Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Peb yeej yuav ua tsis tau qhov uas ke xav kom Vajtswv ua yus tus Tswv hauv yus lub neej tiamsis ho tsis kam muab tag nrho peb lub siab fij rau Vajtswv. Vim tsuas muaj Vajtswv txojlus xwb thiaj yuav txhawm tau kom puv nkaus koj lub siab thiab coj txoj kev kho zoo rov qab rau koj. Koj puas tau npaj txhij cia Vajtswv ua tus Tswj thiab ua tus Tswv hauv koj lub siab lawm tau?

Hnub no, yog hnub 06/12/2023, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Marsha Brickhouse Smith dhau ntawm Zaj kawm MUAB YUS LUB SIAB FIJ RAU TSWV YEXUS

“Peb cia li ua Vajtswv tsaug, rau qhov Vajtswv tus uas muaj hwjchim, nws nyob hauv peb lub siab. Nws ua tau ib puas tsav yam ntau dua li tej uas peb thov thiab tej uas peb xav.” (Efexaus 3:20)

Kuv hnov sab heev tom qab uas kuv ua haujlwm ib hnub. Vim sab heev kuv thiaj txiav txim siab mus rau ntawm tus dej ntws nyob ze kuv lub tsev. Tej nplooj ntoo nrov xi xuas thaum uas muaj cua tshuab tuaj dhau. Ntawd yog ib hnub ncaj rau lub caij nplooj ntoo zeeg fuab cua zoo heev. Tiamsis kuv ho hnov nyob ib leeg kho siab khuav. Muaj ntau yam tshwm tuaj nyob hauv lub neej ua rau kuv lub siab no puv npo txoj kev ntxhov nyho.

Thaum mus txog rau ntawm ntus dej, kuv pib hais rau Vajtswv txog kuv tej kev xav nyob hauv kuv lub siab. Kuv paub tias Vajtswv yog tus nkag siab txog kuv zoo thiab hlub kuv tsis yuav dabtsi. Vajtswv yog tus tsim kuv los thiab tuag theej kuv tej kev txhaum. Nws lub npe hu ua Yexus. Lub sijhawm ntawd kuv hais rau Vajtswv tias:

“Tus Tswv thov koj los nyob hauv kuv lub siab vim muaj ntau zaug kuv tus ntsujplig tsis muaj dabtsi. Puas yog Vajtswv tshwm hauv kuv lub neej tiag tiag. Cuag li txhua zaug thov Vajtswv ces kuv tej lus thov Vajtswv yeej nrov tsis txog rau Vajtswv lub pob ntseg.”

Kuv hnov Vajtswv lub suab ntsiag to hais rau kuv lub siab tias, “Kuv tus menyuam uas kuv hlub, Kuv tos koj caw Kuv los. Muaj ntau yam ua rau kuv lub siab no hnov khoob lug. Txhua zaug uas kuv xav nyob hauv koj lub siab koj ho muab kaw cia lawm. Kuv yuav tau khob nraim qhov rooj kom koj qhib qhov rooj rau kuv. Kuv hlub koj heev yog li kuv thiaj muab tus yaum sij qhib txhua lub qhov rooj rau koj. Tiamsis muaj tej lub qhov rooj muab kaw cia lawm kuv nkag tsis tau rau hauv. Koj thov kom Kuv los ua tus Tswv hauv koj lub neej tiamsis thaum kuv xav los nyob hauv ces cov qhov rooj ntawd ho muab kaw cia lawm.

Kuv paub hais tias koj muab koj lub siab fij rau kuv tiamsis ho tsis xav kom kuv nkag mus rau hauv tej chav tshwj xeeb nyob hauv koj lub siab. Yog li, Vaj Ntsujplig thiaj nkag tsis tau los nyob hauv koj lub siab vim koj twb muab kaw cia lawm.”

Kuv hais rau Vajtswv tias: “Tiamsis tus Tswv, tej chav ntawd puv npo txoj kev tu siab, teeb meem thiab kev nyuaj siab. Yog li kuv thiaj tsis xav qhib lub qhov rooj ntawd. Kuv tsis xav tiv kev tu siab dua ib zaug ntxiv nyob hauv tej chav ntawd. Kuv xav muab cov qhov rooj ntawd kaw mus ib txhis puas tau, tus Tswv?”

