Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab

Puag thaum ub los txog niaj hnub nim no, txawm yog tej neeg txawj ntse lossis tej thawj coj ntawm tej pab pawg kev ntseeg, tag nrho txhua tus puav leej mus nrhiav qhov tseeb tiamsis tsis tau muaj ib tug kam hais tias lawv yog qhov tseeb. Tsuas yog Tswv Yexus tib leeg thiaj kam hais li ntawd. Tswv Yexus hais tias Nws yog kiag qhov tseeb, yog tib txoj kev nkaus uas coj tau sawv daws mus cuag Vajtswv, thiab tsuas yog nyob hauv Nws, tib neeg thiaj yuav nrhiav pom lub neej muaj nqis tiag tiag. 

Hnub no, yog hnub 09/12/2022, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Wendy Griffith dhau ntawm Zaj kawm YEXUS KHETOS LUB NPE: YOG TXOJKEV, QHOV TSEEB THIAB YOG TXOJSIA

“Yexus teb Thaumas hais tias: Kuv yog txojkev, yog qhov tseeb thiab yog txojsia; tsis muaj leejtwg mus cuag tau Leej Txiv, tsuas yog mus ntawm kuv mus xwb thiaj tau.” (Yauhas 14:6). 

Thaum tseem yau kuv mus koom rooj txhawb siab rau lub caij ntuj so nrog Pawg Ntseeg. Ntawd yog ib lub sijhawm uas zoo tshaj plaws nyob rau kuv lub neej thaum tseem yau. Ntawm no yog ib nqe Vajluskub nyob rau hauv tej nqe Vajluskub thawj thawj uas kuv nyeem nco cim rau hauv siab: 

“Yexus teb Thaumas hais tias: Kuv yog txojkev, yog qhov tseeb thiab yog txojsia; tsis muaj leejtwg mus cuag tau Leej Txiv, tsuas yog mus ntawm kuv mus xwb thiaj tau.” (Yauhas 14:6). 

Tseeb tiag kuv muab ib daim ntawv me tso rau hauv kuv lub hnab nyiaj sau hais tias: “Tswv Yexus yog txoj kev”. Koj muaj cuab kav hais tau tias kuv yog ib tug muaj npe ntawm tej pab pawg “cov neeg caum Tswv Yexus qab”. Tiamsis tau ntau xyoo tom qab, thaum kuv yuav muaj 30 xyoo, kuv thiaj muab kuv lub siab fij pub rau Vajtswv. Tom qab tej uas kuv ua tsis tiav thaum kuv siv zog ua kuv lub neej raws li kuv siab nyiam. Kuv zoo siab cia Tswv Yexus ua tus tsav. Ntawm no yog ib txoj kev txiav txim siab uas yog tshaj plaws kuv tau txiav txim nyob rau hauv kuv lub neej. 

Koj yeej paub lawm, Tswv Yexus kuj xav hais qhia rau peb tias yog tsis mus ntawm Nws mus yeej tsis muaj leej twg mus cuag tau  Leej Txiv. Tswv Yexus tau them nqi rau peb dhau ntawm Nws txoj kev tuag saum Ntoo Khaub Lig, kom peb tsis yog tsuas txais txojsia ntev dhawv ib txhis xwb tiamsis tseem yog cia peb txuas kom tau txoj kev rov qab nrog Vaj Leej Txiv sib txuas lus ua ke lub sijhawm no, nyob kiag hauv ntiajteb no. 

Hnub no kuv xav txhawb koj lub zog, tsis txhob ua tus neeg uas pab tuav pawg “caum Tswv Yexus qab” tej ntawv xwb ib yam li kuv tau ua. Tiamsis cia li muab kiag koj tus ntsujplig fij rau Tswv Yexus, vim Tswv Yexus yeej yog txoj kev mus cuag tau Vaj Leej Txiv yog qhov tseeb uas nej tab tom nrhiav, thiab yog txojsia ntev dhawv mus ib txhis ci ntsa iab tseg rau txhua tus uas ntseeg Nws.

Thov caw nrog kuv peb thov Vajtswv ua ke

Tus Tswv Yexus, Koj yog txoj kev, yog qhov tseeb thiab yog txojsia hauv kuv lub neej. Ua Koj tsaug tau los rau hauv ntiajteb thiab tuag theej kuv kom kuv tau lees los rau hauv Koj tsev neeg. Kuv thov muab tag nrho lub siab fij pub rau Koj, qhuas Koj lub npe tag kuv lub neej no. Kuv thov hauv Tswv Yexus Khetos lub npe. Amees. 

Cov kwv tij, tej zaug tus ntseeg Vajtswv twg twb paub tias Tswv Yexus yog txoj kev, yog qhov tseeb thiab yog txojsia. Tiamsis txais yuav Yexus Khetos raws li txoj kev paub hauv ntaub ntawv xwb tseem tsis tau txaus. Koj yuav tau mus cuag Nws los ntawm ib txoj kev ntseeg ruaj khov rau Cawm Seej Tswv Yexus lub hwjchim. Koj yuav tau mus cuag Nws los ntawm muab koj lub neej thiab tag nrho koj lub siab fij pub rau Yexus Khetos – tus uas yog txoj kev, qhov tseeb, thiab yog txojsia hauv koj lub neej.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.