Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Muaj ib yam nyob rau hauv txhua qib tseem ceeb uas yuav siv coj los ntaus nqi rau thaj chaw ua haujlwm zoo tsis yog nyiaj hli xwb tseem yog tej kev pab uas lub tsev ua haujlwm ntawd lawv tau muab pub rau cov ua haujlwm, xws li nyiaj tiv thaiv (chính sách bảo hiểm), pub noj haus, pab nyiaj mus los… tiamsis txawm yog yuav pab ntau npaum cas los kuj yuav tsis txaus rau koj txoj kev cheem tsum ib zaug li, tsis ua rau koj txaus nqhis tiag tiag … tsuas yog  pob khoom pab saum ntuj ceeb tsheej xwb thiaj pab tau. 

Hnub no, yog hnub 27/12/2021, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Laura Bagby dhau ntawm zaj kawm POB KHOOM PUB SAUM CEEB TSHEEJ

Kuv lub siab, cia li qhuas tus TSWV thiab nco ntsoov Nws txiaj ntsig. (Ntawv Nkauj 103:2)

Yog koj ua haujlwm rau hauv ib lub tsev ua haujlwm paub hlub tshua txog cov tub qhe ua haujlwm, thiab twb tau txais ib txoj kev pab zoo kawg nkaus, ces koj yuav hnov tso siab thiab hnov sib siab thaum uas paub tias muaj ib qho kev pab zoo li ntawd ua tau ntau yam pab rau koj. 

Koj tsis tas yuav txhawj ntau thaum koj tej menyuam muaj mob. Koj muaj cuab kav mus rau tom tsev tshuaj ob zaug ib xyoo mus txhuam kom cov kaus huv si. Koj yuav hnov zoo siab thaum ntsia pom cov nyiaj khaws cia rau thaum laus twb tau npaj tiav. Koj yuav tau txais tej pluas su qab qab tsis them nyiaj. Lub tsev ua haujlwm mam them nyiaj roj tsheb rau koj kev mus los. 

Tau li no zoo heev puas yog? 

Thaum no, yam dabtsi yuav tshwm sim yog tias kuv hais rau koj paub tias Vajtswv muab ib “pob khoom pub” tseg rau peb txhua tus ntau tshaj tej uas txhua lub tsev ua haujlwm lossis pab pawg twg lawv yuav them tau? Kuv nyiam hu nws zoo li “Pob khoom pub saum ceebtsheej”. Thiab qhov zoo nyob rau ntawm txoj kev sib cog lus no yog tsuav yog koj yog Vajtswv tug xwb, tsuav yog koj ua haujlwm yog Vajtswv ib tug menyuam ces txhua yam zoo nyob rau hauv pob khoom no puav leej yog koj li. 

Koj yuav nrhiav tau txoj kev pab ntawm pob khoom no qhov twg? Daviv txhais qhov ntawd meej meej qhia rau peb nyob hauv Ntawv Nkauj 103:2-5. 

Ntu Vajluskub no qhib thawj los ntawm nqe,  “Kuv lub siab, cia li qhuas tus TSWV thiab nco ntsoov Nws txiaj ntsig”.  Cia li nres nyob rau ntawm no. 

Koj puas nkag siab tias ntseeg Tswv Yexus yog ib txoj koob hmoov, ib txoj kev hlub? Koj puas pom tias Vajtswv tab tom foom koob hmoov rau peb? Cia li npaj kom txhij cia Vajtswv nchuav Nws txoj kev zoo los rau hauv koj lub neej. 

Cia li nyeem feem kawg ntawm ntu Vajluskub ib zaug ntxiv, pib ntawm nqe 2: Kuv lub siab, cia li qhuas tus TSWV thiab nco ntsoov Nws txiaj ntsig. Nws zam kuv tej kev txhaum huv tibsi thiab kho kuv tej mob zoo hlo. Nws pab kuv dim kev ploj kev tuag, Nws hlub thiab tshua kuv, Nws foom koob hmoov rau Kuv. Nws pub txhua yam zoo rau kuv lub neej, yog li ntawd, kuv thiaj tseem hluas thiab muaj zog khov kho ib yam li tus dav. 

Yog koj xav muab tej koob hmoov los xam, lossis coj los tso kom yooj yim nco, ces peb yuav muaj zoo li hauv qab no: 

- Vajtswv zam txhua txoj kev txhaum rau koj.

- Vajtswv kho koj tej mob zoo huv tib si. 

- Vajtswv cawm koj dim ntawm qhov chaw puas tshuaj.

- Vajtswv muab lub kauj mom rau koj ntoo los ntawm kev ua siab ntev thiab hlub tshua. 

- Vajtswv pub rau koj txhua yam zoo uas Nws muaj.

- Vajtswv hloov koj lub neej hluas huv tib si. 

Saib rau tej lus hais no kuv pom “pob khoom pub” uas yog Vajtswv li ntau tshaj 6 npaug tej pob khoom uas ntiaj teb muaj. 

Yog tej tuam txhab muag pob nyiaj tiv thaiv tsuas pub rau koj tej pob khoom mus cuag kws tshuaj tsis them nyiaj, ces Vajtswv lub homphiaj pub rau koj txog txoj kev tiv thaiv lub dag zog tseem zoo tshaj, Nws tsis yog tsuas cawm koj dim ntawm qhov chaw puas tshuaj nyob hauv ntuj tawg xwb tiamsis tseem tshuav ntau qhov chaw puas tshuaj nyob hauv koj lub neej thaum uas koj taug txoj kev txhaum. 

Yog lub tsev ua haujlwm tseg rau koj pob khoom mus rau hauv chav xyaum kho yus tug kheej (phòng gym) zoo tshaj ces Vajtswv pob yuav hloov tau koj lub neej hluas huv tib si. 

Vajtswv pob khoom kuj muaj txhij tej neeg tawm tswv yim “Ua siab ntev thiab hmov tshua”. Coj tej zaj kawm hloov tau lub neej. 

Cia li sim xav seb koj yuav hnov sib npaum cas thiab tau txhawb zog npaum cas thaum koj tej kev txhaum puav leej tau Vajtswv zam lawm. 

Vajtswv pob khoom kuj tab pov tias tej koob hmoov no nws yuav muaj nyob mus li, tsis xaus li, kom koj taus txais txhua yam uas zoo. 

Kuv tsis paub tias koj hnov li cas tiamsis txais tau ib pob khoom zoo li no, kuv tsuas xav qw nrov nrov qhuas Vajtswv xwb.

Thov caw nrog Kuv peb thov Vajtswv ua ke: Ua Vajtswv Koj tsaug vim nyob rau hauv Koj kuv tsis yog tsuas tab pov txog ntuj ceebtsheej puv npo koob hmoov xwb tiamsis tseem tshuav ntau yam koob hmoov ntxiv nyob rau hauv lub neej. Thov pub kom kuv saj tau tiag tiag yam uas Koj tau cog lus tseg  thiab txaus siab rau yam uas Koj muab pub. Kuv thov hauv Tswv Yexus Khetos lub npe. Amees.

Cov kwv tij nyob rau hauv tej koob hmoov uas Daviv hais txog nyob rau hauv Ntawv Nkauj 103, koj twb ntsib thiab tab tom ntsib yam twg lawm? Koj puas xav koom siab nrog Daviv ua ke hu nkauj qhuas Vajtswv, qhuas Nws vim “pob khoom pub” zoo heev li no?

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawd cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.