Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Thaum uas twb npaj txhij txoj kev yuav mus lawm, nyob rau hauv peb txhua tus yeej tsis xav kom muaj kev hloov pauv tamsim. Tiamsis kuj tsis muaj leej twg yuav faj txog tej teeb meem uas tshwm tuaj kiag tamsim. Covid-19 yog ib qhov piv txwv txog txoj kev hloov pauv li no. Tiamsis txawm yog txoj kev yuav hloov los Vajtswv yeej foom koob hmoov txaus kom peb mus taus ntxiv. 

Hnub no, yog hnub 15/03/2022, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Marilyn Nutter dhau ntawm Zaj kawm HLOOV TXOJ KEV TAUG

tiamsis Vajtswv teb kuv hais tias, "Kuv pom zoo hlub koj ces txaus lawm. Kuv yuav pub kuv lub hwjchim rau tus uas qaug zog." Vajtswv hais li no, yog li ntawd qhov uas kuv qaug zog ua rau kuv zoo siab kawg li, rau qhov Yexus Khetos lub hwjchim yuav tsomkwm kuv”  (2 Kauleethaus 12:9)

Thaum uas kws tshuaj kuaj pom tias April raug tus mob tsi zoo los ntawm txoj ntsha niam txiv los (chứng rối loạn di truyền hiếm gặp) nws lub neej hloov tag. Nws yuav tau so haujlwm ntxov vim dag zog tsis txaus thiab tej nyiaj siv rau tsev neeg tu ncua. Lawv yuav tau khiav mus nyob lwm thaj chaw tshiab, hloov tsev kawm ntawv rau nkawd tej menyuam thiab lub Pawg Ntseeg uas nkawd yuav tau pehawm tib si. Thaum uas txhua tus hauv tsev neeg siv zog hloov kom nyob taus nrog tej yam uas lawv tsis xav, lawv hnov nyuaj siab, nkees thiab qaug zog zis. 

Marilyn sawv ntxov thaum uas nws yog ib tug poj niam, tiamsis tib hnub nyob rau hmo ntawd pog tau hloov los ua “ib tug poj ntsuam”. Ib ncua kev tshiab muaj ntau txoj kev txomnyem mob siab tshwm tuaj. Tshwj ntawm txoj kev uas poob tus txiv lawm, thaum no pog yuav ris lub luag haujlwm tshiab thiab hnov lub nra nyhav heev thaum uas yuav tau cim civ ua txhua yam. Tom qab 42 xyoo uas muaj txiv nyob nrog thiab mus ua ke, pog hnov nyob ib leeg kho siab khuav rau txhua tagkis uas sawv los ib leeg. 

April thiab Marilyn nkawd tsis yog 2 tug niam tsev uas ntsib tej yam hloov pauv sai li no nyob rau hauv lub neej. Tej zaug nyob rau hauv txoj kev ntawd, koj zaum cov rooj pem thawj. Lub neej tsis tshwm sim los zoo li koj xav; muaj tej kev npau suav uas koj xav tau cia li dhau los yaj ntshis lawm. 

Nyob rau lub sijhawm no lossis lwm lub sijhawm, peb puavleej tej zaug yuav ntsib kev hloov pauv tsis ceev faj txog nyob rau hauv ncua kev peb taug. Covid-19 yog ib qhov xwm txheej zoo li ntawd. Ntau zaug, tej kev npaj tshiab saib mas tsis zoo kiag li thiab peb yuav tau siv zog kom nyob taus ua ke nrog. Peb yuav tau xyaum mus rau tom ntej, ua raws li txoj kev npaj tshiab kawm paub txaus siab rau tej ntawd. Kuj muaj tej lub sijhawm muaj kev hloov pauv mus ib txhis, hloov tag nrho. Peb raug quab yuam yuav tau hloov lossis muab tso tseg. 

Thaum uas ntsib txoj kev hloov pauv mus tsis raws li lub siab xav, yuav ua li cas kom peb thiaj yuav mus taus ntxiv nrog txoj kev cia siab pauv rau qhov uas peb twb hnov qaug zog zis thiab tag kev cia siab? 

Peb yuav tau rov qab ntxiv zog thiab tsom ntsoov mus rau tom ntej, tsis yooj yim ua tej ntawd. Thaum uas peb ob lub qhov muag kua muag nrog zig thiab lub hlwb los xav txog txhua yam. Tiamsis yog tias peb xav kom loj hlob, xav kom ua ib lub neej muaj nqis tsis yog tias tsuas nyob xwb, ces peb yuav tau ua lub neej muaj homphiaj nrog kev cia siab. Peb yuav ua tau tej no zoo li cas? 

