Niam să ală ồng mò oh mi kòñ gơboh. Ală ồng mò oh mi gam ơm iat Bơta Hòi Dan Kòp Ngai hơđang gùng Oneway Radio gan dê oă cau git làm bơh Jơnau Yàng dê mơ neh cih lòi wơl ală bơta bơtê niam geh sơnđan la CBN Devotional Daily. Kơp kòñ ală ồng mò oh mi rơp dòp geh pràn pa tòm gùng lòt jat Yàng kòp ngai.

Tòm jơh kơnhai sơnam, cau mò pal lòt gan oă bơta bol glar gơs tu jơ geh sền ò sơp mơ lơh kơn jơ. Oă bau ur, cau mè pal kis tòm hiu nha ò ram, siơu bơta kòn gơboh mơ bơta kinh ngàm bau klau, cau lơh bèp dê. Mơya Jơnau Niam neh tus mơ tòm gơl ală broă. Jơnau song Yàng dê lài ngan lơh nền bơta krrơ màng cau me mò dê – bơta mơ bơh lài or bol khai òhềt kơ lôi sơ nơng tus. Dơ sơn ròp tòm rài kis, cau me mò git nền lah he di pal geh kòn gơboh, kimh sền dờng màng, tài bơh Yàng Jesu neh kòn gơboh mơ phi sa bơh bơh bol khai.

Ngai do, 08/03/2024,, kung la ngai làm bă tiah tòm dà lơgar ràng tơlik nus nhơn sền dơngf màng dê ală cau me mò, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl mò Dianne Neal Matthews bơh tơnggume: ALĂ CAU ÙR DI PAL NGAN GEH SỀN DỜNG MÀNG

‘Ơ cau la bau klau, kòñ gơboh tĕ di bau ùr mê dê, kung be Bơtau Krist neh kòñ gơboh di Hìu Jum Goh, mơ phi să tòm Kơnràñ bơh Hìu Jum Goh’ (Ephesô 5:25)

Bơh lài or, oă bơta lơh lòt niam sền cau mè mò la broă gơs geh bau klau dê, rài kis be loiw jat bau klau. Mơya, Jơnau Niam Yàng Jesu neh yò gơnoar broă bau ur dê dơngf màng ngan, ohềt geh bơh lài or. Digơlan Sră Goh tòm Ephesô 5 ò gơs bơta lơi pa is mơ bol he, mơya lơh nền lah dô cơnđòa dờng, dô cuộc cách mạng gơ wèt mơ cu me mò geh kơ no sră pơyoa ồng Pol dê tòm Hiu Jum Goh dơ sơn ròp. Nàng ràng tơlik bơta kòn gơboh gơ wèt mơ “bau ur” Yàng dê, Yàng Dong klas Jesu Krist neh chơt ala jơh ală cau loiw lòt jat Yàng. Jơ do, ồng Pol cih sră pơyoa jơh cau dòn Yàng lah bau klau pal kòn gơboh bau ur he gan dê nus mhơm phi sa be Yàng Jesu.

Ală cau ur sơn ròp geh sền sră pơ yoa ồng Pol dê digơlan beh kong bol glar ngan, ò gơs di pal ò gơs jơnau lơi đơs jơh. Digơlan bol khai pal kis bal mơ ală bau klau ò duh hôl, ò dô nus nhơm bal. Bulah bol khai geh bơtê pal dòp rò bơta gơlik gơs gùt dar he dê, nền lah Jơnau Yàng gơlơh bol khai in geh dơngf màng jat gùng dà lài or bol khai òhêt git tus. Bu;ah bau klau lơh jat jơnau Yàng mơ kòn gơboh bau ur he hala ò, gen tu jơ do ală cau ur duh rngòt kung git nền lah Yàng kòn bau klau kòn gơboh mơ sền gar bau ur be sa tòm he. Yàng kòn jơh bau ur geh kis tòm hiu nha kòn gơboh, bau klau ơn bơta kwơ màng bau ur dê hơđang.

Cau me mò loiw kung kơp kòn gơs cau gơp bơyô kòn gơboh jơh nus, git nđac sơngit mơ niam nus phi să tòm tài bơh bau ur he sơl? Oă bau ur jơ do gơlơh be kis tòm bơta tòm bau ò gơs bơta kòn gơboh. Dô êt cau pal kong bơta tòm bau tis mơ gùng dà Yàng dê, gơlơh bol khai in be kong cau lơh iơh, moat jrùng. Bulah bơta tòm bau gơlik be lơi, bol he kung git làm bơta kòn gơboh be tòm Ephesô tap 5. Hơ la bơta kòn gơboh Yàng Jesu d, Bơtau neh phi bơta kis Yàng dê tài bơh bol he tu bol he ò hềt đal git Yàng. Kơn ràn kong bol glar mơ tơm bơta tồi glài bol he in nàng bol he geh kis mơ Yàng Tòm Trồ sùm sùm. Tu mơ bol he pò nus nhơm dòp rò ală bơta Yàng Jesu ai pà, bol he nền ngan la ală cau me mò geh kòn gơboh.

Dan jà bol he dô nùs bal tòm bơta hòi dan:
Ưn ngài Yàng tài bơh Kơn ràn crơng gơs ală cau mò geh dơngf màng ring niam ngan. Ưn ngài Yàng tài bơh Kơn ràn neh lơh nền bơta kwơ màng ală cau mò dê mơ sùm sền gar yò đo ală cau ur kòn gơboh Yàng dê sùm jơh ală rài. Dan Yàng pơn jat ơm bal bơtơl pràn âlư cau ur lơi kung geh kòn gơboh mơ geh kin ngàm be gùng dà Yàng neh kòn gơboh jơh bol kòn. Kòn ai sơnđan Yàng Jesu Krist, hòi dan mơ Yàng Bèp. Amen.

Ơ ală ồng mò oh mi kòñ gơboh, ồng mò oh mi la kòn ur Yàng Tòm Trồ dê, geh Yàng crơng gơs jat tơnggu pa is. Ò dê mìng ngai Quốc tế Phụ nữ ngai do, kơp kòn cau ur ropw sùm geh king ngàm mơ kòn gơboh kòp ngai. Dan bơta kòn gơboh phi sa Yàng dê ropw bơtơl pràn mơ ai pràn cau me mò sùm geh ơm kơ mơ kis dô rài kis àng gơ crà, gơ crà sơn đan màng ryu Yàng dê kòp nă in git tus. Mơya sùm kah tus ồng mò oh mi la cau ur geh Yàng kòn gơboh.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.