Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Cov lus hais lub luag haujlwm twb tau hais mus hais los ntau zaug heev lawm, leej twg twb paub, thiab nkag siab, tiamsis tsis yog tias txhua txhua tus puav leej yuav ua tau. Yog li yuav ua li cas kom peb thiaj yuav tswj tau peb lub qhov ncauj, hais tej uas tsimnyog hais kom tau txais koob hmoov pauv qhov uas yuav tseb tej teeb meem? 

Hnub no, yog hnub 18/01/2022, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Daphne Delay dhau ntawm Zaj kawm KOOB HMOOV LOSSIS TEEBMEEM PUAV LEEJ TSHWM NTAWM QHOV NCAUJ LOS

Ib yam nkaus li ntawd, txawm yog tus nplaig yog ib tug me me nyob ntawm lub cev xwb los tus nplaig muaj peevxwm hais tau ntau zaj. Nej sim xav saib ib lub nyuag ncaig tawd me me xwb los muaj cuabkav kub toj roob hauv pes txhua nrho” (Yakaunpaus 3:5).

Thaum kuv tus tub hlob muaj li ob xyoo, kuv pheej muab nws tso rau hauv lub phiab da dej, kom kuv saib tau nws thiab kuj muaj sijhawm npaj txhua yam kom txhij yuav mus ua haujlwm. Muaj ib hnub, nws nug kuv tias nws puas tau cai muab lub nkoj tshiab uas txiv nyuam qhuav yuav los ntawd coj los ua si. Kuv hais tias tau yog li nws txawm zoo siab heev ua si nrog lub nkoj ntawd. 

Haus ib los cafe thaum yuav tsaug zog thiab tsab zam  zoo nkauj, kuv hnov kuv tus tub hais dab tsi nrog nws cov khoom ua si. Mloog tau ib nrab xwb, tshuav ib nrab kuv rau siab ntso tsab zam, kuv hais tias, “ntawd yog ib lub phuaj zoo heev li…”

Tamsim ntawd, kuv txawm cia li txais tau cov lus pab kho kuv, “tsis yog phuaj, txiv hais tias nws yog lub nkoj”. 

“Oh, yog lawm, nws yog lub nkoj” - kuv rov qab teb rau, thaum uas yeej tseem tsis tau nkag siab tias lub phuaj thiab lub nkoj nws ho sib txawv li cas. Ob peb feeb tom qab, kuv tus tub ncauj ntau ntawd nws rov qab tham txog nws cov khoom ua si. Tsis tas xav ntau, ib zaug ntxiv kuv rov qab hais, “yog, ntawd yog ib lub phuaj zoo”. 

Zaum ob uas kuv tus tub teb, “tsis yog, ntawm no yog lub nkoj”. 

Saib daim duab uas ci tuaj rau hauv kuv lub tsom iav thaum kuv yeej tseem tsab zam, kuv hais tias “ua li, yog li ntawd” 

Koj puas ntseeg tau, ob peb feeb tom qab xwb, qhov teeb meem no rov qab tshwm dua zaum peb. Kuv tus tub tab tom tham txog nws cov khoom ua si tshuav kuv teb nws thaum cuag li tabtom tsaug zog. “Ntawd yog ib lub phuaj zoo nkauj heev…”

Tiamsis thaum no kuv tus tub nws qw nrov nrov, “NIAM” kuv maj nroos tig los saib, tsuas ntsia pom kuv tus tub tab tom tuav nws cov khoom uas si thiab saib kuv cuag li tsis muaj kev cia siab thiab hais tias, “niam niam, koj sim hais lo lus ‘lub nkoj’ seb puas tau?” 

---

Vajluskub sau tias, “Ib yam nkaus li ntawd, txawm yog tus nplaig yog ib tug me me nyob ntawm lub cev xwb los tus nplaig muaj peevxwm hais tau ntau zaj. Nej sim xav saib ib lub nyuag ncaig tawd me me xwb los muaj cuabkav kub toj roob hauv pes txhua nrho” (Yakaunpaus 3:5). 

Kuv thiab kuv tus tub wb txoj kev sib tham txawm yog tsis muaj dab tsi loj los yeej muab piv tsis tau rau tej cua daj cua dub uas pheej tshwm tuaj dhau ntawm qee lo lus ib txwm siv. Lub tebchaws no ua tsov rog nrog lub tebchawd tod. Ob niam txiv sib ceg tas sib coj mus rau tom tsev tu plaub ntug sib nrauj. Feem ntau puav leej pib los ntawm qee lo lus. Tus nplaig yog ib qhov cuab yeej, ntawd yog yam uas muaj tseeb. Ib lo lus tsis ua zoo hais lossis hais tsis yog caij tau hais tawm ntawm koj lub ncauj tej zaug yuav ua rau kom cig loj heev. 

Los ntawm yus tej lus hais, peb muaj cuab kav rhuav tshem txhua yam kom puas tshuaj, muab txoj kev sib haum xeeb pauv los ua ntxhov nyho. “hais tsis zoo rau luag lwm tus” ua rau lub ntiajteb dhau los pob puas tas nrog tej nplaim tawm tab tom cig hlob hlob. 