Thaum uas lub neej tshwm sim los tsis zoo li tej uas peb tos, peb kuj muaj cuab kav ntseeg rau txoj kev txaus nkaus ntawm “Vajtswv txoj koob hmoov uas Vajtswv pub rau peb ntau nplua mias ntawd zoo kawg nkaus li!” (Efexaus 1:8). Nyob rau hauv tsab ntawv xa rau cov neeg Kauleethaus, Paulus tau txhawb peb zog tias: 

“Vajtswv tus uas muaj ib puas tsav yam. Nws yuav pub tej uas nej yuav tsum muaj rau nej kom nej niaj hnub muaj txaus siv thiab muaj txaus coj mus pab lwm tus” (2 Kauleethaus 9:8) 

“tiamsis Vajtswv teb kuv hais tias, "Kuv pom zoo hlub koj ces txaus lawm. Kuv yuav pub kuv lub hwjchim rau tus uas qaug zog." Vajtswv hais li no, yog li ntawd qhov uas kuv qaug zog ua rau kuv zoo siab kawg li, rau qhov Yexus Khetos lub hwjchim yuav tsomkwm kuv”  (2 Kauleethaus 12:9)

Yog li, thaum uas txoj kev peb taug ntsib kev txomnyem thiab tsis paub yuav mus rau qhov twg, peb yuav tau khiav mus thiab taij thov Vajtswv txoj kev hlub pab yus. Vajtswv cog lus tias yuav pub rau peb muaj kev txawj ntse thiab muaj tswv yim thaum uas peb taij thov Nws. 

Txhua zaug uas koj hnov tias xav ntxub leej twg, ces koj muaj cuab kav thov Vajtswv ib yam li Paulus tej lus, “Kuv thov Vajtswv qhib nej lub siab kom nej totaub zoo, nej thiaj paub hais tias nej cov uas Vajtswv twb hu los cuag nws lawm, nej cia siab li cas rau Vajtswv. Thiab txoj koob hmoov uas Vajtswv coglus tseg hais tias Vajtswv yuav pub rau Vajtswv haivneeg zoo npaum li cas. 19 Thiab paub hais tias, Vajtswv lub hwjchim uas ua haujlwm hauv peb cov ntseeg lub siab loj npaum li cas” (Efexaus 1:18-19). 

Peb yeej tsis nyob ib leeg hauv ncua kev no. Vajtswv cog lus Nws yuav nrog nraim peb nyob thiab coj peb txoj kev. Vajluskub tab pov tias Vajtswv lub homphiaj npaj tseg rau peb yog zoo kawg nkaus thiab Vajtswv yeej tseem niaj hnub ua haujlwm kom tab pov txhua yam los koom ua ib muaj nqis rau peb. Tej zaug tej kev sim siab yuav yog tej cuab yeej Vajtswv siv los kho peb tus cwjpwm, pab kom peb ntseeg siab rau Nws thiab siv sijhawm ntau los thov Vajtswv. 

Ncua kev hauv lub neej thaum twg los twb muaj tej ncua kev nkhaus, muaj tej yam tav kev, muaj tej ntu kev yuav tau cais kev kiag tamsim, tiamsis peb tsis tav yuav hnov tias zoo li tws kev, hloov qhov ntawd, peb yuav tau tsom ntsoov mus rau qhov yog, ntawd yog Tswv Yexus tsis yog peb tus kheej lub homphiaj.

Thov caw nrog kuv peb thov Vajtswv ua ke: Ua Vajtswv tsaug vim Koj cog lus tias Koj txoj kev hlub muaj txaus pub rau tus uas khiav los nrhiav Koj. Yog li thaum no kuv los cuag Koj, thov Koj txoj kev hlub tiv thaiv kuv, rub kuv tes tawm hauv qhov tsaus ntuj hauv kuv lub neej los, puv rau kuv muaj kev cia siab kom mus ntxiv rau ntawm txoj kev uas Koj tau npaj rau kuv taug. Kuv thov hauv Tswv Yexus Khetos lub npe. Amees.

Cov kwv tij txhua tus, tej zaug 2 xyoo dhau los, Covid-19 tau ua rau koj lub neej hloov pauv ntau, muaj ntau txoj kev npaj tau nres, ntau txoj kev npaj tau hloov pauv. Ntseeg tias zaj kawm hnub no, yuav pab kom koj muaj zog saib rau lub neej tom ntej ntseeg tias Vajtswv tab tom ua haujlwm thiab yuav coj koj mus rau txoj kev tshiab dua. Cia koj txoj kev tsom ntsoov mus rau ntawm Vajtswv thiab cia Nws ua tus coj koj kev. 

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawd cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.