Niam să ală ồng mò oh mi kòñ gơboh. Ală ồng mò oh mi gam ơm iat Bơta Hòi Dan Kòp Ngai hơđang gùng Oneway Radio gan dê oă cau git làm bơh Jơnau Yàng dê mơ neh cih lòi wơl ală bơta bơtê niam geh sơnđan la CBN Devotional Daily. Kơp kòñ ală ồng mò oh mi rơp dòp geh pràn pa tòm gùng lòt jat Yàng kòp ngai.

Cau ờs đơs bơh bơta gơn kơnòm be la dô bơta gơlơh niam, bềng bơta khat gơboh. Mơya rơp mbe lơi dilah ồng mò oh mi “kol jam” bơh să tòm bơta gơn kơnòm he dê? Oh mi duh nùs ir kơp gơn Yàng hơ wơl jơnau hòi jà he dê, tian gơs lơh roh bơta lơngai mơ hưh nùs tòm rài kis? Bañ sơrbac sơrbac, tai bơh Yàng gam prap gar oh mi tòm tiah lơngap lơngai, mơ Kơnràñ hơ lah Kơnràñ rơp ai nđac oh mi in bar dơ̆ rlau.
Ngai do, ngai 06/02/2024, Bơta Hòi Dan Kơp Ngai dan jà ală ồng mò oh mi bơtê bal Jơnau Yàng kơnòm dê bơta dong kơl mò Sarah Feltcher bơh tơnggumê KÒL JÀM MƠYA GAM GƠN KƠNÒM.

“Ơ ală cau ơm jàm gơs bơta gơn kơnòm, rê wơl tĕ hơ theng kơ̆ cê bol mê dê; ngai do Añ yal tơnggit lah Añ rơp rcang ai wơl mê in bàr dơ̆ rlau.” (Sacari 9:12)

Ơm diđap mút tơm sơnăm pa, digơlan tòm bol he kung gơlơh bềng bơta gơn kơnòm. Hơ̆ la tŭ bol he sền wơl rài yau mơ wet tus rai tơnơ̆, kah wơl ală tiah bol he kòñ lòt tus. Mơya digul ală bơta jigloh tơhir ntoat hơđap hơ̆, rơp mbe lơi dilah oh mi gơlơh he pal cang ơm mŏ, kơ̆ tơm tiah mơ cau gơnoăr hwơr Sacari hoi là “theng kơ̆ cê”?
“Ơ ală cau ơm jàm gơs bơta gơn kơnòm, rê wơl tĕ hơ theng kơ̆ cê bol mê dê; ngai do Añ yal tơnggit lah Añ rơp rcang ai wơl mê in bàr dơ̆ rlau.” (Sacari 9:12)

Gơs dơ̆ bol he sơrbac sơrbăng ir ntoat hơđap – ntoat jat ală bơta sơrlet rlau mơ pràn he, rlau mơ bơta kơlôi sơnưng mơ tơnggu Yàng ai bol he in.

Jơnau Yàng tòm Sacari neh bơ tus dê nùs añ, tŭ añ dôh nùs ir kòñ joi bơta dong klàs, sơmbơi mơ bơtao wơl sătòm he in kung be ală cau kòñ gơboh. Ngai do tus ngai nê, añ dan Yàng mhăr tơmgơl wil tơl bơta gơlik gơs añ dê mơ lơh gơlik ngăn ală jơnau hơ Kơnràñ dê.

Ală bơta nisơna ang loh – añ wơng tòm rai kis, gơs ală tŭ lơmpah,bơta gơlik gơs mơ pah rài cang bol he pal bơtê ơm bơdơh mơ hưh nùs, bulah gam gơs pal ntao didap ală bơta gơlik gơs mơ nùs nhơm ơm lơngai, lơi ơm mơya gam prăp kơ̆ bơta gơn kơnòm bulah sư tòm gam gơs ơm jam.

Añ dòn lah gơs tŭ Yàng prăp gar bol he tòm theng kơ̆ cê, tòm tŭ bơdih nê bơta gơn kơnòm gam lơh broă găn dê ală jơnau rac dan, hòi dan bol he dê, bulah bol he sền gŏ hala ò. Mơ añ git ưnngai bơh Jơnau Yàng gar nên lah theng kơ̆ cê do la dô nơm tiah lơngap lơngai – tiah pràp gar bol he ring lơngai jơl tus dê tŭ bơta gơn kơnòm wil tơl geh ràng tơlik, lăm bol he tus tiah bơtao wơl.

Sèng Sră Goh do bơtao wơl bơta gơn kơnòm tòm rài kis bol he mơ jơnau hơ nền cê lah Yàng rơp bơtao wơl bàr dơ̆ rlau ală bơta bol he neh roh.

Tờm năm pa do, kơp kòñ lah jơh tơl nă pal prăp kơ̆ bơta gơn kơnòm mơ bol he neh yăl tơlik, nang bơta gơn kơnòm kơ̆ prăp gar bol he sùm ring lơngai jơl tus dê tŭ bơta bơtao wơl wil tơl geh lơh sir tòm rài kis bol he dê; bơh Bơtau neh hơ mơ bol he la Yàng Tòm Trồ don song!

Dan jà bol he dô nùs bal tòm bơta hòi dan:
Ơ Yàng, gơs dơ̆ kòn dôh nus ir mơ sơrbac sơrbăng lơh ală bơta he kơp kòñ. Dan Yàng dong kòn sùm git hòi lup mơ kơp gơn nùs kòñ Kơnràñ dê. Ưnngai Yàng neh sùm prăp gar kòn tòm theng kơ̆ cê ring lơngai Kơnràñ dê. Kòn dòn mơ kơp gơn tŭ jơ mơ Kơnràñ lơh bơta rơndap pơnjat Kơnràñ dê hơđang rài kis kòn dê. Kòn ai sơnđan Yàng Jesus Krist hòi dan mơ Yàng Bèp, Amen.

Ơ ală ồng mò oh mi kòñ gơboh, oh mi găm gơs lơh roh bơta ring lơngai tom tŭ dôh nùs lơh sir ală bơta rơndap să tòm he dê? Kơp kòñ lah tòm sơnăm pa dô, oh mi rơp dơp git nùs kòñ Yàng tòm kơp tŭ lơmpah, nang rgơi kis hưh nùs tòm ală bơta gơlik gơs, mơ bơta gơn kơnòm kơ̆ cê tơm jơnau hơ Yàng dê, lah Kơnràñ sùm ơm digah bol he mơ ai bol he in bơta lơngai bar dơ̆ rlau.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.