Gơs tu lơi ồng mò oh cah rna dô nă cau mìng gan dê jơnau đơs haha broă lơh dềt cau hơ dê sơl? Ngan la, bơta sền gơ bơh sơn ròp ò rgơi pơn đàng tòm toh jơh nus nhơm dô nă cau dê ò. Dilah sền jat bơta sền go Yàng dê, bol he rơp dal git kòp nă la dờng màng mơ gơs bơta kwơ màng is – ò dê tài bơh bol khai hàng mơ ne mơya tài bơh bol khai geh crơng gơs jat rùp să Bơtau Crơng Gơs la Yàng.
Ngai do, ngai 07/08/2025,Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl mò Tori Troncone bơh tơnggume: RLAU MƠ BƠTA SỀN GŎ BƠH SƠN RÒP.

‘Yàng Jehôwa ò sền be kòn mơnus sền. Kòn mơnus sền đah bơdìh, mơya Yàng Jehôwa sền tòm nùs.” ‘(I Samuel 16:7)

An gơs dô nă bơyô dềt mêr ngan. Bol he dòp git bal tài bơh lòt bơtê bal tìm kơnhai prang. Tòm ală ngai lơh b roă bal, bol he mìng la cau lơh broă bal, sơlo ngai gơlik bơyô. Tòm ngai lồi bơtê, khai no mơ đơs mơ an lah: “Bi chò hòp rlau mơ bơta an kơ lôi sơ nơng yơ. Tòm dơ tìp sơn rròp khai dê, an la dô nă cau ơm mo mo, ò bươn nàng tus rềp. Mơya nền ngan an mìng la cau ò hoan đơs, mơ sùm ơn nus ơn tôr dê broă lơh. Tu gơs oă tu jơ nàng git nền bal mơ gơp, khai rgơi đal jơh pơnah bơh an, ò dê la mìng bơta kơ lôi sơ nơng bơh sơn ròp tai.

Digơlan Na-tha-na-ên kung neh lòi dô bơta kơ lôi sơ nơng ò hoan niam. Tòm I Jang tap 1, Yàng Jesu sơn tòm gơ noăr broă gan dê bơta hòi jà ală cau bơtê sơn ròp. Tòm ală cau hơ gơs Anh-rê, Si-môn Phi-e-rơ mơ Phi-líp (Giăng 1:40–43). Tơnơ, Jang 45–46 cih wơl lah:

Philip bàn Nathanael gen đơs lah: “Bol hi neh tìp Bơtau mơ Môise neh cih tòm bơta boh lam, mơ ală cau gơnoar hwơr kung neh cih sơl, hơ̆ la Jesu, kòn Jôsep dê, cau Nasaret.” Gen Nathanael đơs lah: “Gơs ñchi lơi niam gơlik bơh Nasaret sơl ơ?”
Iat sồng gơlơh moat jrùng ngan! Nasaret la dô nơm bòn dềt moq kong cau sền ò sơp. Jơnau đơs Nathanael ò dê mìng la dô jơnau cah rna gòi mơ a dô bơta kơ lôi sơ nơng kràn ngăn mơ oă bơta kơ lôi ò niam. Dilah an git gơs cau lơi đơs be hơ bơh an, nền ngan an ò gơ dan kòn tìp bol khai. Digơlan an kung ho wơl dô bă sền ò sơp, gơ hran mơ tian gơs peh mat bơh di bol khai. Mơya Yàng Jesu ò dê be hơ:

‘Yàng Jesu gŏ Nathanael lòt tus hơ Kơnràñ gen đơs bơh khai lah: “Do la dô nă cau Israel ngan, tòm khai ò gơs bơta lac lèo lơi.” ‘ (Jang 1:47)

Yàng Jesu ò ho dô bă iơh hơ đap jơnau đơs Nathanael dê mơya jong rơ ồng la dô nă cau ngan. Nchi bơtài ? Tài bơh Yàng neh git loh bơh ồng, bulah lài mơ tu geh tìp mat. (Jang 1:48). Yàng đal git ồng gan dê jơh rài kis ồng dê ò dê mìng kơ nòm dê ală jơnau đơs, ală bơta kơ lôi sơ nơng, jơnau đơs ò gơs kơ lôi sơ nơng hala ală bơta tis gòi.

