Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Puas muaj zaum twg koj cim civ xav hais tias koj yog qhov khoom uas muaj nqis tshaj plaws thaum uas koj yug los rau hauv lub ntiajteb no? Koj tau Vajtswv tsim los tshwj xeeb heev los ntawm Vajtswv txoj kev hlub loj. Tseeb tiag, koj yog tus uas Vajtswv tsim los zoo kawg nkaus thiab Vajtswv xav kom koj nyob hauv Vajtswv txhais tes uas Vajtswv hlub.

Hnub no, yog hnub 26/12/2023, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Missey Butler dhau ntawm Zaj kawm KUV YOG KOJ TUG

“Thaum kuv rov dua kev tuaj , kuv porn hais tias txog lub sijhawm uas koj nyiam hluas nraug lawm. Kuv thiaj muab kuv lub tsho loj qhwv koj lub cev uas liabqab. Kuv coglus yuav hlub koj thiab yuav koj ua kuv tus pojniam kom koj yog kuv tug.” Tus Tswv uas kav ib puas tsav yam hais li ntawd” (Exekees 16:8)

Txij li thaum yug los txog rau thaum loj hlob peb yuav kawm paub txog tsib yam nyob hauv tib neeg lub cev yog, kov, chwv, saj, hnia, mloog, thiab ntsia.

Thaum loj hlob kuj yog lub sijhawm uas peb yuav tau ris lub nra rau yus lub neej. Peb yuav tau nquag ua haujlwm kom thiaj yuav tshawm tau peb tus kheej txoj kev cheem tsum.

Ntawd kuj yog lub sijhawm uas peb yuav poob mus rau hauv ntau txoj kev txhawj txog qhov uas yuav noj dabtsi, haus dabtsi thiab hnav dabtsi.
Tiamsis Vajtswv txojlus kuj ntuas kom peb nco ntsoov tias peb tsis txhob txhawj txog tej ntawd vim Vajtswv paub tseeb txog peb tej kev cheem tsum ua ntej uas peb thov Vajtswv.

Dhau ntawd peb tsis yog tsuas yog tuaj ua qhua nyob hauv lub ntiajteb no xwb, tiamsis thaum peb tuag peb tseem yuav mus nrog Vajtswv nyob saum ntuj ceeb tsheej thiab.

Txhua txojsia nyob hauv lub ntiajteb no puav leej yog Vajtswv muab pub. Tsis tas li ntawd, Vajtswv yog tus uas txhawb peb tej kev cheem tsum nyob hauv lub neej no ntag. Thiab Vajtswv tseem tshua txog peb tej kev cheem tsum txhua hnub vim Vajtswv hlub peb ib yam li Vajtswv lub nkaub muag.

Tseeb tiag, Vajtswv yog tus uas tab ncuab peb txhua tus txawm yog tej yam uas me tshaj plaws nyob rau hauv lub neej no.

Tiamsis sijhawm dhau mus tej kev sim siab ntawd ua rau peb ua xyem xyav rau Vajtswv txoj kev hlub uas Vajtswv tseg rau peb. Tiamsis Vajtswv yog tus muaj sia nyob nws niaj hnub saib ntsoov peb raws li Vajtswv txojlus tau sau nyob hauv Exekees 16:4-8
“Thaum yug tau koj los tsis muaj leejtwg txiav koj txoj hlab ntaws lossis ntxuav koj, tsis muab ntsev txhuam lossis muab khaubncaws qhwv koj. Thaum yug tau koj los tsis muaj leejtwg hlub koj thiab mob siab ua tej uas hais tas los ntawd rau koj. Luag thiaj muab koj pov rau tom tiaj nrag. Kuv dua kev tuaj porn koj tsau ntshav tsawv. Koj ibce lo ntshav tas, tiamsis kuv tsis cia koj tuag. Kuv ua rau koj hlob mos nyoos ib yam li tus ntsuag ntoo. Koj thiaj hlob tiav nkauj . Koj ob lub mis puv zoo thiab koj cov plaubhau ntev npws loo, tiamsis koj tseem liabqab. “Thaum kuv rov dua kev tuaj , kuv porn hais tias txog lub sijhawm uas koj nyiam hluas nraug lawm. Kuv thiaj muab kuv lub tsho loj qhwv koj lub cev uas liabqab. Kuv coglus yuav hlub koj thiab yuav koj ua kuv tus pojniam kom koj yog kuv tug.” Tus Tswv uas kav ib puas tsav yam hais li ntawd”

Thaum nyeem ntu Vajluskub no muaj ntau yam ua rau kuv xav ntau tshaj plaws yog Vajtswv txoj kev hlub uas Vajtswv tseg rau kuv thiab kuv nyiam tshaj yog nqe kawg hais tias: “koj yog Kuv tug”.

Ua Vajtswv tsaug vim kuv tau Vajtswv hlub thiab kuv yog Vajtswv tug mus ib txhis. Cia siab tias koj kuj yuav txais tau Vajtswv txoj kev hlub nyob hauv Vajtswv txoj kev ua tus coj.

Thov caw nrog kuv peb thov Vajtswv ua ke
Ua Vajtswv tsaug vim kuv yog Vajtswv li thiab tau nyob hauv Vajtswv koj txoj kev hlub mus ib txhis tsis muaj hnub hloov pauv. Txawm yog yuav ntsib ntau yam, kev sim siab los Vajtswv yeej tuav rawv kuv thiab saib ntsoov kuv zoo li Vajtswv lub nkaub muag. Thov Vajtswv pab kom kuv nrhiav Vajtswv, kawm paub Vajtswv tej lus thiab nyob hauv Vajtswv txhais tes muaj hwjchim. Kuv thov hauv Tswv Yexus Khetos lub npe. Amees.

Cov kwv tij txhua tus, Vajtswv yog tus muaj sia nyob niaj hnub saib ntsoov peb cov uas yog Vajtswv cov menyuam. Peb yog Vajtswv li thiab yog tus nrog Tswv Yexus koom txais qub txeeg qub teg yog tej yam uas zoo kawg nkaus Vajtswv muab pub rau peb. Peb nyias yuav tau paub txog nyias lub meej mom zoo uas nyob hauv Vajtswv. Ntseeg tias Vajtswv tej lus cog tseg yuav ua rau peb muaj kev zoo siab txhua hnub thiab tiv dhau tag nrho tej kev sim siab ib vuag no.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.