Peb txhua tus puav leej npau suav kom yus muaj ib txoj kev hlub zoo kawg nkaus, tshwj xeeb yog thaum tseem yau. Peb kos rau hauv peb lub hlwb txog tej txoj kev hlub xaus uas zoo, tej yam uas ua rau peb lub siab txawj hlub. Tiamsis, sijhawm thiab kev ua neej tiag uas peb ntsib nws ho txawv: Lub neej tsis yog thaum twg twb zoo li tej uas peb xav. Txawm li los, txawm yog tej kev npau suav ntawd yuav hloov lawm los yeej tseem muaj yam zoo dua tab tom tos, thaum uas peb muab peb txoj kev ntseeg khov khov tso rau ntawm Vajtswv.

Hnub no, yog hnub 14/02/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Missey Butler dhau ntawm Zaj kawm HLUB LOSSIS TSIS HLUB?

“Kuv yeej ibtxwm hlub nej, kuv yuav hlub nej mus ibtxhis (Yelemis 31:3).

Thaum saib movies ntshai koj twb pom qhov no lawm: muaj ib tug ntxhais zoo nkauj sawv ntawm ib lub vaj paj, tas nws de ib rev paj, muab ib rev de zuj zus thiab hais mus hais los tias: “Nws hlub kuv, nws tsis hlub kuv!”

Tus ntxhais twg los twb npau suav kom yus muaj ib tug hluas nraug zoo nraug hauv yus lub neej. Nyob hauv lawv lub siab puv npo tej tiaj paj, tus hluas nraug yuav caij ib tug txiv nees dawb tshwm tuaj, nkag los rau hauv nws lub neej, tas coj nws mus txog rau ntawm ib lub tsev nyob puag saum roob. Cuag li nws txoj kev npau suav no puav leej tshwm hauv txhua tus ntxhais thaum nyuam qhuav yug los!

Tiamsis txhob txhawj, tus twg los yeej yuav loj tuaj thiab pom tias lub neej no tsis yog thaum twg twb zoo li txoj kev npau suav. Txawm yog Vajluskub los kuj ntuas kom peb yuav tau tso tej yam uas yog “menyuam yaus” tseg (I Kauleethaus 13:11). Tiamsis zoo kawg nkaus, vim txhua zaug uas Vajtswv tshem ib yam dabtsi twg, ces Vajtswv yuav ntxiv rau peb los ntawm tej yam uas zoo dua ntau npaug.

Tseeb tiag, kuv yuav tau tso kuv txoj kev npau suav txog “tus tub hluas zoo nraug” hauv kuv lub neej tseg, tas kuv rov qab pom txog muaj dua lwm tus tub hluas tab tom tos kuv. Thiab Nws tsis yog ib tug tub hluas dog dig, tiamsis nws yog tus Vajntxwv ntawm txhua tus vajntxwv, tus uas xav coj peb los rau hauv Nws lub tebchaws zoo kawg nkaus, koom nrog Nws kav ua ke.

Hnub uas kuv yuav tau txais yeebkoob yuav los. Thaum uas kuv sawv ntawm Vajtswv xub ntiag, Nws maj mam tuav kuv txhais tes, luag ntxhi rau Nws thiab cev ob peb tauv paj rau hauv kuv txhais tes. Saib rau hauv, kuv cia li quaj thaum pom tej paj ntawd sau cov ntawv “Kuv hlub koj.”

Kuv tsis tas yuav nrhiav lwm tus los txhawm kom puv npo kuv lub siab. Nws yog tus uas tab tom tos kuv ntev los lawm, tus uas hlub kuv los ntawm ib txoj kev hlub tsis hloov pauv, txawm yog kuv twb yuam kev lossis qaug zog.

Tamsim ntawd, kuv cog lus rau kuv tus kheej tias kuv yuav ntseeg siab rau Nws: “Kuv yeej ibtxwm hlub nej, kuv yuav hlub nej mus ibtxhis (Yelemis 31:3).
Thiab pheej zoo li ntawd; kuv ua ib lub neej puv npo koob hmoov ntawm Vajtswv mus txog ib txhis tom ntej.

Thov caw nrog kuv peb thov Vajtswv ua ke:
Kuv tus Vajtswv, kuv ua Koj tsaug vim Koj txoj kev hlub uas tsis yuav dabtsi koj tau pub rau kuv. Nyob rau lub sijhawm uas kuv nyob ib leeg,thov pab kom kuv nco ntsoov Koj yeej ib txwm nyob ntawm kuv ib sab, hlub thiab saib xyuas kuv. Thov Vajtswv qhia kuv paub hlub lwm tus ib yam li koj tau hlub kuv, tsis yog los ntawm lo lus hais tiamsis yog haujlwm ua, los ntawm txoj kev ua siab ntev thiab muab mus. kuv thov nrog koj mus txhua hnub hauv koj txoj kev hlub uas tsis muaj nrim. Kuv thov hauv Tswv Yexus Khetos lub npe. Amees.

Cov kwv tij txhua tus, nyob rau hnub nco txog lub neej txij nkawm hnub no, txawm yog koj yuav txais tau tej pob khoom plig thiab tej lus foom zoo lossis tsis tau los, thov nco ntsoov tias muaj dua ib txoj kev hlub loj dua txhua yam tab tom tos koj. Txoj kev hlub ntawd tsis yog tseg rau koj hnub no, tiamsis tseem nrog koj mus ib txhis. Txoj kev hlub ntawd tsis yuav ib yam dabtsi, tsis yaig raws sijhawm. Ntawd yog Vajtswv txoj kev hlub – tus uas tau tuag rau koj, thiab cog lus tias yuav hlub koj mus ib txhis. “Tus Tswv, kuv hlub koj!” – Hais li no rau Vajtswv lub sijhawm no, mog phooj ywg!

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.