Bol he rgơi lời gùl rài kis nàng kơp tú jơ dipal rlau: kơp gơn tú jền priă tơngkah sùm ơn Yàng in, tú rài kis gơlik cồng nha sùm chò nùs hơ wơl jơnau hòi jà Yàng dê. Mơya gơs tú lơi he kơlôi lah, Yàng ờ gơs tú lơi kơp gơn tú he wil tơl sơl? Mbè lơi dilah Yàng kờn ngui ờ di la phan tơngkah tơngkan he dê, mơya hớ la phan mờ he gơs tú siơu sriă?

Ngai do, 28/11/ 2026 rơndap bơta hòi dan kòp ngai hòi jà ồng mọ oh mi kơlôi sơ-nơng Jơ-nau Yàng bơh tơnggume PET PRIĂ KÒNG CAU MÒ BƠNRAU.

“Bơh jơh ală cau ne ai jền tơngkah bol khai dê mơ ơn, ai cau ùr bơnrau rƀah do siơ̆u siar ngan, mơya neh ơn jơh phan khai gơs, la jơh phan ròng siam să khai dê.” (Mak 12:44)

‘Yàng Jesu nggui tòm toh mơ tiah prap jền hìu duh khoai nàng sền mpồl làng bol ơn jền. Gơs gal ngan cau pas ơn oă jền. Kung gơs dô nă cau ùr bơnrau rƀah lòt tus ơn bàr pet priă kòng, hơ̆ la pơgap dô su. Chòp Kơnràñ hòi ală cau bơtê tus mơ đơs lah: “Di ngan Añ đơs mơ bol mê, cau ùr bơnrau rƀah do neh ơn tòm hồp ơn priă oă rlau mơ jơh ală cau ndai. Bơh jơh ală cau ne ai jền tơngkah bol khai dê mơ ơn, ai cau ùr bơnrau rƀah do siơ̆u siar ngan, mơya neh ơn jơh phan khai gơs, la jơh phan ròng siam să khai dê.”’ (Mak 12:41-44)

Sră Goh oă dớ sơnio rơnoas Yang dê ờ di bè kòn mơnus. Tòm jơnau yal wơl bơh ală cau lơh ơpah tòm suơn nho, cau lòt lơh lồi dut kung geh dờp jền tơngai dờng bơh cau tờm sơmah sơmai. Bar pet pră dềt cau mò bơnrau geh kas màng rlau ală jền oă cau passơm dê. Bulah di gùl ală broă cau sền la ờ kwơ, Yàng Jêsus kung rgơi sền gó bơta kas màng gơ dê. Tú Mari nggui tềng jơng mơ kơno iat Yàng bơto, Kơnràn đơs lah: “Mari neh sac rwah pơnah niam rlau, la pơnah ò gơs cau lơi rgơi tòmpìt bơh di khai.” (Luka 10:42)

Kah wơl sèng Sră Goh đơs tus Talang, Yàng Jêsus đơs: ‘Bơh cau lơi gơs rơp ai bơtơl tai, tồ khai geh tơngkah tơngkañ; mơya cau lơi ò gơs, bulah phan khai neh gơs kung rơp tă tơlik tơn.” (Mathiơ 25:29). Mhar ngan bol he kơlôi is lah: dilah Yàng kờn an ơn oă rlau tai, gen ngan Yàng pal pà ai an in oă rlau jền priă, tú tơngai mơ bơta pràn.” mơya oă dớ, hớ mìng la bơta kơlôi sơnơng bơh dồ nă cau gam gơkòl oă bơta bòl glar tian gơs ờ rgơi dờp git bơta ròng siam Yàng pà ai he in.

