Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Peb pheej xav tias lub zog uas tav kev lossis txoj kev tawm tsam yog ib yam dab tsi uas yuav tuav tau peb cia. Tiamsis, tseeb tiag, lub zog tav kev ho ua rau kom peb khov kho mus rau tom ntej.

Hnub no, yog hnub 22/08/2021, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Gene Markland dhau zaj kawm TAWM TSAM NROG LUB ZOG TAV KEV

Tiamsis cov neeg uas cia siab ntsoov rau tus TSWV yuav muaj zog, lawv yuav nthuav tis ya ib yam li tus dav. Thaum lawv khiav lawv yuav tsis qaug zog, thaum lawv mus kev lawv yuav tsis tsaug leeg. (Yaxayas 40:31).

Muaj ib hnub thaum yav tsaus ntuj kuv tab tom tsav tsheb ze ntug hiav txwv Virginia, kuv txiav txim siab mus ib txuas kev ntxiv kom ntsia pom hiav txwv. Huab cua txias zog, lub ntuj muaj huab ntau thiab los nag tshauv me me. Ntawd yog ib hnub uas mus tsis raws lub caijnyoog hauv txhua xyoo. Txoj kev mus tsis muaj neeg. Yog li, kuv tau xaiv ib ham rooj zaum, thiab xyab taw ntev, ntxig tes rau hauv kuv lub hnab tshos thiab ntsia rau tim hiav txwv.

Lub ntuj txawm cia li muaj cua ntsawj thiab muaj tej nthwv dej ntsawj tuaj rau ntawm ntug ua rau muaj tej lub suab nrov uas tsuas nov muaj ntawm hiav txwv. Saib cov noog tab tom ya saum nruab ntug, kuv pom tias nag tshauv twb tu lawm. Yog li, kuv thiaj txiav txim siab nyob ntawd kom txais tau cov huab cua zoo hauv hiav txwv ib me ntsis thiab tseem txais tau ib me ntsis kev zoo siab los ntawm tej uas Vajtswv tau tsim los.

Zaum ntawd muaj cov cua txias txias, kuv pom ib tug noog me me ya ntawm tej txiag pua, deb li 3 tshim tom ntej thiab nyob saum kuv taub hau. Ntawm nws lub peev xwm ya nws ob phob tis ntshee ntshee thaum uas ntsib cua ntsawj muag zog.

Thaum ntej, kuv hnov khuv xim rau tus noog ntawd vim huab cua los nag li no, nws yuav ya mus tsis tau rau qhov twg. Tiamsis thaum ntsib cov cua ntsawj ntawd, tus noog hiav txwv no nws yeej tseem khov kho. Ib pliag xwb nws nthuav kiag nws ob phob tis tiamsis tsis nws tsis ya tsuas nres twj ywm xwb, ntawm kuv xub ntiag, nres yoj yeeg saum nruab ntug.

Thaum pom qhov no, Vajtswv tau hais twj ywm hauv kuv lub siab, “Kuv tsis tav koj cia kom koj mus tsis taus, tiamsis Kuv tuav kom koj mus tau rau tom ntej”.

Tej zaug yuav zoo li kuv, koj kuj pom koj zoo li tus noog nyob tom hiav txwv ntawd. Puas muaj zaum twg koj tws kev nyob hauv koj lub neej lawm tau? Cuag li tus kheej raug tav cia thiab mus tsis tau rau tom ntej? Vajtswv qhia rau kuv paub tias Nws tsis tuav kuv cia kom kuv raug tav tiamsis Nws tab tom tsa kuv nce, pab kom kuv mus tau rau tom ntej. Thaum uas kuv lub hlwb tseem tsis tau meej pem rau tej kev xav ntawd, kuv ua tib zoo saib tus noog hiav txwv ntawd kom pom zoo dua. Kuv pom tias yog tus noog ntawd ya dhau ntawm cov cua, nws yuav raug cua ntsawj poob los rau hauv pem teb. Tiamsis thaum tiv thaiv nrog cua lub zog, phob tis ib nyuag ntshee, nws twb ya tau sawv lawm.

