Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Sawv ntawm lub qhov rooj kaw zoo zoo lawm, koj yuav ua li cas thaum uas koj tus kheej nyiam heev txog tej yam muaj nyob tom qab lub qhov rooj kaw ntawd? Zaj kawm hnub no ntuas kom peb yuav tau muab lub siab mloog tej uas Vajtswv ua tus coj kev thiab txhob cia yus txoj kev xav kov yeej txoj kev txawj ntse.

Hnub no, yog hnub19/07/2021, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Byron Bohnert dhau ntawm Zaj kawm LUB QHOV ROOJ KAW ZOO ZOO

Muaj ib txojkev uas neeg xav hais tias yog txojzoo, tiamsis txoj ntawd coj mus raug kev ploj kev tuag (Pajlug 16:25).

Hnub ntawd yog ib hnub ntuj kaj nrig nyob rau thaum yav tsaus ntuj. Tomqab kuv yuav lub ncuav mos tas, kuv thiab kuv tus phooj ywg npaj noj sai sai ntawm chaw tso tsheb thaum uas tab tom tog ntsib ib tug neeg. Wb tso tsheb ncaj ib lub tsev muag khoom uas twb kaw qhov rooj lawm. Nyob rau nees nkaum feeb thaum wb tab tom noj, muaj tsawg kawg yog kaum tsib tug neeg tau sim mus dhau lub qhov rooj uas twb muab kaw zoo zoo ntawd. Daim duab uas pheej mus mus los los yog ib lub tsheb khiav los nres rau ntawm thaj chaw tso tsheb, tus neeg nyob hauv tsheb qhib qhov rooj tawm los mus ncaj nraim rau ntawm lub tsev muag khoom, tiamsis tomqab ntawd tau rov qab los thiab mus lawm. Koj xav tias ntxov thiab lig los kuj yuav muaj neeg paub tias lub tsev muag khoom no twb kaw qhov rooj lawm. Tseeb tiag lawv tsuas pom txog tej yam uas lawv xav nyob sab hauv xwb thiab thaum kawg lawv yeej tsis saib sab nraud. Yog lawv ua tib zoo saib mas lawv yuav tsav tsheb mus lawm tsis tag yuav poob sijhawm li ntawd.

Tom qab uas pom tej no pheej tshwm mus tshwm los, hauv kuv lub siab tau ntuas tias. Puas muaj ib zaug twg uas kuv lub siab tau siv zog mus kom dhau ib lub qhov rooj uas twb muab kaw zoo zoo lawm? Puas yog kuv tab tom siv zog qhib tej yam uas kuv yuav tau zam?

Kuv tus kheej tau pom txog tus nqi ntawm txoj kev uas yuav tau ua zoo saib, qhib tej qhov rooj uas tsimnyog qhib thiab kaw tej qhov rooj uas tsim nyog kaw. Tiamsis feem ntau nyob hauv lub neej, peb pheej xav sim thiab thaum kawg ua tsis tau lawd thaum ntawd thiaj lis kawm tau zaj kawm rau yus tus kheej. Tej kev sim li ntawd qhia kom peb yuav tau mloog raws li Vajtswv txoj kev txawj ntse ua tus taw kev txhob ua li yus tus kheej lub siab. Thaum peb txiav txim siab ua raws li yus lub siab ntshaw ces peb yuav siv lub sijhawm ntawd tsis muaj qab hau, tiamsis lub sijhawm ntawd twb tsim nyog coj mus siv rau ib yam muaj nqis. Yuav tau nco qab ntsoov tias tsuas yog Vajtswv tibleeg xwb thiaj yog tus paub kev mus txog rau ntawm txoj kev txawj ntse thiab yuav tau mloog raws li Nws ua tus coj kev.

Kuv nco txog ib zaug nyob hauv kuv txoj kev hlub thiab xav siv qhov no los ua piv txwv qhia txog lub qhov rooj uas muab kaw zoo zoo. Kuv xav tias yog kuv tus kheej daws qhov teeb meem no los ntawm txoj kev txawj ntse tsi yog los ntawm yus siab xav ntshe thaum kawg twb tsis muaj teeb meem.

