Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab

Tej zaug peb sawvdaws yeej muaj ib zaug twg hnov qaug zog zis thaum uas ua neej nyob rau hauv lub neej ib vuag dua no, tshwj xeeb yog thaum uas peb lub cev sab nqaij tawv muaj mob, tsis muaj zog. Tej ntawd yog tej yam uas yeej yuav tshwm tuaj, vim nyob rau hauv txhua tus tib neeg yeej muaj ib txoj kev nco tsev heev – txoj kev ntshaw tau ua neej nyob rau hauv ntuj ceebtsheej –yog peb lub zos tiag tiag. 

Hnub no, yog hnub 29/10/2022, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Diane Pearson dhau ntawm Zaj kawm KOJ PUAS NCO KOJ LUB TSEV SAUM NTUJ CEEBTSHEEJ? 

“Peb paub hais tias peb lub cev zoo li lub tsev pheebsuab uas nyob hauv ntiajteb no thiab yog lub uas txawj puastsuaj, Vajtswv yuav ua ib lub tsev saum ntuj rau peb mus nyob, lub tsev uas nws ua ntawd yuav nyob mus ibtxhis. Nimno peb kub siab lug xav mus nyob lub tsev uas Vajtswv ua cia rau saum ntuj ceebtsheej lawm” (2 Kauleethaus 5:1-2). 

“Kuv yeej nco kuv lub tsev saum ntuj ceebtsheej heev!” – Kuv tus phooj ywg tab tom nyob rau hauv lub tsev tu neeg laus tab tom hais seev yees  li no. 

Zaum twg uas kuv nug nws, nws yeej teb kuv li ntawd. Nws xav tias nws tus kheej twb qaug zog heev rau lub cev sab nqaij tawv laus uas tab tom muaj mob no, thiab twb npaj txhij yuav hla mus rau ib lub neej tshiab zoo dua. Txoj kev tuag sab nqaij tawv ntawm cov ntseeg Vajtswv yuav coj mus muaj dua lwm lub cev tshiab, zoo tshaj nyob rau saum ntuj ceebtsheej, yog thaj chaw uas peb yuav tau nrog Tswv Yexus Khetos nyob ua ke mus ib txhis – yog peb tus cawmseej. 

Kuv twb hnov lawv hais tias peb txhua tus ib leeg nyias muaj nyias ib thaj chaw khoob lug nyob hauv peb lub siab tsuas yog Vajtswv tib leeg xwb thiaj txhawm tau puv thaj chaw ntawd. Thaj chaw no yeej yuav tsis muaj dabtsi txhawm tau mus txog rau thaum uas peb tau mus ntsib tus Tswv saum ntuj ib txhis. 

Kuv niam pog tau tag sim neej thaum nws muaj 88 xyoo. Nws nyob laus dua nws tus txiv 2 xyoos, tag nrho niam tej kwv tij viv ncaus thiab pog tej phooj ywg puav leej tuag tas lawm. Niam yog tus neeg kawg tab tom ua neej nyob rau hauv niam tiam. Niam pheej hais tias “Tej hnub koob tsheej, hnub yug thiab tej hnub nco txog puav leej nyuaj siab, vim tej no nws ua rau nco txog ntau yam tsis zoo vim nws ua rau nco txog cov neeg txheeb ze uas twb tuag mus lawm.” 

Tom qab uas niam tuag lawm, peb nrhiav pom niam phau ntawv sau cia txog tej chaw nyob, feem ntau cov npe sau rau hauv twb puav leej tau muab tua tas lawm, niam ua li ntawd qhia tawm niam lub siab mob.

Nyob rau hnub uas niam tuag, niam pw hauv lub chav ntxiv zog hauv tsev kho mob tom qab uas niam raug mob plawv. Niam xav kom hnub ntawd niam tau mus tsev; kuv kuj tos kws tshuaj yuav hu xov tooj tshaj xo tias niam tau tawm tsev tshuaj. Tiamsis pauv rau qhov ntawd, kuv txais tau xov tooj qhia paub tias niam twb tag sim neej lawm. 

