Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Koj pheej ua Vajtswv tsaug rau thaum twg? Tsis yog thaum uas koj txais tau ib yam dab tsi twg zoo, ua rau koj zoo siab, txaus siab lov? Sim xav seb yog muaj ib hnub twg koj paub tias koj muaj mob, ua rau koj lub cev mob heev, piv li lub raum muaj pob zeb, koj puas yuav ua Vajtswv tsaug los tsis ua? Ntau zaug thaum raum muaj pob zeb ho ua rau koj pom Vajtswv txoj kev hlub pub rau koj loj npaum li cas.

Hnub no, yog hnub 26/10/2021, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Richard Spangler dhau ntawm zaj kawm UA VAJTSWV TSAUG TXOG OB LUB SUAB ZEB

Txawm yog nej raug txomnyem thiab tau zoo los nej yuav tsum ua Vajtswv tsaug. Vajtswv xav kom nej txhua tus uas nrog Yexus Khetos koom ib txojsia lawm ua tej no. (I Thexalaunikes 5:28)

Kuv nkag siab lawm txog lub ntsiab lus Vajtswv qhia nyob hauv I Thexalaunikes 5:18,

 “Txawm yog nej raug txomnyem thiab tau zoo los nej yuav tsum ua Vajtswv tsaug. Vajtswv xav kom nej txhua tus uas nrog Yexus Khetos koom ib txojsia lawm ua tej no.” (I Thexalaunikes 5:28).

Nyob rau 6 xyoo dhau los, kuv nqis tau 80 kg nrog txoj kev noj haus caiv ntau yam thiab xyaum dhia (mus kev 4-5 daim phiaj zeb ib sij, tsib hnub ib thiv). Tomqab rov nce 20 kg, kuv txiav txim yus yuav tau rov xyaum dhia ntau ntxiv tsis yog tsuas mus kev xwb, yog li kuv thiaj tau mus suam npe mus dhia rau hauv ib lub chaw dhia (gym) rau lub hli 3 xyoo 2007. Kuv pib xyaum tau kev mus dhia ua si nrog lub maiv khiav, xyaum nqa cov pob zeb, thiab tuam tsheb peb hnub ib thiv thiab mus ko taw ob hnub ib thiv.

Hnub ob, hnub 5 hli 5 xyoo 2007, kuv yeej mus xyaum dhia ua si rau hauv lub chav dhia (gym) thaum sawv ntxov thiab mus ua haujlwm yav tsaus ntuj kwv yees li 10 sij tsaus ntuj, kuv pib hnov mob heev rau nraum kuv ob sab nraub qaum sab hauv. Kuv ob tug phooj ywg ua haujlwm ua ke coj kuv los tsev. Thaum los txog tsev mob heev ua rau kuv nqis tsis taus saum tsheb los. Yog li kuv tus pojniam thiab ob tug phooj ywg thiaj thauj kuv ncaj nraim mus rau tom tsev tshuaj.

Tom qab uas pw nyiaj mob rau hauv tsev cawm siav tau 3 sij, thaum kawg cov kws tshuaj lawv thiaj tsib ib koob tshuaj kom ua rau kuv txhob mob heev heev. Yam uas kuv nco txuas ntxiv yog kuv sawv rau thaum yav tsaus ntuj hnub peb. Kuv tus poj niam thiab ib tug kws tshuaj hais qhia rau kuv paub tias kuv muaj ob lub suab zeb loj heev nyob rau hauv ob lub raum. Ib lub raum muaj ib lub. Kuv thiaj phua thiab tso stent rau hauv raum cia nws tswj tej pob zeb thiab tsis ua kom mob ntxiv.

Txog hnub plaub, kuv tau lawv hais qhia paub tias kuv mob plawv me ntsis. Txhua yam cuag li twb tsis zoo los nim no tseem phem dua thiab. Nyob rau hnub 6, yog hnub xiab 9 hli 5 muaj ib tug stent tau txav, thiab kuv rov mob heev tom qab twb phua lauj lub pob zeb tawm.

Hnub ob, yog hnub 12 hli 5, cov kws tshuaj txiav txim siab lauj lub pob zeb tawm. Tiamsis ua ntej cov kws tshuaj lawv xav tso ib txoj hlua mus rau hauv lub plawv. Hnub peb yav tsaus ntuj kuv mus tso zis. Ua rau coob tug xav tsis thoob, tej uas sau tau los kuv txoj hlab ntshav sab laug txhaws tas li 85% lawm. Kuv tsis muaj ib lub cim twg nthuav qhia li thiab cov kws tshuaj hais qhia paub tias kuv yog thawj tug ntawm tus mob ntshav plawv nres “Nhồi máu cơ tim góa phụ” (WHA) yog tus mob uas yooj yim tuag heev thaum yus pw tsaug zog.

Nyob hauv 3 sij xwb, kuv tau xa tawm hauv tsev tshuaj Chesapeake mus rau tsev kho mob plawv Sentara nyob rau Norfolk, cheeb tsam Virginia thiab tau lawv tso hnub nyoog phua rau hnub 6, yog hnub 18 hli 5. Cov kws tshuaj tsis yog tsuas daws qhov teeb meem 85% ntshav txhaws ntawd xwb tiamsis tseem daws peb qhov kev txhaws ntxiv yog 30%, rov nce ntxiv tshaj plaub zaug. Thiab nyob rau ntawm tej no ces kuv ob lub raum yuav tau tos.

