng kờñ să tòm Kơnràñ la tơl jơh gơwèt mơ bol he. Digơlan ông mò oh mi ròp ai lơh krơi tŭ dòp git lah bơta mơ bol he pơnđơl prap gàr neh kơryan ông mò oh mi kờñ goboh Yàng dô bă jrô rlau. Sac rwah tĕ sơmbat kơ̆ di Kơnràñ ala bơh ală bơta gori mơ dunnia do, bơh bơta kờn gơboh Kơnràñ dê cèng tus bol he in bơta hừh nus mơ ò gơs bơta lơi ndai rgơi pơndrờm.

Dan jà bol he dô nùs bal tòm bơta hòi dan: Khoai Yàng Dong Jesu, Kơnràñ di pal ngan geh jòng rò mơ jơh hwềng nus duh rngòt. Jơ do, dan lơh nền sang lơi ală bơta gơn kơnòm ing lơm di neh cèng wơl kòn in dô êt bơta pơndòm pơniang blac pơrlôm, nàng ri wơl yờ tơngguh mìng dô nă Kơnràñ lơm. Ưn ngai Kơnràñ bơh ală bơta lơngai Kơnràñ neh ai kòn in, bơh găn di bơta hơ̆ kòn geh liap git bơta chò hòp ngăn. Dan dong kòn bàn lòi bơta lơi hơ̆ pìt ơnih tiah Kơnràñ dê tom nus kòn dê. Dan Kơnràñ sùm la Bơtau kờñ gơboh kòn mơ joi jat hơđang rlau jơh. Dan at bồ tòm nus kon dê, bơh kòn git lah taih hơ̆ gơri mơ Kơnràñ. Kòn jơh nus hoiđăn tòm sơnđan Yàng Jesu Krist, Amen.

Ơ ală ông mò oh mi kờñ goboh, ală bơta pơndòm pơniang mhăr lòt gan dunnia de ò tŭ lơi ƀồr bềng pah gòi jrô ndơp ơm tom hwềng nus ông mò oh mi dê. Mìng bơta kờn gơboh rlau jơh mơ wil tơl YÀng Jesu dê rgơi lơh rài mơ ƀồr ndơp jơh ală bơta jề sồt tòm nus ông mò oh mi dê. Tŭ ông mò oh mi khin chà jao phi tòm tê Yàng ală bơta he găm prap kơ̆, hơ̆ kung la tŭ Kơnràñ ai ông mò oh mi in bơta ring lơngai lòt rlau mơ bơta wờng git. Dan Yàng ƀừ tus hwềng nus ông mò oh mi di tŭ do mơ, nàng Kơnràñ sùm la sơnrờp lai ngan, la Bơtau mìng dùl at bồ sơban nùs ông mò oh mi dê.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.