Saib xov xwm txhua hnub, koj yeej paub txog tej xov xwm tshaj xo txog lub ntiajteb no tsis tiaj tus, thiab lub ntiajteb peb nyob niaj hnub nim no yim hnub yim raug kev txomnyem. Tej no yog tej uas ntuas koj txog hnub uas Tswv Yexus yuav rov qab los tsis ntev lawm. Yog ib tug ntseeg Vajtswv, koj puas tau npaj txhij rau hnub tseem ceeb ntawd?

Hnub no, yog hnub 01/10/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Paul J. Palma dhau ntawm Zaj kawm NPAJ TOS VAJTSWV HNUB.

“Thaum muaj neeg mus qhia Txojmoo Zoo uas hais txog Ntuj Ceebtsheej mus thoob qab ntuj thiab ua timkhawv rau txhua haivneeg paub lawm, ces thaum ntawd twb yuav txog lub sijhawm kawg.” (Mathais 24:14)

“Nej saib tsob txiv ncuavpias qhia li cas. Thaum nws tej ceg rov ntsuab thiab pib hlav nplooj mos nyoos, nej paub hais tias twb yuav txog lub caij ntuj nag. Ib yam nkaus li ntawd, thaum nej porn tej ntawd, nej yuav paub hais tias nws twb los ze ntawd qhovrooj lawm. Kuv qhia tseeb rau nej hais tias thaum cov neeg tiam no tseem tuag tsis taus tas, twb xub muaj tej ntawd lawm. Lub ntuj thiab lub ntiajteb yuav ploj mus, tiamsis kuv tej lus yuav tsis muaj ib los poob li (Mathais 24:32-35).

Tsob txiv ncuavpias yog ib hom txiv noj tiamsis nws yuav tiv dhau ntau lub caij hloov pauv. Xws li nws yuav zeeg nplooj, hloov nplooj txhua xyoo. Thaum xaus lub caij nplooj zeeg thiab pib caij ntuj no, cov nplooj ntawm tsob txiv no pib daj thiab zeeg rau hauv av. Thaum txog caij ntuj tshiab tuaj, tej nplooj yuav rov qab hlav tuaj. Thaum txog ntuj sov, ces nws yuav pib txi txiv tej kheej kheej liab doog xiav. Txiv ncuav pias nyob rau sab qaum teb nws yuav txi txiv rau lub caij ntuj sov thiab pib ntuj nplooj zeeg. Hom txiv no pab tau ntau yam, muab coj los tsim tau ntau yam khoom noj sib txawv – xws li noj nyoos, muab qha qhuav, ua ncuav, thiab siv ua ntau yam khoom noj sai. Thiab thaum lub caij nplooj ntoo zeeg xaus, tsob txiv yuav zeeg nplooj, thiab tsob txiv no yuav hloov pauv mus mus los los li ntawd.

Nyob hauv Mathais 24, Tswv Yexus siv daim duab txog tsob ntoo no zoo li ib lub cim. Yog tias tsob ntoo pib txi txiv, yog lub cim qhia rau peb paub tias lub caij ntuj sov tab tom los yuav txog, ces kuj ib yam li ntawd, qhov uasTswv Yexus yuav rov qab los kuj muaj tej lub cim qhia paub ua ntej. Txawm hnub thiab lub sijhawm tsis muaj leej twg paub los ( nqe 36), Tswv Yexus ntuas kom cov ntseeg yuav tau ceev faj thiab sawv khov kho. Ua ntej Tswv Yexus yuav rov qab los, yuav muaj kev tsov rog, tshaib nqhis, av qeeg, tsim txom, Yexus cuav, xibhwb cuav yuav muaj ntau (Nqe 7,9-11,24). Cov ntseeg nyob rau tiam no yeej tos ntsoov kom txog hnub ntawd. Tag nrho peb yuav tau npaj kom txhij los tiv tej kev sim siab ntawd, tiv thaiv nej tus kheej thiab lwm tus kom tsis txhob mus yuav kev.

Tiamsis, mus nrog Tswv Yexus cov lus ceeb toom ces yog tej lus txhawb zog. Txawm yog lub ntiajteb no yuav ntsib ntau qhov xwm txheej, kev hloov pauv li cas los, Tswv Yexus tej lus cev thiab lus cog tseg yuav “tsis muaj hnub dhau” (nqe 35). Tswv Yexus cov lus nyob mus ib txhis, thiab Vajtswv tus cwjpwm nyob mus ib txhis thiab tsis hloov pauv. Tus uas peb tab tom tos ces yog Vajtswv- tus uas tuav tag nrho tib neeg ntiajteb li keeb kwm. Txhua lub hwjchim saum ntuj, hauv ntiajteb, nruab tim txwv, ib hnub tom ntej yuav txhos caug pe Tswv Yexus lub npe (Philipis 2:10). Vajtswv txojlus txhawb peb txhua tus yuav tau maj nroos ua kom tiav yus txoj haujlwm hauv ntiajteb. Tswv Yexus tseem qhia paub txog ib lub cim ntxiv tias lub sijhawm kawg yuav muaj, ntawd yog Txojmoo Zoo tau qhia mus thoob plaws txhua qhov:

“Thaum muaj neeg mus qhia Txojmoo Zoo uas hais txog Ntuj Ceebtsheej mus thoob qab ntuj thiab ua timkhawv rau txhua haivneeg paub lawm, ces thaum ntawd twb yuav txog lub sijhawm kawg (Mathais 24:14).

Txoj kev uas Tswv Yexus siv tsob txiv ncuav pias los ua piv txwv tseem tseem ceeb heev thaum uas tib neeg pib mus tshawb nrhiav txog tsob txiv ncuav pias, tshwj xeeb txog lub caij sau txiv, thiab nws lub caij hloov pauv. Txhua lub cim hauv txhua tiam, kuj zoo ib yam li tsob txiv ncuav pias, puav leej qhia rau peb paub tias txhua yam yuav dhau mus. Tiamsis yog ib tug ntseeg Yexus Khetos, peb ntsib tej lub caijnyoog hloov pauv li ntawd. Tiamsis peb ntseeg tias Vajtswv txojlus yeej tseem yog tus duab teeb ci coj peb kev.

Thov caw nrog kuv peb thov Vajtswv ua ke:
Tus Tswv, lub ntiajteb peb nyob tseem puv npo tej kev tu siab thiab puas tsuaj. Thaum tej cim qhia rau peb paub txog hnub Tswv Yexus rov qab los yim hnub yim meej, thov Vajtswv pab kom kuv ntseeg koj txoj kev hlub tsis hloov pauv thiab ua lub neej tsim dheev txhua hnub, paub hlub thiab mob siab rau cov ntsujplig uas tsis tau ntseeg koj. Kuv thov hauv Tswv Yexus Khetos lub npe. Amees.

Cov kwv tij, kev tsov rog, dej nyab, kab mob, nrog rau tej kev hloov pauv hauv txhua lub tebchaws uas peb nyob niaj hnub nim no puas yuav pab kom koj ua lub neej ceev faj thiab tos tus Tswv hnub? Nco ntsoov ceev koj nyob hauv txoj kev hlub Vajtswv thiab thov Vajtswv pab kom koj txais yuav lub hwjchim Txojmoo Zoo rau lub sijhawm muaj kev txomnyem no.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.