Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab

Koj tab tom hnov koj lub neej tamsim no zoo li cas? Ntshe tej thaum yuav yog hais tawm tau ntau yam uas tsis haum siab, tiamsis yog ua tib zoo saib, koj yuav pom tias muaj ntau yam zoo heev uas Vajtswv pub rau yus. Lub neej puv ntoob, muaj zaub mov noj txhua hnub thiab muaj ntau yam zoo nyob puas ncig. Koj puas muaj zaum twg  tsa suab hlo ua Vajtswv tsaug puag hauv siab tuaj vim Vajtswv pub lub neej muaj txaus nkaus rau yus?

Hnub no, yog hnub 23/11/2022, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Pauline Hylton dhau ntawm Zaj kawm  KOJ PUAS NCO TXIAJ NTSIG / VIM YUS NPLUA NUJ?

“Rau qhov nej yeej paub hais tias peb tus Tswv Yexus Khetos hlub peb kawg li. Txawm yog nws yog tus uas npluanuj los nws zoo siab los ua tus uas npluag. Nws ua li ntawd twb yog nws xav pab nej kom nej ua tau neeg npluanuj.” (2 Kauleethaus 8:9).

Ntau zaug kuv cim civ txiav txim rau kuv tus kheej. Tseeb tiag muaj ntau zaug heev lawm.

Kuv yog ib tug neeg khuab xeeb ntau yam. Ntau zaug kuv yws rau kuv tus txiv, tshuav feem ntau yog yws rau Vajtswv. 

Vim li cas sawv daws ho tsis nyiam kuv? Lawv tsis ntaus nqi siab rau kuv lub peev xwm lod? Vim li cas cov neeg uas muaj hnub nyoog li kuv lawv ho tau mus ncig ua si ywj siab, tshuav wb ib niam txiv ho tsis tau mus? 

Tej yam uas ua rau yus chim siab cuag li ntau heev. Ua rau kuv yuav ua mob lawm thiab. 

Tsis ntev los no kuv tau xyaum ib txoj kev tshawb nrhiav muaj lub npe tias “Tswv yim tawm tsam nyob rau hauv kev thov Vajtswv.” Lub ntsiab lus thiv tag los yog “Lub xauv thiav tug yaum sij thov Vajtswv”. Kev kawm Vajluskub dhau los yog ib yam uas kuv nyiam kawm tau ntau xyoo dhau los, yog li yeej tsis ua rau kuv xav tsis thoob txog tej lub xauv uas tab tom tseem kaw nrees ruaj ruaj: Tej kev txhaum yeej tseem tsis tau lees tawm, tej lus pheej yws mus yws los, thiab lub siab tsis zam txim. 

Thiab kuv paub tus yaum sij yog dab tsi – tawm tsam kom txais tau txoj kev txaus siab. 

Yog koj ntsib kuv, koj yuav tsis paub hais tias kuv tab tom tsis txaus siab, vim yeej tsis muaj ib lub cim twg qhia tawm li – vim kuv qhov teeb meem nws tsis yog nyiaj txiag. 

Txawm yog muaj ntau zaug kuj muaj. 

Cuag li kuv yeej tsis txaus siab rau kuv lub neej nyob rau txhua lub sijhawm li. Kuv yws kuv tus txiv rau Vajtswv thiab kuv yws Vajtswv rau kuv tus xiv. Kuv pheej yws mus yws los txog kev tsav tsheb, lub tsheb thiab kuv tes haujlwm, tshuav qhov tseeb tiag kuv yeej tsis tsimnyog rau ib yam dab tsi twg ntawm tej haujlwm ntawd, haj yam tsis tsimnyog pub rau kuv tus txiv uas yog ib tug neeg txawj tshua txog kuv thiab mloog kuv. 