Ib thiv tom qab phua tas, kuv pib cim civ nug, “Vim li cas kuv ho pw rau ntawm no?” Vajtswv tau ceeb toom kom kuv rov nco txog kuv tej lus taij thov rau peb thiv tas los ua ntej uas tej no tshwm tuaj. Thaum uas kuv tseem nyob rau saum lub maiv khiav, kuv thov Vajtswv, “Tus Tswv, yog tias muaj ib yam dab tsi ua rau kuv ua tsis tau raws li Koj lub siab nyiam nyob rau hauv kuv lub neej kawg no, thov Koj nthuav qhia lossis pab kho.” Ua Vajtswv Koj tsaug vim Koj tau teb cov lus taij thov luv luv no los ntawm lub hwjchim nrog ob lub pob zeb nyob rau hauv raum. Yog tsis muaj ob lub pob zeb nyob rau hauv lub raum no ntshe kuv twb tuag thaum pw lawm kuv twb tsis paub.

Kuv tos tau peb hli tom qab phua plawv tas kuv thiaj rov qab kho txog qhov kuv mob raum. Kuv rov poob ob thiv ntxiv thiab xyaum ua plaub kauj ruam kho sib txawv. Vim muaj mob kom tshem tawm tau cov pob zeb hauv raum tawm. Txoj xov zoo yog kuv lub plawv twb ua tau haujlwm zoo lawm thiab kuv ob lub raum los tab tom zoo zuj zus. Kuv lub zog rov muaj zuj zus thiab kuv tau nqis tau 20 kg.

Qhov teeb meem uas ua rau tag nrho tej no tshwm sim yog kuv tau tsis ua zoo tu kuv lub cev, kuj yog Vaj Ntsujplig lub tuam tsev. Kuv tau noj tsis yog tej zaub yuav tau noj, noj tsis yog raws li tej uas yuav tsum tau noj kom txaus xwb thiab tub nkeeg tsis mus xyaum dhia kom muaj zog. Kuv paub tias kuv twb tau kho zoo lawm tsuas yog los ntawm Vajtswv txoj kev hlub xwb.

Kuv tus Xibhwb hais tias tom qab 50 xyoo, Vajtswv tau phua kuv yog li kuv yuav ua neej ntxiv tau 50 xyoo ntxiv thiab.

Kuv ntseeg tias tej no yeej yuav muaj tseeb yog tias kuv paub ua lub neej kom yog, zoo thiab paub tswj tus kheej. Kuv tham qhia txog tej uas kuv ntsib dhau ntseeg tias koj kuj yuav ua zoo tu koj lub cev. Noj haus kom yog, xyaum mus dhia ua si thiab mus kws tshuaj siab xyuas txog yus lub dag zog kom raws caijnyoog. Ntawd yog ib qhov haujlwm tseem ceeb kom koj muaj dag zog zoo ua Vajtswv haujlwm thiab ua raws li tej uas Vajtswv nyiam.

“Nej tsis paub hais tias nej lub cev yog Vaj Ntsujplig tus Dawbhuv uas Vajtswv muab pub rau nej lub tuamtsev no los? Nws nyob hauv nej lub siab, nej tsis yog tus tswv uas kav nej lub cev, tiamsis Vajtswv yog tus tswv uas kav nej lub cev. Vajtswv twb txhiv nej kim kawg li los lawm. Yog li ntawd, nej yuav tsum cia nej lub cev ua rau Vajtswv tau ntsej muag.” (1 Kauleethaus 6:19-20).

Thov caw nrog kuv peb thov Vajtswv ua ke: Ua Vajtswv Koj tsaug vim Koj txoj kev hlub tseg rau peb loj kawg nkaus, txawm yog thaum uas peb twb tsis paub. Thov pab kom peb paub ua Vajtswv Koj tsaug nyob rau hauv txhua lub caijnyoog thiab ua lub neej kom tsimnyog raws li Koj txoj kev hlub tau muab pub rau peb. Kuv thov hauv Tswv Yexus Khetos lub npe. Amees.

Cov kwv tij txhua tus, ntseeg tias dhau ntawm zaj kawm hnub no, koj kuj yuav nthuav qhia tau lub siab hlub Vajtswv txawm yog koj tab tom nyob rau ib lub caijnyoog txomnyem, vim txhua yam Vajtswv tso cai rau tshwm puav leej nyob rau hauv Nws lub homphiaj thiab coj mus rau hauv Nws lub homphiaj zoo. Tib txhij ntawd kuj yuav tau saib xyuas yus lub cev nqaij daim tawv no kom zoo dhau ntawm kev noj zaub mov kom txaus, mus ntsib kws tshuaj yog sijhawm, kom koj muaj txaus dag zog ua Vajtswv haujlwm, thiab ua raws li txoj kev hlub uas Vajtswv tau muab pub rau koj.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawd cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.