Tej lus no txaus ntshai heev li: 

“Neeg cob tau txhua yam tsiaj  kom mloog lus, tsis hais nas, noog, nab,  thiab tej ntses uas nyob hauv hiavtxwv  huv tibsi. Tiamsis tsis muaj leejtwg cob  tau tus nplaig. Tus nplaig phem thiab  tswj tsis tau li, nws muaj taug lom neeg  tuag. Peb siv peb tus nplaig ua Vajtswv  tus uas yog peb Leej Txiv tsaug, thiab  peb siv peb tus nplaig cem tej neeg zejzog. Tej neeg ntawd Vajtswv tsim muaj tus  yam ntxwv zoo li Vajtswv. Lo lus ua Vajtswv tsaug thiab lo lus cem neeg  puavleej yog tus nplaig hais. Cov kwvtij,  tsis tsimnyog yuav muaj li ntawd.” (Yakaunpaus 3:7-10). 

Kuv yeej tsis paub tias qhov sib txawv ntawm ib lub nkoj thiab ib lub phuaj yog zoo li cas, tshwj yog qhov uas yog lub me ces siv los ntaus ntses, thiab mus tej cheeb tsam ze ze, tshuav lub loj dua pheej pom nyob rau tom hiav txwv. Tiamsis kuv ntseeg tias yus paub tau qhov sib txawv ntawm no meej meej. Yog tias kuv siv lub sijhawm ntau los tshawb nrhiav. Kuj ib yam li ntawd, yog kuv tshua txog tej yam uas yuav ua rau kom kuv lub cev muaj kev tsis dawbhuv hauv lub neej thiab ua rau Vaj Ntsujplig muaj kev tu siab, kuv yuav kawm tau. 

Vajluskub sau: Raws li Vajtswv txojlus hais tias,  "Tus uas xav tau kev kaj siab  thiab muaj lub neej zoo,  tus ntawd yuav tsum tsis txhob hais  lus phem  thiab tsis txhob hais tej lus dag” (I Petus 3:10). 

Tej zaug kuv yuav tswj tsis tau kom kuv tus nplaig zoo kawg nkaus, tiamsis kuv muaj cai xaiv tej lus kuv yuav hais. Tswv Yexus hais tias tej ntawd pib los ntawm tej uas peb muab cia hauv peb lub siab: “Rau qhov lub siab xav li cas, lub ncauj yeej hais li ntawd.” (Mathais 12:34). 

Thaum kuv muab Vajtswv txoj lus tso ua ntej hauv kuv lub neej, ces ib qhov uas muaj nqis yog tej uas nyob rau hauv kuv lub siab yuav ntws dhau ntawm kuv lub qhov ncauj ib yam li Pajlug 17:27 sau: 

“Tus neeg uas thoob tsib to nrog tsis ntau ncauj, thiab tus neeg uas ua siab ntev yog tus txawj ntse.” 

Yog kuv muaj ntxiv kev txawj ntse ntau txog lub nkoj ces kuv yuav tsis ua rau kom kuv tus tub tsis muaj kev cia siab thiab nyuaj siab. Ib yam li ntawd, thaum kuv nkag siab txog tus nplaig lub luag haujlwm thiab tej uas tus nplaig yuav tsim muaj, kuv ntseeg tias yus lub peev xwm yog qhov uas yuav ua rau kom tsis muaj kev sib tawm tsam ntau. Kuv tej lus hais tej zaug yuav tsis muaj qab hau, yuav ua rau luag lwm tus tsis txaus siab, tej zaug yuav hais tsis saib qab, tsis ua zoo xav, tsis hais tseeb, khav theeb thiab txhob txwm, LOSSIS kuv tej lus yuav ua zoo hais, muaj nqis, ncaj ncees, saib taus, siab mos siab muag thiab ua zoo. Thiab zoo ib yam li tej nthwv cua loj loj tab tom ntsawj tuaj rau ntawm lub nkoj nyob saum hiav txwv, kuv yuav siv lub kiv nkoj ntawd nyob rau hauv kuv lub qhov ncauj coj los tig txhua zaug muaj kev sib cav, ceev heev, txhob txwm, kom dhau los sib haum xeeb, thiab tiaj tus. 

Tej zaug yuav muaj zaum twg kuv tsis ua zoo nyob rau hauv kuv tej lus hais, tiamsis twb yog tej uas kuv xaiv tuav rau hauv lub siab tau pab kom kuv tsis tshuab kom muaj hluav taws cig. Kuv yog lub nkoj thiab kuv tus nplaig yog lub kiv tig txoj kev mus. Koj cia li hais lo lus “lub nkoj “puas tau?

Thov caw nrog kuv peb thov Vajtswv ua ke: Tus Tswv, kuv paub tias kom txwv tau lub qhov ncauj zoo khwv heev tiamsis kuv ntseeg tias Vaj Ntsujlig yog tus uas nyob hauv Kuv yuav pab kuv. Thov hliv kom puv nkaus rau hauv kuv lub siab los ntawm Koj txojlus, kom tej uas kuv hais tawm yuav ua rau koj zoo siab thiab muaj nqis rau lwm tus. Kuv thov hauv Tswv Yexus Khetos lub npe. Amees.

Cov kwv tij txhua tus, koj tej lus hais puas yuav coj tej koob hmoov los lossis ho yog tseb kev kub ntxhov? Koj muaj cuab kav xaiv koob hmoov dhau qhov uas hliv kom puv nkaus Vajtswv txojlus rau hauv koj lub siab thiab xav kom ua haum Nws siab. Cia li xav ua ntej txog nuj nqis ntawm yus cov lus yuav hais tawm, tab pov rau tej uas koj hais tawm ntawm yuav txawv.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawd cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.