Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab

Lub noob tuag mus thiab muab coj mus faus rau hauv qhov av tob tob kom tej lub paj zoo nkauj nws thiaj tuaj taus kaus. Tswv Yexus raug tuag thiab sawv rov qab los kom peb txais tau txoj sia ntev dhawv mus ib txhis nyob rau hauv Vajtswv txoj kev hlub. Ces txij ntawd los, peb yuav ua lub neej kom tawg paj zoo tsw qab ntxiag txog Txojmoo Zoo rau lub ntiajteb uas tab tom ntshaib nqhis txoj kev cia siab no. 

Hnub no, yog hnub 12/04/2023, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia TORI TRONCONE dhau ntawm Zaj kawm TXOJ SIA TSHIAB

“Qhov uas luag muab peb raus rau hauv dej, yog luag muab peb faus nrog Yexus thiab peb koom nws txojkev tuag; yog li ntawd, Leej Txiv tus uas muaj hwjchim tsa Yexus sawv hauv qhov tuag rov qab los, nws yuav pub lub neej tshiab rau peb” (Loos 6:4).

Wb ib niam txiv yuav ib lub tsev luag tsis nyob tau ntau xyoo dhau los. Ib puas tsav yam nyob sab hauv zoo nkauj heev. Tiamsis tej uas nyob sab nraud nws ho muaj nws ib zaj xwm txheej txawv. Nraum tshav puam  nyom fab puv tas nplooj ntoos zeeg txhua qhov tsis muaj neeg pab cheb ntau xyoo lawm, thiab tseem muaj tsheej puas tsav yam kab qias neeg. Tej nyuag tog ntoo, tej ntim tawg, teb ntxhais zeb. Thiab ntau zaug tseem yog tej rooj zaum noj mov! Tag nrho tej niag khoom qub no muab coj mus txhub rau ntawm wb lub tshav puam. 

Wb tsev neeg thiab tej phoojywg poob ntau lub sijhawm thiab dag zog los tshem los cheb, tom qab thiaj nrhiav pom tej yam muab faus puas hauv qab. Ntawd tsim nyog yuav yog ib lub vaj uas tawg paj zoo nkauj. Muaj ntau lub noob raug muab faus rau hauv qab tog kom ib hnub twg yuav ciaj sia thiab hlob tuaj tawg paj txi txiv. 

Thaum no, yog lub caij ntuj tshiab los txog, ncaj rau lub koob tsheej Tswv Yexus sawv, kuv lub vaj thaum twg twb muaj paj tawg, ntuas kom kuv nco txog Tswv Yexus txoj kev tuag thiab sawv hauv qhov tuag rov qab los. Nyob saum Ntoo Khaub Lig, los ntawm tib neeg thiab ntiajteb tej kev txhaum, Yexus Khetos thiaj tau tuag kom peb tau txais txojsia. 

“Twb yog vim peb tej kev txhaum nws thiaj raug ntaus nqaij ntuag ntshav nrog, twb yog vim tej kev phem uas peb ua, nws thiaj raug nplawm.Qhov uas nws raug txim txomnyem ntsuav, yog pab kom peb tau nyob kaj siab lug, nws raug nplawm twb yog kho kom peb tej kev mob kev nkeeg zoo” (Yaxayas 53:5). 

Zoo ib yam nkaus li ntawd lub noob yuav tau lwj mus thiaj yuav muaj txojsia tshiab rau ib lub paj, Tswv Yexus txoj kev tuag tsis yog tsuas ua rau Nws sawv hauv qhov tuag rov qab los tom qab peb hnub Nws tuag xwb, tiamsis tseem ua rau peb muaj ib hnub kuj yuav sawv rov qab los thiab. Paulus hais tias: 

“Qhov uas luag muab peb raus rau hauv dej, yog luag muab peb faus nrog Yexus thiab peb koom nws txojkev tuag; yog li ntawd, Leej Txiv tus uas muaj hwjchim tsa Yexus sawv hauv qhov tuag rov qab los, nws yuav pub lub neej tshiab rau peb” (Loos 6:4). 

Ua Tswv Yexus tsaug vim peb tau nrog Nws sawv rov qab los! Tswv Yexus tau kov yeej kev txhaum thiab kov yeej kev tuag! Tswv Yexus tau muab lub qhov ntxa khoob lug pauv los ua ib lub vaj tawg paj zoo muaj txoj sia tshiab pub rau peb. 

Ib yam li Tswv Yexus tej lus txhawb cov thwjtim lub zog: 

“Tsis muaj leejtwg taws teeb thiab muab phiab khwb rau;  tsuas muaj yuav muab txawb rau qhov chaw siab xwb, kom cov neeg uas tuaj huv tsev thiaj porn kev”  (Lukas 11:33). 

Zoo ib yam li kuv lub vaj yog ib lo lus ntuas kom nco ntsoov txog Vajtswv txoj kev ncaj ncees, thov kom peb yuav dhau los ua lo lus ceeb toom rau lub ntiajteb uas tab tom cheem tsum txoj kev cia siab rau hnub Tswv Yexus sawv hauv qhov tuag rov qab los no. thov kom txojsia tshiab uas peb nrhiav tau nyob Yexus Khetos dhau ntawm Nws txoj kev sawv hauv qhov tuag rov qab los yuav nthuav tawm meej meej nyob hauv peb – cov uas yog Nws cov menyuam, thiab Nws Pawg Ntseeg.

Thov caw nrog kuv peb thov Vajtswv ua ke

Tswv Yexus, peb zoo siab vim Koj tau kov yeej txoj kev txhaum thiab kev tuag. Nyob rau hauv Koj txoj kev muaj yeej, peb kuj tau txais kev muaj yeej! Ua Vajtswv tsaug vim txojsia tshiab uas peb txais tau nyob rau hauv Tswv Yexus Koj txoj kev sawv hauv qhov tuag rov qab los. Thov pub lub zog rau peb kom mus nrog txoj kev muaj yeej ntawd, txhua hnub, zoo li ib qhov pov thawj rau lub ntiajteb no txog Vajtswv txoj kev hlub uas tsis muaj nrim ntawd. Kuv thov hauv Tswv Yexus Khetos lub npe. Amees. 

Cov kwv tij, dhau los ntawm Yexus Khetos txoj kev tuag thiab sawv rov qab los peb qhov nuj nqi twb raug them tas, thiab peb txais tau txojsia tshiab zoo kawg nkaus nyob rau hauv Tswv Yexus txoj kev muaj yeej. Yuav tau ua lub neej zoo li tej paj tsw qab ntxiag, kom lub ntiajteb no txais tau txoj kev cia siab los ntawm Yexus Khetos txoj kev sawv hauv qhov tuag rov qab los.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj