Muaj tej lub sijhawm peb siv zog ua lub neej kom yog, kom zoo, tsis tso cai rau yus ua yuam kev… tiamsis peb yim siv zog ces yim sab. Peb yooj yim pom tau tias yuav tsum yog thaum uas zoo kawg nkaus xwb thiaj yuav tsim nyog tau Vajtswv hlub thiab tau Vajtswv txais yuav. Txoj kev ua zoo ntawd cuag li yog lub zog, tiamsis ntau zaug ho ua lub nra nyav twj ywm ua rau peb ua poob Vajtswv txoj kev hlub tiag lawm. Yog li peb yuav tau ua li cas kom thiaj saj tau txoj kev ywj pheej tiag nyob rau hauv Vajtswv txoj kev cawmdim?

Hnub no, yog hnub 28/05/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Gary E. Roberts dhau ntawm Zaj kawm TXHAIS RUAM MUS HAUV TXOJ KEV HLUB

Vajluskub: “Nimno peb muaj kev ywjpheej rau qhov Yexus Khetos twb tso peb cov uas uas ua qhev dim lawm. Yog li ntawd, nej yuav tsum muab siab rau ntseeg tsis txhob pub leejtwg coj nej rov qab mus ua qhev dua.” (Kalatias 5:1)

Thaum txais yuav Tswv Yexus kuv muaj 24 xyoo, kuv zoo li “ib tug kauv tsis paub dabtsi” – tsis nkag siab dabtsi txog kev ntseeg Vajtswv, tsis pom qhov txawv ntawm txoj kev cog lus qub thiab tshiab, dhau ntawd kev cawm dim yog los ntawm txoj kev hlub lossis kevcai. Yooj yim xwb, kuv yog ib tug tag kev cia siab thiab xav tau kom Tswv Yexus tso kuv dim hauv tej kev mob thiab kev txaus ntshai vim txoj kev mob hlwb nyhav uas kuv tab tom raug: tus mob hlwb no nws muab kuv khi cia (OCD), txhawj xeeb, ntshai thiab ntau zaug tseem ntshai thaj chaw uas muaj tib neeg nyob coob coob.

Thaum saib tej nthwv cua ntsawj loj loj, ib yam uas koj cheem tsum ces yog lub tawb cawm siav – thiab Tswv Yexus yog tus tau khiav los pab kuv. Tiamsis tom qab tau txais kev cawmdim lawm, kuv txomnyem ntsuav rau tej mob ntawd.

Vim tus mob hlwb ntawd nws khi rawv kuv, muaj ib txoj hau kev uas kuv yuav tsum tau ua raws nraim kom yog yog thaum uas kuv tus mob huam tuaj. Kuv txoj kev coj zoo tseem ua rau kuv coj tej kev cai nruj heev, xws li, ua lub neej kom yog cai mas thiaj tau leeg txais – thiab qhov no ua rau kuv ntseeg Vajtswv cuag li ua raws kevcai ntau dua li uas ua lub neej nyob rau hauv Vajtswv txoj kev hlub tiag tiag.

Txhua zaug ua txhaum, kuv zam txim tsis tau rau kuv tus kheej. Kuv raug nqus mus rau hauv tej kev xav tsis zoo, kuv lub hlwb pheej tshab mus tshab los kuv tej kev txhaum tsis paub xaus. Hauv kuv lub hlwb muaj tej lub suab nruj heev xws li: “Neeg ruam”, “koj yog tus puas tshuaj”, “tus neeg ntshai tuag” – vim kuv ua tsis tau raws li txoj kev zoo uas tus kheej tau teem.

Phem tshaj ntawd ces yog kuv cim civ xav tawm lub suab hais lus thiab Vajtswv txojkev ntsia tuaj rau kuv – cuag li Vajtswv tab tom thuam thiab saib tsis taus kuv. Tej kev xav li ntawd yim hnub yim tswj kuv, vim kuv tsis kav tham qhia rau leej twg – ntshai tsam lawv kuj saib kuv los ntawm lub qhov muag txiav txim thiab tig nruab qaum rau kuv.

Yog li ntawd kuv pheej ua neej nyob nrog txoj kev txhawj ntawd ntev loo hauv lub siab thiab sab ntsujplig. Tej kev xav phem ntawd ua rau kuv xav tsis zoo, thiab tsis tag li tseem cuam tshuam txog kuv teg haujlwm tshwm tuaj thiab. Piv txwv, thaum kuv qhia lossis tawm suab, kuv dhau los coj nruj rau kuv tus kheej: kuv txwv tsis pub kuv hais lo lus “ah’ “w”, tsis pub hais lus txhaum, tsis pub ntshee, tsis pub qhov kev txhawj tshwm sab nraud – txawm yog yuav hais lub suab siab, hws ntws lug thiab txiav muag sai, lossis tej cim uas ua tawm sab nraum yus lub cev.

