Gơs tú lơi oh mo gơ lơh dơrcul ngan tú lọt găn tơm rài kis do sơl? Gơs bơta gơ lơh dờng rlau mơ bơta kơlôi git wă he di, ală bơta gơlik gơs mơ he gơ lơh ò tơl pran nàng pha mơ gơ. Tơm tú be hớ, bol he bươn ngăn nàng tơn roh bơta kơp gơn he di. Mơya tú bol he lời tú jơ ngêt ngớt nàng kơlôi sơ nơng wơl, bol he rơp kah wơl oă ală bơta broă lơh krơi is crih crai mơ Yàng neh lơh he in tơm ală tơngai slet rlau, mơ la Yàng găm lơh broă bơh bol he ngai do.

Ngai do, ngai 09/08/2025, Bơta Hòi Dan Kòp Ngai dan jà ală ồng mò oh mi kơlôi sơnưng bal Jơnau Yàng kơnòm dê bơta dong kơl Dayna Lovelady dê bơh tơnggume TƠM TÊ YÀNG, Ò GƠS BROĂ LƠI Ò RGƠI LƠH.

“Bơh ò gơs bơta lơi la Yàng Tom Trồ ò rgơi lơh.” (Luka 1:37)

Dô àng drim ngệt ngớt ne, ăn neh gùi mơ sơn tơm kah wơl ală bơta gơlik gơs bol glar ăn neh lot găn, ală broă mơ ăn neh kơlôi la ò rgơi nàng pha lin mơ gơ. Tú hớ, ăn neh dợp git Yang găm niam lơbơn bơto tơng kah ăn cih wơl jơh ală bơta hớ, ală bơta gơ lơh be ò rgơi gơs, mơya tus di lồi gơ kung gơlik gơs ngan.

Ăn neh ai gai cih, gùi di cơnơng mơ sơn tờm yăl dô pơnah is: ală bơta gơlik gơs lơh ăn in kălke, ală bơta kơlôi sơ nơng jơh, ală bơta gơwet mơ bơta pran, bơta jèn pria….jơh ală bơta bơh lài or ăn kơlôi ăn ò rgơi geh tơm gơl gơ. Sơlơ cih, khà cih sơ lơ jòng, mơ ală bơta bơh lai or gơ rê wơl bơh ală tơngai bol glar gơ kư pơnjat gơ kah wơl tơm bồ tơngoh ăn.

Mơya gơs bơta krơi la tú sền wơl jơh ală bơta hớ, ăn ò gơlơh kơnjớ kơnjit tai, mơ bìng nus ưn ngai. Tài bơh Yàng neh tơm gơl bơta rgơi lơh mơ gơlik gơs ngan. Ală bơta neh lơh ăn in roh bơta kơp gơn, jơ do gơlik gơs jơnau lơh cơng kwơ ngan bơh bơta dòn song Yang di. Ăn neh cih bìng đờ păng sră, mơ nus gơ lơh bìng bơta chơ hờp, bơh ăn neh git Yang neh ơm gơl bơta gơlik gơs hớ, mơ Yang neh ai ăn in bơta pran nàng lot jat tai.

Gen Yang sôr nus ăn kư pơn jat cih tai ală bơta lik gơs jơ do mơ ăn kơlôi la ò rgơi lơh gơs.

Gen ăn neh ai tai sră, sơn tơm yăl jơh ală bơta ăn găm kơlôi rcang, ală bơta lơh ăn in dơrcul, moat jum, mơ gơs pơnah lơh ăn in roh bơta gơn kơnòm. Tú cih xong rau, ăn neh lời khai cih hớ digah khà cih ală bơta Yàng neh lơh sir ăn in tơm tú tơngai neh slet rlau. Mơ tơm tú jơ hớ, mát ăn di geh pợ.

