Kev pehawm Vajtswv yog thiab haum Vajtswv siab tsis yog tsuas hais txog tej kev pehawm uas muaj suab nkauj suab ntsuag thiab tib neeg lub siab xwb, tiamsis tseem yog tej kev cog lus yuav mloog Vajtswv lus thiab vam khom Vajtswv tagnrho. Mloog Vajtswv lus vam khom Vajtswv tagnrho tsis yog tsuas pab kom peb lub neej tau hloov pauv xwb tiamsis tseem yog ua qauv zoo rau coob tug thiab.

Hnub no, yog hnub 04/10/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Jessica Teed dhau ntawm Zaj kawm MLOOG VAJTSWV TAGNRHO.

“Cov kwv tij Vajtswv hlub peb kawg nkaus li yog li ntawd kuv thiaj ntuas nej hais tias thaum nej tseem ua neej nyob no, nej yuav tsum muab nej lub cev fij rau Vajtswv kom dawbhuv thiab haum Vajtswv siab. Yog nej ua li ntawd, thiaj yog nej pehawm Vajtswv raws li Vajtswv siab nyiam.” (Loos 12:1)

Nrog tus Tswv mus tsis yog ib yam uas yooj yim vim peb yuav tsum tau tso yus tus kheej tseg, thiab xaiv ua raws li Vajtswv txoj kev thiab Vajtswv lub siab nyiam nrog Vajtswv lub homphiaj. Loos 12 tseem qhia rau peb paub tias nrog tus Tswv mus, peb yuav tau muab peb lub cev, lub hlwb rau Vajtswv. Vajtswv xav kom txhua yam ntawm peb yuav tau mloog Vajtswv, tsis yog tsuas yog lub cev xwb, tiamsis tseem yog peb tus ntsujplig thiab.

“Cov kwv tij Vajtswv hlub peb kawg nkaus li yog li ntawd kuv thiaj ntuas nej hais tias thaum nej tseem ua neej nyob no, nej yuav tsum muab nej lub cev fij rau Vajtswv kom dawbhuv thiab haum Vajtswv siab. Yog nej ua li ntawd, thiaj yog nej pehawm Vajtswv raws li Vajtswv siab nyiam. Nej tsis txhob ua nej lub neej zoo li tej neeg ntiajteb ua, tiamsis nej yuav tsum cia Vajtswv hloov nej lub siab kom nej muaj lub siab tshiab. Nej thiaj yuav paub ua raws li Vajtswv lub siab nyiam. Yog nej ua li ntawd, nej thiaj paub ua qhov zoo, ua haum Vajtswv siab thiab paub ua zoo kawg nkaus (Loos 12:1-2).

Mloog Vajtswv lus yog ib qhov haujlwm ntawm kev pehawm Vajtswv. Tsuas yog dhau ntawm txoj kev mloog Vajtswv lus xwb peb thiaj yuav ua tau raws li tej uas Loos 12 qhia txog tus ntseeg Yexus Khetos lub neej. Los ntawm tus kheej lub zog, peb yeej yuav ua tsis tau lub neej pub rau Vajtswv lossis ua tsis tau Vajtswv haujlwm kom txi txiv zoo rau tej koob hmoov uas Vajtswv muab rau peb. Thaum peb zoo siab hlo mloog Vajtswv lus, peb yuav nrhiav pom kev ywj pheej nyob hauv Nws, yog yam uas peb yeej ib txwm tsis tau saj dhau dua yav dhau los. Ntawm no yog qhov tseeb, Pawg Ntseeg yog Yexus Khetos lub cev, yuav tsis txi txiv zoo yog tias muaj ib feem twg tsis mloog Vajtswv lus.

Muaj ib hnub, thaum tseem pe hawm Vajtswv hnub so, kuv tau Vajtswv tshoov siab kom yuav tau txhos caug. Thaum pib, kuv muaj ntsis txhawj vim tsis paub lwm tus yuav xav li cas rau kuv. Tiamsis kuv paub kuv yuav tau mloog Vajtswv lus thiab pehawm Vajtswv los ntawm kuv lub hauv caug.

Kuv xav twj ywm tias, “Ntawm no yog zaj nkauj kawg lawm, yuav tau sau khoom mus, ntshai lawv yuav tsis pom kuv.” Thaum suab taub nrov kuv pib txhos caug, kuv qi qhov muag. Kuv hu nkauj qhuas Vajtswv yam li tsis muaj neeg nyob ntawd. Tsuas muaj kuv thiab Vajtswv xwb. Thaum zaj nkauj xaus, nyob rau lub sijhawm ntawd, kuv txhos caug, kua muag ntws si, tsis xav kom lub sijhawm no dhau mus. Thaum kawg kuv kuj qhib qhov muag, ntsia pom ntau tus kwv tij lawv yeej tseem sawv ntawd, nyob pem toj tos kuv.

Thaum lawv pom kuv txhos caug pehawm Vajtswv, sawv daws nrog kuv pehawm Vajtswv ua ke nrog txoj kev qab zib ntawd. Muaj ib txhia kwv tij txhos caug nrog kuv ua ke tsa peb txhais tes, kuj muaj ib txhia lawv pehawm los ntawm ua tes ua taw. Tiamsis feem ntau cov neeg los cuag kuv lawv puav leej hais rau kuv nrog lub kua muag tias tau ntev los lawm lawv tsis pehawm Vajtswv li no lawm, lawv ua kuv tsaug qhov uas kuv mloog Vajtswv lus. Ntawm no yog ib qhov ntsib dhau zoo kawg nkaus, yog yam uas kuv tsis hnov qab. Thaum peb mloog Vajtswv lus. Vajtswv yuav ua haujlwm dhau ntawm peb, coj yam muaj nqis los rau peb thiab rau lwm tus.

Thov caw nrog kuv peb thov Vajtswv ua ke:
Tus Tswv, Koj xav tej khoom fij uas kuv muab fij rau koj tsis yog tsuas yog tej lus qhuas ntawm lub ncauj xwb, tiamsis tseem yog kuv lub neej mloog koj lus thiab. Thov Vajtswv Koj siv kuv txoj kev mloog lus thiab kuv lub neej hwm koj los txhawb ntau tus, kom lawv lub neej yuav yog cov khoom “ciaj sia thiab dawbhuv” haum koj siab. Kuv thov hauv Tswv Yexus Khetos lub npe. Amees.

Cov kwv tij txhua tus, nrog tus Tswv mus yog ib txoj kev yuav taug mus tas tiam neej ntawm txhua tus ntseeg Vajtswv, thiab peb yuav tau vam khom Vajtswv lub zog los mloog Vajtswv lus tagnrho. Nthuav tawm koj lub neej muab fij rau Vajtswv dhau ntawm koj txoj kev mloog Vajtswv lus nyob hauv tej haujlwm, tej kev xav, thiab koj tej lus hais, kom Vajtswv tau koob meej.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.