Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Cov ntseeg Vajtswv tau qhia kom yuav tau ua lub neej nyob kom sib haum xeeb hlub sawv daws txhua tus. Tiamsis muaj tej yam nyob rau hauv peb txoj kev ntseeg ua rau lwm tus tig nraub qaum, thuam, ntau zaug tseem hem peb lub neej thiab. Ntseeg tias dhau ntawm tus kwv tij ua ncuav Jack Phillips no zaj xwm txheej yuav pab tau peb kawm tau tsis thooj yim li ib yam li yawg tau tsis thooj yim.

Hnub no, yog hnub 01/03/2022, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Jack Phillips dhau ntawm Zaj kawm TXIAV TXIM SIAB TSIS UA TXHAUM KEV NTSEEG

Kuv txib nej mus ib yam li pab yaj uas yuav mus rau hauv pab hma. (Mathais 10:16)

20 (giây).

Thiab ib txoj kev txiav txim siab. 

Ntawd yog tag nrho txhua yam cheem tsum kom hloov pauv kuv lub neej ib txhis, ua rau txhua tus hauv kuv tsev neeg hloov pauv, hloov pauv kuv txoj kev ua lag luam lub neej tom ntej, ntau zaug tseem ua rau txoj kev cai nyob rau ib cheem tsam ntawm kuv nyob hloov pauv thiab. 

Vim ob peb (giây) ntawd – thiab ib txoj kev txiav txim siab – kuv tab tom yog ib tug kws ua ncuav muaj ib lub tsev muag ncuav nyob nraum ntug nroog Denver nyob rau ntawm Lakewood dhau los ua ib tug neeg muaj koob nto npe, tau tej tsev xov xwm hauv lub teb chaws tuaj nug xov, thiab dhau los ua ib txoj kev rau luag lwm tus sib tham thoob plaws tebchaws Mekas thaum uas lawv txiav txim thiab tshawb xyuas kuv txoj kev xav. Kuv txoj sia ua neej nyob raug hem, kuv lub npe raug lawv hais tsis zoo vim kuv txoj kev ntseeg yuav tau muab coj mus tso rau saum tebchaws Mekas lub chaw txiav txim. 

Tsuas yooj yim yog ib lub ncuav xwb, ua cas kuv ho tsis ua zoj? Ntawd yog lo lus nug uas coob tug tau nug rau xyoo 2012, thaum uas kuv hais rau ob tug txiv neej nkag los rau hauv kuv lub tsev ua ncuav muag tias kuv tsis kam ua lub ncuav rau nkawd txoj kev sib yuav txiv neej yuav txiv neej no. Tsuas yog los ntawm kuv lo lus teb no xwb, kuv yuav tau cim civ tiv thaiv kuv tus kheej thaum sawv ntawm lub rooj txiav txim Colorado thiab tom qab ntawd  muaj ntau zaug mus hais plaub txog lub rooj txiav txim loj tshaj plaws nyob rau hauv tebchaws Mekas txiav txim zaum kawg rau lub 6 hli xyoo 2018. 

Qhov tseeb, tsis muaj leej twg nyob rau hauv peb cov no paub tias yam dab tsi tab tom yuav tshwm sim tuaj, nyob rau tej hnub uas lub ntiajteb no pheej muaj kev sib tawm tsam, sib ntaus li tamsim no. Kuv tau xav tias yuav tsis muaj yam dab tsi tshwmsim los raug kuv tau li? Kuv muaj cuab yig, phooj ywg, ib txoj haujlwm zoo, muaj txaus mov noj saum rooj thiab ib thaj chaw zoo los nyob. 

Tiamsis tag nrho txhua yam ntawd puav leej hloov tas huv tib si tom qab 20 (giây) ntawd. Thiab nrog ib txoj kev txiav txim siab. 

Nyob hauv Vajluskub, Tswv Yexus tau ceeb toom Nws cov thwjtim tias lawv tab tom mus rau qhov chaw phom sij, thaj chaw uas lawv yeej tsis tau paub meej. Tswv Yexus hais tias: “Kuv txib nej mus ib yam li pab yaj uas yuav mus rau hauv pab hma.” (Mathais 10:16). Thiab nyob ntawm tej uas kuv tau ntsib dhau nyob rau ntau xyoo dhau los, kuv hnov tias kuv nkag siab tej lus uas Tswv Yexus hais no. 

Tiamsis qhov koob hmoov yog Tswv Yexus muaj cov lus tab pov no. 

