Nyob hauv lub neej txhua hnub, peb yeej ib txwm swm txhua yam uas nyob ib ncig peb, thiab xav tias peb yeej yuav daws tau, tswj tau tej teeb meem ntawd. Tiamsis thaum cuab daj cua dub los raug tamsim, peb ho pom tias peb me kawg nkaus, tib neeg lub zog yeej piv tsis tau rau tej nag huab nag cua. Tiamsis yog ib tug nrog tus Tswv mus, peb txais tau cov lus cog tseg tias peb muaj cuab kav tiv dhau tej nthwv cua zoo li ntawd.

Hnub no, yog hnub 25/09/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Kathy Schultz dhau ntawm Zaj kawm CUA DAJ CUA DUB HAUV LUB NEEJ.

“Koj yog kuv lub chaw nkaum, koj yuav cawm kuv kom dim ntawm txojkev puastsuaj. Kuv yuav hu nkauj nrov nrov qhuas koj txojkev cawm dim, rau qhov koj yog tus tsomkwm kuv.” (Ntawv Nkauj 32:7)

Thaum kuv zaum saib tej xov xwm hais txog nthwv cua nyuam qhuav ntsawj dhau, kuv pom tias cov neeg ib ncig ruaug nyhav heev. Kuv ua kua muag ntws zig thaum xav txog tej neeg poob txhua yam. Kuv zaum saib ib tug niam tsev nyob saum tivi nrog lub suab ncia: “Kuv yuav tau mus pab kuv tej zej zog”. Nws tabtom nyob hauv nws lub tsev uas pob tas.

Muaj ntau tus neeg nyob rau hauv cheeb tsam uas muaj cua ntsawj dhau lawv tau ua Vajtswv tsaug vim lawv tseem muaj sia nyob. Muaj ib tug pog laus muaj 81 xyoos nws ib leeg tiv dhau nthwv cua thiab pog tsis paub yuav mus rau qhov twg. Tag nrho tej neeg ib ncig ntawm pog lawv twb khiav tas lawm. Pog hnov pog lub tsev yoj yees tiamsis pog yeej tseem tso siab. Pog yeej tsis paub tias pog tej neeg zej zog ntau lub tsev cua twb ntsawj pob tas lawm.

Tus Xibhwb nyob ntawm kuv tus phooj ywg Pawg Ntseeg nws pom tias lub tej uas cuaj daj cua dub ua puas yeej ntau heev. Xibhwb nqua hu kom sawv daws sib pab cov pejxeem nyob rau hauv peb zaug uas pehawm Vajtswv. Thiab muaj ntau lub koom huam tau nqes tes pab nyiaj txiag ntau yam.

Qhov uas yuav pab ib tug neeg twg ntawd lub neej yog ib yam uas tsimnyog yuav tau ua. Qhov no ua rau kuv xav txog qhov tseem ceeb ntawm txoj kev ntseeg, muaj lub neej tso rau saum lub pob zeb ruaj khov uas yog Tswv Yexus. Tsuas yog Tswv Yexus tib leeg xwb thiaj pub kev kaj siab rau txhua tus thaum ntsib cua daj cua dub hauv lub neej. Ntawm qhov chaw peb nyob, peb kuj ntsib nthwv cua ntsawj dhau tsis loj pes tsawg. Tiamsis muaj lwm cheeb tsam txawm yog nyob deb los dej yeej nyab tas txhua qhov. Txawm yog kev puas tsuaj sib txawv los, tag nrho peb puav leej qhuas Vajtswv rau qhov Vajtswv tiv thiab cawm peb.

Nthwv cua ntsawj dhau ua rau puas tsuaj ntau yam. Vaj tsev mam rov qab ua tau, ris tsho hnav, zaub mov noj mam mus nrhiav lo tiamsis yog tib neeg tuag lawm ces yuav ua tsis tau.

