Koj tab tom mloog kev thov Vajtswv txhua hnub saum xov tooj cua Oneway Radio nrog cov lus qhia los ntawm Vajtswv Txojlus dhau kev paub lub neej txhua hnub ntawm ntau tus sau, raws li daim ntawv ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab

Nyob hauv kev saib xyuas ntawm pog yawg, niam txiv, tej menyuam nws pw tsaug zog hauv txoj kev kaj siab lug, tsis tas yuav xav txog ib yam dab tsi li, txawm yog sab nraud yuav tsaus ntuj nti, lossis muaj nag loj cua daj cua dub npaum cas. Kuj ib yam li ntawd, thaum peb nyob hauv Vajtswv txoj kev saib xyuas, peb kaj siab lug ua neej hla dhau tej cua daj cua dub hauv lub neej.

Hnub no, yog hnub 17/06/2021, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Andy Hollifield dhau ntawm lub npe VAJTSWV YOG TUS SAIB XYUAS

Nej ua tib zoo saib tej uablag:Uablag tsis cog qoob cog loo, thiab tsis hlais tsis sau; lawv tsis muaj txhab tsis muaj phawv ntim qoobloo cia; Vajtswv twb yug tej uablag! Nej tseem muaj nqis heev dua tej noog ntawd! (Lukas 12:24).

Txawm yog tsis muaj hmoov dhau los ua yawm rau cov me nyuam xeeb, kuv muaj lub siab ntseeg tias yus yuav yog ib tug yawg zoo rau kuv poj niam cov menyuam lawv muaj menyuam. Ntawd yog vim li cas kuv hais txog tej xeeb ntxwv uas yog tub, kuv tsis yog hais txog roj ntshav, caj ces, tiamsis yog kev hlub nyob hauv kuv lub siab.

Kuv ntsib kuv tus poj niam thaum tab tom ua tes haujlwm pab rau cov poj niam uas lawv tsis muaj txiv, thiab cov poj ntsuam. Thaum ntawd kuv poj niam cov menyuam lawv kuj twb yuav muaj menyuam lawm thiab. Lawv txhua tus muaj ib leeg tub zoo nraug thiab tsis ntev xwb ces lawv yeej ncawg kuv heev lawm, tsawg kawg yog nyob hauv kuv lub siab. Kuv thiab lawv pog tshwm ntsej muag thaum lawv yug los thiab kuv yog thawj tug txiv neej yog tsis suav cov kws tshuaj puag lawv. Kuv tsis ntseeg tias yus yuav siv kev hlub ntau dua pub rau lwm tus menyuam ib yam li kuv tau hlub kuv ob tug xeeb ntxwv.

Muaj ib hmo yog hmo rau, wb ib niam txiv tau tu tus tub hlob npe hu ua Sam, muaj 18 lub hlis. Sam yuav nrog wb nyob hmo rau thiab tagnrho hnub xya. Wb muab ib daim txaj me me pua thiab daim pam saum chav chaw txais qhua rau tus xeeb ntxwv thiab ib lub hnab pw ntawm ib sab rau kuv, tas ces wb yuav ua ib nyuag lub tsev ntaub dhau hmo ntawd. Lub ntuj tsaus nti raug rhuav thaum muaj xob laim cig lam lug saum ntuj, ceev nrooj ci tuaj qhov ntxoov ntxoo mus rau hauv chav pw.

Saib Sam pw tsaug zog zoo heev, kuv pib xav tias tseeb tiag tus nyuag no nws yeej tsis tas yuav txhawj txog tias nyob sab nraud tab tom zoo li cas. Kuv cim civ nug tias hauv tus menyuam no lub siab puas tau xav tias nws tau sov so, pw tau zoo, tso siab lug thiab noj haus tsis muaj kev txhawj xeeb. Tseeb tiag lub sijhawm Sam qi muag pw tsaug zog, kuv ntseeg hais tias nyob hauv tus menyuam no lub taubhau ntawm tab pov tsis xav txog ib yam dab tsi li.

Pw ntawm Sam ib sab, kuv pib xav txog Leej Txiv saum ntuj xav kom peb pheeb rau ntawm Vajtswv npaum cas. Kuj ib yam li Sam tau tso siab rau wb, Vajtswv kuj xav kom peb ntseeg Nws tsis tas yuav txhawj txog ib yam dab tsi li. Vajtswv xav kom peb tso siab rau Nws saib xyuas tias txawm yog sab nraud saib yam li txaus ntshai lossis tsaus ntuj nti npaum cas kuj yuav ua tsis tau li cas rau peb.

Nyob ntawm Vajtswv ib sab, hauv Vajtswv txhais tes, peb tuaj yeem qi qhov muag tsaug zog ntawm txoj kev kaj siab lug, paub tias tej kev txaus ntshai sab nraud puav leej yog lub sijhawm tseg cia rau peb nco Vajtswv txiaj ntsig, qhuas txog Nws txoj kev hlub thiab kev saib xyuas tseg rau peb. thiab txoj kev ntseeg siab, thiab pheeb rau ntawm Vajtswv yuav ua rau Vajtswv zoo siab, kuj zoo ib yam li wb zoo siab npaum cas thaum tau nyob ntawm Sam ib sab.
“Koj yog kuv qhov chaw cawm siav thiab yog tus tiv thaiv kuv, thov qhia kuv thiab coj kuv txoj haukev raws li Koj tau coglus tseg lawm. Thov pab kom kuv tsis txhob mus poob lub qhov uas luag khawb tos kuv kev, thov Koj tsomkwm kuv tsis txhob pub kuv raug tej kev puastsuaj. Kuv thov muab kuv lub cev rau Koj ua tus saib xyuas, tus Tswv Koj yeej yuav pab kom kuv dim, Koj yog tus Vajtswv uas ncaj ncees.” (Ntawv Nkauj 31:3-5)

Thov caw peb nrog kuv thov Vajtswv ua ke: Tus Tswv, thov Koj pab kom kuv ntseeg siab rau Koj txoj kev saib xyuas thiab tiv thaiv txawm yog sab nraud yuav muaj cua daj cua dub hlob npaum cas. Thov Koj pub Koj txoj kev hlub txaus rau kuv kom kuv mus tau hla dhau tej cua daj cua dub thiab paub tias Koj yuav tsis tso kuv tseg ib zaug, vim Koj yog kuv lub pob zeb thiab kuv lub chaw ruaj khov. Kuv thov hauv Tswv Yexus Khetos lub npe. Amees.

Cov kwv tij txawm yog koj tab tom raug ua tsov rog los ntawm tej nuj nqis koj tshuav, raug lwm tus ntxub, raug tawm tsam, raug luag tso tseg nyob ib leeg, yuav tau paub tias Vajtswv yog lub pob zeb, yog qhov chaw ruaj khov, yog thaj chaw uas koj yuav khiav mus nkaum tau rau ntawd. Tsuas yog nyob hauv Vajtswv, koj yuav tau txais kev kaj siab lug hla dhau txhua txoj kev simsiab.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev txhawj xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab kev pab cuam tos ntsoov yuav tau txuas nrog koj.