Niam să ală ồng mò oh mi kòñ gơboh. Ală ồng mò oh mi gam ơm iat Bơta Hòi Dan Kòp Ngai hơđang gùng Oneway Radio gan dê oă cau git làm bơh Jơnau Yàng dê mơ neh cih lòi wơl ală bơta bơtê niam geh sơnđan la CBN Devotional Daily. Kơp kòñ ală ồng mò oh mi rơp dòp geh pràn pa tòm gùng lòt jat Yàng kòp ngai

Tùc tăm là broă jŏ jòng, koñ oă tŭ jơ mờ bơta pràn, bơh tŭ bơ cah ù tus dê tŭ geh twès. Cau lơh suơ̆n păl kong ơt kơ̆ dơn nàng dòp rọ mìu tuh lơh mrềt dê ƀlàng sre, bơh hơ̆ ală chi dêt gơ hòn sơn ndồi, gớs bơ kào mờ plai mờ lơh gớs phăn màng gớs kwơ. Kung bè hơ̆, kòn Yàng dê kung păl jơh nùs dòn bơr mờ dòp rọ Yàng ơm mờ he, nàng Kơnràñ tòm gơl bol he bơh tiah răñ rơ sơh gơlik gớs tơ lir mờ kwơ màng tòm hìu Kơnràñ.

Ngai do, ngai 10/11/2022, Bơta Hòi Dan Kòp Ngai, dăn jà ông mò oh mi bơtê bal jơnau Yàng băl mờ cau cih sră Ken Barnes  bơh tơng gu me PHAN MÀNG Ù DÊ.

“Ơ oh mi, behơ̆ tàng kong ơt tĕ jơl tus dê tŭ Yàng tus. Sền tĕ, cau lơh sre kơp gơn cồng nha kas màng bơh tòm ù, mơ gơs nùs kong ơt jơl tus di tŭ lơi tus mìu bồ sơnam mơ lồi sơnam.” (Jakơ 5:7)

añ ò di là cau lơh suơ̆n, kŭng ò lik bơh hìu nha cau lơh suơ̆n. Mờ ya añ neh sa ala plai chi ò dum mờ sa plai găm kơ nòm- jơh bàr nơm plai hơ̆ là bơ tang mờ kră. Hơ̆ ngăn là bơta mờ Jakơ đớs bơh bơta yal kơp gơn phăn màng ù dê, “phăn mang” ồng đớs tềng do ò di là plai đo mờ là kòn mơ nus. 

“Ơ oh mi, behơ̆ tàng kong ơt tĕ jơl tus dê tŭ Yàng tus. Sền tĕ, cau lơh sre kơp gơn cồng nha kas màng bơh tòm ù, mơ gơs nùs kong ơt jơl tus di tŭ lơi tus mìu bồ sơnam mơ lồi sơnam.” (Jakơ 5:7)

Mìu bồ sơnam  lơh ala gar gơ lik sơn dồi. Ala gar ñiam mờng òs là kra kơl dăng mờ koñ geh dà oă ngăn. Kung bè hơ̆, laì mờ tŭ Yàng Je-su tus, kòn mơ nùs gớs nùs nhơm kră kơl dăng, păl càng koñ geh tòm gơl nàng gơlik lơ bơn niam.

tơ nơ̆ mờ gar gơ lik sơn dồi, gar păl càng geh tuh oă dà nàng rgơi dờng pràn kơl dang. Kung jat bè hơ̆, ala cau pờ nùs nàng dòn Yàng Je-su là Bơtau Dŏng Klàs rài kis he dê rơp geh bơ tơl dờng tai. Mìu lồi sơnam hơ̆ là gớs Yàng ơm băl mờ bol he.

“Ơ làng bol Siôn, hòn chò mơ chò hòp tĕ tòm Jehôwa Yàng Tom Trồ bol mê dê;bơh Kơnràñ neh ai bol mê in mìu gòñ bồ sơnam bol mê in,

Kơnràñ tuh mìu lìu làc bol mê in, mìu bồ sơnam mơ lồi sơnam, jat bơta kơ̆ dơn Kơnràñ dê, tơndùh bol mê in be lài.” (Jôel 2:23)

Gen tàng, Yàng đớs mờ bol he păl kơ̆ dơn mờ jơh nùs dòp rọ bơta gŏ mat crih crài Kơnràñ dê, bơh Kơnràñ song ring neh ai bol he in bơ ta hơ̆.

dơ̆ dŭt bol he gớs chò hòp tòm bơta gŏ mat Yàng dê là tŭ lơi? Di gơlan là pa do, mơ ya kung di gơlan là neh jŏ jòng, bè là dơ̆ dut bol he um tòm mìu tŭ he găm dềt. Yàng Tòm Trồ song ring pà ai mìu, kung bè bơta gŏ mat Kơnràñ dê, kòp tŭ lơi. ò di bè cau lơh sươ̆n păl sền yăl lài bơh mìu mờ kơp gơn mìu tuh lơh mrềt dê ala ƀlàng sre, bol he mờ añ mìng ơm mờ hòi dăn lơm.