Gơ wèt mơ să tòm an mơ ồng mò oh mi kung be hơ. Yàng Jesu git loh kòp nă bol he, dô bă jrô ndơp mơ wil tơl! (Đơs Crih 139:13,16) Yàng la Bơtau wèt sền – El Roi (Sơn ròp Gơlik Gơs 16:13). Sră Goh kung lơh neèn lah kòp nă mơ bol he geh tìp kung geh crơng gơs jat rùp să Yàng Tòm Trồ dê (Sơn ròp Gơlik Gơs 1:27), mơ Yàng Jesu neh kong chơt bơh bol khai, mơ bol khai dòp rò bơta dong klas Rôma 5:8). Bơta hơ tơrgùm jơh ală cau bơyô ò gơs bơta niam bơh sơn rop, ală cau gơs jơnau đơs tòm dră mơ oh mi, ală cau gơs ală jơnau đơs ò niam bơh ồng mò oh mi, mơya tian gơs la ală cau lơh oh mi in moat jrùng.

Bol he ò rgơi at bồ bơta cau ndai kơ lôi sơ nơng lơi, đơs bơta lơi hala lơh bơta lơi mơ he. Mơya bol he rgơi sac rwah bơta he lơh gơ wèt mơ bol khai, mơ Bèp Hơ đang trồ hòi jà bol he lơh bơta hơ jat nus sang goh Yàng dê. (Ma-thi-ơ 5:43–48; Lu-ca 6:27–36). Bơte jat krơh Yàng Jesu mơ lơh lòt mơ ală cau ndai be la ală phan crơng gơs kòn gơboh mơ geh crơng gơs jat rùp să Yàng, tài bơh hơ la bơta nền ngan. (Giăng 3:16; I Giăng 4:10).

Tu bol he lơh lòt mơ cau ndai niam gan dê bơta nđàc mơ yành neh aia pà he in gen ò dê mìng la bơta kòn gơboh gòi mơ bol he kung pò tu lơm pah nàng rài kis bol he geh tòm gơl sum sum (Rô-ma 2:4). Hòi dan Yàng Hwềng Goh bơtơl pràn bol he in nàng bol he rgơi kis mơ ală cau ndai gan dê bơta nđàc mơ bơta kòn gơ boh Yàng Jesu dê. Tu bol he ràng tơlik bơta kis hơ, kung hòi dan ala cau gùt dar in bol khai kung geh tìp Yàng is be ồng Nthanael. Gen bơh hơ, bol khai kung gơ lơh krơi is di đap bơta gơ nap gơ noar Yàng dê mơ ơn să nàng duh khoai Yàng:

‘Nathanael ho lah: “Rabi, Cau Bơto la Kòn Yàng Tom Trồ, Kơnràñ la Bơtau làng bol Israel dê!” ‘ (Jang 1:49)

Dan jà bol he dô nùs bal tòm bơta hòi dan: Khoai Bèp kòn gơboh, kòn ưn ngài Yàng tài bơh Yàng os wèt sền kòn. Bulah git loh ală bơta lơ bơn siơu kòn dê, Yàng gam kòn gơboh kòn mơ sền dơngf màng kòn. Dan bơtê kòn git đal git cau ndai gan dê mat Yàng dê. Dan Yàng tơngkah kòn ban mhar cah rna, mơya pal sền dờng màng mơ kòn gơboh jơh tơl nă cau be Yàng kòn gơ boh kòn. Dan Yàng dong kòl kòn lơh lòt mơ oh mi kòn gan dê nus nhơm kơ cê, lơ bơn niam be Yàng os kơ wên mơ dô nă cau bềng bơta siơu be kòn. Kòn ai sơnđan Yàng Jesu Krist, hòi dan mơ Yàng Bèp. Amen.

Ơ ală ồng mò oh mi kòñ gơboh, bơh lài or tus jơ do ồng mò oh mi prap tòm nus bơh bơta kơ lôi ò niam bơh dô nă cau ndai, mìng bơh dô bơta lơh lòt hala dô jơ nau đơs bol khai dê sơl? Dan Yàng dong kòl kòn mơ kòn sền jơh ală cau gan dê nus nhơm bềng bơta kòn gơboh mơ bơta nđacf, be Yàng sền dê bol kòn. Tài bơh, đah bơh ngkòi ală bơta sền òhềt wil tơl la dô hwềng soan bơcah lề kơp gơn geh bư tus mơ geh tòm gơl bơh bơta kòn gơboh Bơtau Krist dê.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.