Yog li, thaum muaj ib lub zog tav peb, peb kav tsij tiv, cia li tsom ntsoov rau nthwv cua thiab ntxuaj tis. Koj yuav tau tsaws nce thiab tsis raug ntsawj poob los. Lub zog tav kev ntawd yuav tsaws kom koj nce siab dua qub!

Tus sau Ntawv Nkauj tau ua tib zoo saib txoj kev uas Vajtswv saib xyuas tej uas Nws tsim los li hauv qab no:

“Koj tsim koj lub tsev rau saum cov nplaim dej uas nyob saum qaum ntuj. Koj siv cov huab ua koj lub tsheb, thiab Koj caij rawv saum tej cua.” (Ntawv Nkauj 104:3)

Thaum koj caum koj tej homphiaj thiab koj txoj kev ntshaw hauv lub neej, txog ib lub caij twg koj yuav raug tav cia. Cia li xav txog Vajntxwv Daviv. Daviv tau xaiv ua vajntxwv thaum nws tseem hluas tiamsis thaum ntawd nws ntsib lub nra nyav heev ntawm vajntxwv Xa-ules tab tom niaj hnub niaj hmo nrhiav kev tua nws. Ntau xyoo raug vajntxwv Xa-ules caum tua, Daviv tau kawm tau lub peev xwm ntau tus kheej zoo li ib tug tubrog heev, thiab yog ib tug neeg coj cwjpwm zoo, siab zoo. Txoj kev tav ntawd tau ua rau Daviv dhau los ua ib tug vajntxwv zoo li tau xaiv.

Cia li xav txog Pawg Ntseeg xub thawj raug kev tsim txom txom nyem npaum cas. Coob tug tuag rau txoj kev ntseeg vim lawv tsis kam tso Yexus Khetos tseg. Coob tug lawv yuav tau khiav nkaum kom cawm tau lawv txoj sia. Tiamsis txojkev tsim txom no ua rau Pawg Ntseeg ruaj khov hauv kev ntseeg thiab nthuav dav mus rau txhua qhov. Txoj kev tawm tsam tau tsaws Pawg Ntseeg nce rau 300 xyoo rau thawj tiam xub thawj txog rau thaum txoj kev ntseeg dhau los ua tebchaws Loos txoj kev ntseeg.

Ua ntej uas tawm tsam, tsis mloog lus, yog tias koj tso tes khiav tej zaug lub zog tav kev yuav ua rau kom koj poob rau hauv pem teb. Koj yuav raug tsuj kom ntsoog mos nyoos. Koj txoj kev mus thiab txoj kev ntshaw yuav xaus. Yog li, hloov qhov uas saib tej kev tawm tsam, zoo ib yam li yam dab tsi txaus ntshai heev tuav koj cia, cia li saib li ib yam dab tsi uas Vajtswv siv los tuav koj kom ruaj khov thiab ua rau koj muaj zog.

“Tiamsis cov neeg uas cia siab ntsoov rau tus TSWV yuav muaj zog, lawv yuav nthuav tis ya ib yam li tus dav. Thaum lawv khiav lawv yuav tsis qaug zog, thaum lawv mus kev lawv yuav tsis tsaug leeg.” (Yaxayas 40:31).

Thov caw nrog kuv peb thov Vajtswv ua ke: Tus Tswv, thaum uas muaj tej cua ntsawj tuaj tau tshwm sim hauv kuv lub neej, thov Leej Txiv Koj tsaws kuv nce hauv Koj txhais tes, pab kom kuv ruaj khov kom mus ntxiv thiab txais yuav tej uas Koj cog lus tseg. Kuv thov hauv Tswv Yexus Khetos lub npe. Amees.

Cov kwv tij txhua tus, tamsim no koj puas tab tom ntsib kev tawm tsam, kev tav hauv koj lub neej ntseeg, hauv kev ua Vajtswv dej num lossis tsis muaj? Txhob qaug zog thiab txhob thaub qab. Vajtswv xav kom koj ntsib thiab saib tej kev raug ntes ntawd zoo ib yam li txoj kev pab kom koj txoj kev ntseeg loj hlob thiab tawg paj dua ntxiv.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawd cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.