Peb tsev neeg mus rau hauv tsev tshuaj thiab nyob ib ncig ntawm niam lub txaj. Tus kws kho mob nyob ib sab thaum niam tag sim neej tau tham rov qab rau peb txog tej lus kawg uas niam tau hais: “Kuv tus txiv nyuam qhuav tuag tau 2 xyoos dhau los. Kuv nyob ib leeg kho siab heev thiab qaug zog kawg. Kuv twb npaj txhij rov qab mus tsev lawm.” 

Txawm tsis hais kiag los, kuv niam pog yeej nco lub tsev saum ntuj ceebtsheej heev. 

Paulus tau hais li no txog peb lub tsev nyob saum ntuj ceebtsheej li no: 

“Peb paub hais tias peb lub cev zoo li lub tsev pheebsuab uas nyob hauv ntiajteb no thiab yog lub uas txawj puastsuaj, Vajtswv yuav ua ib lub tsev saum ntuj rau peb mus nyob, lub tsev uas nws ua ntawd yuav nyob mus ibtxhis. Nimno peb kub siab lug xav mus nyob lub tsev uas Vajtswv ua cia rau saum ntuj ceebtsheej lawm” (2 Kauleethaus 5:1-2). 

Thiab leej twg tau tseb lub noob cia siab ntawd rau hauv peb lub siab? Paulus teb: 

“Vajtswv yog tus uas tu peb cia tos hnub uas nws yuav muab lub cev tshiab rau peb. Thiab nws pub nws tus Ntsujplig rau peb. Qhov uas nws ua li ntawd twb yog ib qho tseemceeb uas qhia rau peb hais tias peb yeej yuav tau tej uas nws npaj tseg rau peb lawm.  Twb yog vim li ntawd peb thiaj muaj nplooj siab tawv qhawv tsis ntshai ib yam dabtsi li. Peb paub hais tias thaum peb tseem nyob hauv lub tsev pheebsuab no peb nyob deb peb tus Tswv Yexus lub tsev.  Thaum peb tseem ua neej nyob no txawm yog peb tsis porn nws los peb cia siab rau nws” (2 Kauleethaus 5:5-7). 

Vajtswv tau tseb lub noob nco txog lub tsev nyob saum ntuj ceebtsheej rau hauv peb. Peb yuav tsis muaj hnub tau txais tau txoj kev kaj siab tiag txog rau thaum uas peb txais tau txojsia ib txhis ntawm peb tus Tswv Yexus uas yog tus Cawm peb dim. 

Thov caw nrog kuv peb thov Vajtswv ua ke

Ua Vajtswv Koj tsaug tau pub rau kuv muaj lub neej nyob rau hauv ntiajteb no. thiab kuv ua Koj tsaug vim kuv paub tias kuv yeej tseem tshuav ib lub tsev zoo kawg nkaus tab tom tos kuv saum ntuj ceebtsheej. Kuv ntshaw kom tau mus rau lub tsev ntawd heev! Thov Vajtswv Koj pab kom kuv ua lub neej kom tsimnyog rau lub neej ib vuag dua no, kom thaum kawg tau los tsev  nrog Leej Txiv koj nyob ua ke hauv txoj kev zoo siab mus ib txhis. Kuv thov hauv Tswv Yexus Khetos lub npe. Amees.

Cov kwv tij, txoj kev ntshaw tau rov qab los mus rau lub tsev tiag saum ntuj ceebtsheej yeej tos ntsoov peb txhua tus. Tsuas yog thaum no xwb peb thiaj yuav tau zoo kawg nkaus thiab muaj kev txaus siab tiag. Tiamsis tej hnub uas tseem tshuav nyob rau hauv lub neej ib vuag dua no, kav tsij ua kom tag lub neej raws li Vajtswv txojlus, thiab ua raws li lub luag haujlwm uas Vajtswv tau cob rau peb. Kom txog thaum tau hu los mus tsev, peb yuav tsis muaj ib yam dab tsi yuav khuv xim. 

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj