Hauv txoj kev nrog tus Tswv mus, peb yeej ntseeg tau tias Vajtswv yog tus zoo txawm yog thaum uas peb hnov qab yam ntawd, txawm yog thaum peb tsis ua raws li Vajtswv lub siab nyiam lossis khuab xeeb nrog tej lus nug tias “vim li cas” thaum ntsib tej teeb meem hauv lub neej. Yam uas zoo dua yog Vajtswv pub Vajtswv txojlus ua tus taw kev thiab ntxiv zog rau peb kom peb kov yeej tej kev sim siab.

Hnub no, yog hnub 02/04/2025, yog hnub ntiajteb nco txog cov menyuam uas raug tus mob tự kỷ, Kev thov Vajtswv txhua hnub thov caw sawv daws los koom tu yus txoj kev ntseeg dhau ntawm Zaj kawm NTU KEV NTSEEG NROG TUS MENYUAM MOB TỰ KỶ

“Laxalus tus mob no yuav tsis ua rau Laxalus tuag, tiamsis Laxalus tus mob yuav ua rau Vajtswv tau koob meej thiab yuav ua rau Vajtswv tus Tub tau koob meej.” (Yauhas 11:4).

Xyoo 2002, kuv muaj kuv tus tub ob thaum uas kuv thawj tus tub twb tau 9 xyoo. Wb ib niam txiv kaj siab thiab nco Vajtswv tshav ntuj txog qhov khoomplig Vajtswv pub, wb muaj thawj tus tub no fij rau Vajtswv thaum uas paub tias wb xeeb tub, nrog tag nrho txoj kev cia siab. Thaum ntawd, kuv muaj 3 xyoo, thiab kuv muaj kuv tus tub zaum no kuv nkees lawm ntau. Kuv xav tias tsis ua cas, qhov no tej zaug tsuas yog kuv laus lawm xwb vim ib tug nws tsis zoo thooj ib tug.

Thaum kuv yug kuv tus tub los, nws loj thiab ntxim hlub. Tiamsis tau thawj hli xwb, kuv pom tias muaj yam dabtsi ntawd txawv nyob ntawm kuv tus tub. Nws ceeb ceeb tej suab nrov txawm yog nyuam qhuav yug los xwb, tsis pw ntau li lwm tus, lossis pheej ntuav, thiab tsis ceev faj thaum peb nrog nws sib tham. Thaum loj tuaj, nws dhau los ua ib tug tsis xav ntsib leej twg, ntuav txhua hnub, ib hnub ntuav txog 10 zaug tej. Noj tsis tau ib yam dabtsi dhau ntawm haus mis thiab tej zaub mov muab zom kom mos mos, kawm tsis tau tswj tus kheej thaum mus tawm rooj tso zis tso quav. Yog li kuv tus tub no thiaj siv cov ris thaiv quav txog thaum nws muaj 5 xyoos.

Nws tsis ntshai qhov tob, khiav thiab dhia tsis so, tsis quav ntsej tej lus lwm tus hais, tsis kam hais tawm tej uas nws xav, nws tsuas hais raws li luag lwm tus lus xwb. Nws tsis tham, pheej npau taws, thiab quaj tshiam thaum uas raug txib ua raws li lwm tus siab nyiam, thaum uas nws tsis kam hais tawm tej uas nws xav hais.

Thaum ntawd nyob hauv tebchaws Vietnam, peb pom muaj ntau qhov xov xwm hais txog tus mob nyob ib leeg. Thaum uas sawv daws pom kuv tu kuv tus menyuam khwv khwv, ntau tus txhawb kuv tias tsuas yog nws tsis xav ntsib leej twg thiab hais lus qeeb xwb, tas txhua yam yuav tsis ua cas thaum nws muaj 3,4 xyoo lawm.

Wb ib niam txiv tsuas paub thov Vajtswv, thov Vajtswv pab kom wb tus menyuam paub noj, paub pw, paub hais, paub mus tawm rooj – yog tej uas lwm tus menyuam ib txwm ua tiamsis ho yog ib qhov kev sim siab loj rau wb tus.
Hnub 4 hli 6 xyoo 2006, thaum uas kuv tus tub muaj peb xyoos ntau ces yog hnub uas kuv lub ntiajteb cuag li pob puas tas. Thaum hnov xov saum TV hais txog ib tug mob nyob ib leeg, kuv ceeb tas. Tej cim uas qhia paub tias tej menyuam nyob ib leeg lawv hais txog zoo yam nkaus li kuv tus tub. Kuv tauv tsis taus kuv lub kua muag. Kuv quaj peb hnub, thiab yog thawj zaug tom qab ntau xyoo ntseeg Vajtswv, kuv nug Vajtswv: “Vim li cas” Lub sijhawm ntawd kuv tab tom ua Vajtswv haujlwm los ua tus cim civ txaus siab pab, kuv twb muaj kev xav, xav muab tej haujlwm uas kuv ua tso. Kuv kuj pom tias nws yog ib lub nra nyhav rau kuv kev khwv noj, tu vaj tsev, tu kuv niam thaum laus thiab kuv tus menyuam raug tus mob nyob ib leeg yog ib lub nra nyhav heev rau kuv. Kuv pom tias kuv tsis muaj txaus dag zog ua ntxiv.

Tomqab peb hnub kuv thov Vajtswv nrog kua muag. Vajtswv nthuav tawm Vajtswv lub siab nyiam rau kuv dhau ntawm nqe Vajluskub hauv Yauhas 11:4
“Laxalus tus mob no yuav tsis ua rau Laxalus tuag, tiamsis Laxalus tus mob yuav ua rau Vajtswv tau koob meej thiab yuav ua rau Vajtswv tus Tub tau koob meej.”

Nqe Vajluskub no so kuv lub kua muag thiab nthuav qhia rau kuv paub txog Vajtswv lub homphiaj tseg rau kuv dhau ntawm qhov teeb meem uas kuv ntsib dhau thiab ntxiv kev ntseeg rau kuv hauv txoj kev uas puv npo kev txomnyem no.

Wb ib niam txiv coj wb tus menyuam mus kuaj tom tsev tshuaj hauv nroog loj. Kws tshuaj qhia rau wb tias yog raug tus mob nyob ib leeg, yuav tau haus tshuaj kom nws tsis nriaj txhua hnub, yuav tau tu nws raws li tej uas kws tshuaj qhia, yuav tau coj tuaj kuaj txhua hli… lawv hais tias kuv tus menyuam yuav kawm tsis tau ntawv txawm yog tsuas kawm hauv paus pib xwb, lawv hais rau wb tias wb yuav tau txais yuav qhov tseeb no. Thaum hnov qhov xov no, kuv lub plawv cuag li muaj neeg muab zuaj txhaws nkaus, kuv tus ntsujplig mob heev, tiamsis kuv txiav txim siab ua raws li Vajtswv tej lus cog tseg Vajtswv tau muab pub rau kuv nyob hauv Yauhas 11:4. Peb ntseeg Vajtswv txoj kev zoo thiab txij hnub ntawd los, kuv nkag los rau hauv txoj kev nrog kuv tus tub nyob ib leeg ob niam tub cia siab rau Vajtswv. Kuv paub tias kuv tsis nyob ib leeg hauv txoj kev no vim Vajtswv nyob ntawm kuv ib sab ntxiv zog rau kuv txhua hnub. Kuv kawm ua siab ntev, kawm txo hwjchim, kawm txais yuav thiab kawm ua lub neej pub rau lwm tus. Txhua hnub, kuv thov Vajtswv ntxiv zog rau kuv kom kuv tu kuv tus menyuam thiab ua tiav txhua tes haujlwm uas kuv lees ua. Tiamsis thaum kuv tas zog, kuv rov qab nyeem Vajtswv tej lus thiab thov Vajtswv kom Vajtswv ntxiv zog rau kuv thiab ntxiv kev ntseeg rau kuv.

Kuv txiav txim siab pab kuv tus menyuam kawm hais lus, pab kom nws nkag siab los ntawm tej duab, siv txhua txoj kev los pab kom nws nyob taus koom nrog lub zej zog. kuv coj kuv tus menyuam mus kawm ntawv, mus koom tuam tsev qhov chaw tseg rau tej menyuam nyob. Thaum kuv tus menyuam mus kawm qib ib, kuv kuj nrog nws mus tom tsev kawm ntawv txhua hnub, kuv nrog tsis tau nws mus hauv tiamsis kuv siv zog nrog nws nyob ua ke txhua zaug uas nws cheem tsum. Kuv qhia nws kawm, nrog nws dhau ntawm txhua lub sijhawm txhua hnub. Dhau ntawd, nws thiaj kawm tiav theem 1 tsis tas li xwb tseem kawm tas qib 6 thiab kawm tau zoo.

Kuv pom tias kuv tus tub cheem tsum ib qhov chaw kawm kom phim rau nws, tsis muaj haujlwm ua ntau, wb ib niam txiv, txiav txim siab coj nws mus kawm hauv cov ntseeg Vajtswv lub tsev kawm, qhov chaw uas lawv tso cai rau tej menyuam kawm raws li lawv lub peev xwm. Nyob ntawd, nws pib xyaum ua. Maj mam kuv pom muaj tej lub cim zoo zuj zus ntawm kuv tus tub. Nws pib hais tawm tej uas nws xav, paub ntaus piano, ntaus trống, thiab koom txhua pab hauv cov uas muaj hnub nyoog li nws. tomqab rooj sib ntsib cov menyuam kawv ntawv cheeb tsam Asia. Kuv tus menyuam nws txais tau lub kub dawb thaum ntaus piano… ua Vajtswv tsaug!

Xyoo 2019 kuv tsev neeg yuav tau txav chaw mus rau ib lub tebchaws tshiab ua Vajtswv haujlwm. Kuv tus menyuam nws tseem kawm ntawv qhov chaw no, nws kawm tas theem 2 tau zoo. Nws ntseeg Tswv Yexus ntawm nws tus kheej, nws paub Vajtswv, ua neej hwm Vajtswv thiab koom tes nrog wb ib niam txiv ua Vajtswv haujlwm. Nws kuj muaj ib txoj haujlwm thiab ua ib lub neej zoo ib yam li lwm tus.

Coob tug pom kuv tus tub hloov pauv thiab qhuas Vajtswv, tseeb tiag Vajtswv lub npe tau koob meej raws li Vajtswv tej lus uas tau cog tseg rau kuv. Kuv paub tias Vajtswv yog tus ua txujci nyob hauv kuv tus tub lub neej. Yam uas kuv xav tias yog ib qhov tsis zoo, thaum no dhau los ua ib zaj xwm qhia txog Vajtswv lub hwjchim ci ntsa iab. Kuv muaj sijhawm ntau los mloog, los nkag siab, los ua tim khawv thiab thov Vajtswv rau cov neeg uas lawv kuj muaj tus menyuam raug tus mob nyob ib leeg zoo li kuv tus thiab Vajtswv thiaj yog tus uas pub kom kuv tau hais dhau ntawm tej lub sijhawm zoo li ntawd.

Tseeb tiag, thaum peb txiav txim mus nrog kev ntseeg, Vajtswv yuav ntxiv zog rau peb kom peb mus taus ntxiv.

Vajtswv tej lus cog tseg dhau los ua lub zog loj thaum kuv qaug zog, tas kev cia siab rau kuv txoj kev ntseeg nrog kuv tus tub. Kuv ntseeg tias Vajtswv kuj muaj ib lo lus cog tseg zoo pub rau koj!

Thov caw nrog kuv peb thov Vajtswv ua ke:
Tus Tswv, kuv qhuas koj thiab ua koj tsaug rau koj tus cwjpwm zoo, vim koj muaj homphiaj cob qhia kuv dhau ntawm tej kev txomnyem thiab tej teeb meem hauv kuv tus tub lub neej. Kuv thov Vajtswv koj pub kom kuv tuav tej lus cog tseg ntawd txhua hnub kom kuv muaj txaus kev ntseeg, muaj zog thiab ua siab ntev nrog tus Tswv mus hauv kuv txoj kev ntseeg. Kuv thov Vajtswv koj ua txujci, muab kuv qhov teeb meem pauv los ua qhov uas ua rau kom Vajtswv tau koob meej. Kuv thov hauv Tswv Yexus Khetos lub npe. Amees.

Cov kwv tij txhua tus! Hnub no, yog koj kuj tab tom nyob rau hauv lub sijhawm uas tag kev cia siab, thov txhob hnov qab Vajtswv yog tus uas xav kom peb nrog Nws ua ke thiab ntxiv zog rau koj nyob hauv ncua kev no.

✔ Vajtswv yog tus zoo, Vajtswv muaj homphiaj zoo, txawm yog thaum peb tsis nkag siab, thiab txawm yog peb muaj ib pab menyuam lawv yog cov raug tus mob nyob ib leeg.
✔ Thaum ntsib teeb meem cia li nrhiav lo lus teb hauv Vajtswv tej lus thiab ua lub neej raws li txoj kev ntseeg nyob hauv tej lus ntawd.
✔ Tej kev txomnyem, sim siab uas peb ntsib, hauv Vajtswv txhais tes yuav dhau los ua txoj kev uas Vajtswv siv los nthuav tawm Vajtswv lub tshwjchim.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.