Digơlan bol he ờs mờng đơs lah he pal càng gơs oă rlau sùm rgơi lơh oă rlau. mơya Sră Goh sơnio he in dồ rùp sơnio krơi is. Rài kis ồng Pol dê sơnio he gó Yàng ờ di mìng lơh broă tòm tú bol he ơm tòm bơta ring lơngai hala tú bềng lìu. Ồng cih tòm 2 Kôrinhto 4:8 lah: “Bol hi gơtìp rồn bơklơn tơl ală bơta, mơya ò kòl tơn; gơtìp kòl yan, mơya ò roh bơta gơn kơnòm”.

Rài kis ồng Pol dê tơngkah bol he in ờ di kơp tú he tìp ring lơngai sùm duh broă Yàng. mơya bol he mhar ngan đơs is tòm nùs lah: “tú Yàng kờn an lơh bơta do, gen Yàng rơp pà ai an in bơta ne”. Sền gơlơh bè di pal, mơya tòm dơlam jơnau do là dồ bơta ờ niam nùs: ală bơta Yàng pà ai ờ hềt tơl, bơta pà gòi Yàng dê kung ờ hềt tơl, bơta kờn gơboh Yàng dê kung ờ hềt tơl. Mơ dilah kứ kơlôi sơnơng bè do, ờ gơ krơi bè he đơs lah bơta chơt Yàng Jêsus dê kung ờ tơl nàng lơh he in cơn đoà lòt tòm bơta dờn bơr.

Ală cau ndai ai jền tơngkah nàng ơn Yàng in. mơya cau mò bơnrau neh ơn jơh ală jền mò gơs. Bol he ngai do gen bè lơi tiah? Bol ngan neh jào nùs nhơm Yàng in sơl? Bol he neh lòi tú tơngai, bơta pràn bal mơ nùs nhơm nàng duh broă Yàng hala ờ? Hala bol he kơlôi pal kơp gơn dồ tú loh làng tú kơno iat jơnau hòi jà Yàng sùm rcang phi să Yàng in taih?

Yàng bol he dê sơntờm ngui bơh ală broă ờs mờng: dồ broă dềt rhền, dồ jền priă dềt mơ cau ơn, hala dồ broă lơh ờm mơ ờ cau git tus. Mơya bơh ală broă dềt hớ, broă Lơgar Yàng dê neh geh bơt bơtào mơ yờ tơngguh. Yàng neh ai bol he in ală bơta pal càng. Pơnah bol he dê la chò nùs nàng ơn Yàng in ală bơta mơ he gơs.

Dan jà bol he dô nùs bal tòm bơta hòi dan: Khoai Yàng Jêsus, kon ừn ngài Yàng tài bơh Yàng la Bơtau git nùs nhơm kon dê. Oă dớ kon kơlôi is pal gơs oă tú tơngai, bơta pràn hala tú tơng kah tơngkan sùm rgơi duh broă. Dan Yàng toh glài mơ bơtê kon, pà ai kon in gơs nùs bè cau mò bơnrau, git gơn kơnòm Yàng mơ chò nùs ơn jơh ală bơta mơ he gơs. Dan ngui ală pơnah dềt rhền kon dê jat nùs kờn Yàng, mơ dong kon dờn song bơh ală bơta mơ Yàng neh jào kon in ngai do. Kon jơh nùs hòi dăn, ai sơnđan Yàng Jêsus Krist. Amen.

Ơ ală ồng mọ oh mi kờn gơboh, digơlan bol he ờ càng kah tus tú he gơs tơngkah tơngkan gen sùm sơntờm. Sền té ală bơta mơ Yàng neh ơn tòm tê he ngai do, bulah mìng dồ êt tơngai, jền priă hala dồ bơta nđàc dềt. Digơlan ală bơta hớ ờ dờng màng jat bè mat he sền gó, mơya Yàng kung rgơi ngui ală bơta dềt rhền hớ jat bè pơnah dờng rlau bơta kơloi git bol he dê. Ală bơta mơ he gam sơmbat priap ờ di la mơnàng. Bơta dờng màng rlau jơh., hớ la ngan bol he rơp chò nùs jao phi Yàng in jơh ală bơta mơ he gam gơs hala ờ.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.