Tas kuv rov qab pom tias Vajtswv ntuas kuv: “Kuv tus menyuam cia kuv mam kho koj tej kev tu siab hauv koj lub siab kom zoo. Kuv yog tus pub txojsia rau koj Yog li kuv thiaj tshwm nyob txhua qhov hauv koj lub siab. Tsuas muaj li no xwb. Kuv yuav tau qhib cov qhov rooj uas muaj lub npe hais tias “Tsis Zam Txim” kom thiaj yuav zam txim tau rau lwm tus. Dhau ntawd, kuv xa kom koj zam txim tiag thiab hnov qab tej kev tu siab ntawd.
Txuas ntxiv yog chav “Lwj siab”. Cia kuv txhawm kom lub chav ntawd puv nkaus los ntawm txoj kev txhawb zog thiab kev hlub. Thiab cia kuv cov ntshav ntxuav lub chav hu ua “Yav Dhau Los” kom huv. Cia kuv tshem tej chav ntawd mus thiab txhawm kom puv nkaus txoj kev hlub, kev tab ncuab thiab kev zam txim. Kuv yuav tshem tej kev tu siab, kho zoo tej qhov txhab uas nyob hauv koj lub siab tas koj yuav nrhiav pom qhov chaw ntim tej yam muaj nqis nyob rau hauv.

Tej zaug koj yeej paub hais tias Kuv yug hauv nkuaj nyug thiab tsis muaj ib lub tsev so twg tseg rau kuv. Tej zaug koj yuav nyuaj siab thaum uas hnov tej no tiamsis koj puas pom, thaum twg koj tsis pub kuv nkag rau hauv ces koj kuj tsis tos Kuv los nyob hauv koj lub siab. Yog li koj thiaj hais tias tsis muaj chaw tseg rau kuv. Cia kuv nkag mus rau tej chav ntawd kom kuv ua tiav txhua yam nyob hauv koj lub neej.

Tseeb tiag, ntau xyoo dhau los kuv muab cov chav ntawd kaw cia. Kuv tsis cia Vajtswv nkag los rau hauv chav ntawd. Peb yuav ua tsis tau raws li qhov uas ke xav cia Vajtswv ua tus Tswv hauv peb lub neej tiamsis ho tsis xav muab peb lub siab fij rau Vajtswv.

Twb yog lub sijhawm ntawd, kuv thiaj thov Vajtswv ntawm ntus dej thiab caw Tswv Yexus los ua tus Tswv nyob hauv kuv lub siab, tswj txhua yam nyob hauv kuv lub siab. Ua Vajtswv tsaug vim tau teb kuv tej lus thov thiab kho zoo kuv tej kev tu siab.

Ua Vajtswv tsaug vim Vajtswv yog tus pub txhua yam zoo tshaj tej uas peb taij thov lossis peb xav txog raws li Vajtswv tej lus tau sau nyob hauv Efexaus 3:20 “Peb cia li ua Vajtswv tsaug, rau qhov Vajtswv tus uas muaj hwjchim, nws nyob hauv peb lub siab. Nws ua tau ib puas tsav yam ntau dua li tej uas peb thov thiab tej uas peb xav.”

Thov caw nrog kuv peb thov Vajtswv ua ke.
Leej Txiv, thov Koj kho kuv tej kev tu siab, tej teeb meem ntxhov nyho nyob hauv kuv lub siab los ntawm txoj kev hlub, kev tshua uas loj kawg nkaus. Kuv ua Koj tsaug rau Koj txoj kev hlub, kuv txais tau txoj kev kho zoo thiab txhawm puv nkaus kuv tej chav khoob lug ntawd. Kuv thov hauv Tswv Yexus Khetos lub npe. Amees.

Cov kwv tij, cia Vajtswv nyob hauv koj lub siab thiab ua tus Tswv. Muab txhua yam kev tu siab, kev quaj ntsuag thiab tej yam uas zais cia yav dhau los fij rau Vajtswv. Vajtswv yog txoj kev hlub yuav tab ncuab hloov pauv koj lub neej kom dhau los ua lub neej tshiab thiab tawg paj txi txiv rau Vajtswv. Koj yuav saj tau ntau yam uas Vajtswv ua pub nyob hauv koj lub neej thaum koj tseg sijhawm nyob ntsiag to rau Vajtswv thiab nrhiav Vajtswv tag siab.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.