Muaj tej hnub lub neej nws cia li maj mam dhau mus tiamsis koj lub siab yeej nyob tsis tus. Muaj tej hnub koj hnov cuag li txhua yam nws tsis kaj siab thiab tsis txaus siab. Thaum nyob ua ke hauv ib lub zej zog, peb muaj kev tsis sib haum thiab ib leeg tsis txaus siab rau ib leeg txoj kev coj. Yog li, Vajtswv txojlus puas yuav taw kev rau tej lub sijhawm zoo li ntawd?

Hnub no, yog hnub 06/10/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Mikayla Barnes dhau ntawm Zaj kawm TXHAIS RUAM MUS HAUV TXOJ KEV HLUB.

“Nej yuav tsum hlub lwm tus ib yam li Yexus Khetos hlub peb.” (Efexaus 5:2a)

Kuv nyiam phau Loos. Kuv pom tias ntawm no yog ib phau ntawv nthuav tawm txhua yam meej heev. Nyob hauv Loos 14, Paulus hais txog qhov uas txhob ua rau lwm tus yuam kev thiab txhob txiav txim rau lwm tus. Thaum nyeem tshooj no, kuv pom tias Paulus tsis hais txog txoj kev txiav txim rau cov neeg uas tsis tau ntseeg tiamsis yog cov ntseeg. Peb pheej raug nqus mus rau tej nyuag teeb meem me me nyob hauv lub neej txog qhov uas ua rau cov ntseeg muaj teeb meem, thiab ntawd yog yam uas yeebncuab xav ntsia pom.

Loos 14:1-2 sau tias: “Nej yuav tsum txaus siab cia tus uas tsis ntseeg Vajtswv pes tsawg nrog nej nyob, nej tsis txhob nrog nws sib caY txog nws txojkeY ntseeg. Muaj qee leej ntseeg hais tias noj tau txhua yam huY tibsi, tiamsis tus uas tsis ntseeg VajtswY pestsawg noj zaub xwb”.

Tag nrho ntu Vajluskub no hais txog kev noj haus. Thaum uas Vajtswv pub rau Mauxes tej kev cai tseg rau Vajtswv haiv neeg, muaj tej zaub mov raug suav tias tsis huv. Tom qab Tswv Yexus txoj kev tuag thiab sawv rov qab los, Petus ua yog toog peb zaug los ntawm Vajtswv tias tej zaub mov ntawd nws tsis yog tsis huv lawm (Tes Haujlwm 10:9-16). Tiamsis muaj ib txhia neeg tsis muaj kev ntseeg yeej tseem xaiv qhov uas tsis noj tej khoom tsis huv ntawd. Paulus hais tias qhov no yeej tsis muaj dabtsi txhaum, tiamsis peb yuav tau ntseeg tias yam dabtsi uas koj xaiv yuav tsum yog yam uas txais yuav tau (Loos 14:5).

Peb tsis sib cav txog qhov uas ib leeg xav lawm ib yam txog tej khoom noj, tiamsis peb pheej sib cav txog qhov uas cia tej menyuam lawv kawm sib txawv. Peb siv cav txog qhov uas tias cia pojniam nyob tsev lossis cia pojniam mus ua haujlwm. Peb sib cav txog nyiaj txiag. Peb sib cav txog Pawg Ntseeg puas zoo siv cov teeb Flash lossis tsis siv. Peb sib cav txog ntau yam tiamsis txog thaum kawg kuj tsis pom pab tau dabtsi.

Loos 14:6 sau tias: “Tus uas teem ib hnub ua hnub tseemceeb yeej yog nws hwm tus Tswv nws thiaj ua li ntawd. lb yam nkaus li ntawd, tus uas noj tau txhua yam yeej yog nws hwm tus Tswv nws thiaj noj, rau qhov nws twb ua Vajtswv tsaug lawm”.

Yog ib tug ntseeg Vajtswv nws ntseeg tias yam yus tab tom ua yog haum Vajtswv siab, ces peb yog leej twg peb ho mus txiav txim rau tej ntawd? Peb yog leej twg ho hais tias lawv txhaum? Lawv tab tom ua tej ntawd qhuas Vajtswv. Yog tias lawv nrog tus Tswv mus tiag, Vajtswv yuav coj lawv kev. Peb tsis tas yuav yuam kom txhua tus nrog lawv mus ua ke li qhov uas peb tau nrog tus Tswv mus. Lo lus nqua hu rau peb thaum kawg yog sib hlub. Raws li Efexaus 5:2 peb tau hu los kom mus rau hauv txoj kev hlub.

Vajtswv nqua hu kom peb sib hlub ib yam li Vajtswv twb hlub peb lawm.

Yog li, yuav muaj tej lub sijhawm koj yuav tau tsum tsis txhob sib cav lawm, tiamsis nyob twj ywm thiab tsuas txais yuav yus tej kwv tij xwb. Yuav muaj tej lub sijhawm peb yuav tau qhia rau lawv paub tias txawm yog peb sib txawv ntau yam los peb muaj cuab kav nyob ua ke hauv txoj kev hlub thiab kev lees paub Vajtswv.

Thiab thaum zoo li no sawv daws yuav paub Vajtswv thiab qhuas Vajtswv dhau ntawm Nws txoj kev hlub.

Thov caw nrog kuv peb thov Vajtswv ua ke:
Tus Tswv, kuv ua Koj tsaug vim Koj hlub kuv ntau kawg. Kuv ua koj tsaug vim Koj puv npo kev ua siab ntev thiab kev hlub thaum uas kuv ua tsis tau siab ntev rau kuv tej kwv tij. Thov Vajtswv zam txim rau kuv vim muaj ntau zaug tau sib cav tsis muaj nqis. Thov zam txim rau kuv vim muaj ntau zaug kuv ho tsom ntsoov rau tej yam sib txawv me me thiab ho hnov qab saib rau daim duab loj uas yog Pawg Ntseeg. Tus Tswv, kuv ntshaw kom koj lub npe tau qhuas dhau ntawm kuv lub neej thiab dhau ntawm tib neeg txoj kev sib raug zoo ua ke nrog sawv daws. Thov Vajtswv pab kom kuv dhau los ua tus neeg paub sib txuas ua ke hauv Vajtswv tsev neeg. kuv ua Vajtswv koj tsaug ntau. Kuv thov hauv Tswv Yexus Khetos lub npe. Amees.

Cov kwv tij txhua tus. Kev hlub yog yam kawg thiab tseem ceeb tshaj plaws. Yog li, yog tias muaj tej yam dabtsi twg tab tom tsis sib haum los ntawm tej uas ib leeg pom ib leeg sib txawv, ces cia li vam khom Vajtswv los pab daws tej kev khuab xeeb nyob hauv yus lub siab thiab thov Vajtswv pub lub zog kom koj txawj sib hlub thiab txais yuav yus tej kwv tij. Kev hlub yuav nthuav tawm los ntawm tej haujlwm lossis lo lus hais. Thov kom Vajtswv pab koj ua tiav ib qhov haujlwm twg ntawd raws li Vajtswv tej lus.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.