Thaum ntsib qhov tseeb no, kuv tau ceeb toom tias yam dabtsi thiaj tseem ceeb nyob rau hauv lub neej no. Tseeb tiag ntawd yog tib neeg tus ntsujplig. Twb yog vim li no, peb yuav tau tseg ntau lub sijhawm los pab kom lawv ntseeg Vajtswv thiab txuas ntxiv, yog pab lawv yam uas lawv cheem tsum ntawm sab nqaij tawv thaum uas peb ua tau.

Yog peb ib leeg pab ib leeg thiaj muaj kev ntseeg khov kho ntawm Vajtswv, peb yuav tiv dhau txhua nthwv cua hauv lub neej. Tej zaug yuav yog kev sim siab txhua hnub lossis ib nthwv cua twg ntawd hauv lub neej tab tom ntsawj dhau ntawm peb.

Tus neeg tshaj xo txog tej fuab cua nws siv zog ceeb toom sawv daws txog tej kev phomsij uas yuav los raug rau lawv lub zej zog, tiamsis tsis yog tias thaum twg lawv twb paub ua ntej. Muaj ntau nthwv cua yuav los thaum uas koj tsis npaj tos. Qhov no kuj ua rau kuv nco txog peb tus yeebncuab uas yog dabntxwsnyoog. Nws yuav tua peb thaum uas peb tsis ceev faj. Peb yuav tau ceev faj thiab pheeb rau ntawm Vajtswv. Vim Vajtswv yog tus tuav peb lub neej tom ntej.

Tsis yog thaum twg peb twb npaj txhij rau txhua nthwv cua daj cua dub, tiamsis peb yuav tau muaj kev ntseeg rau Vajtswv txhua hnub. Peb tuaj yeem kaj siab rau txhua nthwv cua daj cua dub tshwm tuaj hauv lub neej lossis thaum yeebncuab tua tuaj. Tswv Yexus yog tus cawm peb, tus txhiv koj thiab yog lub qhov chaw siab.

Tswv Yexus hais rau cua tias: “Cia li tus”. Cia siab tias peb kuj yuav siv lub hwjchim uas peb muaj hauv Tswv Yexus los hais rau tej cua daj cua dub hauv peb lub neej ib yam li ntawd.

Thov caw nrog kuv peb thov Vajtswv ua ke:
Tus Tswv, Kuv ua koj tsaug vim Koj yog tus tuav kuv lub neej thiab lub neej tom ntej. Kuv ua koj tsaug vim Koj yog kuv lub qhov chaw nkaum thiab yog kuv daim thaiv hauv siab hauv lub kuv lub neej, yog qhov chaw nkaum tso siab. Kuv ua Koj tsaug txawm yog cua daj cua dub lossis yeebncuab kev ua tsov rog yuav loj npaum twg los tej ntawd yeej tsis loj tshaj peb tus Vajtswv. Ua Vajtswv tsaug rau koj txoj kev kaj siab uas koj pub. Thov Vajtswv coj kuv kev txhua hnub, qhia koj txoj kev rau kuv, kom kuv pheeb rau ntawm koj ib leeg. Thov Vajtswv koj siv kuv kom coj tau ntau tug uas tab tom nyob hauv nthwv cua nrhiav tau kev so tseeb hauv koj. Kuv thov hauv Tswv Yexus Khetos lub npe. Amees.

Cov kwv tij txhua tus, cia siab tias Vajtswv txojlus yuav ntxiv kev ntseeg thiab pab kom koj tso siab hauv Leej Txiv txoj kev tswjhwm. Rau qhov yeej tsis muaj ib yam twg uas peb ntsib nws yuav nyob sab nraum Vajtswv txoj kev tiv thaiv li. Cia siab tias thaum koj tau txhawb zog thiab tiv dhau nthwv cua twg ntawd, Vajtswv yuav pub kom koj muaj siab tawv qhia tej lus tim khawv ntawd pub rau cov neeg uas ntsib ib yam li koj. Peb tau txhawb zog kom dhau los ua tus neeg txhawb lwm tus zog. Thov Vajtswv siv peb qhia txoj kev hlub, kev cawm dim, thiab Nws txoj kev kaj siab rau sawv daws.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.