1 Timautes 6:6-10  sau: 

“Tseeb tiag, tus ntseeg uas txaus siab rau tej uas nws muaj lawm thiaj yog tus npluanuj tiag.  Thaum peb niam peb txiv yug peb los, peb yeej tsis coj ib yam dabtsi los. Thaum peb tuag peb yeej yuav coj tsis tau ib yam dabtsi mus thiab. Yog li ntawd, yog peb muaj noj muaj hnav lawm, peb cia li txaus siab rau tej ntawd xwb.  Tiamsis cov neeg uas xav npluanuj, dab yuav ntxias tau lawv mag dab lub vojhlua; lawv yuav lam tau lam ua phem thiab ua tej uas yuav ua rau lawv raug kev puastsuaj. Qhov uas neeg ntshaw nyiaj txiag yog ib qho uas ua rau neeg ua txhua yam phem. Muaj qee leej tso Vajtswv tseg lawm, thiab lawv rov ua rau lawv raug ntau yam kev txomnyem twb yog vim lawv xav tau nyiaj ntau heev.” 

Yog li, tej zaug kuv yuav tsis nyiam nyiaj txiag, tiamsis kuv yuav tsis txaus siab yog tias tsuas muaj txaus noj txaus hnav xwb. 

Tiamsis qhov tseeb tiag muaj coob tug neeg hauv lub ntiajteb no lawv tseem muaj tsis txaus rau lawv tej kev cheem tsum txhua hnub thiab. 

Zoo li qhov piv txwv uas tus Xibhwb J.D. Greear tau tham txog thaum uas qhia txog phau ntawv Kaulauxais. Yawg piv txwv tias thaum no koj tab tom mus so ob hmos rau hauv lub tsev qhua uas zoo tshaj plaws yog lub tsev so Holiday. Tom qab thawj hmo, koj mus ntsib tus saib xyuas thiab hais tias: “Kuv cheem tsum ib lub chaw rau khoom ntxiv, cheem tsum lub rooj noj mov thiab tsev tawm rooj kom loj thiab zoo dua qub!” Ces tus saib xyuas yuav khuab xeeb tias vim li cas yuav tau hloov pauv ntau yam ua luaj li no vim koj tsuas nyob ib hmos ntxiv thiab xwb. 

Puas tau muaj zaum twg koj xav tias “ob hmos ntawd” yog lub sijhawm kawg uas peb ua neej nyob rau hauv lub ntiajteb no.

Nyob rau lub caij ua tsaug no, kuv xav kom kuv tsom ntsoov rau hnub no. Kuv xav ua lub neej kom txaus siab. Kuv xav kom kuv tus kheej paub tias yus nplua nuj npaum cas nyob rau hauv Vajtswv thiab paub ua Vajtswv tsaug tiag tiag: 

“Rau qhov nej yeej paub hais tias peb tus Tswv Yexus Khetos hlub peb kawg li. Txawm yog nws yog tus uas npluanuj los nws zoo siab los ua tus uas npluag. Nws ua li ntawd twb yog nws xav pab nej kom nej ua tau neeg npluanuj.” (2 Kauleethaus 8:9).

Thov caw nrog kuv peb thov Vajtswv ua ke

Ua Vajtswv Koj tsaug tau txib Koj tib leeg tub los rau hauv ntiajteb, kom dhau ntawm Tswv Yexus txoj kev pluag txo nyem, peb dhau los ua tus muaj. Ua Tswv Yexus tsaug txog txoj kev cawmdim, vim Vaj Ntsujplig tab tom nyob hauv peb, vim txojsia ib txhis uas Koj pub. Thov Koj pab kom kuv txhob hnov qab tias kuv nplua nuj npaum cas kom kuv ua lub neej nco Koj tshav ntuj. Kuv thov hauv Tswv Yexus Khetos lub npe. Amees.

Cov kwv tij, thaum no yog lub sijhawm cia peb nqes peev rau ntuj ceebtsheej, pauv rau qhov uas siv sijhawm thiab lub zog rau tej yam uas yuav dhau mus. Thov Vajtswv qhib qhov muag kom pab kuv ntsia pom deb dua kuv thaj chaw nkaum tso siab, kom kuv qhia tau Tswv Yexus lub npe rau txhua tus. Thiab nyob rau lub koob tsheej ua tsaug no, ntseeg tias peb tsis yog tsuas txaus siab xwb tiamsis tseem muaj txoj kev nco tshav ntuj vim Vajtswv txoj kev hlub tsis paub kawg uas Vajtswv pub.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.