Phem tshaj yog thaum uas txhawj xeeb ua rau yus hais lus ntxhov nyho, “yuam lus”, thiab tsis paub pib qhov twg thiab cia li sawv ntseg nrheev twb ywm lawm. Kuv ntsib ob zaug zoo li no, thiab nws ua rau kuv nco ntsoov tsis ploj rau ib lub sijhawm ntev loo.

Ua Vajtswv tsaug vim Vajtswv tsis cia kuv daig rawv rau hauv qhov teeb meem ntawd. Txawm yog kuv paub tias Vajtswv txoj kev hlub loj tshaj kuv txoj kev ua zoo ntawm kuv, tiamsis txog thaum Vajtswv qhib kev, kuv thiaj nrhiav tau kuv qhov teeb meem ua rau kuv ntshai sab hauv: ntawd yog ib txoj kev ntshai dag – yog ib txoj kev ntshai tib neeg, xav kom tau lees txais, vim nyob tob tob sab hauv yog ib lub siab uas puas ntsoog thiab tsis ntseeg tias yus muaj nqis tiag.

Ntev zuj zus kuv pib saj tau qhov tseeb hauv Txojmoo Zoo, yog Vajtswv txoj kev hlub, thiab kuv lees txim txog kuv tus kheej txoj kev coj. Kuv pom tias, zoo li cov ntseeg xub thawj, kuv tsis tas yuav coj raws ib txoj kev cai twg hauv Vajluskub Qub kom tau Vajtswv txais yuav. Ib yam li Petus tau tshem lub nra nyhav ntawd tawm ntawm lwm haiv neeg:

“Kuv xav hais tias peb tsis txhob kom lwm Haivneeg uas tabtom los ntseeg ua raws li tej kevcai ntawd.”(Tes Haujlwm 15:19).

Kuv kawm tseg txoj kev muab kuv tus kheej piv rau lwm tus thiab tseg tsis txiav txim rau yus tus kheej (Saib 2 Kauleethaus 10:12 thiab Kalatias 6:4). Thiab kuv kuj tso cai rau tus kheej ua yuam kev – tiamsis yog yuam kev nyob rau hauv Vajtswv txoj kev hlub. Ziag no, qhov uas hais lus ntawm ib pab tibneeg coob coob tau dhau los yooj yim dua, puv npo txoj kev kaj siab uas Vajtswv pub. Thiab tseem ceeb tshaj: kuv tau ua lub neej uas yog kuv tus kheej tiag tiag – tsis tas yuav ua txuj ua ib tug neeg zoo ntxiv lawm.

Thov caw nrog kuv peb thov Vajtswv ua ke
Vajtswv! kuv thov Koj pub rau kuv kom muaj lub siab tawv, ncaj ncees thiab txoj kev ntshaw kom pom txog kuv lub siab – kom kuv pom txog lub hauv paus khav theeb zais rau tom qab kuv txoj kev coj cai nruj. Thov pab kom kuv paub tso kev txhaum tseg, paub txo hwjchim, thiab tso lub plhaub thaiv uas kuv cim civ tsim los npog kuv tus kheej ntawd, kuv thov muab kuv lub neej fij tag nrho rau koj. Kom nyob hauv Yexus Khetos txoj kev hlub, kuv saj tau txoj kev ywj pheej tiag. Thov kom txhua yam puav leej yog Vajtswv li, nyob mus ib txhis. Kuv thov hauv Tswv Yexus Khetos lub npe. Amees.

Cov kwv tij txhua tus, tej zaug koj kuj ris lub nra nyhav ntawm koj tus kheej, tej kev cia siab coj nruj ntawm tus kheej, tej kev siv zog kom tsim nyog rau txoj kev hlub uas Vajtswv pub. Cia siab tias koj yuav nres, hnov Vajtswv lub suab thiab qhib siab los txais yuav Vajtswv txoj kev hlub. Vim Vajtswv tsis yuam kom peb zoo kawg nkaus – nws caw peb los cuag nws, thaum peb ua tsis tau ib yam dabtsi ntawd, muab peb lub siab fij rau Nws. cia Nws hlub koj ib yam li koj yog koj tus kheej tiag.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.