Yog ib tug tub hluas, kuv nyiam thiab xav muaj kev sib raug zoo nrog ib tus ntxhais. Tiamsis thaum kawg tus ntxhais ntawd nws tsis kam ntsib kuv ib zaug hlo li. Qhov uas kuv txais tau tej yam tsis zoo li ntawd puav leej yog kuv qhov kev txhaum. Kom yog mas kuv yuav tau tos Vajtswv ua tus coj kev, saib lub teeb ntsuab ci ua ntej. Tsis tag yuav maj nroos khiav caum yus lub siab ntshaw.

Tseeb tiag thaum nyuam qhuav pib kuj tsis muaj ntau teeb meem thiab. Tiamsis tom qab ntawd muaj ib tug phooj ywg txhawb kom tus ntxhais ntawd yuav tau tham rau kuv tim ntsej tim muag. Tiamsis kuv thiab tus ntxhais ntawd yeej tsis tau npaj siab txhij los sib tham, tsis npaj ib yam dab tsi rau txoj kev sib tham no. Yog li, txoj kev sib tham no txawm yog luv luv xwb los tsis zoo kiag li. Tom qab ntawd, teeb meem yim huam loj tuaj, twb yog kuv thov ib tug phooj ywg pab xa ib tsab ntawv rau tus ntxhais ntawd. Thaum kawg txhua yam uas kuv txais tau mas nws tsi raws li txhua yam uas kuv twb tau siv zog.

Nyob rau hauv ob lub xyoo, kuv mob siab txog tej yam tau tshwm sim dhau los. Txoj kev txiav txim ntse uas kuv tau xaiv yog thaub qab thiab tsis yuam kom tus kheej khiav raws lub siab ntshaw. Thaum kawg, kuv txoj kev thaub qab tau teb los ntawm Vajtswv pub kuv muaj lub caijnyoog los thov txim txog tej yam kuv tau ua. Hmoov zoo tshaj, txhua yam tau xaus mus rau qhov zoo. Kuv txoj kev sib tsaug zoo nrog kuv tus phooj yws nws tau rov kho zoo li qub.

Tej uas kuv ntsib dhau no, kuv kawm tau tias thaum uas Vajtswv muab lub qhov rooj kaw ces yus tsis txhob txiv qees mus lossis siv zog kom hla dhau. Vim tias yog siv zog qhib ib lub qhov rooj uas twb kaw lawm ces peb yuav saj tsis tau tej yam zoo kawg nkaus uas Vajtswv npaj rau yus tus kheej.

Pajlug 16:25 nthuav qhia, “Muaj ib txojkev uas neeg xav hais tias yog txojzoo, tiamsis txoj ntawd coj mus raug kev ploj kev tuag”
Qhov no yog raws kev cai xwb yeej tsi tsi tau hais tias yuav tau sau li yus tseb. Vim tias thaum uas peb siv zog ua kom zoo raws li yus tus kheej kev ntshaw, peb yuav raug rub mus rau tej yam uas cuag li tsis muaj dab tsi, tiamsis tom qab ntawd ho txais tau tej yam ua rau peb poob Vajtswv tej koob hmoov.

Thov caw nrog kuv peb thov Vajtswv ua ke: Tus Tswv, thov koj pab kom kuv paub thiab tsis tas yuav poob zog mus qhib tej lub qhov rooj uas twb kaw lawm, pauv rau tej ntawd kuv muaj kev txawj ntse mus raws li Vajtswv ua tus coj kev. Kuv thov hauv Tswv Yexus Khetos lub npe. Amees.

Cov kwv tij txhua tus, txhua yam teeb meem tshwm sim hauv lub neej, peb yuav tsum tau paub thiab mus raws li Vajtswv ua tus coj kev txhob ua raws li lub siab ntshaw. Zaj kawm hnub no txhawb kom koj npaj siab thaub qab thiab xaiv dua lwm lub qhov rooj uas Vajtswv twb qhib rau koj, pauv qhov uas poob dag zog mus qhib lub uas Vajtswv twb kaw lawd.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawd cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.