Ăn neh dơp git: ală bơta he kơlôi la “ ò rgơi” ngan la “ ò rgơi gơlik gơs” , ò di la “ ò tú lơi gơlik gơs” . Bơta kơlôi sơ nơng hớ neh tơm gơl ăn wil tơl tơm bơta sền swì dô nơm bơta gơtơn tus. Nus ăn di bìng bơta chơ hơp krơi is, tú ăn kơlôi tus dô ngai ò mơr tus rềp, ăn neh sền wơl khà cih do mơ nhóh ờm, tài bơh dô dớ tai, Yang neh lơh sir ală bơta ò rgơi lơh !

Be jơnau Yang neh cih tơm luka 1: 37 “Bơh ò gơs bơta lơi la Yàng Tom Trồ ò rgơi lơh”

Seng Sră Goh do dơng kah bol he la ò gơs bơta lơi kălke Yang in be kon mơnus. Yang rgơi lơh jơh ală broă jat nus kờn Yang di, mơ ò gơs bơta lơi la dờng rlau Yang in.

Gen oh mi gơ lơh be lơi? Gơs bơta lơi tú jơ do lơh oh mi in gơ lơh ò rgơi nàng lơh sir, ò git lơh be lơi nàng pha rlau? Mơ tú sền wơl ală bơta neh slet rlau, gơs dợ dớ oh mi kơlôi “ broă do ò tu lơi gơlik gơs”, mơya Yang găm lơh bơta krơi is?

Oh mi gùi té mơ cih jơh ală bơta Yang neh lơh tơm rài kis oh di. Rgơi la bơh khà cih hớ rơp sôr bơtrut oh mi in tú jơ do, tu oh mi găm ơm tơm bơta gơ lòng bol glar pa.

Mathiơ 19:26 cih: “Yàng Jesu sền di bol khai mơ đơs lah: “Bơta hơ̆ jơi kòn mơnus ò rgơi lơh, mơya Yàng Tom Trồ rgơi lơh jơh ală bơta.”

Kon mơnus dớ dớ duh tơm bơta ò rgơi lơh, mơya Yang Tơm Trồ ò be hớ. Kah té bơta do tú oh mi ơm tơm bơta gơ lòng bol glar. Dòn té la Yang rơp lơh sir ală bơta ò rgơi lơh oh mi in tơm ngai do.

Dan jà bol he dô nùs bal tòm bơta hòi dan: Khoai Yang kon di, kon găm ơm tơm bơta gơlik gơs mơ jat nus kơlôi he di la ò rgơi lơh. Mơya kon git la tơm tê Yang di, ò gơs bơta lơi la ò rgơi lơh. Dăn Yang ai kon in git kợp ală bơta lơngai, bơta krơi is mơ Yang neh ai kon in, mơ wet sền di bơta gơnap gơnoar dơng Yang di rlau mơ ơm tơm bơta ò rgơi lơh să tơm kon di. Dăn Yang tơng kah kon kah tus ală bơta kơlôi is la ò rgơi lơh mơ Yang neh dong kon pha rlau. Dăn Yang ai kon in bơta gơn kơnòm mơ nus nhờm kong ơt git kơp gơn Yang. Kon jơh nus hoi dăn tơm Sơn Đăn Yang Jesu Krist. A men.

Ơ ală ông mò oh mi kờn gơ boh, digơlan oh mi ò rgơi bàn bơta dơp git bơta gơlik gơs he di tú jơ do. Digơlan jơh ală broă găm dơp dơr, ò geh tơm gơl. Mơya kah te la Yang ò tu lơi sang lơi di đap bơta pal càng kon sau Yang di. Yang sum bàn mơ kơnô iat bol he, mơ Yang găm lơh broă bơh bol he. Gơn kơnòm té mơ kơp gơn. Gen tus di ngai oh mi sền wơl mơ dơp git la: ală broă gơ lơh be ò tu lơi rgơi lơh, Yang neh lơh sir dô bă krơi is oh mi in mơ să tơm ăn.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.