“Luag yuav coj nej mus sawv tabmeeg tej nomtswv thiab cov vajntxwv, lawv yuav taug nej zaj, vim nej ua Kuv tes haujlwm, nej thiaj yuav muaj sijhawm qhia Txojmoo Zoo rau lawv thiab rau lwm Haivneeg. Thaum lawv coj nej mus thiab taug nej zaj, nej tsis txhob txhawj hais tias nej yuav hais li cas. Thaum txog lub sijhawm ntawd, Vajtswv yuav qhia kom nej paub hais. Tej lus uas nej yuav hais tsis yog nej tej lus, tiamsis yog nej Leej Txiv tus Ntsujplig qhia rau nej” (Mathais 10:18-20)

Thaum no kuv ua tau pov thawj hais tias Tswv Yexus cov lus cog tseg ntawd muaj tiag. Vim kuv ib txoj kev txiav txim siab “Kuv tau sawv ntawm tej thawj txiav txim thiab tej vajntxwv”. Zaug no tag zaug tod, Tswv Yexus qhia rau kuv tej lus kuv yuav tau hais. 

Tiamsis, ntawm no yeej tsis yog tag nrho zaj xwm txheej qhia txog Tswv Yexus vim cov phau moo zoo qhia rau peb paub tias “Tseem muaj ntau yam uas Yexus tau ua tas los lawm. Yog yuav muab tej ntawd sau tseg huv tibsi rau hauv ntawv, kuv xav hais tias lub ntiajteb no yuav tsis muaj chaw txaus ntim tej ntawv ntawd” (Yauhas 21:25). 

“Yexus ua ntau yam txujci tseemceeb rau nws cov thwjtim pom, tiamsis tsis tau muab sau rau hauv phau ntawv no. Tej uas sau rau hauv phau ntawv no yog sau los qhia kom nej ntseeg  hais tias Yexus yog tus Mexiyas uas yog Vajtswv tus Tub; txhua tus uas ntseeg Yexus yuav tau txojsia ntev dhawv mus ibtxhis”. (Yauhas 20:30-31). 

Qhov uas kuv hais txog cov nqe Vajluskub no los kuv xav tham txog qee yam uas Vajtswv tau ua nyob rau hauv kuv lub neej, kom koj thiaj yuav ntseeg Nws txog tej yam uas Nws xav ua nyob rau hauv koj lub neej. Koj muaj koj peev xwm, koj nyob koj lub caijnyoog txawv, koj muaj koj sijhawm los txiav txim siab rau tus kheej. Kuv ntseeg tias Vajtswv xav foom koob hmoov rau koj, yuav coj koj kev thiab pab koj ib yam li Vajtswv tau ua rau kuv. 

Vajluskub qhia rau peb paub zoo li cas txog yus txoj kev txiav txim siab uas Paulus tau sawv ntawm tej vajntxwv – tej neeg uas yog vajntxwv tiag tiag – thiab sawv ntawm tej vajntxwv xub ntiag Paulus tau tham txog qhov xwm txheej hauv nws lub neej. Muaj ib tug vajntxwv hu ua Akipas thaum uas hnov Paulus tej lus tim khawv, tau hais tias: “Paulus teb hais tias, "Txawm yog kuv qhia ntau qhia tsawg los kuv thov Vajtswv pab koj thiab nej txhua tus uas tabtom mloog kuv qhia no kom sawvdaws los ua ib yam li kuv ua, tsuas yog tsis txhob raug luag muab saw hlau khi li kuv raug no xwb” (Tes Haujlwm 26:29). 

Ntawd yog tej uas kuv tau ntsib dhau thaum ntsib tej teeb meem no. Kuv xav kom txhua tus puav leej paub txog Vajtswv txoj kev hlub meej meej ib yam li kuv- tiamsis tsis tag tej nom tswv nyob rau nej tej zej zog yuav txiav txim nej ib yam li kuv lossis siv feem ntau lub sijhawm hauv lub neej los tiv thaiv yus txoj kev ntseeg. 

Muaj tej zaug Vajtswv coj koj mus rau ib thaj chaw uas koj tsis paub, ntsib tej teeb meem khwv, thiab tej kev xaiv uas koj xav tsis txog. Yog li yuav tau npaj txhij txiav txim siab. 

Thov caw nrog kuv peb thov Vajtswv ua ke: Tus Tswv, txawm yog yuav raug coob tug tig nraub qaum, tawm tsam los, thov Koj pub rau kom kuv muaj lub siab tawv, ncaj ncees thiab sawv khov kho los tiv thaiv kuv txoj kev ntseeg thaum nyob rau hauv tej kev sim siab, raug tsimtxom. Kuv thov hauv Tswv Yexus Khetos lub npe. Amees.

Cov kwv tij txhua tus, tej zaug txog ib lub sijhawm twg ntawd, koj yuav tau xaiv tias yuav tau ua lub neej kom yog raws li koj txoj kev ntseeg thiab yuav raug lwm tus ntxub, tsimtxom, lossis ua raws li lawv siab nyiam thiab yuav tau thooj yim li lawv. Thaum ntawd koj yuav tau xaiv zoo li cas? Cia li thov Vajtswv ntxiv zog thiab tiv thaiv koj txhua hnub kom muaj zog ua lub neej yog raws li yus txoj kev ntseeg nyob rau txhua lub sijhawm.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawd cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.