“Cau lơi git sơnđan Kơnràñ gen dòn kơnòm di Kơnràñ, Ơ Yàng Jehôwa, bơh Kơnràñ ò sang lòi cau lơi jòi jat Kơnràñ.” (Đơs crih 9:10)

“Klìu triă brồ dam gơkòl siơ̆u mơ kong jơgloh,

Mơya cau lơi jòi jat Yàng Jehôwa gen rơp ò siơ̆u phan niam lơi.” (Đơs crih 34:10)

Yàng Tòm Trô koñ gơboh pà ai bol he in jòi bơta gŏ măt Kơnràñ. Bơ hơ̆, Kơnràñ rơp mhăr hơ wơl. bơta koñ đớs tềng do là ò di là kòp tŭ bol he kung chài rgơi dòp rọ. Tềl sơn ñio là, gớs dồ nă cau rañ rơn sơh ngăn koñ geh mìu đah hwềng, mơ ya bol khai sùm rañ rơn sơh mờ ò geh tuh lơh mrềt. ñchi bơh tài bè hơ̆? ò di là Yàng ò dòp rọ jơnau dăn bol khai dê mờ là bơh bol khai păl lơh tơl ala bơta păl gớs bol khai rơp geh dòp. Mờ bơta păl gớs là: Til té kơn chá.

Tồi glài mờ bơta ò geh toh glài kung bè kơn chá ndau tòm mìu. Hơ̆ là bơta lơh oă cau di gùl cau dòn gớs bơta wă ò di. Tŭ gớs bơta jê sồt, bol khai jòi Yàng nàng geh sơm bời mờ lơh pa, mờ ya ò rgơi sền gŏ bơta prap gàr să tòm lơh kal ke mờ bơta bol khai jòi. oă cau kơ lôi lah toh glài hơ̆ là dồ bơta kơlôi lơm, mờ ya ò dì bè hơ̆. Tòm Sră Goh, toh glài, hơ̆ là dồ bơta sac rwah. đớs tòm toh, toh glài là dồ broă lơh jat bơta kơñ kòp nă. ò gớs cau “gơ lơh” koñ toh glài. hơ̆ là bơta prap gàr să- pờ kơn chá nàng prap gàr nùs he. Mơ ya tŭ toh glài dê ala cau lơh tìs mơ he, bơh Yàng Je-su hòi jạ bol he păl lơh bè hơ̆, gen kơn chá rơp geh tơ mù mờ mìu Yàng Tòm Trồ rơp sơm bời, lơh sir ala bơta bơ cah tòm bol he.

ò dòn bơr là bơta kup kơr yăn ndai bơta gŏ mat Yàng Tòm Trồ dê. Bè rgơi Yàng pà ai tề lăm dơ̆ bàr bol he in tŭ bol he sùm dồ pleh hala ò lơh jat bơta tề lăm dơ dùl? Yàng ò prap mìu Kơnràñ dê- Bơta lơh sơ lồng sơ làng mờ jòng să bol he dê là bơta lah bol he rañ rơ sơh.

“Dilah bol mê gơs nùs kòñ dòn bơr, bol mê rơp geh sa plai đo niam ù tiah dê.” (Ê-sai 1:19)

Bol he rơ gơi đớs: “ Di lah boh he gơs nùs kòñ dòn bơr, bol he rơp geh dòp mìu lồi sơnam mrềt lơh ù tiah geh bơkah.” Mơ ya păl kah là bol he păl gớs bàr pơnah: nùs kơñ mờ dờn bơr! Kòn dơn bơr bơta bơtê mè bèp là dô broă, mờ ya bol khai gớs nùs kòñ bơta hơ̆ ò, hala lơh bơh nùs sơ êt sơ ềl, là ồ broa is tai!

Yàng Tòm Trồ bè cau lơh suơn geh jơh gơ noăr, Kơnràñ sền gàr plai đo hơ đang ù, tơn tuh mìu bồ sơnam mờ lôì sơnam, cèng tus bơta gơn kơ nơm plai đo geh cồng nha kòn mơ nus in. Mơ ya Kơnràñ kung hòi jà bol he păl sền gar is ƀlàng sre rài kis bol he dê.   

“Sih tĕ să tòm bol mê in bơta song ring, toès tĕ bơta kòñ gơboh kơ̆ dơn, lơòr tĕ ù tiah pa; Bơh tŭ do la tŭ tơngai jòi jat Yàng Jehôwa, jơl tus di tŭ Kơnràñ tus, mơ tuh mìu bơta song ring hơđang bol mê.(Ô-sê 10:12)

Dan jà bol he dô nùs bal tòm bơta hòi dan:

ơ Yàng, dăn dŏng kòn til jơh ala kơn chá kơr yăn kòn krăm tòm mìu lơ ngai Kơnràn dê. Dăn Yàng tah sang jơh bơta sràt bơtang, kra kơldăng tòm kòn, nàng kòn geh nùs nhơm lơbơn ñiam mờ nùs kòñ dòn bơr, mờ lồi dut kòn gơlik gớs phăn màng ù dê tòm plàng tê sền gar Kơnràñ. Kòn hoì dăn, tòm sơn đăn Yàng Je-su Krist, Amen.

ơ ala ồng mọ, oh mi koñ gơboh, bol he mờ añ là phan màng ù dê. Kơp koñ bol he rơp geh nùs koñ mờ dòn bơr, jơh nùs jat bơta tề lăm Yàng dê, nàng ò tŭ lơi gơ lòt găn gơi bulah hơ̆ là dùl từch dà mìu bềng lìu bơta gŏ mat Kơnràñ dê. Mờ bơh hơ̆. bol he rơ gơi gơlik gớs phăn màng bơkah lơ ngồt ơn Bèp Đăng TrỒ in.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.