Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Koj puas hnov ntshai thaum uas koj muaj sijhawm qhia txoj moo zoo txog Tswv Yexus pub rau lwm tus? Lub sijhawm twg yog lub sijhawm uas zoo tshaj rau koj mus qhia moo zooo rau cov neeg uas tsis tau los ntseeg? Peb puas tawm mus thiab mus nrhiav lawv kom yog lub sijhawm? Zaj kawm hnub no yuav pab koj kom ua lub neej nrog txoj kev npaj txhij nkag mus rau hauv lub caij sau puv npo paj txiv pub rau Vajtswv.

Hnub no, yog hnub 23/02/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Sherrie Brouhard dhau ntawm Zaj kawm SAU YOG LUB SIJHAWM

“Muaj ib lo lus uas nej hais tias: Tshuav plaub hlis mam li txog caij hlais nplej. Tiamsis kuv qhia rau nej hais tias nej cia li tsa qhovmuag saib tej teb; nplej twb siav heev zoo hlais lawm!” (Yauhas 4:35)

Txog lub caij ntuj tshiab tsob txiv lê tawg paj zoo nkauj heev. Tshuav thaum lub caij ntuj kub ces nws tej txiv yeej tseem me. Kuv saib cov txiv ntawd thiab de ob peb lub los saib yeej tseem tsis tau siav. Yog li, kuv thiaj tos kom thaum twg siav lawm mam de. Tom qab ib lub sijhawm tos ntev loo kuv yeej tsis pom ib lub txiv twg poob hauv pem teb tiamsis txhua lub txiv táo twb poob pawg lug rau ntawm hauv paus nyob ze ntawd.

Muaj ib hnub, kuv pom muaj ob peb lub txiv lê poob rau hauv pem teb. Thaum kuv yuav tawm mus khaws ces txawm cia li muaj ib nthwv cua los. Fuab cua cia li los nag tag nrho thiv ntawd yog li kuv thiaj mus khaws tsis tau. Dhau thiv tom qab kuv muaj haujlwm ntau kuj tsis muaj sijhawm mus rau tom qab tsev. Txawm li los, thaum ua tib zoo saib ces muaj ntau lub txiv lê nyob saum ntoo twb poob los rau hauv pem teb lawm.

Thaum kawg kuv kuj muaj sijhawm mus khaws cov txiv ntawd. Kuv xav tsis thoob vim tsis yog tsuas muaj ntau lub txiv lê poob hauv pem teb xwb thaum kuv pib de cov nyob saum ntoo kuj muaj ntau lub siav heev lawm. Lub sijhawm uas kuv tab tom de ces kuj muaj ntau lub poob los hauv pem teb. Dhau ntawd, kuj muaj tej lub siav tsw qab zib muaj ntseeb ya los ntsauv coob heev. Yog li, kuv thiaj tag kev cia siab vim yav dhau lus kuv tsis de kom ntxov zog. Tseeb tiag, kuv yeej khuv xim vim kuv ua poob lub sijhawm zoo los de cov txiv lê qab qab ntawd.

Thaum hnub poob, ces tsaus ntuj lawm tsis muaj txaus sijhawm los mus khaws cov txiv uas tseem noj lo. Thaum tsaus ntuj, kuv xav thiab khuv xim txog qhov uas kuv ua poob ntau lub txiv lê. Thiab kuv xav txog thiv tag los yog tias kuv npaj sijhawm ces kuv twb yuav de tau ntau zog. Nyob ntawm kuv, kuv tag kev cia siab thaum ntsia pom muaj ib txhia poob hauv pem teb lwj tas tshuav nyob saum ntoo kuj poob los nroo ntws.

Kuv tag kev cia siab thaum uas xav txog qhov uas kuv ua poob ntau lub txiv lawm thiab kuv yuav rov qab tos ib xyoos ntxiv tsob txiv mam rov qab txi dua. Hauv kuv lub siab cim civ muaj ib txoj kev xav tshiab. Kuj ib yam li ntawd nyob ntawm peb cov neeg txheeb ze ne ho zoo li cas thiab? Peb tej neeg txheeb ze lawv yuav laus zuj zus, tej neeg uas peb ntsib lawv ib leeg nyias muaj nyias ib txoj kev cheem tsum. Thaum xav txog lawv, tsis paub kuv puas ua poob lub sijhawm yuav ua tim khawv qhia txog Tswv Yexus pub rau lawv. Lawv yog cov ntsujplig muaj nqis nyob ib ncig ntawm peb. Tej zaug lawv yog cov neeg uas yuav tawm hauv lub ntiajteb no mus peb tsis muaj hnub yuav rov qab ntsib dua lawv lawm. Muaj ntau tus tib neeg peb ntsib lawv thaum peb ua neej nyob hauv lub ntiajteb no. Tsis paub peb puas pom txog txoj kev cheem tsum ntawm lub caij sau no? Tsis paub koj puas hnov ntshai thaum uas muaj sijhawm zoo tshaj tawm Txojmoo Zoo txog Tswv Yexus pub rau lawv? Tsis paub puas yog peb ua tug ua txuj tsis paub cov ntsujplig uas tab tom puas tsuaj nyob hauv txoj kev txhaum zoo ib yam li peb ua poob tej yam uas tsis tseem ceeb plam ntawm peb txhais tes lawm?

Dhau ntawm qhov piv txwv no, Tswv Yexus xav qhia yam dab tsi pub rau peb? Vajtswv xav kom peb ua pub rau Vajtswv tsis yog ua rau tib neeg. dhau ntawd, Vajtswv yog tus pub rau peb muaj lub peev xwm ua haujlwm uas Vajtswv tau muab cob rau peb.

Twb yog los ntawm tej lus nug no ua rau kuv ua xyem xyav txog qhov uas kuv ua poob thiab tsis txuag cov txiv lê zoo ntawd. Tseeb tiag, yog de ntxov zog ces kuv yuav muab pub tau rau tsev neeg thiab lwm tus. Qhov uas kuv tsis txuag ntawd ua rau kuv xav txog lub caij sau cov ntsujplig uas tab tom puas tsuaj. Tsis paub peb puas tawm mus nrhiav lawv thaum txog lub sijhawm? Tsis paub ntawd puas yog peb txoj kev tab ncuab txog lawm? Lossis peb poob rau lub caijnyoog tag kev cia siab vim peb tsis paub txog qhov haujlwm tseem ceeb yuav tau tshaj tawm Txojmoo Zoo txog Tswv Yexus pub rau cov neeg uas tsis tau paub txog Tswv Yexus lub npe?

Vajtswv txojlus nyob hauv Yauhas 15:16 ntuas peb tias: “Tsis yog nej xaiv kuv, tiamsis yog kuv xaiv nej thiab tsa nej kom mus txi cov txiv uas nyob mus ibtxhis. Yog nej tuav kuv lub npe thov yam twg, Leej Txiv yuav pub yam ntawd rau nej”

Thov caw nrog kuv peb thov Vajtswv ua ke.
Ua Vajtswv koj tsaug vim koj tau xaiv kuv puag thaum chiv keeb los thiab txib kuv mus rau txhua qhov tshaj tawm Txojmoo Zoo. Thov Vajtswv pab kom kuv tshua txog Koj tej lus samhwm uas koj tau muab cob rau kuv thiab ua tim khawv qhia koj pub rau tej neeg ib ncig kuv. Thov Vajtswv pab kom kuv paub txog txhua lub sijhawm, thiab txhua tus txoj kev cheem tsum kom ua tim khawv txog Vajtswv pub rau cov ntsujplig uas tsau tsawv rau hauv txoj kev puas tsuaj ntawm txoj kev txhaum. Kuv thov hauv Tswv Yexus Khetos lub npe. Amees.

Cov kwv tij txhua tus, lub sijhawm zoo kawg nkaus tseg rau peb tawm mus thiab ua tim khawv txog Vajtswv ces yog hnub no. Txhob ua xyem xyav, txhob tos thiab ua poob lub sijhawm zoo uas Vajtswv pub rau peb. Tiamsis muab fij rau Vajtswv peb lub sijhawm lub zog thiab tag nrho tej yam uas koj muaj kom tawm mus thiab ua tim khawv txog Vajtswv. Nplej twb siav heev nyob ntawm koj xub ntiag, cia li tawm mus thiab sau los khaws cia pub rau Vajtswv.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.